«حالىق گازەتىنىڭ» شولۋشىسى: تۋدى ايقىن ۇستاي وتىرىپ ساياسيدى دارىپتەيىك

    __ باس شۋجي شي جينپيڭنىڭ ولكە، مينيسترلىك دارەجەلى ارناۋلى تاقىرىپتاعى زەرتتەۋ - تالقىلاۋ كۋرسىنداعى ماڭىزدى ءسوزىن ۇيرەنۋ جونىندە (1)

    «ماركسيزمدىك پارتيا رەتىندەگى پارتيامىز تۋدى ايقىن ۇستاي وتىرىپ ساياسيدى دارىپتەپ، پارتيانىڭ ىشكى ساياسي تۇرمىسىن قاتاڭ، مۇقيات ورىستەتۋى كەرەك». شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىبىنداعى زەرتتەۋ - تالقىلاۋ كۋرسىنىڭ وقۋ باستاۋ سالتىندا، باس شۋجي شي جينپيڭ ماڭىزدى ءسوز سويلەپ، پارتيا مەن مەملەكەتتىڭ جالپى جاعدايى تۇرعىسىنان، پارتيانىڭ ىشكى ساياسي تۇرمىسىن كۇشەيتۋ مەن ارناعا سالۋ، پارتيا ىشىندەگى باقىلاۋدى كۇشەيتۋ جونىندەگى ماڭىزدى ماسەلەلەردى تەرەڭ بايىمدادى، ماڭىزدى ءسوز پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتىپ، پارتيانى جاپپاي قاتاڭ جونگە سالۋدى تەرەڭدەتۋدە كەلەلى ءارى تەرەڭ جەتەكشى مانگە يە. كەزەكتە بۇكىل پارتيانىڭ ماڭىزدى ساياسي مىندەتتەرىنىڭ ءبىرى، باس شۋجي شي جينپيڭنىڭ ماڭىزدى ءسوزىنىڭ رۋحىن جەتەكشى ەتىپ، پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن ونان سايىن نىعايتىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، پارتيا 19 - قۇرىلتايىنىڭ اشىلۋىنا يدەيالىق، ساياسي دايىندىق جاساۋ.

    پارتيانى جاپپاي قاتاڭ جونگە سالۋعا، الدىمەن، ساياسي تۇرعىدان قاراۋ كەرەك. ماركسيزمدىك پارتيا رەتىندە ساياسيدى دارىپتەۋ __ پارتيامىزدىڭ دايەكتى تالابى. قاشان دا بۇكىل پارتيا ساياسيدى دارىپتەپ، پارتيانىڭ ىشكى ساياسي تۇرمىسى قالىپتى، اقاۋسىز بولسا، پارتيامىزدىڭ ستيلى دۇرىستالىپ، بەرەكە - بىرلىگى نىعايىپ، ومىرشەڭدىك كۇشى تاسقىنداپ، پارتيانىڭ ىستەرى قارىشتاپ دامىپ وتىرعان؛ كەرىسىنشە بولسا، ىندەت ەتەك جايىپ، الاۋىزدىق يەكتەپ، جاۋىنگەرلىك رۋحتان ايرىلىپ، اعات يدەيالار دەر كەزىندە تۇزەتىلمەي، پارتيانىڭ ىستەرىنە اۋىر زيان كەلتىرگەن. پارتيانىڭ 18 - قۇرىلتايىنان بەرى پارتيانى جاپپاي قاتاڭ جونگە سالۋدىڭ ۇزدىكسىز ىلگەرىلەۋىنە بايلانىستى، پارتيا ىشىندە ورىن تەپكەن كورنەۋ قايشىلىقتار مەن ماسەلەلەر ساياسي جاقتان بارعان سايىن تولىقتاي پاش بولۋدا. ساياسي جاقتاعى ماسەلەنى، ءسوز جوق، ساياسي تۇرعىدان شەشۋ قاجەت، پارتيانىڭ ىشكى ساياسي تۇرمىسىن كۇشەيتۋ مەن ارناعا ءتۇسىرۋدى پارتيانى جاپپاي قاتاڭ جونگە سالۋدىڭ ماڭىزدى تۇتقاسى، تۇبىرىنەن وڭاۋ شاراسى دەۋىمىزدىڭ سەبەبى دە وسىندا.

جاۋاپتى رەداكتور:سايراش تۇرارجان قىزى