«ايباتتى سەس، كەزەۋلى قارۋ»

اۆتونوميالى رايوننىڭ لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىسى حوتاندا وتكىزىلدى

    16 - اقپان ءتۇستىڭ الدىندا، «ايباتتى سەس، كەزەۋلى قارۋ» اتتى اۆتونوميالى رايوننىڭ لاڭكەستىككە قارسى تۇرىپ، ورنىقتىلىقتى قورعاۋ بويىنشا سەرت بەرۋ جينالىسى حوتاندا وتكىزىلدى. جينالىس قالىڭ قوعام حاۋىپسىزدىگى كادر - ساقشىلارىن، قارۋلى ساقشى كوماندير - جاۋىنگەرلەرىن جانە ءار جاقتاعى ورنىقتىلىقتى قورعاۋ كۇشتەرىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، ءار ۇلت بۇقاراسىنىڭ تىنىش تىرشىلىگىن بۇلدىرگەن «ءۇش ءتۇرلى كۇشتى» تاس - تالقان ەتىپ، اياۋسىز سوققى بەرىپ، شينجياڭنىڭ تىنىش، ىنتىماقتى، جاراسىمدى، ورنىقتى جاعدايىن باتىل قورعاۋعا ىشكەرىلەي اتتانىسقا كەلتىردى.

    اۆتونوميالى رايوندىق پارتكومنىڭ ورىنباسار شۋجيى، ساياسي - زاڭ كوميتەتىنىڭ شۋجيى جۋ حايلۇن سەرت بەرۋ جينالىسىنا قاتىناستى ءارى ءسوز سويلەدى.

    حوتان قالاسىنىڭ ىنتىماق الاڭىندا، موتوتسيكلدى اتويشىلدار اترەتى ساقاداي ساي تۇر، قوعام حاۋىپسىزدىگى كادر - ساقشىلارى جانە قارۋلى ساقشى كوماندير - جاۋىنگەرلەرى سياقتى ورنىقتىلىقتى قورعاۋ كۇشتەرىنىڭ مىڭداعان جاۋىنگەرى قارۋىن سەرت ۇستاپ ايبات تانىتادى، بۇيرىق كۇتكەن اسكەري اۆتوموبيلدەر، ساۋىتتى اۆتوموبيلدەر جورىققا دايىن تۇر. «پارتيانىڭ قولباسشىلىعىنا بويسۇنىپ، سوعىستا جەڭىسكە جەتىپ، تاڭداۋلى ءداستۇردى ۇستانامىز!». ورنىقتىلىقتى قورعاۋ كۇشتەرى بىركەلكى داۋىسپەن اسقاق ۇران شاقىردى. كەمەلدى جابدىق، رەتتى ساپ، اسقاق سەرت ورنىقتىلىقتى قورعاۋ كۇشتەرىنىڭ قوعام ورنىقتىلىعى مەن باياندى تىنىشتىق باس نىساناسىن باتىل دايەكتى تياناقتاندىرىپ، ءار ۇلت حالقىنىڭ ءومىرىنىڭ حاۋىپسىزدىگىن باتىل قورعاۋداعى بەرىك بەكىمى مەن سەنىمىن ايگىلەدى.

    جۋ حايلۇن بىلاي دەپ اتاپ كورسەتتى: شينجياڭ ءالى دە «ءۇش مەزگىل قاباتتاسقان» ەرەكشە تاريحي كەزەڭدە تۇر، اۆتونوميالى رايوندىق پارتكوم اۋقىمعا قاراپ، جان - جاقتى ورنالاستىرۋ جاساپ، لاڭكەستىككە قارسى تۇرىپ، ورنىقتىلىقتى قورعاۋدىڭ ۇستىنەن وڭاۋ مەن تۇبىرىنەن وڭاۋدى ۇشتاستىرۋ، جان - جاقتى ءتاسىل قولدانۋ سىندى كەشەندى شارالارىن ىركەس - تىركەس شىعارىپ، جاۋدىڭ اپتىعىن باسىپ، «ءۇش ءتۇرلى كۇشتىڭ» تىرشىلىك ءورىسىن تارايتتى. تاياۋدا زورلىقتى كۇش، لاڭكەستەر قاتاڭ سوققى بەرىپ، قاتاڭ ساقتانۋدى ۇزدىكسىز جالعاستىرىپ، تەگەۋرىندى سەس كورسەتىپ وتىرعان جاعدايدا بارار جەر، باسار تاۋى قالماي، كوزى قارايعان تام سۇزەدىنىڭ كەبىن كيىپ، ءار ۇلت حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە اۋىر زيان جەتكىزىپ، وزدەرىنىڭ اسقان جاۋىز، قۇتىرىنعان، ادامگەرشىلىكتەن شىققان سۇرقيا كەيپىن جانە ادامزاتقا، قوعامعا، وركەنيەتكە قارسى قانقۇيلى قاسيەتىن تاعى ايپارا ەتتى. ءبىز بولاتتاي ەرىك، تەمىردەي تەگەۋرىن، قاتاڭ جاۋاپكەرشىلىكپەن، مىلتىقتىڭ تاڭدايىنا وق سالىپ، قانجارىمىزدى قايراپ، ءولىم الدىندا جانتالاسقان جاۋلاردى ەش اياۋسىز قاھارلى شابۋىل ارقىلى قيراتىپ، جاۋدىڭ سارقىنشاقتارىن جويىپ، ايبىندى سەسىمىزدى ايگىلەپ، ادىلدىكتى كورسەتىپ، تىنىشتىققا كەپىلدىك ەتۋىمىز كەرەك.

