شينجياڭداعى 3 كوللەكتيۆ پەن 2 ادام مەملەكەت بويىنشا لەي فىڭنان ۇيرەنۋدەگى وزات بولىپ باعالاندى

    ورتالىق كوميتەتتىڭ ۇگىت ءبولىمى 3 - توپتا لەي فىڭنان ۇيرەنۋ قيمىلىنداعى مەملەكەتتىك ۇلگى كورسەتۋ تۇيىندەرى مەن قىزمەت ورىندارىنداعى لەي فىڭنان ۇيرەنۋدىڭ مەملەكەتتىك ۇلگىلەرىنە اتاق بەردى

    شينحۋا اگەنتتىگىنىڭ بەيجيڭنەن بەرگەن حابارى. ورتالىق كوميتەتتىڭ ۇگىت ءبولىمى تاياۋدا لەي فىڭنان ۇيرەنۋ قيمىلىنداعى مەملەكەتتىك 50 ۇلگى كورسەتۋ ءتۇيىنى مەن قىزمەت ورىندارىندا لەي فىڭنان ۇيرەنۋدەگى مەملەكەتتىك 50 ۇلگىگە اتاق بەردى، شينجياڭنان 3 كوللەكتيۆ، 2 ادام اتاققا يە بولدى.

    سوڭعى جىلداردان بەرى، جەر - جەر، تاراۋلار باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، سوتسياليستىك وزەكتى قۇن كوزقاراسىن بەلسەنە جەتىلدىرىپ جانە امالياتتا ايگىلەپ، لەي فىڭنان ۇيرەنۋ قيمىلىن كەڭ كولەمدە ورىستەتىپ، قالىڭ كادرلار مەن بۇقارانى ءوز قىزمەتتەرىن تياناق ەتىپ، قىزمەت ورىندارىن ءسۇيىپ، كاسىپتەرىن قادىرلەپ، قوعامعا ۇلەس قوسىپ، لەي فىڭ رۋحىن امالياتتا سانالىلىقپەن ايگىلەۋگە ۇيىمداستىردى. لەي فىڭشىل ءبىرسىپىرا وزات كوللەكتيۆتەر مەن ونەگە - ۇلگىلەر جارىققا شىعىپ، كەڭ كولەمدى ءارى تەرەڭ قوعامدىق ىقپال تۋدىردى. وسى رەت اتاق بەرىلگەن 3 - توپتاعى لەي فىڭنان ۇيرەنۋ قيمىلىنداعى مەملەكەتتىك ۇلگى كورسەتۋ تۇيىندەرى مەن قىزمەت ورىندارىنداعى لەي فىڭنان ۇيرەنۋدىڭ ۇلگىلەرى، ءار كاسىپ، ءار سالادا لەي فىڭ رۋحىنا ونەگەلىلىكپەن مۇراگەرلىك ەتىپ، وزەكتى قۇن كوزقاراسىن باستاماشىلدىقپەن امالياتتا ايگىلەگەندەردىڭ ۇزدىك ۋاكىلدەرى جانە وزات تيپتەرى.

    شينجياڭنان 3 - توپتا «لەي فىڭنان ۇيرەنۋ قيمىلىنداعى مەملەكەتتىك ۇلگى كورسەتۋ تۇيىندەرى» قاتارىنا ەنگەن 3 كوللەكتيۆ مىنالار: اقسۋ ايماعى ءۇشتۇرپان اۋدانى يانشان تاسىمال سەرىكتەستىگى، ءۇرىمجى قالاسى ىرداۋچياۋ حالىق جاساعى روتاسى جانە شينجياڭ ءوندىرىس - قۇرىلىس بيڭتۋانى شىحىزى قالاسى شياڭياڭ ءمالىسى 222 - الەۋمەتتىك اۋماعى. قۇتىبي اۋدانى «التىنقان» ەرىكتى قىزمەت وتەۋ اترەتىنىڭ باستىعى ۋاڭ گۇيجىن (ايەل) مەن شينجياڭ شىحىزى ۋنيۆەرسيتەتى دارىگەرلىك ينستيتۋتىنىڭ دوتسەنتى لي يۋە (ايەل) «قىزمەت ورىندارىنداعى لەي فىڭنان ۇيرەنۋدىڭ مەملەكەتتىك ۇلگىسى» اتاعىنا يە بولدى.

    ورتالىق كوميتەتتىڭ ۇگىت ءبولىمى مىنانى تالاپ ەتتى: 3 - توپتا لەي فىڭنان ۇيرەنۋ قيمىلىنداعى مەملەكەتتىك ۇلگى كورسەتۋ تۇيىندەرى مەن قىزمەت ورىندارىنداعى لەي فىڭنان ۇيرەنۋدىڭ مەملەكەتتىك ۇلگىلەرىنە اتاق بەرۋگە وراي، لەي فىڭنان ۇيرەنۋ قيمىلىنداعى ۇلگى كورسەتۋ تۇيىندەرىنىڭ وزىق تاجىريبەلەرىنەن ۇيرەنىپ جانە ودان پايدالانىپ، لەي فىڭنىڭ ونەگەلى ىزگى ىستەرىن ىشكەرىلەي ۇيرەنىپ، ۇگىتتەپ، وزات تيپتەردىڭ ۇلگىلىك، جەتەكشىلىك رولىن تولىق ساۋلەلەندىرىپ، لەي فىڭنان ۇيرەنۋ قيمىلىن تىڭعىلىقتى، ىشكەرىلەي ورىستەتۋ، قالىڭ كادرلار مەن بۇقارانى جاپپاي دوڭگەلەك داۋلەتتى قوعام قۇرۋ ۇلى امالياتىنا بەلسەنە ات سالىسۋعا باستاپ، لەي فىڭ رۋحىن امالياتتا ايگىلەپ، ۇزدىك ناتيجەگە قول جەتكىزۋدەي اسەرلى جاعدايدى قالىپتاستىرىپ، «قوس 001 جىلدىق» كۇرەس نىساناسىن ورىنداۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا مۇنان دا زور ۇلەس قوسۋ كەرەك.

جاۋاپتى رەداكتور:سايراش تۇرارجان قىزى