ءبىر شينجياڭدىق ساۋداگەر، ءبىر قالانى اسەرلەندىردى

 

 3-اقپاندا، جيڭجوۋ قالاسى پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار قالا باستىعى جۇڭ جىچيڭ شەمشىدىن تۇرسىنعا سيلىق كۋالىگىن تاراتىپ جاتىر. جيڭجوۋ حالىق راديو-تەلەۆيزيا مەكەمەسىنىڭ ءتىلشىسى حۋ مامان قامدادى.

    13-اقپاندا، حۋبەي ولكەسى جيڭجوۋ قالاسى «جيڭجوۋلىقتاردى اسەرلەندىرگەن 2016-جىلدىق ەگەيلەردى» سارالاپ تاڭداۋ قيمىلىندا جيڭجوۋدا الەۋمەتتىك يگىلىك ىستەر ىستەپ، بەلسەندى تۇردە وقۋ كومەك قاراجاتىن اتاعان، شەمشىدىن تۇرسىن اتالعان سارالاۋ قيمىلىنا ءساتتى كىرگەن.

    بيىل 36 جاستاعى شەمشىدىن تۇرسىننىڭ اتامەكەنى قاشقار ايماعى كونەشار اۋدانىندا حۋبەيدىڭ جيڭجوۋ قالاسىندا شارۋاشىلىق جاراتىپ، تۇرمىس كەشىرگەنىنە 8 جىل بولدى. ونىڭ ءوز اتىندا قويىلعان كاۋاپحاناسى جيڭجوۋدا اتى ايگىلى.

    ونىڭ سول اراداعى تۇرمىسىنان سىر شەرتەتىن بولساق، ونىڭ جۇرەگىن العىس كەرنەيدى. ول: مەنىڭ وسىنداي تۇرمىس كەشىرۋىم، جيڭجوۋ قالا حالقىنىڭ كومەگىنەن قاعىس قالمايدى،-دەيدى.

    2008-جىلى، شەمشىدىن مەن زايىبى ەكەۋى وسى جيڭجوۋعا كەلىپ كەپتىرىلگەن جەمىس ساتادى. جات ەل جات جەردى ايتپاعاندا، تىلدەن دە قينالىپ، ساۋدالارىن جالعاستىرۋ قيىنعا تۇسەدى. ەرلى-زايىپتى ەكەۋى شينجياڭعا قايتۋعا دايارلىق جاساپ جاتقان كەزدە، ءۇي قوجايىنى وزدىگىنەن جارىم جىلدىق ماي اقىنى كەشىرەدى دە، وسى ءبىر ءۇيلى جاننىڭ ساۋداسىن جالعاستىرىپ تۇرۋىنا سەبەپكەر بولادى.

    ەرلى-زايىپتى ەكەۋىن ءتىپتى دە اسەرلەندىرگەنى، 2008-جىلى سەميادا اۋىر قيىنشىلىق بولعاندا، ءۇي مايلاپ جاتقان كورشى جيڭجوۋلىق ول ەكەۋىنە ۇنەمى تۇرمىستىق بۇيىمداردى اكەلىپ بەرىپ تۇرادى.

    ولار كوپشىلىكتىڭ كومەگىنىڭ ارقاسىندا، 2009-جىلدان باستاپ، كاسىپ اۋىستىرىپ، كاۋاپ جاساپ ساتادى، ولاردىڭ جاساپ ساتقان كاۋابى شينجياڭ ەرەكشەلىگىنە يە ءدامدى بولعاندىقتان ءارى ولار ادال تيجارات ەتكەندىكتەن، 8 جىلدىڭ ىشىندە، شەمشيدىڭنىڭ كاۋاپحانا دۇكەنىنىڭ ساۋداسى جاندانا ءتۇسىپ، قالتاسى قامپيادى. وسى كەزدەردە ونىڭ يدەياسىنان وعان كومەك قولدارىن سوزعان اق كوڭىل جيڭجوۋلىقتار شىقپايدى.

    2014، 2015-جىلدارى شەمشيدەن قاسىنان كومەك قاراجاتىن الىپ شىعىپ، جيڭجوۋ قالاسى باتىس قالا كوشەسىندەگى ۇيدە قالعان بالالار مەن قيىنشىلىعى بار تۇرعىندارعا اتايدى. سونىمەن ءبىر ۋاقىتتا، ەرلى-زايىپتى ەكەۋى 3 ەرەكشە قيىنشىلىعى بار وقۋشىلارعا كومەكتەسەدى. قازىرگە دەيىن ولار جالپى 30 مىڭ يۋاننان استام جىلۋ اتاپتى.

جاۋاپتى رەداكتور:سايراش تۇرارجان قىزى