شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىبىنداعى زەرتتەۋ - تالقىلاۋ كۋرسىنىڭ وقۋ باستاۋ سالتىندا ماڭىزدى ءسوز سويلەپ كورنەكتى ماسەلەلەردى شەشۋدى قامال الۋ ءتۇيىنى جانە نەگىزگى تۇتقا ەتىپ، پارتيا 18 - كەزەكتى ورتالىق كوميتەتى التىنشى جالپى ءماجىلىسى رۋحىنىڭ ناقتاپ تياناقتاندىرىلۋىن ىلگەرىلەتۋدى باسا دارىپتەدى

    وقۋ باستاۋ سالتىن لي كىچياڭ باسقاردى، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي وقۋ باستاۋ سالتىنا قاتىناستى

    شينحۋا اگەنتتىگىنىڭ 13 - اقپاندا بەيجيڭنەن بەرگەن حابارى. ولكە، مينيسترلىك دارەجەلى نەگىزگى باسشى كادرلاردىڭ پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ ارناۋلى تاقىرىبىنداعى زەرتتەۋ - تالقىلاۋ كۋرسى 13 - اقپان ءتۇستىڭ الدىندا ورتالىق پارتيا مەكتەبىندە وقۋ باستادى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى: پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ويداعىداي دايەكتىلەندىرۋ − كوپتەگەن جاڭا تاريحي ەرەكشەلىككە يە ۇلى كۇرەستى، پارتيا قۇرىلىسىنىڭ جاڭا ۇلى ينجەنەرياسىن، جۇڭگوشا سوتسياليزم ۇلى ءىسىن ءساتتى ىلگەرىلەتۋدە كەلەلى دە تەرەڭ ءمان الادى. پارتيا ورتالىق كوميتەتىنىڭ وسى كەزەكتى زەرتتەۋ - تالقىلاۋ كۋرسىن وتكىزۋدى ۇيعارۋىنىڭ ماقساتى − ولكە، مينيسترلىك دارەجەلى نەگىزگى باسشى كادرلاردىڭ جالپى ءماجىلىس رۋحىن تەرەڭ، جەتە ءتۇسىنىپ، «ولشەمنىڭ»، «ەرەجەنىڭ» بەلگىلەمەلەرىن ءدال، دۇرىس يگەرۋىنە مۇمكىندىك تۋدىرىپ، ولكە، مينيسترلىك دارەجەلى نەگىزگى باسشى كادرلاردىڭ يدەياسىن ايقىنداۋ، ارەكەتىن ولشەمدەندىرۋ ارقىلى بۇكىل پارتيادا دايەكتى تياناقتاندىرۋدى جەبەپ، كورنەكتى ماسەلەلەردى شەشۋدى قامال الۋ ءتۇيىنى مەن نەگىزگى تۇتقا ەتىپ، جالپى ءماجىلىس رۋحىنىڭ ناقتاپ تياناقتاندىرىلۋىن ىلگەرىلەتۋ.

    ساباق باستاۋ سالتىن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى لي كىچياڭ باسقاردى، ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى جاڭ دىجياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي ساباق باستاۋ سالتىنا قاتىناستى.

