شىڭگىل اۋدانىندا كوكونىستەردىڭ ەكسپورت جاعدايى جاقساردى

 

    قۇرمانگۇل اسپەن قىزى حابارلايدى. جاقىنعى جىلدارى، مەملەكەتتىڭ «ٴبىر جول، ٴبىر بەلدەۋ» جانە جۇڭگو-موڭعۇليا-رەسەي ەكونوميكالىق كاريدورى ستراتەگياسىنىڭ جالپىلىق ورنالاستىرۋىنا ساي، جۇڭگو مەن موڭعۇليا اراسىنداعى ساۋدا، مادەنيەت سالالارداعى بايلانىس كۇننەن - كۇنگە قويۋلاپ، كوپتەگەن جۇڭگو ونەركاسىپ-كەن كاسىپورىندارى موڭعۇلياعا ىرگە تەبۋدە.

    موڭعۇليا ەلىنىڭ ەگىس شارۋاشىلىق ورەسى تومەندەۋ بولىپ، پارنيكتە كوكونىس ەگۋ تەحنيكاسى كەنجە، كوپتەگەن كوكونىستەردەن قىركۇيەك ايىندا عانا ٴونىم الا الادى. سول سەبەپتى، موڭعۇليا ەلىنىڭ كەن ونەركاسىبى مەن حالقىنىڭ قاجەتسىنۋىنە وراي، كوكونىس باعاسى ۇزدىكسىز قىمباتتاۋ جاعدايى ٴجۇز بەرۋدە.

    شىڭگىل اۋدانىنداعى مىڭشين يمپورت-ەكسپورت ساۋدا سەرىكتەستىگى كوكونىستەردى توپتاپ ەكسپورت ەتەتىن ساۋدا كاسىبورنى بولىپ، بۇل كاسىبورىن شىڭگىل اۋدانىنىڭ ورىن ابزالدىلىعىنان پايدالانىپ، ەكونوميكالىق ونىمدىلىككە يە كوكونىستەر كاسىبىن دامىتىپ، شىڭگىل قالاشىعىنىڭ سىرت جاعىنان 100دەن استام پارنيك، تايكەشكەن وتكەلىنەن 30 دان استام پارنيك سالىپ، كوكونىس ەكسپورت ەتۋ بازاسىن قۇردى. موڭعۇليا ەلىنىڭ كوكونىسكە بولعان قاجەتىن قاناعاتتاندىرۋ ٴۇشىن، 2017-جىلى مامىر ايىنا دەيىن، مىڭشين سەرىكتەستىگى 30 توننا كوكونىستى ەكسپورت ەتەدى. بۇل سەرىكتەستىك موڭعۇلياداعى كەن كاسىبورىندارىمەن سەلبەستىك ورناتۋ ويىندا ەكەن.

جاۋاپتى رەداكتور:نۇرجان مينۋار قىزى