ءۇندىستان ءبىر راكەتامەن 104 جەر سەرىگىن ۇشىرىپ، دۇنيە جۇزىلىك رەكورد جاراتتى

    15 – اقپاندا ءۇندىستان PSLV-C37 تاسىمال راكەتاسىنان پايدالانىپ «ءبىر راكەتامەن 104 جەر سەرىگىن ۇشىرۋ» جوسپارىن ءساتتى ىسكە اسىرىپ، رەسەي 2014 – جىلى جاراتقان «ءبىر راكەتامەن 37 جەر سەرىگىن ۇشىرۋ» سىندى دۇنيە جۇزىلىك رەكوردتى جاڭالادى. عارىش مامانى، «حالىقارالىق عارىش» جۋرنال مەكەمەسىنىڭ اتقارۋشى باس رەداكتورى پاڭ جىحاۋ «عىلىم – تەحنيكا گازەتىنىڭ» تىلشىسىنە بىلاي دەدى: ءبىر رەتتە مۇنشاما كوپ جەر سەرىگىن ۇشىرۋدىڭ بەلگىلى تەحنيكالىق قيىندىعى بار، دەسە دە قولدانىلعان راكەتانىڭ كۇنمەن قادامداس وربيتاداعى تاسىمال قۋاتى 1.5 توننا عانا، بۇل جاعىندا ىلگەرىلەۋشىلىك بولعان جوق.

    ۇعىسۋعا قاراعاندا، وسى رەت ۇشىرىلعان 104 جەر سەرىگىنىڭ ىشىندە سالماعى 730 كيلوگرام كەلەتىن ءۇندىستاننىڭ «Cartosat-2» اتتى سەرىگى نەگىزگى سەرىك بولعان، ودان تىس سالماعى 19 كيلوگرام كەلەتىن 2 ميكرو جەر سەرىگى، سالماعى 10 كيلوگرامعا تولمايتىن 101 نامي جەر سەرىگى بار. نامي جەر سەرىگىنىڭ ىشىندە ا ق ش جۇلدىزدار ساپارى تاجىريبەحاناسى شەكتى سەرىكتىگىنىڭ 88 تال «كوگارشىن توبى» جەر سەرىگى بار، ءارقايسىسىنىڭ سالماعى 5 كيلوگرام اينالاسىندا، بۇلار جەر شارىن باقىلاپ – ولشەۋگە پايدالانىلادى. بۇل وربيتادا اينالىس جاسايتىن جەلىلەس جەر سەرىكتەرىمەن گرۋپپا قۇرىپ جەر شارىن باقىلاپ – ولشەيدى، تۇنىقتىعى 4 مەتر ىشىندە. بۇدان تىس وسى رەتتە ەلىمىزدىڭ كۇن اسپابىن زەرتتەۋ اكادەمياسى، جۇڭگو عىلىم اكادەمياسىنىڭ بارىس ينجەنەرياسىن زەرتتەۋ ورنى، مەحانيكا زەرتتەۋ ورنى جانە يزرايلدىڭ كەڭىستىك ءدارى – دارمەك سەرىكتىگى بىرلەسىپ زەرتتەپ جاساعان Dido-2 تاجىريبە جاساندى سەرىگى قوسا ۇشىرىلدى، ەلىمىز وسى جەر سەرىگىمەن عارىشتا تۇڭعىش رەت حيميا ونەركاسىبى سالاسىنداعى عىلمي تاجىريبەنى جۇرگىزبەك.

جاۋاپتى رەداكتور:سايراش تۇرارجان قىزى