بوستان قىستاعىنداعى مەرەكە شاتتىعى

 

    الدار كوكسەگەن ۇلى حابارلايدى. موري قازاق اۆتونوميالى اۋدانى بوستان اۋىلى بوستان قىستاعىنىڭ مادەنيەت مايدانىندا «كوكتەم مەرەكەسى دەنەتاربيە قيمىلى» وتكىزىلىپ، قىستاقتاعى مالشىلار ءبىر اراعا باس قوسىپ مەرەكە شاتتىعىنا بولەندى.

    بۇل رەتكى قيمىل «ۇلتتار ىنتىماعىنىڭ بەرەكەلى شاڭىرعى» جەلىلەس قيمىلىنىڭ ءبىر مازمۇنى بولىپ، قيمىلعا قىستاق تۇرعىندارى، قىستاق كادرلەرى، قىزمەت اترەتىنىڭ كادرلارى، اۋىلىنا قىستىق كانيكولعا كەلگەن ستۋدەنتتەر، قىستىق دەمالىستاعى ورتا – باستاۋىش وقوشىلارىنان بولىپ 260 ادام قاتىناستى.

    جارىس قىستىق ۇزاققا جۇگىرۋ، باسكەتبول، ارقان تارتۋ، قاۋىرسىن دوپ، جىپتەن سەكىرۋ، تەكپىش تەبۋ قاتارلى 7 ءتۇر بويىنشا وتكىزىلىپ، شەبەرلەر «دوستىق ءبىرىنشى، جارىس ەكىنشى» دەيتىن ءداستۇرلى رۋحپەن ءوز رولدارىن ساۋلەلەندىرىپ، قيمىلعا بەرەكەنىڭ، بەرەكەنىڭ ءتۇسىن قوستى.

    باسكەتبول جارىسىنا قاتىناسقان 51 جاستاعى قىستاق تۇرعىنى سىمايىل قۋانىشتى تۇردە: «‹ۇعىسۋ، تيىمدىلىك جاسۋ، توعىستىرۋ› قىزمەت اترەتىنىڭ قىستاعىمىزعا وسىنداي ءبىر تاماشا دەنە شىنىقتىرۋ، كوڭىل اشۋ ورتاسىن ازىرلەپ بەرگەنىنە مىڭ العىس. قىستاعىمىزدىڭ مادەنيەت مايدانى مالشىلارىمىزدىڭ كوڭىل كوتەرەتىن، دەنە شىنىقتىرىپ دەنساۋلىق اقاۋسىزدىعىن ساقتايتىن، بەرەكە – بىرلىكتى كۇشەيتەتىن ورتاسىنا اينالدى»،-دەدى.

    جارىس اقىرلاسقان سوڭ، سانجى وبلىستىق قاتىناسا تاسىمال مەكەمەسىنىڭ كادرى، بوستان قىستاعىنا تۇسكەن قىزمەت گرۋپپاسىنىڭ باستىعى چاڭ گاۋشۇن جارىستا ناتيجە جاراتقان شەبەرلەرگە سيىلىق تاراتۋ مەن بىرگە، قسىتاق تۇرعىندارىنان بۇقارالىق دەنە شىنىقتىرۋ قيمىلىنا ۇزبەي قاتىناسۋىن، ۇلتتار دوستىعىن بەكەمدەپ، ورنىقتىلىقتى قورعاپ، كوركەم قىستاق قۇرىپ شىعۋدى تالاپ ەتتى.

 

ءتىلشىنىڭ قىزمەت ورنى: موري قازاق اۆتونوميالى اۋدانى پارتيا مەكتەبى

جاۋاپتى رەداكتور:نۇرجان مينۋار قىزى