تورتەۋ تۇگەل بولسا، توبەدەگى كەلەدى

 

    قاليما بوقان قىزى حابارلايدى. اۆتونوميالى رايونىنىڭ «ۇلتتار ىنتىماعىنىڭ بەرەكەلى شاڭىراعى» قيمىلىن كەڭىنەن، ىشكەرلەي ورىستەتىپ، ناقتى، شىنايى ناتيجەگە قول جەتكىزۋدى ماقسات ەتكەن باركول قازاق اۆتونوميالى اۋدانى ءىس جۇزىندىك امالياتپەن تىعىز ۇشتاستىرىپ، ءار قايسى اۋىل- قالاشىق، الاڭ- فەرمالارمەن مەكەمە- مەكتەپ، الەۋمەتتىك رايوندارىندا «ۇلتتار ىنتىماعىنىڭ بەرەكەلى شاڭىراعى» قيمىلىن الۋان فورمالى، باي مازمۇندى، تاربيەلىك قۇنى تەرەڭ قيمىلدارمەن تىڭ ورلەۋگە كوتەرىپ، ۇنەمىلىك ىسكە اينالدىرىپ، «قول ۇستاسىپ، تۋىس بولۋ» ناۋقانىن كەڭ كولەمدە دابىرالى وتكىزۋدە.

    جۋىقتا، باركول اۋداندىق مادەنيەت، دەنەتاربيە، راديو- كينو- تەلەۆيزيا، اقپارات، باسپا ءسوز سالاسىنىڭ قىزمەتكەرلەرى ەتەنە تۋىستىق قارىم- قاتىناس ورناتقان باركول اۋدانىنىڭ 5 ءىرى مال شارۋاشىلىق اۋىلدارىنىڭ ءبىرى بولعان سارشوقى اۋىلىنىڭ سۋجي باتىس، شىعىس قىستاقتارى مەن قوسارال بولىمشە رايونىنداعى ءار ۇلت تۋىسقاندارىن ارناۋلى شاقىرىپ، باركول اۋداندىق «ءاتيلا» رەستۋرانىندا، «ۇلتتار ىنتىماعى- ءار ۇلت حالقىنىڭ جان تامىرى» اتىندا بىرلەسپە قيمىلىن وتكىزدى.

    قيمىلدا ورتالىقتىڭ، اۆتونوميالى رايوننىڭ، قۇمىل قالاسى مەن اۋداندىق پارتكوم، حالىق ۇكىمەتىنىڭ ءماجىلىس رۋحى مەن قارارىن دايەكتى تياناقتاندىرىپ، ناقتى ونىمدىلىككە قول جەتكىزۋ؛ ۇلتتار ىنتىماعىن بەكەمدەپ، شينجياڭنىڭ ورنىقتىلعىن قورعاۋ؛ كەدەيلەردى دالمە- ءدال سۇيەمەلدەپ، حالىق تۇرمىسىن جاقسارتۋ؛ ءبىر ءۇيلى جانداي بولىپ، بۇقارانىڭ ءدۇپ كەلگەن قيىنشىلىقتارى مەن ماسەلەلەرىن دەركەزىندە شەشىپ، حالىققا باقىت جاراتۋ سياقتى باي مازمۇن قامتىلعان كەزەكتەگى ۇگىت تۇيىندەرىن باستى تاقىرىپ ەتكەن تارتىمدى كونسەرت نومىرلەرىن قويىپ، «بالا تىلشىلەردىڭ» ماقالا جازۋ جارىسىن، زەيىن- سىناۋ جارىستارىن، قىزىقتى دەنەتاربيە قيمىلدارىمەن ۇلاستىرىپ، «تۋىسقاندارىن» مارە- سارە ەتتى.

جاۋاپتى رەداكتور:نۇرجان مينۋار قىزى