قانتتى نەسەپ اۋرۋىنا شالدىققانداردىڭ عۇمىرى ورتا ەسەپپەن 9 جىل قىسقارادى

    (ۋاڭ جۇنپيڭ) JAMA شيپاگەرلىك جۋرنالىندا (ا ق ش شيپاگەرلىك قوعامىنىڭ جۋرنالى) جاريالاعان ەڭ جاڭا مالىمەتكە قاراعاندا، جۇڭگودا قانتتى نەسەپ اۋرۋىنا شالدىققانداردىڭ عۇمىرى بۇل ناۋقاستان امان ادامدارمەن سالىستىرعاندا ورتا ەسەپپەن 9 جىل قىسقا بولادى. بۇل نەگىزىنەن قانتتى نەسەپ اۋرۋىن ەمدەۋ مەن تىزگىندەۋدىڭ ۇيلەسىمسىز بولۋىنان تۋىنداپ وتىر، اۋىل – قىستاقتاردا بۇل ماسەلە ءتىپتى دە كورنەكتى.

    جۇڭگودا قازىر 100 ميلليون ەرەسەك ادام قانتتى نەسەپ اۋرۋىنا شالدىققان. بۇل زەرتتەۋدى انگليانىڭ وكسفورد ۋنيۆەرسيتەتى مەن بەيجيڭ ۋنيۆەرسيتەتىنىڭ زەرتتەۋشىلەرى بىرلىكتە اياقتاتقان، ولار قانتتى نەسەپ اۋرۋى مەن ءولىم – ءجىتىم اراسىنداعى بايلانىستى ءبىلۋ ءۇشىن، جۇڭگوداعى 10 وڭىردەن 500 مىڭ ەرەسەك ادامنىڭ ساندى مالىمەتتەرىنە ساراپتاۋ جۇرگىزگەن.

    اتالعان زەرتتەۋ ناتيجەسىنە قاراعاندا، باسقا احۋالدارى ۇقساس، ءبىراق قانتتى نەسەپ اۋرۋىنا شالدىقپاعاندارمەن سالىستىرعاندا، 50 جاستا قانتتى نەسەپ اۋرۋىنا شالدىققانداردىڭ كەيىنگى 25 جىلدا (75 جاستان بۇرىن) قازا بولۋ ىقتيمالدىعى %38تەن %69كە دەيىن جوعارىلايدى، بۇل ولاردىڭ عۇمىرىنىڭ ورتا ەسەپپەن 9 جىل قىسقا بولاتىنىن كورسەتەدى. اۋىل – قىستاقتاردا ورتا ەسەپپەن 10 جىل، قالادا ورتا ەسەپپەن 8 جىل قىسقا بولادى. زەرتتەۋ ناتيجەسىنە قاراعاندا، قانتتى نەسەپ اۋرۋىنا قانشا ەرتە شالدىققان سايىن، ەرتە قايتىس بولۋ حاۋپى دە سولعۇرلىم جوعارى بولادى.

جاۋاپتى رەداكتور:سايراش تۇرارجان قىزى