    شي جينپيڭ سوزىندە بىلاي دەپ باسا دارىپتەدى: ماركستىك ساياسي پارتيا رەتىندەگى پارتيامىزدىڭ، ءسوز جوق، ايقىن تۋ ۇستاي وتىرىپ ساياسيدى دارىپتەپ، پارتيانىڭ ىشكى ساياسي تۇرمىسىن قاتاڭ، مۇقيات ورىستەتۋى كەرەكتىگىن تاريحي تاجىريبەلەر كورسەتتى. ساياسيدى دارىپتەۋ − پارتيامىزدىڭ مايەگىن تولىقتاپ، سۇيەگىن اسىلداندىرىپ، ورگانيزمىن كۇشەيتۋدىڭ ءتۇبىرلى كەپىلى، پارتيامىزدىڭ وزىندىك توڭكەرىس جاساۋ باتىلدىعىن جەتىلدىرىپ، ءوزىن كىرشىكسىزدەندىرۋ قابىلەتىن نىعايتىپ، ىندەتتەردىڭ بەتىن قايتاراتىن ساياسي يممۋنيتەتتىك قۋاتىن جوعارىلاتۋدىڭ ءتۇبىرلى جولى. قاشاندا بۇكىل پارتيا ساياسيدى دارىپتەپ، پارتيانىڭ ىشكى ساياسي تۇرمىسى قالىپتى، اقاۋسىز بولسا، پارتيامىزدىڭ ستيلى دۇرىستالىپ، بەرەكە - بىرلىگى نىعايىپ، ومىرشەڭدىك كۇشى تاسقىنداپ، پارتيانىڭ ىستەرى قارىشتاپ دامىپ وتىرعان؛ كەرىسىنشە بولسا، ىندەت ەتەك جايىپ، الاۋىزدىق يەكتەپ، جاۋىنگەرلىك رۋحتان ايرىلىپ، اعات يدەيالار دەر كەزىندە تۇزەتىلمەي، پارتيانىڭ ىستەرىنە اۋىر زيان كەلتىرگەن. پارتيانىڭ جوعارى دارەجەلى كادرلارى ساياسي قابىلەتتى وسىرۋگە باسا ءمان بەرىپ، ساياسي يدەيانى مىقتاپ ورناتىپ، ساياسي بەتالىستى دۇرىس يگەرىپ، ساياسي مايداندا باتىل مىزعىماي تۇرىپ، ساياسي تارتىپكە قاتاڭ بويسۇنىپ، ساياسي شىنىعۋدى كۇشەيتىپ، ساياسي تاجىريبە توپتاپ، ساياسيدى دارىپتەۋدى پارتيالىلىق شىنىعۋدىڭ تۇتاس بارىسىنا سانالى تۇردە ءسىڭىرىپ، وزدەرىنىڭ ساياسي قابىلەتىن ارقالاپ وتىرعان باسشىلىق مىندەت جاۋاپكەرشىلىگىمەن سايكەستىرۋى كەرەك.

    شي جينپيڭ بىلاي دەپ اتاپ كورسەتتى: پارتيا ورتالىق كوميتەتىنىڭ بەدەلىن باتىل قورعاۋ، بۇكىل پارتيانىڭ بۇيرىعىنىڭ بۇلجىماي اتقارىلۋىنا كەپىلدىك ەتۋ − پارتيا مەن مەملەكەتتىڭ بولاشاق تاعدىرىنا سايادى، بۇكىل ەلدەگى ءار ۇلت حالقىنىڭ ءتۇبىرلى مۇددەسىمەن بايلانىسىپ جاتادى. پارتيانىڭ باسشىلىعىنا تاباندى بولۋدا، ەڭ الدىمەن، پارتيا ورتالىق كوميتەتىنىڭ شوعىرلى ءبىر تۇتاس باسشىلىعىنا تاباندى بولۋ كەرەك. بۇكىل پارتيا، ءسوز جوق، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن مىقتاپ ورناتىپ، يدەيادا، ساياسيدا، ارەكەتتە پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاۋ كەرەك. ءاربىر پارتيا ۇيىمى، ءاربىر پارتيالى كادر قايسى سالادا، قايسى دەڭگەيدە، قايسى تاراۋ مەن ورىندا بولۋىنا قاراماستان، پارتيا ورتالىق كوميتەتىنىڭ شوعىرلى ءبىر تۇتاس باسشىلىعىنا بويسۇنىپ، پارتيا ورتالىق كوميتەتى بۇيرىعىنىڭ بۇلجىماي اتقارىلۋىنا شىنايى كەپىلدىك ەتۋ كەرەك.

    شي جينپيڭ بىلاي دەپ باسا دارىپتەدى: پارتيا ورتالىق كوميتەتىنىڭ بەدەلى مەن شوعىرلى ءبىر تۇتاس باسشىلىعىن قورعاۋ دەموكراتيالىق ورتالىقتاندىرۋ تۇزىمىنە تاباندى بولۋمەن بىردەي. ءبىز اتقارىپ وتىرعان دەموكراتيالىق ورتالىقتاندىرۋ ءتۇزىمى ورتالىقتاندىرۋى دا بار، دەموكراتياسى دا بار، ءتارتىبى دە بار، بوستاندىعى دا بار، ەرىك بىرلىگى دە بار، جەكە ادامداردىڭ كوڭىل قوشتىعى دا بار، جاندى دا جالىندى ءتۇزىم، دەموكراتيا مەن ورتالىقتاندىرۋ تىعىز ۇشتاستىرىلعان ءتۇزىم. پارتيامىز پارتيا ىشىندەگى دەموكراتيانى دامىتۋعا ەجەلدەن باسا ءمان بەرىپ كەلەدى. پارتيانىڭ كەلەلى شەشىمدەرىندە ءتارتىپ - قاعيداعا قاتاڭ نەگىزدەلە ىستەپ، دەموكراتيانى تولىق ساۋلەلەندىرىپ، كەڭ كولەمدە پىكىر جانە ۇسىنىس الىپ، ەكى جاقتى تىڭداپ بايىبىنا جەتۋ، ءبىر جاقتى عانا تىڭداپ ءدۇدامال بولۋدان ساقتانۋ، عىلمي جولمەن شەشىم جاساۋ، دەموكراتيالىق جولمەن شەشىم جاساۋ، زاڭ بويىنشا شەشىم جاساۋ كەرەك.

