«قۋانىشپەن يۇانشياۋ مەرەكەسىن تويلاپ، شاتتىقپەن جاراسىمدىلىقتى جەبەيىك» اتىنداعى ساۋىقكەش وزدىرىلدى


    بىرلەس جۇرتباي ۇلى حابارلايدى. جۇڭحۋا ۇلتتارىنىڭ ءداستۇرلى يۇانشياۋ مەرەكەسى بايلانىسىمەن، 10-اقپان كۇنى قابا اۋدانىنىڭ 2017-جىلعى «قۋانىشپەن يۇانشياۋ مەرەكەسىن تويلاپ، شاتتىقپەن جاراسىمدىلىقتى جەبەيىك» اتىنداعى ارميا مەن حالىق بىرلەسكەن ساۋىقكەشى وزدىرىلدى.

    سالتاناتتى ساۋىقكەشتى قابا اۋداندىق حالىق ۇكىمەتى باس بولىپ، اقشي قالاشىق حالىق ۇكىمەتى ۇستىنە الىپ وتكىزدى. ايبىندى دا رۋىحتى جۇيىرىك جۇرگىزۋشىلەر تۇنىق تا اسەم اسقاق ۇندەرىمەن، جالپى جۇرتتىڭ يۇانشياۋ مەرەكەلەرىنە قۇتتى بولسىن ايتىپ، اۋداندىق پارتكوم مەن ۇكىمەتتىڭ دۇرىس باسشىلىعىندا، قوعام ورنىقتىلىعى مەن باياندى تىنىشتىعى سىندى باس نىسانانى توڭىرەكتەي، ورنىقتىلىقتى قورعاۋ مىندەتىن تىڭعىلىقتى تياناقتاندىرىپ، حالىقتىق ينجەنەرياعا باسا ءمان بەرىپ، نەگىزگى ساتى ۇيىمدىق قۇرلىستى كۇشەيتىپ، مادەنيەت ىستەرىن دامىتىپ، اۋدانىمىزدا قوعامى ورنىقتى، ءار ۇلت بۇقاراسى باياشاتتى بولعان ورتا قالىپتاستىرعاندىعىن، سونداي-اق، بۇگىنگى ساۋىقكەشتى ۇستىنە الىپ وتكىزگەن اقشي قالاشىعىنىڭ، ىلگەرىندى-كەيىندى «3 كەزەك مەملەكەت دارەجەلى وركەنيەتتى قالاشىق»، «اۆتونوميالى رايون دارەجەلى عىلىم-تەحىنيكادا ىلعارى قالاشىق»، «ايماق دارەجەلى ۇلتتار ىنتىماعىندا ۇلگىلى قالاشىق» قاتارلى كوپتەگەن مارتەبەلى اتاقتارعا يە بولعاندىعىن ماقتانىشپەن اۋىزعا الۋمەن بىرگە، شەكارا رايوندا، الدىڭعى شەپتە قىزمەت وتەپ جاتقان بارلىق اسكەري كوماندىرلار مەن قوعام حاۋىپسىزدىك ساقشىلارىنا ايىرىقشا العىس بىلدىرە كەلىپ، ساۋىقكەش باياشاتتى دا جاراسىمدى ءداۋىرىمىزدى بەينەلەگەن «يۇانشياۋداعى گۇل شىراق» اتتى اسەم بىيمەن باستالاتىندىعىن جاريالادى.

    اتالعان ساۋىقكەش ارى قاراي «ەڭ جاقسى ءانىمدى پارتياعا ارنايمىن»، «ۇستىرتتەگى ماحاببات»، «ارمانعا قانات»، «بەرەكەلى شاڭىراق»، «ساحاراعا سۇيىسپەنشىلىك» قاتارلى شىنايى ارمانعا، تەرەڭ سۇيىسپەنشىلىككە، بالزام ماحاباتقا، ورەلى ومىرشەڭدىككە تولى باي-مازمۇندى ويىن نومىرلەرىمەن، كورەرمەن جۇرتتىڭ جۇرەك قىلىن تەربەپ، بۇگىنگى بال-باقىتتى زامانىمىزدىڭ قۇدىرەتىن ءتىپتى دە تەرەڭ سەزىندىردى.

    سونىمەن، قالاشىقتاعى  مەكەمە، مەكتەپ، ورىن، تارۋلارداعى كادرلار، پەنسياداعى جولداستار، بۇقارالار، سونداي-اق، الدىڭعى شەپتە قىزمەت وتەپ جاتقان اسكەري كوماندىرلار، ساقشىلار، قاتىستى باسشىلار بولىپ جالپى 800 دەي كورەرمەن، بۇل رەتكى ساۋىق كەشتى تاماشالادى.

جاۋاپتى رەداكتور:نۇرجان مينۋار قىزى