شينجياڭنان 6 بوكسەرشى 13 – كەزەكتى مەملەكەتتىك سپورت جارىسىنا قاتىناسۋ تولىمدىلىعىن الدى

    13 – كەزەكتى مەملەكەتتىك سپورت جارىسى بيىل قىركۇيەك ايىندا تيانجين قالاسىندا وتكىزىلمەك، ءتىلشىنىڭ شينجياڭ بوكسەر كومانداسىنان ۇعىسۋىنشا، شينجياڭ بوكسەر كومانداسىنان 6 بوكسەرشى 13 – كەزەكتى مەملەكەتتىك سپورت جارىسىنا قاتىناسۋ تولىمدىلىعىن العان.

    6 كۇنگە جالعاسقان 13 – كەزەكتى مەملەكەتتىك سپورت جارىسى ەرلەر بوكسەر جارىسىنىڭ ءبىرىنشى رەتكى تولىمدىلىق جارىسى ــ 2017 – جىلعى مەملەكەتتىك ەرلەر بوكسەر باسەكە جارىسى 10 – ناۋرىز كۇنى گۋاڭدۇڭ ولكەسىنىڭ فوشان قالاسىندا وتكىزىلدى. قاجىرلى قۇلشىنىس ارقىلى شينجياڭ بوكسەر كومانداسىنىڭ 60 كيلوگرامدىق سالماقتاعى بوكس شەبەرى ابدۇريم مامەت پەن 69 كيلوگرام سالماقتاعى بوكس شەبەرى مامەتتۇرسىن چوڭ جەكە – جەكە اعا جۇلدەگەرلىككە قول جەتكىزدى، ابدۇريم مامەت تاعى دا ەڭ ۇزدىك تاكتيكا سيلىعىن يەلەدى. 75 كيلوگرامدىق سالماقتاعى بوكس شەبەرى ايبىن قانات، 90 كيلوگرامدىق سالماقتاعى بوكس شەبەرى زايپوللا مامەت جەكە – جەكە ءوز سالماقتارىندا ۇشىنشىلىككە قول جەتكىزدى. جوعارىداعى 4 بوكسەرشى شينجياڭنىڭ اتىنان 13 – كەزەكتى مەملەكەتتىك سپورت جارىسىنا قاتىناسادى.

    بۇدان سىرت، شينجياڭ بوكسەر كومانداسىنداعى 69 كيلوگرامدىق سالماقتاعى بوكس شەبەرى قايسار تاسمامەت ۇشىنشىلىككە، 75 كيلوگرامدىق سالماقتاعى بوكس شەبەرى توقتاربەك تاڭاتقان ەكىنشىلىككە قول جەتكىزدى. جوعارىداعى ەكى بوكسەرشى تيانجين مەن شينجياڭ ءوندىرىس - قۇرىلىس بيڭتۋانى اتىنان 13 – كەزەكتى مەملەكەتتىك سپورت جارىسىنا قاتىناسادى.

جاۋاپتى رەداكتور:سايراش تۇرارجان قىزى