    شي جينپيڭ بىلاي دەپ اتاپ كورسەتتى: جاڭا جاعدايدا پارتيانىڭ ىشكى ساياسي تۇرمىسىن كۇشەيتۋ جانە ارناعا تۇسىرۋدە، پارتيانىڭ ىشكى ساياسي تۇرمىسىنىڭ ساياسيلىق، داۋىرلىك، پرينسيپتىك، جاۋىنگەرلىك سيپاتىن بارىنشا كۇشەيتۋ كەرەك. پارتيانىڭ ىشكى ساياسي تۇرمىسىنىڭ ساياسي سيپاتىن كۇشەيتۋ دەگەنىمىز پارتيانىڭ ىشكى ساياسي تۇرمىسىندا باتىل دۇرىس ساياسي باعىتتى يگەرىپ، پارتيا مۇشەلەرىن، كادرلاردى پارتيا ورتالىق كوميتەتىنىڭ بەدەلىن، پارتيانىڭ ىنتىماعى مەن شوعىرلى بىرلىگىن قورعاۋعا جەتەكتەۋ. پارتيانىڭ ىشكى ساياسي تۇرمىسىنىڭ داۋىرلىك سيپاتىن كۇشەيتۋ دەگەنىمىز پارتيانىڭ ىشكى ساياسي تۇرمىسىندا ءداۋىردىڭ اياق الىسىنا ىلەسىپ، ءداۋىر ۇنىنە قۇلاق اسىپ، ءداۋىر تاقىرىپتارىنا جاۋاپ قايتارىپ، پارتيا ىشىندە جارىققا شىققان ماسەلەلەردى دەر كەزىندە بايقاپ جانە شەشىپ، پارتيانىڭ ىشكى ساياسي تۇرمىسىنىڭ ومىرشەڭدىك كۇشىنىڭ باستان - اياق تاسقىنداپ تۇرۋىنا مۇمكىندىك جاساۋ. پارتيانىڭ ىشكى ساياسي تۇرمىسىنىڭ پرينسيپتىك سيپاتىن كۇشەيتۋ دەگەنىمىز پارتيانىڭ ىشكى ساياسي تۇرمىسىندا پارتيانىڭ يدەيالىق پرينسيبىنە، ساياسي پرينسيبىنە، ۇيىمدىق پرينسيبىنە، قىزمەت پرينسيبىنە تاباندى بولىپ، پارتيا ىشىندەگى ءتۇرلى قاتىناستاردى پرينسيپ بويىنشا ءبىر جاقتى ەتىپ، پارتيا ىشىندەگى قايشىلىقتار مەن ماسەلەلەردى پرينسيپ بويىنشا شەشۋ. پارتيانىڭ ىشكى ساياسي تۇرمىسىنىڭ جاۋىنگەرلىك سيپاتىن كۇشەيتۋ دەگەنىمىز پارتيانىڭ ىشكى ساياسي تۇرمىسىندا ايقىن تۋ ۇستاي وتىرىپ اقيقاتقا تاباندى بولىپ، قاتەلىكتەردى تۇزەتىپ، سىن جانە ءوز - وزىنە سىندى باتىل ورىستەتىپ، ءاربىر پارتيا ۇيىمىنىڭ جاماندىقتى الاستاپ، جاقسىلىقتى ساۋلەلەندىرەتىن جاۋىنگەر قامالعا اينالۋىنا، ءاربىر پارتيا مۇشەسىنىڭ جاقسىلىققا دەم بەرىپ، قاتەلىكتەردى تۇزەتەتىن جاۋىنگەر بولۋىنا مۇمكىندىك جاساۋ.

