شىڭگىل اۋدانى ارال اۋىلى لاستى قىستاعى «ۇلتتار ىنتىماعىنىڭ بەرەكەلى شاڭىراعى» اتىنداعى كوكپار جارىسىن وتكىزدى

    قۇرمانگۇل اسپەن قىزى، بۇيىن يوندىن حابارلايدى. قالىڭ مالشى قاۋىمىنىڭ رۋحاني تۇرمىسىن بايىتۋ ءۇشىن، 15-اقپان، شىڭگىل اۋدانى ارال اۋىلى لاستى قىستاعى «ۇلتتار ىنتماعىنىڭ بەرەكەلى شاڭىراعى» اتىنداعى كوكپار جارىسىن وتكىزىپ، جارىسقا اۋدانداعى ءارقايسى اۋىل -قالاشىقتان كەلگەن 14 كوماندا قاتىناستى.

    ىسقىرىق شالىنىسىمەن، قيان-كەسكى جارىس باستالىپ كەتتى. «قۇنان شىقپاس سەركەنى ات ۇستىندە اسپانعا اتىپ ويناعان» جىگىتتەر كۇش-جىگەر، ءادىس-امالدىڭ ءبارىن ىسكە قوسىپ، ات ونەرلەرىن دە ايگىلەپ ٴوتتى، ەكى كومانداندان جارىسىپ، جەڭىلگەنى قالىپ وتىردى. سوڭىندا، ارال اۋىلىنىڭ لاستى قىستاعى بىرىنشىلىكتى جەڭىپ السا، ارال اۋىلىنىڭ دورگىن قىستاعى ەكىنشىلىكتى، اعاشوبا اۋىلىنىڭ كومانداسى ۇشىنشىلىككە قول جەتكىزدى.

    ۇعىسۋعا قاراعاندا، بۇل رەتكى قيمىل ارال اۋىلىنىڭ «ۇلتتار ىنتماعىنىڭ بەرەكەلى شاڭىراعى» اتىنداعى جەلىلەس قيمىلدارىنىڭ ٴبىرى بولىپ، بۇدان بۇرىن ٴار قىستاقتا وتكىزىلگەن يۋانشياۋ مەرەكەسىن تويلاۋ، ٴمادىر مەرەكەسىن تويلاۋ سىندى قيمىلداردىڭ جالعاسى ەكەن. بۇل قيمىلدار ارقىلى ۇلتتار ارا دوستىق، بايلانىس تەرەڭدەپ، «ۇلتتار ىنتماعىنىڭ بەرەكەلى شاڭىراعىن قۇرۋعا» تاماشا شارت-جاعداي ازىرلەپ بەردى.

جاۋاپتى رەداكتور:نۇرجان مينۋار قىزى