ەلىمىز قالاشىق، اۋىل شارۋاشىلىعى، ەكولوگيا سىندى 3 ۇلكەن كەڭىستىك جەرىن جونگە سالماق

    ەگىستىك جەردى قورعاۋدى جانە جەردى ۇنەمشىلدىكپەن شوعىرلى پايدالانۋدى جەبەپ، قالا مەن اۋىلدىڭ ءبىر تۇتاس دامۋىن ىلگەرىلەتۋ ءۇشىن، ەلىمىز «13 – بەس جىلدىق» كەزىندە قالاشىق، اۋىل شارۋاشىلىعى، ەكولوگيا كەڭىستىكتەرىنە قاراتا تۇرلىشە وڭىرلىك سيپاتقا يە وڭاۋ شاراسىن اتقارىپ، قالا، اۋىلداردىڭ ءوندىرىس، تۇرمىس ورتاسىن جاقسارتادى.

    مەملەكەتتىك كەڭەس بەكىتۋ سالىپ اتقارعان «جەردى وڭاۋدىڭ مەملەكەتتىك جوسپارىنا (2016 – جىلدان 2020 – جىلعا دەيىن) ساي ەلىمىز «13 – بەس جىلدىق» مەزگىلىندە تۇرلىشە وڭىرلىك سيپاتقا يە وڭاۋ شاراسىن اتقارادى. قالاشىق كەڭىستىگىندەگى جەرگە قاراتا قالانى تۇلعالىق اشۋ جانە باسقارۋ جوسپارىنا ەنگىزىپ، ورتالىق قالا ءوڭىرىن تۇلعالىق جاقتان جوسپارلاپ جانە جونگە سالىپ، قالا ىشىندەگى قىستاقتاردى جاڭالاپ اشۋدى كۇشەيتىپ، جاڭاشا ۇلگىدەگى تۇرعىندار رايونىن سالۋعا شابىت بەرەدى؛ قالا، اۋىل توعىسقان بولەكتەگى جەردى وڭاۋ قيمىلىن ورىستەتىپ، جەردەن پايدالانۋ قۇرىلىمىن جاقسارتدى، نەگىزدىك قۇرىلعى قۇرىلىسىن كۇشەيتەدى، قونىس ورتاسىن جاقسارتادى، قالامەن كىرىگۋدى جەبەيدى. اۋىل شارۋاشىلىق كەڭىستىگىندەگى جەرگە قاراتا ءوندىرىس، تۇرمىسقا قولايلى بولۋ پرينسيبى بويىنشا، اۋىل شارۋاشىلىعىنىڭ وسىزاماندانۋىن جەبەۋدى نىسانا ەتىپ، اۋىل شارۋاشىلىعىنا پايدالانىلاتىن جەردى جونگە سالۋدى زور كۇشپەن ىلگەرىلەتەدى؛ جاڭاشا اۋىل – قىستاق قۇرىلىسىنىڭ تالابى بويىنشا اۋىل – قىستاق جوسپارىن جاقسى جاساپ، ەگىنشىلەردىڭ تۇرعىن ءۇيدى سالىستىرمالى شوعىرلى سالۋىنا ۇيلەسىمدى باستاماشىلىق ەتىپ، تابيعي قىستاقتاردى لايىقتى بىرىكتىرۋدى جەبەيدى، كونە قورجالاردى جونگە سالىپ، ورنىنان تىڭ اشىپ، جەردىڭ پايدالانۋ ونىمدىلىگىن جوعارىلاتادى. ەكولوگيالىق كەڭىستىك كولەمىندە جەردى جونگە سالۋ قيمىلىندا جەر ەكولوگياسىن قالپىنا كەلتىرۋگە جانە قۇرىلىستاندىرۋعا دەن قويىلىپ، زاڭ بويىنشا بەلگىلەنگەن ەكولوگيانى قورعاۋدىڭ قىزىل سىزىعى كولەمىندەگى جەرگە قاراتا قاتاڭ قورعاۋ شاراسى اتقارىلىپ، ەكولوگيالىق يقۋاتتىڭ تومەندەمەۋىنە، كولەمىنىڭ ازايماۋىنا، سيپاتىنىڭ وزگەرمەۋىنە كەپىلدىك ەتىلەدى؛ ەكولوگياسى قاتتى توزعان وڭىرلەرگە قاراتا تابيعي قالپىنا كەلتىرۋدى نەگىز ەتۋ پرينسيبى بويىنشا جەردى جونگە سالۋ جانە قورعاۋ ينجەنەرياسى اتقارىلىپ، توزعان جەردىڭ ەكولوگيالىق جۇيەسىنىڭ تابيعي قالپىنا كەلۋ قۋاتى جوعارىلاتىلىپ، جەر ەكولوگياسىنىڭ ناشارلاۋ اۋقىمى تەجەلەدى.

جاۋاپتى رەداكتور:سايراش تۇرارجان قىزى