اۆتونوميالى رايوننىڭ لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىسى حوتاندا ءوتتى

    16 - اقپان تۇستەن بۇرىن، «ايباتتى سەس، كەزەۋلى قارۋ» اتتى اۆتونوميالى رايوننىڭ لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىسى حوتاندا وتكىزىلدى. جينالىس قالىڭ قوعام حاۋىپسىزدىگى كادر - ساقشىلارىن، قارۋلى ساقشى كوماندير - جاۋىنگەرلەرىن جانە ءار جاقتاعى ورنىقتىلىقتى قورعاۋ كۇشتەرىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، ءار ۇلت بۇقاراسىنىڭ تىنىش تىرشىلىگىن بۇلدىرگەن «ءۇش ءتۇرلى كۇشتى» تاس - تالقان ەتىپ، اياۋسىز سوققى بەرىپ، شينجياڭنىڭ تىنىش، ىنتىماقتى، جاراسىمدى، ورنىقتى جاعدايىن باتىل قورعاۋعا ىشكەرىلەي اتتانىسقا كەلتىردى.

    تۇستەن بۇرىن ساعات 10نان 50مينۋت وتكەندە، سەرت بەرۋ جينالىسى حوتان قالاسىنىڭ ىنتىماق الاڭىندا ءوتتى. قوعام حاۋىپسىزدىگى كادر - ساقشىلارى، قارۋلى ساقشى كوماندير - جاۋىنگەرلەرى قاتارلى ءار جاقتاعى ورنىقتىلىقتى قورعاۋ كۇشتەرى ساپقا تۇرىپ، بۇيرىق كۇتىپ تۇردى. مىڭداعان ورنىقتىلىقتى قورعاۋ كۇشتەرى ساپقا تۇرىپ، مىلتىقتارىن سەرت ۇستاپ، وزىق جابدىقتارىن اسىنىپ، ايباتتى بەينەمەن قاسقايىپ تۇردى، جۇزدەرىنەن ادالدىق پەن قايسارلىقتىڭ بەينەسى مەن مۇندالايدى.

    «ءبىز، ءسوزجوق، نولدىك توزىمدىلىكپەن، تەمىردەي تەگەۋرىنمەن، زورلىقتى كۇش، لاڭكەستىك ارەكەتتەرىنە سىلەيتە سوققى بەرىپ، جاۋدىڭ ساعىن سىندىرىپ، اپتىعىن باسىپ، ايبارىمىزدى اسىرىپ، قوعامنىڭ ادىلەتتىلىگىن اسقاقتاتىپ، حالىقتىڭ اماندىعىن قورعاۋىمىز كەرەك! كوپشىلىك، بۇعان سەنىم بار ما؟». «بار! بار! بار! پارتيانىڭ قولباسشىلىعىنا باعىنىپ، جەڭىستى سوعىستار جۇرگىزىپ، تاڭداۋلى ستيل ۇستانامىز!». ورنىقتىلىقتى قورعاۋ كۇشتەرىنىڭ سەرت بەرگەن ۇندەرى اسپان اياسىن جاڭعىرتتى.

    بۇگىن ولار ايباتتى بەينەمەن قاسقايىپ تۇرىپ، زورلىقتى كۇش، لاڭكەستەرگە سوعىس جاريالادى، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە الدىڭعى شەپكە بارىپ، اتويشى بولىپ، تاڭداۋلى قوسىن تاربيەلەپ، ىستىق قاندارى جانە ادالدىقتارىمەن شەكارانىڭ حاۋىپسىزدىگىن قورعاۋعا، ءار ۇلت بۇقاراسىنىڭ باقىتتى تۇرمىسىن قورعاۋعا بەل بايلادى.

    ىلە - شالا ورنىقتىلىقتى قورعاۋ كۇشتەرى اۆتوكولىكپەن جولعا شىعىپ، مىندەت وتەۋ ورىندارىنا بارىپ، قارۋلى شارلاۋ جۇرگىزدى. ساۋىتتى اۆتوموبيلدەر، وق وتپەيتىن اسكەري اۆتوموبيلدەر، شابۋىلداۋشى اۆتوموبيلدەر حوتان قالاسىنىڭ نەگىزگى كوشەلەرى مەن ءتۇيىندى وڭىرلەرىن شارلادى. وسىنىڭ ءبارى ورنىقتىلىقتى قورعاۋ كۇشتەرىنىڭ ۇزدىكسىز زورايىپ، تولىسىپ، قوعام ورنىقتىلىعى مەن باياندى تىنىشتىق باس نىساناسىن دايەكتى تياناقتاندىرىپ، ءار ۇلت حالقىنىڭ ءومىرىنىڭ حاۋىپسىزدىگىن قورعاۋداعى بەرىك بەكىمى مەن سەنىمىن ايگىلەدى.

جاۋاپتى رەداكتور:سايراش تۇرارجان قىزى