«حالىق گازەتىنىڭ» شولۋشىسى: پارتيا 19 - قۇرىلتايىنىڭ ۋاكىلدەرىن سايلاۋدا پارتيا ىشىندەگى دەموكراتيانىڭ ساپاسى مەن ونىمدىلىگىن جوعارىلاتۋ كەرەك

    قازىر جەر - جەر، ورىندار پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا 19 - قۇرىلتايىنىڭ ۋاكىلدەرىن سايلاۋ قىزمەتىن دەن قويا ورىستەتىپ جاتىر. پارتيا ىشىندەگى دەموكراتيانى تولىق ساۋلەلەندىرۋ، ۋاكىلدەردى سايلاۋ ءتارتىبىن قاتايتۋ ــ پارتيا 19 - قۇرىلتايىنىڭ ۋاكىلدەرىن ويداعىداي سايلاۋدىڭ، ۋاكىلدەردىڭ العاباسارلىعى مەن كەڭ كولەمدە ۋاكىلدىك سيپاتقا يە بولۋىن كۇشەيتۋدىڭ ماڭىزدى كەپىلى. ءار دارەجەلى پارتيا ۇيىمدارى پارتيا ۋستاۆىنا جانە ورتالىقتىڭ تالابىنا ساي دەن قويا ءىس ىستەپ، بەلگىلەنگەن ءتارتىپ باسقىشتارىنا قاتاڭ بويسۇنىپ، دەموكراتيانىڭ ساپاسى مەن ونىمدىلىگىن جوعارىلاتۋعا باسا نازار اۋدارىپ، ورتالىقتىڭ تالابىنا ۇيلەسەتىن، پارتيا مۇشەلەرى قولدايتىن پارتيا 19 - قۇرىلتايىنىڭ ۋاكىلدەرىن سايلاپ شىعۋعا شىنايى كەپىلدىك ەتۋى كەرەك.

    پارتيا ىشىندەگى دەموكراتيا ــ پارتيانىڭ جانى. پارتيا 19 - قۇرىلتايىنىڭ ۋاكىلدەرىن سايلاۋ ــ پارتيا مۇشەلەرىنىڭ دەموكراتيالىق ورتالىقتاندىرۋ ءتۇزىمى پرينسيبىنە ساي دەموكراتيا ۇقىعىن جۇرگىزىپ، پارتيانىڭ ىشكى ساياسي تۇرمىسىنا ات سالىسۋىنىڭ ماڭىزدى جولى جانە ءتاسىلى. پارتيا ىشىندەگى دەموكراتيانى ساۋلەلەندىرۋ مەن پارتيانىڭ باسشىلىعىن كۇشەيتۋدى تىعىز ۇشتاستىرۋ ءارى ونى پارتيا 19 - قۇرىلتايىنىڭ ۋاكىلدەرىن سايلاۋدىڭ جالپى بارىسىنا ءسىڭىرۋ كەرەك. پارتيا مۇشەلەرىنىڭ سۋبيەكتتىك ورنىنا قۇرمەت ەتىپ، پارتيا مۇشەلەرىنىڭ جاعدايدان حاباردار بولۋ ۇقىعىن، ات سالىسۋ ۇقىعىن، سايلاۋ ۇقىعىن جانە باقىلاۋ ۇقىعىن قامتاماسىز ەتىپ، بەلسەنە شارت - جاعداي ازىرلەپ، پارتيا مۇشەلەرىن تارتىپپەن ات سالىسۋعا جەتەلەپ، ءاربىر پارتيا مۇشەسىنىڭ ءوز ويىن دەربەس، تولىق بىلدىرۋىنە كەپىلدىك ەتۋ، سايلانعان ۋاكىلدەردىڭ باسىم كوپ ساندى پارتيا مۇشەلەرىنىڭ ەركىن ايگىلەۋىنە مۇمكىندىك جاراتۋ كەرەك.

    ۋاكىلدەردى سايلاۋ ءتارتىبىن جۇيەگە ءتۇسىرۋ كەرەك. پارتيا 19 - قۇرىلتايىنىڭ ۋاكىلدەرىن سايلاۋدا تومەننەن جوعارى قاراي كورسەتۋ، جوعارى مەن تومەندى ۇشتاستىرۋ، قايتا - قايتا كەڭەسۋ، دارەجە بويىنشا سارالاۋ ءادىسى قولدانىلادى. ەسىمىن كورسەتۋ، ۇيىمدىق تەكسەرۋ، ۋاكىل كانديداتتىعىنا العاش كورسەتىلگەندەردىڭ العاشقى ءتىزىمىن، زاپاس ۋاكىل كانديداتتاردى بەلگىلەۋ جانە ماجىلىستە سايلاۋ سىندى 5 نەگىزگى بۋىنعا بولىنەدى. ءار بۋىندا ءتارتىپتى قاتاڭ اتقارۋ، بايىپتىلىقپەن، جۇيەلى جۇمىس جۇرگىزۋ، وزگەرتپەۋ، قۇبىلتپاۋ، قاراپايىمداستىرماۋ كەرەك. ايتالىق، ەسىمىن كورسەتكەندە بۇقارالىق لۋشيانمەن جۇرۋدە تاباندى بولۋ، ۇگىتتەۋ، جۇمىلدىرۋ جۇمىسى نەگىزگى ساتى پارتيا ۇيىمدارىن تۇگەلدەي قامتۋى، قامتىلمايتىن جەر بولماۋى كەرەك؛ ۇيىمدىق تەكسەرۋدە پارىقتى سان بويىنشا تەكسەرۋ جانە تەكسەرۋدى الدىن الا ۇقتىرۋ، كانديداتتاردىڭ پاكتىك جاعدايىن ءبىر - بىرلەپ تەكسەرۋ ءارى ودان قورىتىندى شىعارۋ قاجەت؛ ۋاكىل كانديداتتىعىنا العاش كورسەتىلگەندەردى بەلگىلەۋدە اشىق جاريالاۋ ارقىلى نەگىزگى ساتى پارتيا ۇيىمدارىنىڭ، پارتيا مۇشەلەرىنىڭ جانە بۇقارانىڭ پىكىرىن ىشكەرىلەي تىڭداۋ، فينانس قۇرىلىمدارىنداعى، كاسىپورىندارداعى كانديداتتىققا العاش كورسەتىلگەندەرگە قاراتا اكىمشىلىك زاڭ اتقارۋ، كاسىپ سالاسىن باقىلاۋ - باسقارۋ سياقتى تاراۋلاردىڭ پىكىرىن باعىتتامالى تىڭداۋ كەرەك. ءتارتىپتى بەتالدى قاراپايىمداستىرىپ، وزگەرتىپ، بەلگىلەنگەن بۋىنداردى، باسقىشتاردى ازايتىپ نەمەسە ءتارتىپتى اتقارۋدا ات ۇستىلىك ىستەپ، ناشار زارداپ جانە ىقپال تۋدىرعانداردىڭ جاۋاپكەرشىلىگىن قاتاڭ قۋزاۋ كەرەك.

جاۋاپتى رەداكتور:سايراش تۇرارجان قىزى