    جۋ حايلۇن بىلاي دەپ باسا دارىپتەدى: ءار جاقتاعى ورنىقتىلىقتى قورعاۋ كۇشتەرى ءتۇبىرلى ماقساتتى ەستەن شىعارماي، پارتيانىڭ قولباسشىلىعىنا بويسۇنىپ، حالىقتى ءسۇيىپ، جاۋعا سوققى بەرىپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە الدىڭعى شەپكە بارىپ، اتويشى بولىپ، حالىق قورعاۋشىلارىنىڭ اسقاق سەرتىن ىستىق قاندارىمەن، ادالدىقتارىمەن ورىنداۋى كەرەك. بارىنشا ساق بولىپ، تىعىز سەلبەسىپ، ءونىمدى تۇردە قولباسشىلىق ەتىپ، دەرەۋ ءبىر جاقتى ەتىپ، كوز ىلەستىرمەي سوققى بەرىپ، توپتارعا سوققى بەرىپ، قاشىپ جۇرگەن قىلمىستىلاردى وكشەلەي قۋالاپ، پەردە ارتىنداعىلاردى تارتىپ شىعارىپ، ءتۇپ تامىرىن قازىپ، وشەسكەندەردى الاستاپ، اپاندى تالقانداپ، باستان - اياق وكشەلەي سوققى بەرىپ، تۇقىرتا سوعىپ، تامىرىمەن قوپارا سوعىپ، زورلىقتى كۇش، لاڭكەستەرگە استە تىنىستاۋ ورايىن بەرمەۋ، باتىل تۇردە تۇگىن قالدىرماي، ءۇزىلدى - كەسىلدى سوققى بەرىپ، تامىرىمەن الاستاپ، زارداپ قالدىرماي، شىن سوعىس جاتتىعۋى جانە ورنىقتىلىقتى قورعاۋ ناتيجەلەرى ارقىلى ءار ۇلت بۇقاراسىنىڭ حاۋىپسىزدىك سەزىمىن كۇشەيتۋ كەرەك. باتىل ارەكەت قولدانىپ، باتىل اتوي سالىپ، قۇربان بولۋدان تايىنباي، ساياسيدا، كاسىپتە ىسىلعان، جاۋاپكەرشىلىگى كۇشتى، ءتارتىبى قاتاڭ، ستيلى جاقسى بولۋداي قاھارماندىق قاسيەت ارقىلى، ايبىندى قوسىننىڭ، قۇرىش قوسىننىڭ، ادىلەتتى قوسىننىڭ ەرلىك جىرىن جازۋ كەرەك.

    جۋ حايلۇن بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعى مەن پارمەندى باسشىلىعى، اۆتونوميالى رايوندىق پارتكومنىڭ دۇرىس شەشىم - ورنالاستىرۋى، بۇكىل شينجياڭداعى 23 ميلليون ءار ۇلت حالقى سىندى پارمەندى تىرەك، حالىق دەموكراتياسى ديكتاتۋراسىنىڭ تەمىردەي تەگەۋرىنى تۇرعاندا، ءبىز، ءسوز جوق، حالىق بۇقاراسىمەن جاۋلاسۋعا باتىلى بارعان بارلىق زورلىقتى كۇش، لاڭكەستەرگە ەش وراي، شىعار جول قالدىرمايمىز، حوتاننىڭ قوعام ورنىقتىلىعىن قورعاۋ شايقاسىن جان قيارلىقپەن باتىل جەڭىستى تۇردە جۇرگىزىپ، شينجياڭنىڭ لاڭكەستىككە قارسى تۇرۋ، ورنىقتىلىقتى قورعاۋ كۇرەسىنىڭ جەڭىسىنە قول جەتكىزە الامىز.

    ىلە - شالا ءار جاقتاعى ورنىقتىلىقتى قورعاۋ كۇشتەرى اۆتوموبيلگە وتىرىپ، مىندەت وتەۋ ورىندارىنا بارىپ، قارۋلى شارلاۋ جۇرگىزدى. قارۋلى ساقشى كوماندير - جاۋىنگەرلەرى جانە قوعام حاۋىپسىزدىگى ەرەكشە ساقشىلارى سياقتى ورنىقتىلىقتى قورعاۋ كۇشتەرى حوتان قالاسىنىڭ نەگىزگى كوشەلەرى مەن ءتۇيىندى ورىندارىندا قارۋلى شارلاۋ جۇرگىزىپ، وتاننىڭ تۇتاستىعىن، شەكارا رايوننىڭ ورنىقتىلىعىن قورعاۋ پارمەندى بەكىمى مەن قۇدىرەتتى قۋاتىن كورسەتتى.

    شينجياڭ اسكەري رايونىنىڭ، قارۋلى ساقشى شينجياڭ باس اترەتىنىڭ باسشىلارى لي فا - ي، گۋان يانمي جينالىسقا قاتىناستى. حوتان ايماقتىق پارتكومنىڭ شۋجيى نيۋ شۋەشيڭ جينالىستى باسقاردى.

    اۆتونوميالى رايوننىڭ، شينجياڭ اسكەري رايونىنىڭ، قارۋلى ساقشى شينجياڭ باس اترەتىنىڭ قاتىستى تاراۋلارىنىڭ باسشىلارى، حوتان ايماعىنىڭ، سونداي - اق شينجياڭ ءوندىرىس - قۇرىلىس بيڭتۋانى 14 - ديۆيزياسىنىڭ قاتىستى باسشىلارى جينالىسقا قاتىناستى.

جاۋاپتى رەداكتور:سايراش تۇرارجان قىزى