ورتالىق تەلەۆيزياسى 7-ارناسىنىڭ «اۋقاتتانۋ جولىندا» ايدارى شىڭگىل اۋدانىنىڭ قاسقىر باعىمشىلىق الاڭىندا تىلشىلىكتە بولدى

    قۇرمانگۇل اسپەن قىزى حابارلايدى. 4 -ناۋرىزدان 9-ناۋرىزعا دەيىن، ورتالىق تەلەۆيزياسى 7-ارناسىنىڭ «اۋقاتتانۋ جولىندا» ايدارىنىڭ كەسكىنگە الۋ گرۋپپاسىنىڭ اعا ءتىلشىسى، سەناريسى جانە رەجيسسەرى ۋاڭ حاۋ قاتارلىلار شىڭگىل اۋدانىنا كەلىپ، شىڭگىل اۋدانىنداعى فۋجياڭ ەرەكشە باعىمشىلىق كووپەراتيۆىنىڭ جاۋاپتىسى گاۋ ۋيدۇڭعا تىلشىلىك جاساپ، قولدا قاسقىر باعىپ، كاسىپ كوزىن اشۋ جونىندە سۇحبات وتكىزدى.

    باعدارلاما الۋ-جاساۋ گرۋپپاسىنداعىلار گاۋ ۋيدۇڭنىڭ كاسىپ كوزىن اشقاننان باستاپ، بايۋ جولىنا تۇسكەنگە دەيىنگى بارىستارىن تىلگە تيەك ەتىپ، ءبىر اپتا بويى ناق مايداننان كەسكىنگە الۋ جانە تىلشىلىك جاساۋ ارقىلى ونىڭ بايۋ جولىنا تۇسۋدەگى ءار قادامىن كوز الدىعا اكەلىپ، جان-جاقتىلى حابارلادى.

    كەسكىنگە الۋ بارىسىندا، شىڭگىل اۋداندىق ۇكىمەتتىڭ ورىنباسار اكىمى چىڭ جيانشين شىڭگىل اۋدانىنىڭ فۋجياڭ ەرەكشە باعىمشىلىق كووپەراتيۆىنە بولعان سۇيەمەلدەۋ ساياساتتارى مەن گاۋ ۋيدۇڭنىڭ باسقالاردى كەدەيلىكتەن قۇتىلىپ، اۋقاتتانۋ جولىنا باستاعان اڭگىمەلەرىن بايانداپ بەردى.

    شىڭگىل اۋدانىندا جابايى قاسقىر كوپ بولىپ، قولدا باعىلعان قاسقىردىڭ دا جەمىنەن قام جەمەۋگە بولادى، قولدا باعىلعان قاسقىردىڭ بازارى ٴوتىمدى، جاراتاتىن ەكونوميكالىق قۇنى دا جوعارى، فۋجياڭ باعىمشىلىق كاسىپتىك كووپەراتيۆىنىڭ كوشباسشىسى بولعان گاۋ ۋيدۇڭنىڭ دالا قاسقىرىن قولدا باعۋمەن شۇعىلدانعانىنا 10 جىلدان اسقان بولىپ، كوپتەگەن تاجىريبەلەر توپتاپ، قاسقىر باعۋدا جەم مولشەرىنىڭ قانشالىقتى بولۋى تۋراسىندا وزىندىك ولشەم قالىپتاستىرعان، قاسقىردىڭ جەمى، جەتىلدىرۋ قاپاسى سىندى تەحنيكالارى مەملەكەتتىك پاتەنت ۇقىعىن ەنشىلەگەن.

    قازىر، باعىلىپ جاتقان قاسقىردىڭ تۇرلەرىنەن قۇم قاسقىرى، ورمان-توعاي قاسقىرى، قارا قاسقىر، موڭعۇل قاسقىرى بولىپ، 120 قاسقىر بار ەكەن. قاسقىردىڭ بولتىرىگىن، ءتۇرلى ناسىلدەرىن مايعا بەرۋ، ساتۋ جانە قاسقىردان الىنعان ونىمدەردىڭ كەرەكسىزدەرىن مانەرلەپ ساتۋ ارقىلى ءار جىلعى ءونىم قۇنى 2 ميلليون 800 ميلليون يۋان بولعان.

    ورتالىق تەلەۆيزياسى 7-ارناسىنىڭ «اۋقاتتانۋ جولىندا» ايدارىنىڭ كەسكىنگە الۋ گرۋپپاسىنىڭ اعا ءتىلشىسى، سەناريس جانە رەجيسسەرى ۋاڭ حاۋ بىلاي دەدى: «اۋقاتتانۋ جولىندا» ايدارىندا قازىرگى كۇندەگى قوس قولىنا سۇيەنىپ بايۋ جولىنا تۇسكەندەردىڭ اڭگىمەسى ايتىلادى. ءبىز گاۋ ۋيدۇڭعا قاتىستى حابارلاردى كورىپ، كاسىپ جاراتۋ بارىسىن ۇقتىق، باعدارلامانى كەسكىنگە الۋ بارىسىندا، ونىڭ قات-قابات قيىنشىلىقتاردى جەڭە وتىرىپ، ءوزىنىڭ قۇلشىنستارى مەن تاباندىلىعى ارقاسىندا تابىسقا جەتكەنىن بىلدىك. سونىمەن بىرگە، ونىڭ تابىسى جەرگىلىكتى ۇكىمەتتىڭ قولداۋىنان، شابىتتاندىرۋىنان بولە قاراۋعا بولمايتىنىن سەزىندىك، بۇل باعدارلاما تاراتىلعاننا كەيىن، كوپتەگەن ادامداردىڭ اۋقاتتانۋ جولىنا تۇسۋىنە تۇرتكى بولۋىن تىلەيمىن.

جاۋاپتى رەداكتور:نۇرجان مينۋار قىزى