كۇي كۇمبىرى ۇزىلمەسىن

 

    ەرباقىت قابدەش ۇلى حابارلايدى. جەمەنەي اۋداندىق كوركەمونەر ويىنساۋىق ۇيىرمەسىنىڭ جاس دومبىراشىسى قۋانىش كالەن ۇلى بۇل كۇندەرى اۋدان قالاشىعىنان ارناۋلى ءبىر ءۇيدى مايعا الىپ، «مۇنار مۋزىكا اسپاپتار» دۇكەنىن اشقان بولاتىن.

    ول كاسىپتەن سىرتقى بوس ۋاقىتىنان پايدالانىپ، وقۋشىلاردىڭ قىسقى كانيكولعا تاراۋ ورايىنا ساي، وسى ورتالىقتى ۇلتىمىز ۇلاندارىنىڭ ونەر- ءبىلىم الاتىن ورداسىنا اينالدىردى. سونىمەن، ول وسى ورىندا ۇلتىمىز ۇلاندارىنىڭ ونەرىن ۇشتاۋ ماقساتىندا ءبىر ايلىق ۋاقىتپەن دومبىرا ۇيرەنۋ كۋرىسىن اشقان بولاتىن.

    بۇل رەتكى اشىلعان كۋرىسكە اۋدان قالاشىعىنداعى ءان – كۇيگە بەيىمى بار ورەندەردەن 20 دان ارتىق ادام قاتىناسىپ، وسى ءبىر شاعىن ورتالىقتى كۇي كۇمىرىنە بولەدى. ۇلاعاتتى ۇلتىمىزدىڭ اتادان- بالاعا جالعاس تاۋعان ۇلتتىق مۇراسى بولعان قاسيەتتى قارا دومبىراسىن قولتىقتارىنا قىسىپ، ونەر- ءبىلىم يگەرىپ، بالاشاقتان بولاشاققا جەتكىزۋگە تالپىنعان ونەر سۇيگىش ۇلتىمىز ۇلاندارىنا نەگە الاقاي ايتپاسقا؟!

    دومبىرا كۋرىسىنا قاتىناسقان جەمەنەي اۋداندىق قالاشىق باستاۋىش مەكتەپ5- جىلدىق 4-كلاس وقۋشىسى تاڭبول ەركىن ۇلى بىلاي دەدى: «ءبىز قىستىق دەمالىس ورايىندا دومبىراشى قۋانىش اعانىڭ جەتەكشىلىگىندە دومبىرامەن حالىق اندەرىن شىرقاۋ، دومبىرادا كۇي ورىنداۋ سىندى ساۋاتتىق بىلىمدەرگە يە بولدىق. جالعاستى وسىنداي ونەر كلاستارىنىڭ كوپتەپ اشىلىپ تۇرۋىن تىلەيمىن».

    ۇلتىمىزدىڭ وسىنداي ونەر سۇيگىش ۇلاندارى كۇن سايىن مولايا بەرگەي، كۇي كۇمبىرى ماڭگى ءۇزىلمەسىن!

 

 ءتىلشىنىڭ ءادىرىسى: جەمەنەي اۋدانى ۇلاستى قالاشىعى

جاۋاپتى رەداكتور:نۇرجان مينۋار قىزى