دوستىق قيمىلى وتكىزىلىپ، مەرەكە بىرگە تويلاندى

 

    ۇلپان بەيسەنقۇل قىزى حابارلايدى. 10-اقپان، بۋىرشىن اۋداندىق ۇكىمەت كەڭسەسىنىڭ ويماقى قالاشىق قۇرىمسى قىستاعىنا تۇسكەن قىزمەت اترەتىندەگىلەر مەن اۋداندىق ورتا قورعاۋ مەكەمەسىنەن ويماقى قالاشىق اقبەيىت قىستاعىنا تۇسكەن قىزمەت اترەتىندەگىلەر بىرلەسىپ، اقبەيىت قىستاق كەڭسەسىندە «مەرەكەنى قۇتتىقتاپ، دوستىقتى نىعايتايىق» اتىنداعى يۋانشياۋ مەرەكەسىن قارسى الۋ دوستىق قيمىلىن ۇيىمداستىرىپ وتكىزدى.

    ەكى قىستاقتان جيىلعان 100دەن استام بۇقارا اۋەلى ايبىندى تۋ شىعارۋ سالتىنا قاتىناسىپ، بىرلىكتە ءان ايتۋ، ءبي بيلەۋ، پانار جۇمباعىن شەشۋ، ورىندىققا تالاسۋ، قوس تىلدە ءان شىرقاۋ قاتارلى مادەني قيمىلدار وتكىزىپ، بىرلىكتە مەرەكە تاعامىن جەپ مەرەكەنىڭ مەرەيىن اسىردى.

    قۇرىمسى قىستاعىنان قيمىلعا قاتىناسۋعا كەلگەن اسىلعازى اقساقال تىلشىگە بىلاي دەدى: «وسى رەتكى قيمىل ارقىلى بۇقارانىڭ رۋحاني مادەنيەت تۇرمىسىن بايىتىپ قانا قالماستان، ەكى قىستاقتىڭ دوستىق بارىس-كەلىسى مەن ۇلتتار ىنتىماعىن ودان ارى قويۋلاتا ءتۇستى. وسىنداي قىزعىندى مادەني قيمىل وتكىزىپ بەرگەن قىزمەت اترەتىندەگى كادرلەرگە راحىمەت».

جاۋاپتى رەداكتور:نۇرجان مينۋار قىزى