پارتيا ورتالىق كوميتەتىنىڭ بەدەلىن قورعاپ، پارتيا ورتالىق كوميتەتىنە قاراپ ساپ تۇزەيىك

    − باس شۋجي شي جينپيڭنىڭ ولكە، مينيسترلىك دارەجەلى ارناۋلى تاقىرىپتاعى زەرتتەۋ - تالقىلاۋ كۋرسىنداعى ماڭىزدى ءسوزىن ۇيرەنۋ جونىندە (2)

    «پارتيا ورتالىق كوميتەتىنىڭ بەدەلىن باتىل قورعاۋ، بۇكىل پارتيانىڭ بۇيرىعىنىڭ بۇلجىماي اتقارىلۋىنا كەپىلدىك ەتۋ − پارتيا مەن مەملەكەتتىڭ بولاشاق تاعدىرىنا سايادى، بۇكىل ەلدەگى ءار ۇلت حالقىنىڭ ءتۇبىرلى مۇددەسىمەن بايلانىسىپ جاتادى». باس شۋجي شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىبىنداعى زەرتتەۋ - تالقىلاۋ كۋرسىنىڭ وقۋ باستاۋ سالتىندا ماڭىزدى ءسوز سويلەپ، پارتيا ورتالىق كوميتەتىنىڭ بەدەلىن قورعاۋ، دەموكراتيالىق ورتالىقتاندىرۋ ءتۇزىمىن دايەكتىلەندىرۋ جونىندە ايقىن تالاپتاردى ورتاعا قويىپ، پارتيانىڭ ءار دارەجەلى ۇيىمدارىنىڭ، بارلىق پارتيا مۇشەسىنىڭ، اسىرەسە، جوعارى دارەجەلى كادرلاردىڭ پارتيا ورتالىق كوميتەتىنە، پارتيانىڭ نازارياسى مەن لۋشيان، باعىت - ساياساتتارىنا، پارتيا ورتالىق كوميتەتىنىڭ شەشىم - ورنالاستىرۋلارىنا قاراپ ساپ تۇزەۋى كەرەكتىگىن باسا دارىپتەدى. وسى ماڭىزدى ءسوزدىڭ رۋحىن ۇيرەنىپ، دايەكتىلەندىرىپ، اتاپ ايتقاندا، يدەيا، ساياسي، ارەكەت جاعىندا پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيا ورتالىق كوميتەتىنىڭ ۇندەۋىنە باتىل ءۇن قوسىپ، پارتيا ورتالىق كوميتەتىنىڭ ۇيعارىمىن باتىل اتقارىپ، پارتيا ورتالىق كوميتەتى تيىم سالعان ىستەردەن باتىل باس تارتۋ كەرەك.

    پارتيا ورتالىق كوميتەتىنىڭ بەدەلىن قورعاۋ − پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن دايەكتىلەندىرىپ جانە تياناقتاندىرىپ، «ولشەم» مەن «ەرەجەنى» دايەكتىلەندىرۋ مەن اتقارۋدىڭ ماڭىزدى تالابى. پارتياعا، ۇكىمەتكە، ارمياعا، حالىقتىق ۇيىمعا، مەكتەپكە، ەلىمىزدىڭ بارلىق جەرىنە پارتيامىز باسشىلىق ەتەدى. پارتيانىڭ باسشىلىعىنا تاباندى بولۋ، ەڭ الدىمەن، پارتيا ورتالىق كوميتەتىنىڭ شوعىرلى ءبىر تۇتاس باسشىلىعىنا تاباندى بولۋ دەگەن ءسوز. پارتيا ورتالىق كوميتەتى بەلگىلەگەن نازاريا مەن لۋشيان، باعىت - ساياساتتار − بۇكىل پارتيانىڭ، بۇكىل ەلدەگى ءار ۇلت حالقىنىڭ يدەياسىن، ەرىك - جىگەرىن، ارەكەتىن بىرلىككە كەلتىرۋدىڭ دايەگى مەن نەگىزى. پارتيا ورتالىق كوميتەتىندە بەدەل بولعاندا عانا، بۇكىل پارتيانى مىزعىماستاي بىرىكتىرىپ، ءسويتىپ، بۇكىل ەلدەگى ءار ۇلت حالقىن تىعىز ىنتىماقتاستىرىپ، جالپى حالىقتى جۇدىرىقتاي جۇمىلدىرىپ، ەشقانداي كەدەرگىگە بوگەلمەيتىن تەلەگەي تەڭىز كۇش قالىپتاستىرۋعا بولادى. باس - باسىنا بيلىك ايتىپ، اركىم ءوز بەتىمەن كەتسە، پارتيا بەرەكە - بىرلىكتەن ايرىلىپ، پارتيانىڭ باسشىلىعى بوس سوزگە اينالادى. ءاربىر پارتيا ۇيىمى، ءاربىر پارتيالى كادر، مەيلى ول قاي سالادا، قاي ساتىدا، قاي تاراۋ مەن ورىندا بولسا دا، پارتيا ورتالىق كوميتەتىنىڭ شوعىرلى ءبىر تۇتاس باسشىلىعىنا بويسۇنىپ، پارتيا ورتالىق كوميتەتى بۇيرىعىنىڭ بۇلجىماي اتقارىلۋىنا كەپىلدىك ەتۋى كەرەك. پارتيامىزدىڭ ىشىندە، اركىم ءوز بەتىمەن كەتىپ، باس - باسىنا بيلىك ايتۋعا استە رۇقسات ەتىلمەيدى، بەرىلگەن بۇيرىقتى اتقارماۋعا، تيعاننان تيىلماۋعا استە رۇقسات ەتىلمەيدى، جوعارعىنىڭ ساياساتىنا تومەنگىنىڭ قارسى شارا قولدانۋىنا استە رۇقسات ەتىلمەيدى.