    شي جينپيڭ مىنالاردى باسا دارىپتەدى: وزىندىك توڭكەرىس جاساۋعا جۇرەكتى بولۋ − پارتيامىزدىڭ ەڭ جارقىن قاسيەتى ءارى پارتيامىزدىڭ ەڭ باستى ارتىقشىلىعى. پارتيامىزدىڭ وزىندىك توڭكەرىس جاساۋعا جۇرەكتى بولۋىنىڭ سەبەبى، پارتيامىزدا مەملەكەت، ۇلت، حالىق مۇددەسىنەن سىرت، ەشقانداي ەرەكشە مۇددە جوقتىعىندا. جەكە مۇددەنى كوزدەمەگەندە عانا، ءتۇپ نەگىزدى، ۇلى مۇددەلەردى كوزدەۋگە بولادى، سوندا عانا پارتيانىڭ سيپاتى مەن ءتۇبىرلى ماقساتى، حالىقتىڭ ءتۇبىرلى مۇددەسى تۇرعىسىنان ءوزىن - ءوزى قاداعالاۋعا بولادى؛ سوندا عانا كەمشىلىكتەردى بۇركەمەلەۋدەن، ماسەلەلەردەن قاشقالاقتاۋدان، اعاتتىعىن جاپقىشتاۋدان اۋلاق بولۋعا، بار كەمشىلىكتى جەڭۋگە، ورىن تەپكەن ماسەلەنى شەشۋگە، جىبەرىلگەن اعاتتىقتى مويىنداۋعا جانە تۇزەتۋگە بولادى. پارتيانى كوركەيتۋ، قۇدىرەتتەندىرۋ ءۇشىن، ءسوز جوق، وزىندىك توڭكەرىس جاساۋعا جۇرەكتى بولۋ رۋحىمەن ءوز - ءوزىن شىنىقتىرىپ، شىمىرلاندىرىپ وتىرۋ قاجەت. تەك كونەنى جاڭا مەن الماستىرىپ، دۇرىس جولدان تايماي، جاڭالىقتارعا ءورىس اشقاندا عانا، وزىندىك سەكىرىستى ىسكە اسىرۋعا، سوندا عانا پارتيا مەن حالىق ىستەرىنە ومىرشەڭ كۇش ۇستەي بەرۋگە بولادى.

    شي جينپيڭ مىنالاردى اتاپ كورسەتتى: باسشى كادرلار، اسىرەسە، جوعارى دارەجەلى باسشى كادرلار، ءسوز جوق، ءوزىن قاتاڭ تارتىپكە شاقىرىپ، ءوزى تۋرالى ۇدايى وڭاشا ويلانىپ، ۇساق - تۇيەككە دە باسا ءمان بەرۋى، ءوزىنىڭ ءسوز - سويلەمى مەن ءىس - ارەكەتىن ۇنەمى دەرلىك پارتيا ۋستاۆىنا سالىستىرا تەكسەرىپ، پارتيالىلىق شىنىعۋدى كۇشەيتىپ، ءمورال مەن مىنەزدى شىڭاپ، كوممۋنيستەردىڭ ساياسي قاسيەتىن ماڭگى ساقتاۋى قاجەت. باسشى كادرلار، اسىرەسە، جوعارى دارەجەلى باسشى كادرلار ءۇشىن ايتقاندا، ءوزىن قاتاڭ تارتىپكە شاقىرۋدىڭ تەتىگى − ءوز - وزىمەن وڭاشا قالعاندا، بولماشى نارسەلەردە ءوزى تۋرالى وي تولعاپ، ۇساق - تۇيەككە باسا ءمان بەرىپ، قاي - قاشان دا كوڭىلدەن ىززەت، كوكەيدەن ساقتىقتى شىعارماي، ساياسي تاباندىلىقتى، تارتىپكە تاباندىلىقتى، ءمورالعا تاباندىلىقتى، جەمقورلىققا قارسى تاباندىلىقتى نىعايتىپ، ەشقاشان بوساڭسىماۋى، جولدان تايماۋى، الا جىپتەن اتتاماۋى قاجەت.

