سەنىمدىلىك جانە كەپىلدىك بار بولدى، قارىز الۋ قيىنعا سوقپايتىن بولدى

    اۋىل – قىستاقتاعى كوتەرمەگە بەرىلگەن جەردىڭ تيجارات ۇقىعىن كەپىلگە قويىپ قارىز الۋدىڭ تۇيىندە سىناق ەتىلگەنىنە ءبىر جىل بولدى، وسى جونىنەن ءتىلشى جىجياڭدا تەكسەرۋ جۇرگىزدى

    اۋىل – قىستاقتاعى كوتەرمەگە بەرىلگەن جەردىڭ تيجارات ۇقىعى كوتەرمەگە الىپ تيجارات جۇرگىزۋ ۇقىعىنان ءبولىنىپ شىققان سوڭ، ەگىنشىلەردىڭ تۇرعىن ءۇي مال – مۇلىك ۇقىعى سياقتى ەگىنشلەردىڭ كەپىلگە قويىپ قارىز الۋىنداعى جاڭا ادىسكە اينالدى. 2016 – جىلى جەلتوقساننىڭ سوڭىندا «ەكى ءتۇرلى ۇقىقتى» كەپىلگە قويىپ قارىز الۋدا ءتۇيىن ەتىلگەن رايونداردىڭ زاڭدىق ۇقىققا يە بولعانىنا ءبىر جىل تولدى، جاعداي قالاي بولىپ وتىر؟ ءتىلشى جۇڭگو حالىق بانكەسىنىڭ قىزمەتكەرلەرىمەن بىرگە جىجياڭعا بارىپ تەكسەرۋ جۇرگىزدى.

    لۋ جيانميڭ __ جىجياڭ ولكەسى جياشيڭ قالاسى حاييان اۋدانى چيڭليانسى قىستاعىنىڭ ادامى، 20 جىلدان بەرى باعىمشىلىقپەن شۇعىلدانىپ كەلسە دە ماندىمدى اقشا تابا الماعان، 2013 – جىلعا كەلگەندە بىرنەشە ءجۇز مۋ جەردى اينالىمعا سالىپ، حاييان اۋدانى بايحىمەي شارۋالار ەگىس الاڭىن قۇرعان سوڭ عانا بىرتىندەپ بايۋ جولىنا تۇسەدى. ول بىلاي دەيدى: «2016 – جىلدىڭ سوڭىنا كەلگەندە ەگىس الاڭىمىز 500 مۋدان استام جەردى اينالىمعا سالدى، وندا ءجۇزىم، شاپتول، قاۋىن ەگىلۋدەن تىس، 200 نەشە تۇياق حۋياڭ قويى، تاۋىق سياقتىلار باعىلدى، جىلدىق ساپ پايدا مەجەمەن ءبىر ميلليون يۋاننان اسادى».

    جەردى اينالىمعا سالۋ باستاما عانا، اۋىل شارۋاشىلىعىنىڭ الدىڭعى مەرزىمىندە ۇسىنىلىم مول، ءونىم باياۋ، قارجى قايتۋ پەريودى ۇزاق بولۋ سياقتى ەرەكشەلىكتەر بار، جىلىجاي سالۋعا جۇمسالاتىن قۇرىلعىنىڭ وزىنە بىرنەشە ءجۇز مىڭ يۋان جۇمسالادى، ونشالىق كوپ اقشا بولماسا قايتۋ كەرەك؟

    لۋ جيانميڭ بىلاي دەدى: «تالەيىمىزگە ابزال ساياسات شىعارىلدى، قازىر قارىز الۋىما بولادى، حاييان اۋىل – قىستاق امانات – قارىز كووپەراتيۆى جەر تيجارات ۇقىعىنا جانە ماياقى ناقتى شىعىسىنىڭ قالعان ۋاقىت شەگى، اينالىمعا سالۋ اقىسى، زات اقشاسىن تولەۋ، مەجەلى كىرىس سياقتىلارعا قاراي ۇيلەسىمدى باعالاۋ جۇرگىزدى، جاقىندا ءبىر ميلليون 800 مىڭ يۋان اۋىل شارۋاشىلىعىنا دەم بەرۋ تۇرىندەگى جەر تيجارات ۇقىعىن كەپىلگە قويۋ قارىزىن بەردى، بۇعان كەپىلدىكپەن الىنعان ءبىر ميلليون 800 مىڭ يۋاندى، سەنىمدىلىك بويىنشا الىنعان 200 مىڭ يۋاندى قوسقاندا، ەگىس الاڭىنا قاجەتتى قارجى ماسەلەسى تەز شەشىلدى».

    جۇڭگو حالىق بانكەسى حاييان اۋداندىق تارماق بانكەسىنىڭ باستىعى جاڭ شيڭچۋان بىلاي دەدى: بۇل اۋدان «ۇقىقتى تۇراقتاندىرۋ – اينالىمعا سالۋ – كەپىلگە قويۋ» جولىمەن جەردى كوتەرمەگە الىپ تيجارات جۇرگىزۋ ۇقىق كۋالىگىن، جەردى اينالىمعا سالىپ تيجارات جۇرگىزۋ ۇقىق كۋالىگىن جانە كەپىلگە الۋ ۇقىق كۋالىگىن تاراتىپ، سوعان ساي جەردى كوتەرمەگە الۋ، تيجارات ۇقىعىن اينالىمعا سالۋ، كەپىلدىك سياقتى ۇقىقتار بەرىپ، جەردى كوتەرمەگە العان ەگىنشى، اينالىمعا سالىپ تيجارات جۇرگىزۋشى، فينانس قۇرىلىمى سياقتى بازار تۇلعالارىنىڭ مال – مۇلىك ۇقىعى مەن پايدا ۇقىعىنان بىردەي يگىلىكتەنۋىنە مۇمكىندىك جاراتتى. قازىر 71 مىڭ 15 وتباسىنىڭ 325 مىڭ 500 مۋ جەرىنە جەردى كوتەرمەگە الۋ ۇقىعىن تۇراقتاندىرۋ نەگىزىندە كۋالىك تاراتىلدى، مىندەت ٪100 ورىندالدى. سونىمەن بىرگە، اۋىل – قىستاق جەرى تيجارات ۇقىعىن كەپىلگە قويۋ ارقىلى قارىز بەرۋ ناتيجەسىندە ءبىرشاما زور كولەمدەگى جەر اينالىمعا ءتۇسىپ، ساۋدا ايتارلىقتاي جەبەلدى. قازىرگە دەيىن اۋدان بويىنشا اۋىل – قىستاق جەرىن كەپىلگە قويۋ ارقىلى 105 ميلليون يۋاننان استام قارىز تاراتىلدى، تاراتىلعان قارىز اقشانىڭ جيىنتىعى 345 ميلليون يۋان بولدى.

جاۋاپتى رەداكتور:سايراش تۇرارجان قىزى