بىلتىر شينجياڭنىڭ پروكۋراتۋرا ورگاندارى جەمقورلىق دەلوسىنان 687سىن تەكسەرىپ جازالادى

    اۆتونوميالى رايوندىق حالىق پروكۋراتۋراسىنان ۇعىسۋىمىزشا، بىلتىر بۇكىل رايونىمىزداعى پروكۋراتۋرا ورگاندارى قىزمەتتىك قىلمىستاردى جازالاۋ جانە ونىڭ الدىن الۋ سىندى بورىش - مىندەتتەرىن ادالدىقپەن اتقارىپ، جەمقورلىققا قارسى تۇرىپ، پاكتىكتى دارىپتەۋدىڭ تەگەۋرىندى كۇيىن ساقتاپ، قيانات جاساۋ، پارا بەرۋ قىلمىسى سياقتى قىزمەتتىك قىلمىس دەلولارىنان 687 دەلو مەن 741 ادامدى تەكسەرىپ جازالاپ، 264 ميلليون يۋان زياندى قايتارىپ العان.

    ۇعىسۋىمىزشا، 2016 - جىلى شينجياڭداعى ءار دارەجەلى پروكۋراتۋرا ورگاندارى «جولبارىس پەن شىبىندى» بىرگە سوعۋدان جازباي، جەمقورلىق قىلمىستارىن باتىل جازالاپ، پاك، كىرشىكسىز ساياسي ەكولوگيانى قالىپتاستىرۋعا كۇش سالىپ، ءىرى، ماڭىزدى دەلولاردى تەكسەرىپ انىقتاۋدى كورنەكتىلەندىرىپ، 200 مىڭ يۋاننان جوعارى قيانات جاساپ، پارا العان ءىرى دەلولاردان 163ىن انىقتاپ، اۋدان، باسقارما دارەجەلى ماڭىزدى دەلولارداعى 59 ادامدى (مەڭگەرمە دارەجەلى 11 ادام) تەكسەرىپ جازالاعان، بۇل سول تۇستاعىدان %31 ارتقان؛ جاۋاپكەرسىزدىك، ۇقىققا سۇعاناقتىق جاساۋ دەلولارىنان 128 دەلو مەن 148 ادامدى تەكسەرىپ جازالاپ، دەلو ىستەۋ ارقىلى مەملەكەتتىڭ 264 ميلليون يۋان ەكونوميكالىق شىعىنىن قايتارىپ العان؛ پارا بەرگەن، قاشىپ جۇرگەن قىلمىستىلارعا سوققى بەرۋ، ارام اقشالاردى قايتارىپ الۋ ارناۋلى قىزمەتىن ىشكەرىلەي ورىستەتىپ، پارا بەرۋ قىلمىسىن وتكىزگەن 174 ادامدى، قاشىپ جۇرگەن 10 ادامدى تەكسەرىپ جازالاعان.

    شينجياڭنىڭ پروكۋراتۋرا ورگاندارى قىزمەتتىك قىلمىستاردى باسىنان باستاپ الدىن الۋدى كۇشەيتىپ، دەلو ىستەۋدى ەكونوميكانىڭ، قوعامنىڭ دامۋىنا ىقپال جاسايتىن جالپىلىق بەتالىستىق ماسەلەلەرگە تالداۋ جاساپ، زەرتتەۋمەن بىرلەستىرۋگە تاباندى بولىپ، ءار دارەجەلى پارتكومدارعا ماسەلەنى شەشۋ جايلى 235 ۇسىنىس بەردى، كوپ ءتۇرلى شارالار مەن ساقتىق سيگنالىن 2113 رەت ورىستەتتى.

    پروكۋراتۋرا ورگاندارى تاعى قىزمەتتىك قىلمىستاردىڭ الدىن الۋداعى كۇن ىلگەرى كەڭەسۋ ءتۇزىمىن ورناتىپ، قىزمەتتىك قىلمىس وڭاي تۋىلاتىن كاسىپ سالالارىندا ارناۋلى الدىن الۋدى ىشكەرىلەي جۇرگىزىپ، ىشكى مەڭگەرۋ مەحانيزمىن كەمەلدەندىرۋگە سايكەسىپ، قوعامعا قاراتا پارا بەرۋ ارحيۆىن تەكسەرۋدى 59 مىڭ 407 رەت قامداپ، بۇل بىلتىرعى سول تۇستاعىدان %23 ارتقان.

جاۋاپتى رەداكتور:سايراش تۇرارجان قىزى