شىڭگىلدەگى ٴار ۇلت بۇقاراسى بىرلىكتە يۋانشياۋ مەرەكەسىن تويلادى


    قۇرمانگۇل اسپەن قىزى حابارلايدى. 11-اقپان، شىڭگىل قالاشىعى مۇراجايدىڭ الدىندا ويىنساۋىق قيمىلىن وتكىزىپ، مىڭداعان ادام جينالىپ، يۋانشياۋ مەرەكەسىن تويلادى. اۋداندىق پارتكومنىڭ شۋجيى جيان تيڭۋي، اۋدان اكىمى جالىن توتاي ۇلى جانە اۋداننىڭ ءتورت باسشىلىق القاسىنداعى باسشىلار قيمىلدىڭ باستالۋ سالتىنا قاتىناستى، شىڭگىل اۋدانىنىڭ اكىمى جالىن توتاي ۇلى ٴسوز سويلەدى، اۋدان اكىمى جيان تيڭۋي قيمىلدىڭ باستالعاندىعىن جاريالادى.

    داۋىسى كوككە ورلەگەن بارابان ٴۇنى ىشىندە، كوكتەم اۋەنى شارىقتادى. ىلە-شالا، ياڭگى ٴبي اترەتىندەگىلەر تاماشا بيلەرىن تارتۋ ەتسە، «قارا جورعا» مەن «ايجارىق» مەرەكە مەرەيىن اسىردى. سوڭىنان، حانزۋ، قازاق، حۇيزۋ، ۇيعۇر ۇلتىنان قۇرام تاپقان ويىن اترەتى باستى كوشەلەردى ارالاپ، دابىل قاعىپ، بارابان سوعىپ، ايداعار بيىنە باسىپ، ٴان ايتىپ، ٴبي بيلەپ، اۋدان قالاشىعىن دۋمانعا بولەدى.

جاۋاپتى رەداكتور:نۇرجان مينۋار قىزى