    پارتيا ورتالىق كوميتەتىنىڭ بەدەلى مەن شوعىرلى ءبىر تۇتاس باسشىلىعىن قورعاۋ − دەموكراتيالىق ورتالىقتاندىرۋ تۇزىمىنە تاباندى بولۋمەن بىردەي. پارتيامىز اتقارىپ وتىرعان دەموكراتيالىق ورتالىقتاندىرۋ ءتۇزىمى − ورتالىقتاندىرۋى دا بار، دەموكراتياسى دا بار، ءتارتىبى دە بار، بوستاندىعى دا بار، ەرىك بىرلىگى دە بار، جەكە ادامداردىڭ كوڭىل قوشتىعى دا بار، جاندى دا جالىندى ءتۇزىم، دەموكراتيا مەن ورتالىقتاندىرۋ تىعىز ۇشتاستىرىلعان ءتۇزىم. ءبىرى، پارتيا كەلەلى شەشىمدەر جاساعاندا قاتاڭ ءتارتىپ بويىنشا جۇمىس جۇرگىزىپ، دەموكراتيانى تولىق ساۋلەلەندىرىپ، كەڭ كولەمدە ۇسىنىس - پىكىر الىپ، ەكى جاقتى تىڭداپ بايىبىنا جەتۋ، ءبىر جاقتى عانا تىڭداپ ءدۇدامال بولۋدان ساقتانۋى، عىلمي جولمەن شەشىم جاساۋى، دەموكراتيالىق جولمەن شەشىم جاساۋى، زاڭ بويىنشا شەشىم جاساۋى كەرەك. ەندى ءبىرى، دەموكراتيانى تولىق ساۋلەلەندىرۋ نەگىزىندە، پارتيا ورتالىق كوميتەتى جالپى جاعدايدى تياناق ەتىپ، ءار جاقتىڭ اقىل - پاراساتىن شوعىرلاندىرۋ ارقىلى شەشىم قابىلداعان ەكەن، ونى باتىل دايەكتىلەندىرۋ جانە اتقارۋ كەرەك، ەشكىمنىڭ دە بالسىنۋىنە بولمايدى.

    پارتيا ورتالىق كوميتەتىنىڭ بەدەلى مەن شوعىرلى ءبىر تۇتاس باسشىلىعىن قورعاۋ پارتيا ورتالىق كوميتەتىنە قاراپ ساپ تۇزەۋ، ارەكەت ەتۋ ارقىلى تياناقتاندىرىلۋى جانە ايگىلەنۋى كەرەك. ءار دارەجەلى پارتكومدار مەن ۇكىمەتتەردىڭ دە بەدەلى بولۋعا ءتيىس، ايتپەسە، قىزمەتتەردىڭ جۇرگىزىلۋى مۇمكىن ەمەس. ءبىراق، جەرگىلىكتى ورىنداعى جانە تاراۋلارداعى جولداستار، ءسوز جوق، ءوز بەدەلىنىڭ پارتيا ورتالىق كوميتەتىنىڭ بەدەلىنەن تامىر العانىن، جەرگىلىكتى ورىن مەن تاراۋلاردىڭ قىزمەتى پارتيا ورتالىق كوميتەتىنىڭ شەشىم - ورنالاستىرۋلارىن دايەكتىلەندىرۋ، تياناقتاندىرۋ ەكەنىن تانىپ جەتۋى كەرەك. بۇكىل پارتيادا تەك پارتيا ورتالىق كوميتەتى عانا بەدەلدى، تەك پارتيا ورتالىق كوميتەتىنە قاراپ ساپ تۇزەۋ قاجەت، جەر - جەر، تاراۋلار، ءار جاق، ءسوز جوق، پارتيا ورتالىق كوميتەتىنىڭ بەدەلىن قورعاۋى، پارتيا ورتالىق كوميتەتىنە قاراپ ساپ تۇزەۋى قاجەت، ەشكىمگە اۋىزدىقسىز كەتىپ، ويىنا كەلگەنىن ىستەۋگە ۇقىق بەرىلمەگەن. ساتى - ساتىنىڭ ءوز بەدەلىن قورعاۋدى ۇران ەتىپ، وزىنە قاراپ ساپ تۇزەۋگە شاقىرۋىنا استە بولمايدى، بۇل ساياسي جاقتان قاتە، ءتىپتى، زياندى دا.

    پارتيانىڭ تاريحى، جاڭا جۇڭگونىڭ دامۋ تاريحى بىزگە مىنانى ۇعىندىردى: ءبىزدىڭ ءىرى پارتيامىزدى، الىپ مەملەكەتىمىزدى ويداعىداي جونگە سالىپ، پارتيانىڭ ىنتىماعى مەن شوعىرلى تۇتاستىعىنا كەپىلدىك ەتۋدىڭ، پارتيا ورتالىق كوميتەتىنىڭ بەدەلىن قورعاۋدىڭ ايرىقشا ماڭىزى بار. پارتيا ورتالىق كوميتەتىنىڭ بەدەلىن باتىل قورعاپ، پارتيا ورتالىق كوميتەتىنە قاراپ ساپ تۇزەپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن ۇزبەي كۇشەيتكەندە عانا، پارتيانىڭ باسشىلىعى مىعىم، پارمەندى بولادى، سوندا عانا پارتيا مەن حالىق ىستەرى باياندى وركەندەيدى.

جاۋاپتى رەداكتور:سايراش تۇرارجان قىزى