ابىلەلىم ابىلەز 2016 - جىلعى «جۇڭگونى اسەرلەندىرگەن» 10 ءىرى تۇلعا اتاعىنا يە بولدى

    2016 - جىلعى «جۇڭگونى اسەرلەندىرگەن» 10 ءىرى تۇلعاعا سيلىق ۇسىنۋ ساۋىق كەشى ورتالىق تەلەۆيزياسىنىڭ امبەباپ 1 - ارناسىندا 8 - اقپاندا تاراتىلدى، قۇمىل قالالىق ورتا حالىق سوتى مەكەمەسىنىڭ زەينەتتەگى كادرى ابىلەلىم ابىلەز وسى داڭقتى اتاققا يە بولدى.

    «جۇڭگونى اسەرلەندىرگەن» اتىنداعى باعدارلاما − ورتالىق تەلەۆيزياسى اشقان رۋحاني ماركا باعدارلاماسى، 2002 - جىلى تاراتىلعاننان بەرى 150 ادام نەمەسە توپ تاڭدالدى. «جۇڭگونى اسەرلەندىرگەن» اتىنداعى باعدارلاما كوپ ءتۇرلى بەلەت تاستاۋ ءتاسىلى ارقىلى سول جىلى جۇرتتى ەلەڭ ەتكىزگەن، ادامداردى اسەرلەندىرگەن تۇلعالار مەن توپتاردى تاڭداپ شىعادى، ءاربىر تۇلعانىڭ ءون - بويىنان كورەرمەندەردىڭ جان دۇنيەسىن تەبىرەنتەتىن رۋحاني كۇش مەن مۇندالايدى.

    ابىلەلىم تۇرلىشە قىزمەت ورنىندا مىندەت اتقارىپ، «جياۋ يۇيلۋدىڭ جاقسى وقۋشىسى بولۋعا تالپىنۋ» ايبىندى ۋادەسىن امالياتتا قۇلشىنا ايگىلەدى. 40 نەشە جىلدان بەرى مەيلى قايسى قىزمەت ورنىندا بولسادا، مەيلى قانشالىقتى قات - قابات قيىنشىلىققا جولىقسادا جياۋ يۇيلۋدىڭ حالىققا جان اشىر بولۋ، حالىقتى ءسۇيۋ، قاجىرلىلىقپەن كۇرەس جاساۋ، قيىنشىلىققا قارسى اتتانۋ، قالتقىسىز ۇلەس قوسۋ رۋحى وعان ەرەكشە اسەر ەتىپ، ونىڭ العا باسۋ جولىنداعى مىعىم رۋحاني قوزعاۋشى كۇشكە اينالعان. ابىلەلىم دەلونى ءادىل، پاك ىستەۋگە باستان - اياق تاباندى بولىپ، ۇلتتار ىنتىماعىن قورعاپ، جياۋ يۇيلۋداي جاقسى پارتيا مۇشەسى، جاقسى كادر بولۋعا قۇلشىندى. قۇمىل قالالىق حالىق پروكۋراتۋراسى، حالىق سوتى مەكەمەسى جۇيەسىندە قىزمەت ىستەگەن 31 جىلدا ابىلەلىمنىڭ كومەكشى پروكۋروردان ورىنباسار باس پروكۋرور، ودان حالىق سوتى مەكەمەسىنىڭ باستىعى بولعان بارىستارداعى ءبىر جايلى ەتكەن دەلوسى 1000نان استى. پروكۋرور بولعان كەزىندە بىردە - ءبىر ادامدى قاتە تۇتقىنداماعان، بىردە - ءبىر الەۋمەتتىك ايىپتاۋدان قاتەلىك جىبەرمەگەن. سۋديا بولىپ تۇرعان كەزىندە ىستەگەن بىردە - ءبىر دەلوسىنىڭ ۇكىمى قايتادان وزگەرتىلمەگەن. ابىلەلىم كەزىندە ۇلتتار ىنتىماعى، العاباسارلىعىنداعى مەملەكەتتىك وزات بولىپ باعالانعان، ەڭ جوعارى حالىق سوتى مەكەمەسى جاعىنان 1 - دارەجەلى ەڭبەك جازىلعان.

    ابىلەلىم اسا تەبىرەنىسپەن: بۇل تەك ماعان عانا بەرىلگەن داڭق ەمەس، بۇكىل شينجياڭداعى ءار ۇلت حالقىنا بەرىلگەن داڭق. داڭق − قوزعاۋشى كۇش، پارتيانىڭ كوپ جىل بويى تاربيەلەگەن از ۇلت ءادىليا كادرى رەتىندە مەن ءوزىمنىڭ قالعان كۇش - قۋاتىمدى ساۋلەلەندىرىپ، قوعام ورنىقتىلىعى مەن باياندى تىنىشتىقتى قورعاۋعا، ۇلتتار ىنتىماعىن كۇشەيتۋگە تىڭ ۇلەس قوسامىن، - دەدى.

جاۋاپتى رەداكتور:سايراش تۇرارجان قىزى