قىسقى عىلىم- تەحنيكا قيمىلى ورستەتىلدى

 

     اداق شايمۇرات ۇلى حابارلايدى. وتكەن جىلى جەلتوقسان ايىنان بەرى قۇتىبي اۋدانىنداعى ءار قايسى اۋىل- قالاشىقتاردا 27- رەتكى«قىسقى عىلىم- تەحنيكا» قيمىلدارى دابىرالى ورستەتىلىپ، ەگىنشى- مالشىلار بوس ۋاقىتتارنان پايدالانىپ، ءتۇرلى قولدانىلمالى تەحىنيكالىق كۋرستەرگە قاتىناسىپ،ءوز ونەرلەرىن جەتىلدىرە ءتۇستى.

    مۇندا، اۋدانعا قاراستى ءار قايسى اۋىل-قالاشىقتاردا جەرگىلىكتى ورىنداردىڭ ەرەكشەلىكتەرىنە قاراي وتىرىپ، ءتۇرلى ونەرلەرگە تاربيەلەۋ كۋرستەرىن ارىت- ارتىنان اشتى. ايتالىق: تورعايتى قالاشىعى مەن تاسباسپالداق ۇلتتىق اۋىلىندا كەستەشىلىك، ءتۇرلى ساياحات قولونەر بۇيىمدارىن جاساۋ، جانە مال ءناسىلىن ساپالاندىرۋ بىلمدەرى، دافىڭ قالاشىعىندا ەلەكترون ساۋداسى مەن اۋىل شارۋاشىلىق بىلمدەرى، ۋگۇڭتاي قالاشىعىندا جۇزىم ەگۋ جانە ونى مانەرلەۋ تەحنيكاسى، ىرشىليدان قالاشىعىندا قالامشا، گۇل-ءشوپ ەگۋ جانە ونى باپتاۋ، بازارعا سالۋ تەحنيكاسىن ۇيرەتسە. ال، يۇانحۇسۇن قالاشىعى اۋىل شاتتىعى ساياجايىن باسقارۋ مەن ءتۇرلى ىستىق، سۋىق قۇرماشتاردى دايارلاۋ، قۇرۋ تەحنيكاسىن ۇيرەتتى. سونىمەن بىرگە، سول جەردەگى ەگىنشى- مالشىلاردىڭ تالابى بويىنشا قارتتاردى كۇتىمدەۋ، وتباسىلىق كۇتۋشىلىك، ساياحات باسقارۋ، قۇرلىس سالۋ، اسپازىلىق، وتباسى جابدىقتارىن رەيمونتتاۋ، دانەكەرلەر كاسبىى، ەرەكشە ءۇي قۇستارىن باعۋ قاتارلى كاسپتەر بويىنشا جوعارعى ورىنداردان مامانداردى ۇسىنىس ەتىپ، جۇيەلى ساباق ساباق بەرگىزدى.

    يۇانحۇسۇن قالاشىعى شاڭ ىرگۇڭ قىستاعىنىڭ تۇرعىنى ما لي: قازىر ءبىزدىڭ تۇرمىسىمىز جىل سايىن جاقسارا تۇسۋدە، مەن وسى رەتكى اسپازلىق كۇرسكە تولىق قاتىناسىپ، ءتۇرلى قۇرماش قۇرۋ ونەرىمدى جەتىلدىرىپ، الدا ءبىر اۋىل شاتتىعى ساياجايىن اشپاقشىمىن. قازىر ءتۇرلى دايارلىق جۇمىستارى نەگىزنەن ءبىتىپ بولدى،- دەدى.

    قىزىلتاس قىستاعىنىڭ تۇرعىنى نۇرگۇل: ءبىزدىڭ وتىراقتاسۋ تۇيىنىمىزدەن وتكەن جىلى كۇزدە كاسپتەنۋ باقشا قۇرلسى سالىنعان. مەن وسى جەردەن ءبىر ءۇي الىپ قويدىم. وسى رەتكى كۋرستە ورايدى قولدان بەرمەي ساياحات قولونەر بۇيىمدارىن جاساۋدى جاقسى ۇيرەنىپ، تولىمدىلىق كۋالىگىن الىپ، جازدا ساياحات كاسبمەن شۇعىلدانۋ جوسپارىم بار،- دەدى.

    بۇل رەتكى «قىسقى عىلىم- تەحنيكا» قيمىلى باستالعان 75 كۇندە بۇل اۋدانداعى ءار قايسى اۋىل- قالاشىقتار جالپى 182 رەت ءتۇرلى كۋرىس اشىلىپ، تاربيەلەنگەن كۋرسانتتار سانى 23 مىڭ 640 ادام (رەتكە) جەتكەن.

جاۋاپتى رەداكتور:نۇرجان مينۋار قىزى