    شي جينپيڭ مىنالاردى باسا دارىپتەدى: باسشى كادرلار ءوزىن قاتاڭ تارتىپكە شاقىرعاندا، ەرەكشە ۇقىق تۋرالى يدەيالارمەن جانە ەرەكشە ۇقىق جايتتەرىمەن كۇرەس جۇرگىزۋگە باسا نازار اۋدارىپ، ءوز باسىنان، ماڭايىنداعى ادامدارىن باسقارۋدان باستاپ، وزىنە ەڭ جاقىن جەردەن ەرەكشە ۇقىقتان ساقتانۋدىڭ جانە وعان قارسى تۇرۋدىڭ قورعانىس جەلىسىن قالىپتاستىرۋى قاجەت. باسشى كادرلار ءوزىن قاتاڭ تارتىپكە شاقىرعاندا، ادام تاڭداۋ، ادام ىستەتۋ جاعىندا باعداردان جازباۋعا، پرينسيپتەن تايماۋعا باسا نازار اۋدارىپ، كادرلاردى پارتيا باسقارۋ پرينسيبىنە تاباندى بولىپ، پارتيانىڭ كادرلار ساياساتىن باس بولىپ اتقارىپ، ءتۇرلى بۇرىس ستيلدەردى باتىل تۇزەتۋى قاجەت. باسشى كادرلار ءوزىن قاتاڭ تارتىپكە شاقىرعاندا، مۇددەلى توپتاردىڭ «قورشاۋىنا» تۇسۋدەن ساقتانۋعا باسا نازار اۋدارىپ، بيلىكتى ءادىل، ىقتياتپەن، زاڭ بويىنشا قولدانۋعا جانە بارىس - كەلىس كەزىندە پرينسيپتەن جازباۋعا، شەكتەن اتتاماۋعا، قاعيدادان وزباۋعا تاباندى بولۋى كەرەك. باسشى كادرلار ءوزىن قاتاڭ تارتىپكە شاقىرعاندا، باقىلاۋدى سانالى، بەلسەندى تۇردە قابىلداۋعا باسا نازار اۋدارىپ، پارتياعا ادال، شىنشىل بولۋى قاجەت، پارتيا مۇشەلەرىنىڭ، كادرلاردىڭ ەشقانداي جەلەۋمەن باقىلاۋدان باس تارتۋىنا، پارتيا ۇيىمدارىنىڭ دا ەشقانداي سىلتاۋمەن باقىلاۋدى بوساڭسىتۋىنا بولمايدى.

    شي جينپيڭ مىنالاردى اتاپ كورسەتتى: پارتيا 18 - كەزەكتى ورتالىق كوميتەتىنىڭ التىنشى جالپى ماجىلىسىندە ماقۇلدانعان «ولشەم» مەن «ەرەجەدە»، پارتيا ىشىندە ورىن تەپكەن كورنەۋ قايشىلىق پەن ماسەلەلەرگە سايكەس، اۋرۋدىڭ بەينەسىمەن بىرگە، ونىڭ ەم - دومى دا كورسەتىلگەن، ۇستىنەن وڭاۋ شارالارى دا، تۇبىرىنەن وڭاۋ جوباسى دا قامتىلعان. «ولشەم» مەن «ەرەجەنى» ۇيرەنۋ، ءتۇسىنۋ، ءسوز جوق، جاڭا جاعدايداعى پارتيانى جاپپاي قاتاڭ جونگە سالۋدىڭ تالاپتارىمەن تىعىز ۇشتاستىرىلۋى قاجەت. «ولشەم» مەن «ەرەجەنىڭ» ءاربىر اۋىز سوزىندە تەرەڭ ماعىنا جانە ايقىن نۇسقاۋلار بار، بولسا دا، بولماسا دا بولاتىن نارسە ەمەس. كوپشىلىك قايتا - قايتا ۇيرەنىپ، قايتا - قايتا وي ەلەگىنەن وتكىزىپ، قايتا - قايتا سالىستىرۋى كەرەك، قۇنتسىزدىق ىستەۋگە، شايناماي جۇتۋعا بولمايدى.

