بۋىرشىن اۋدانىنىڭ سالىستىرىپ ۇيرەنۋ ۇيىرمەسىندەگىلەر تارباعاتاي ايماعى ءدوربىلجىن اۋدانىنىڭ نەگىزگى ساتى پارتيا قۇرىلسىنىڭ تاجىريبەسىن ۇيرەندى


    گۇلميرا قابيموللا قىزى حابارلايدى. نەگىزگى قاتتام پارتيا ۇيىمىنىڭ قىزمەتىن كۇشەيتىپ، نەگىزگى قاتتام پارتيا ۇيىمىنىڭ قىزمەت ادىستەرى مەن شارالارىن ۇزدىكسىز كەمەلدەندىرۋ ءۇشىن، بۋىرشىن اۋدانى قوستىق قالاشىعىنىڭ قالاشىق باستىعى مانات جولداستىڭ باستاماشىلىق ەتۋىندە قالاشىقتاعى پارتيا قىزمەتىنىڭ ارناۋلى كادرى مەن ءارقايسى قىستاقتىڭ قىستاق ياچايكا سەكراتارىن، مەڭگەرۋشىسىن، ءبىرىنشى قول قىستاق سەكراتارىنان قۇرام تاپقان 16 ادام تارباعاتاي ايماعىنىڭ ءدوربىلجىن اۋدانىندا نەگىزگى ساتى پارتيا قۇرىلىسىنىڭ قىزمەت تاجىريبەسىن سالىستىرىپ ۇيرەنۋگە باردى.

    سالىستىرىپ ۇيرەنۋ ۇيىرمەسىندەگىلەر ناق مايداندا تانىستىرعان تاجىريبە دوكلاتتارىن تىڭدادى، ناق مايداندا كوردى. ءدوربىلجىن اۋدانى دوربىلجىن قالاشىعىنىڭ چياۋدۇڭ رايونى پارتيا قۇرىلىسى اۋماعىنىڭ قىزمەت قۇرىلىمىن، ستۋدەنىتتەردىڭ نەگىزگى ساتى ۇشقاراسۋ قالاشىعىندا كاسىپ جاراتقان ۇلگىلى تيپتەرىن، سارى ەمىل مال فەرماسىنىڭ جاڭاشا اۋىل – قىستاق قۇرىلىسىن، جاربۇلاق ەگىس الاڭى بىرلەسپە الەۋمەتتىك اۋماق قۇرىلىسىن، ۋان تۇڭ مالشارۋاشىلىق شەكتى جاۋاپكەرلىك سەرىكتىگى مەن مارالسۋ قالاشىعى شيىنلۇڭ باعىمشىلىق الاڭى قاتارلى اۋىل – قسستاق الەۋمەتتىك اۋماق پارتيا قۇرىلىسىنداعى قىستاق دارەجەلى ىستەردى باسقارۋ، پارتيا قىزمەتىن باسقارۋ، اۋىل – قىستاق ءۇنحات كارحاناسى، سەلبەستىك كووپەراتيۆ، ولشەمدەنگەن باعىمشىلىق الاڭى، ءوندىرىس قۇرلىمىنا تەڭشەۋ جۇرگىزۋ قاتارلى جاقتارداعى وزىق تاجىريبەلەرى مەن قىزمەتتەگى ءادىس شارالارىن سالىستىرىپ ۇيرەندى ءارى ءوزارا اسەرلەرىن سالىستىرىپ ۇيرەنۋدەگى تۇيگەن ويدارىن ورتاعا سالدى.

    بۇل رەتكى سالىستىرىپ ۇيرەنۋدەگى قىستاقتاردىڭ ءوز ەرەكشەلىكتەرى وزدەرىندە ەكەن، بۇرىن كەدەي ءشىنارا قىستاقتاردىڭ جۋىق حىلداردان بەرگى ورتاق قۇلشىنسىى، الىس ارالىقتان تاربيەلەۋدەگى ۇلگىلى ورىندار، قىستاق كادرلارىن باسقارۋ، «ەگىنشى – مالشىلاردىڭ كەشكى مەكتەبى»، ءار اپتاداعى مەملەكەت تۋىن شىعارۋ قاتارلى تارتىپپەن ىستەلىپ جاتقان نەگىزگى ساتى ۇيىمدىق قۇرىلىسىنداعى قىزمەتتەر مەن ۇلتتار ىنتىماعىنىڭ قىزمەتى، ورنىقتىلىق قىزمەتىندەگى جاقسى تاجىريبەلەر مەن قىزمەت شارالارى سالىستىرىپ ۇيرەنۋشىلەردى تاڭداي قاقتىردى.

    قوستىق قالاشىعى قىزىلۇيەڭكى قىستاعىنىڭ ءبىرىنشى قول سەكراتارى: «بۇل رەتكى سالىستىرىپ ۇيرەنۋ ارقىلى ءبىزدىڭ جيناعانىمىز راسىندا كوپ بولدى. بۇل وزىق تاجىريبەلەر بۇدان كەيىنگى اۋىل – قىستاق نەگىزگى ساتى پارتيا ۇيىمى قىزمەتىندە تاپتىرماس رول وينايدى»،- دەدى.

    بۋىرشىن اۋداندىق ۇيىمداستىرىۋ ءبولىمىنڭ قاتىستى جولداستارى سالىستىرىپ ۇيرەنۋدە بىرگە بولدى.

جاۋاپتى رەداكتور:نۇرجان مينۋار قىزى