قازاقستان پارلامەنتى «قازاقستان رەسپۋبليكاسىنىڭ اتا زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قابىلدادى

    حالىق تورابىنىڭ 6 – ناۋرىز الماتىدان بەرگەن حابارىنا قاراعاندا، قازاقستان پارلامەنت سەناتى مەن ءماجىلىستىڭ جالپى جيىنىن اشىپ، «قازاقستان رەسپۋبليكاسىنىڭ اتا زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تەكسەردى جانە قابىلدادى.

    قازاقستان پرەزيدەنتى نۇرسۇلتان نازاربايەۆ بىلاي دەدى: اتا زاڭعا وزگەرىس ەنگىزۋ قازاقستان قوعامىنىڭ دەموكراتيالانۋىن ىلگەرىلەتىپ، پارلامەنتتىڭ ورنىن كۇشەيتەدى، ۇكىمەتتىڭ دەربەستىگى مەن جاۋاپكەرشىلىگىن بەكەمدەيدى، زاڭىنىڭ اتقارىلۋى مەن زاڭ ورگاندارىنىڭ قىزمەتىن جاقسارتادى، اتا زاڭىنىڭ باقىلاۋ رولىن كەمەلدەندىرەدى. بۇل جولعى اتا زاڭعا وزگەرىستەر مەن تولىقتىرۋلار ەنگىزۋ جوباسى قازىرگى اتقارىلىپ وتىرعان اتا زاڭىنىڭ 23 تارماعىنا وزگەرىستەر مەن تولىقتىرۋلار ەنگىزگەن.

    ەرەكشە اۋىزعا الا كەتۋگە تاتيتىنى، وسىدان بۇرىن جۇرت قاتتى نازار اۋدارعان قازاقستاننىڭ ەل ورداسى استانا قالاسىن پرەزيدەنت نۇرسۇلتان نازاربايەۆتىڭ اتىمەن اتاۋ وسى جولعى اتا زاڭعا وزگەرىستەر مەن تولىقتىرۋلاردىڭ مازمۇنىنا كىرمەگەن. بۇل استانا قالاسىنىڭ اتىن وزگەرتۋ مۇمكىندىگىنىڭ قازىرشە جوق ەكەندىگىن تۇسىندىرەدى.

جاۋاپتى رەداكتور:سايراش تۇرارجان قىزى