تەلەگراف الدامشىلىعىنان كەيىن ەسەپ ءنومىرى مۇزداتىلعان اۆتونوميالى رايونىمىزداعى تۇڭعىش دەلوداعى اقشا قايتارىلىپ الىندى

    قۇمىل قالاسىنىڭ تۇرعىندارى گو xx پەن ليۋ xx 2015 - جىلى تەلەگراف الدامشىلارىنىڭ قىلتاعىنا ءتۇسىپ، 180 مىڭ يۋاننان استام اقشاسىنان ايرىلىپ قالادى. جۋىقتا ولار قوعام حاۋىپسىزدىگى مەكەمەسىنە بارىپ، وسى اقشالارىن تاپسىرىپ الدى. بۇل جۇڭگو بانكە باقىلاۋ كوميتەتى مەن قوعام حاۋىپسىزدىگى مينيسترلىگى 2016 - جىلى 18 - قىركۇيەكتە جاريالاعان «تەلەگراف پەن توراپتاعى جاڭاشا قىلمىستى ىستەر دەلوسى بويىنشا مۇزداتىلعان اقشانى قايتارىپ الۋ جونىندەگى بەلگىلەمەلەردى باسىپ تاراتۋ تۋرالى حابارلاندىرۋدان» كەيىن، اۆتونوميالى رايوندا تۋىلعان تەلەگراف، توراپ الدامشىلىعى دەلولارىنداعى زياندالۋشىلاردىڭ اقشاسىن قايتارىپ اكەلگەن تۇڭعىش دەلو ەسەپتەلەدى.

    قۇمىل قالالىق قوعام حاۋىپسىزدىگى مەكەمەسىنىڭ يجوۋ رايوندىق بولىمشەسى 2015 - جىلى 2 - شىلدە ءمالىم اۆتوموبيل ساتۋ شەكتى جاۋاپكەرلىك سەرىكتەستىگىنىڭ بۇعالتىرى گو xxتىڭ كوكەكتە بىرەۋگە 184 مىڭ يۋانعا الدانىپ قالعاندىعى جونىندەگى دەلو مالىمەتىن تاپسىرىپ العاننان كەيىن، گو xx اقشا جولداعان ادامنىڭ بانكە ەسەپ ءنومىرىن تەكسەرىپ انىقتاپ مۇزداتادى، ءبىراق بانكە ەسەپ يەسى دەلوعا قاتىستى قىلمىس كۇماندىسى بولماعاندىقتان، تەكسەرۋ قىزمەتى قيىنعا تۇسەدى. بۇل اۆتونوميالى رايونداعى تەلەگراف الدامشىلىق دەلوسى تۋىلعاننان كەيىن تۇڭعىش ەسەپ ءنومىرىن مۇزداتقان دەلو بولعاندىقتان، قوعام حاۋىپسىزدىگى ورگاندارى قاتىستى تاراۋلارمەن حابارلاسىپ، 2016 - جىلى 14 - قاراشادا مۇزداتىلعان اقشانى زياندالۋشىنىڭ ەسەبىنە ءساتتى قايتارادى.

جاۋاپتى رەداكتور:سايراش تۇرارجان قىزى