ورتالىق بانكەسىنىڭ مالىمەتىندە كورسەتىلۋىنشە، جاڭادان ارتقان ءۇي قارىزىنىڭ سالىستىرماسى زور دارەجەدە تومەندەگەن

    جۇڭگو حالىق بانكەسى 14 – اقپاندا جاريالاعان «2017 – جىلى قاڭتارداعى فينانس ساناق ساندى مالىمەت بايانداماسىندا» كورسەتىلۋىنشە، قاڭتاردىڭ سوڭىندا حالىق اقشاسى قارىزى 2 تريلليون 30 ميلليارد يۋان ارتقان. نازار اۋدارۋعا تاتيتىنى، ءۇي قارىزىن نەگىز ەتكەن ورتا، ۇزاق مەرزىمدى قارىز 629 ميلليارد 300 ميلليون يۋان ارتىپ، جاڭادان ارتقان قارىزدا ٪31 تىك سالىستىرمانى ۇستاپ، الدىڭعى ايداعىدان 9.55 تومەندەگەن.

    ءۇي قارىزىنىڭ سالىستىرماسى نەلىكتەن كورنەكتى تومەندەدى؟ باسپانا زەرتتەۋ ورنى اقىل - پاراسات قويما ورتالىعىنىڭ باس باقىلاۋشىسى يان يۋەجين تالداۋ جاساپ بىلاي دەدى: وتكەن جىلدىڭ 4 توقسانىنان قاراعاندا، قورا – جايدى رەتتەپ – مەڭگەرۋدىڭ كۇشەيۋىنە ىلەسە ءۇي بازارىنىڭ ساتىلىم مولشەرى تومەندەي باستادى، ساتىلعان ۇيلەردىڭ ازايۋى ساۋدا بانكەلەرى تاراتاتىن قارىزدى ازايتتى.

    جۇڭجين سەرىكتىگى جاريالاعان زەرتتەۋ بايانداماسىندا بىلاي دەلىندى: قاڭتاردا بۇكىل ەلدەگى ساتىلعان ۇيلەردىڭ كولەمى وتكەن جىلدىڭ ۇقساس مەزگىلىندەگىدەن ٪10.3 ازايدى، قارجى جيىنتىق مولشەرى ٪24.7 ازايدى. مەجەمەن الداعى 3 ايدا ءۇي بازارىنىڭ ساتىلىم قارقىنى باياۋ بولماق.

    جۇڭيۋان قورا – جاي سەرىكتىگىنىڭ اعا تالداۋشىسى جاڭ داۋەي بىلاي دەيدى: بازارى گۇلدەنگەن قالالاردا ساتىپ الۋعا، قارىز الۋعا شەك قويىلعان سوڭ ءۇي قارىزىن الۋ ءوتىنىشى قيىندادى، ءۇي قارىزىن ازايتۋ، كوبەيتپەۋ سىندى باقىلاپ – باسقارۋ باعىتى نەگىزىنەن تۇراقتاندى، قارىز باسقارۋ ونىمدىلىگى كۇن سايىن كورنەكتىلەندى، بۇل دا ــ ءۇي قارىزى سالىستىرماسىنىڭ تومەندەۋىندەگى ماڭىزدى سەبەپ.

    جۇڭجين سەرىكتىگى زەرتتەۋ جۇرگىزگەن سوڭ بىلاي دەدى: قازىر جۇڭگونىڭ تۇرعىن ءۇي قارىز اقشاسىنىڭ ىركىندى مولشەرى جىلىنا ٪31 ارتىپ وتىر، بۇل ادامدى الاڭداتادى.

    وسى رەتكى جەرگىلىكتى ساۋدا بانكەلەرىنىڭ تۇرعىن ءۇي قارىزىن ازايتۋ شاراسى تۇرعىن ءۇي بازارىنداعى «اقشا قاينارىن» تىكەلەي ازايتتى، قورا – جاي بازارىنداعى كوبىكتەنۋ قۇبىلىسىن ءونىمدى تەجەدى، ءۇيدى ساۋدالاپ پايدا تابۋ جايتتەرىن دە ازايتتى.

جاۋاپتى رەداكتور:سايراش تۇرارجان قىزى