    شي جينپيڭ مىنالاردى باسا دارىپتەدى: ءار دارەجەلى پارتكوم مەن باسشى كادرلار ساياسي جاۋاپكەرشىلىك پەن باسشىلىق جاۋاپكەرشىلىكتى ۇستىنە الىپ، «ولشەم» مەن «ەرەجەنى» دايەكتىلەندىرۋدى ءاربىر پارتيا ۇيىمىنىڭ، ءاربىر پارتيا مۇشەسىنىڭ سانالى ارەكەتىنە اينالدىرۋى كەرەك. باسشى كادرلار، اسىرەسە، ءبىرىنشى باسشى تىكە يگەرىپ، توتە باسقارىپ، دايەكتىلەندىرۋ، تياناقتاندىرۋدىڭ تەرىس كەتپەۋىنە، ءتۇرى وزگەرمەۋىنە كەپىلدىك ەتۋى كەرەك. ءار دارەجەلى پارتيا ۇيىمدارى تەكسەرۋ مەن باعالاۋدى كۇشەيتىپ، ماسەلەلەردى دەر كەزىندە بايقاپ جانە شەشىپ، ءتارتىپ اتقارۋ مەن جاۋاپقا تارتۋدى قاتاڭ تياناقتاندىرىپ، تياناقتاندىرۋدى يگەرۋدىڭ باياندى مەحانيزمىن جەتىلدىرۋى قاجەت. جوعارى دارەجەلى باسشى كادرلار ءوزى ونەگە بولىپ، ءوز باسىمەن ۇلگى كورسەتۋى، پارتيا مۇشەلەرىنەن، كادرلاردان ورىنداۋ تالاپ ەتىلگەن ءىستى، ءسوز جوق، الدىمەن ءوزى ورىنداۋى، پارتيا مۇشەلەرىنەن، كادرلاردان ىستەمەۋ تالاپ ەتىلگەن ءىستى، ءسوز جوق، الدىمەن ءوزى ىستەمەۋى كەرەك. وسىندا وتىرعاندارىڭىزدىڭ ونەگە كورسەتىپ، پارتيانى جاپپاي قاتاڭ جونگە سالۋ بارىسىندا تىڭ ۇلەس قوسىپ، جاقسى بەينە كورسەتۋلەرىڭىزدى ءۇمىت ەتەمىن.

    لي كىچياڭ ساباق باستاۋ سالتىندا مىنالاردى اتاپ كورسەتتى: باس شۋجي شي جينپيڭنىڭ ماڭىزدى سوزىندە، پارتيا مەن مەملەكەتتىڭ جالپى جاعدايى تۇرعىسىنان، پارتيانىڭ ىشكى ساياسي تۇرمىسىن كۇشەيتۋ مەن ارناعا سالۋ، پارتيا ىشىندەگى باقىلاۋدى كۇشەيتۋ جونىندەگى ماڭىزدى ماسەلەلەر تەرەڭ بايىمدالدى، ماڭىزدى ءسوز پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتىپ، پارتيانى جاپپاي قاتاڭ جونگە سالۋدى تەرەڭدەتۋدە كەلەلى ءارى تەرەڭ جەتەكشى مانگە يە. ءىس جۇزىندەگى جاعدايعا بايلانىستىرىپ، تەرەڭ ۇيرەنىپ، ەگجەي - تەگجەيلى ءتۇسىنىپ، مايەكتى ءمانىن يگەرىپ، ونى ءتۇرلى جاقتاعى قىزمەتتە ءتىپتى تىڭعىلىقتى تۇردە تياناقتاندىرۋ قاجەت. ءار دارەجەلى باسشى كادرلار، اسىرەسە، جوعارى دارەجەلى باسشى كادرلار تومەندەگىلەرگە ۇلگى بولىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن ونان سايىن كۇشەيتىپ، پارتيانى جاپپاي قاتاڭ جونگە سالۋدى تاباندى تۇردە ىلگەرىلەتىپ، پارتيا ورتالىق كوميتەتىنىڭ بەدەلىن باتىل قورعاپ، پارتيانىڭ ىشكى ساياسي تۇرمىسىنىڭ ساپاسىن جوعارىلاتىپ، كەڭ تىنىستى ساياسي ەكولوگيانى بىرگە قالىپتاستىرىپ، ءوزىن قاتاڭ تارتىپكە شاقىرىپ، جاۋاپكەرشىلىكتى باتىلدىقپەن ارقالاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيا ورتالىق كوميتەتىنىڭ ءتۇرلى شەشىم - ورنالاستىرۋلارىنىڭ تياناقتانۋىن ويداعىداي يگەرىپ، رەفورما مەن دامۋدى جەبەۋگە قۇدىرەتتى كۇش توپتاپ، تىڭعىلىقتى جۇمىس جۇرگىزىپ، بەلسەنە ەڭبەك ەتىپ، ءتۇرلى ىستەردىڭ دامۋىنىڭ ناتيجە بەرۋىن ىلگەرىلەتىپ، پارتيانىڭ 19 - قۇرىلتايىنىڭ جەڭىسپەن اشىلۋىن قارسى الۋى كەرەك.

جاۋاپتى رەداكتور:سايراش تۇرارجان قىزى