لاشىق رايونداردى وزگەرتىپ، تۇرعىنداردىڭ باقىت كورسەتكشىن جوعارلاتۋعا كۇش سالدى

 

    سەرىك يمانقان ۇلى حابارلايدى. قالا قۇرىلس سۇلباسىنىڭ، دەڭگەيىنىڭ بىرتىندەپ جوعارلاۋىنا ساي، قالا كەڭستىگىندە ەڭسەلى دە ساۋلەتتى قۇرىلستار بوي كوتەردى. بۇل قۇرىلستار بىردەن قالا حالقىنا جايلى دە راحاتتى قونىس سيلاسا بىردەن قالا كوركىنە كورىك قوستى. دەسەدە، قالا دەڭگەيىنىڭ دامۋ قاجەتىنە قاراي كەشەگى كۇنى داڭعىراپ جاتقان جاتاعان ۇيلەردى بۇزىپ كوشىرۋگە تۋرا كەلدى. بۇل ءىس- شارا حالىقتىڭ قونستانۋ ورتاسىن اناعۇلىم جاقسارتىپ، ولاردىڭ باقىت كورسەتكشىن جوعارلاتۋ ەدى.

    2017- جىلى بۋرىلتوعاي اۋدانىندا كەڭ كولەمدى لاشىقتار رايوندارىن وزگەرتۋ قۇرىلسى باستالماقشى. مىنە وسى وزگەرتۋ قۇرىلسىنان كوپتەگەن تۇرعىندار قوس باعىتتى تيىمدىلىك ساياساتىنان يگىلىكتەنىپ، قونستانۋ ورتاسىن جاقسارتادى. جاقىندا، بۋرىلتوعاي قالاشىعى تىنشتىق جولى الەۋمەتتىك اۋماعىنىڭ كادرلارى بىرنەشە گرۋپپاعا ءبولىنىپ، تۇرعىندار رايونىن ارالاپ، كەزەكتەگى لاشىقتار رايونىن وزگەرتىپ الۋ جونىندەگى ساياسات، اتقارۋ جوبالارىن ءارۇلت بۇقارالارىنا تاپتشتەي ۇعىندىرىپ، تىزىمدەۋ گراپپاسىن تولتىردى.

    وتباسىن ارالاپ قىزمەت ىستەۋ بارسىندا كوپتەگەن تۇرعىندار ارت- ارتىنان: ءبىزدىڭ بۇل لاشىقتار رايونىمىز شوعىرلى ورنالاسقان. دەرلىكتەي كونەرگەن جاتاعان ۇيلەر بولىپ، تۇلعالاندىرۋ قۇرىلعىلارى كەمەلسىز، جىلۋمەن قامداۋ، لات سۋ ىعستىرۋ ارنالارى جۇيەسىز، جول قۇرىلستارى ناشار بولۋداي كوپتەگەن كىلتەڭ ماسەلەلەر ءومىر سۇرۋدە، مىنەكەي پارتيانىڭ ابزال ساياساتىنىڭ ارقاسىندا، يگىلىككە كەنەلىپ وتىرمىز،- دەدى قۋانشتارىن جاسىرا الماي.

    تىنشتىق جولى الەۋمەتتىك اۋماعىنىڭ تۇرعىنى ءشارىپ: مەن بۇل جاتاعان ۇيدە ۇزاق ۋاقىت تۇردىم. قازىر كونە ۇيگە اينالدى، ونىڭ ۇستىنە ءبىز سياقتى جاسى كەلگەن ادامدارعا قىستا وتىن جاعۋ قيىن ەكەن. ال، قازىر ۇكىمەتتىڭ ءتيىمدى ساياساتىنا كەز بولدىق، قوس قولداپ قولدايمىن، - دەدى.

    ۇعىسۋعا قاراعاندا، قازىر قالانىڭ لاشىقتار رايونىن وزگەرتۋ قۇرىلسى باستالىپتى. ءبىر جىل ۋاقىتپەن جۇرىلەتىن بۇل قۇرىلس نەگىزىنەن تىنشتىق باتىس جولىنىڭ سولتۇستىگىندەگى ۇكىمەت ارتقى داڭعىلى، كونە اۋىل شارۋاشىلىق ساۋدا بازارى، جاڭا اۋىل شارۋاشىلىق بازارى سياقتى التى ءتۇيىندى وڭىردى ءوز ىشىنە الىپ، 1250 وتباسىن وزگەرتىپ الۋدى جوسپارعا الىپ، اقشاعا اينالدىرۋ فورماسىمەن تولەم بەرەدى ەكەن.

ءتىلشىنىڭ قىزمەت ورنى: بۋرىلتوعاي اۋداندىق ۇكىمەت كەڭسەسى

جاۋاپتى رەداكتور:نۇرجان مينۋار قىزى