ەلىمىز عالىمدارى ماڭىزدى كەزەڭدىك تابىس جاراتتى، «كۇرىش راگى» قاتەرىنىڭ ازايۋىنان ءۇمىت بار

    تىنباي 15 جىل قۇلشىنۋ ارقىلى جۇڭگو عىلىم اكادەمياسى شاڭحاي وسىمدىك فيزيولوگياسى مەن ەكولوگياسىن زەرتتەۋ ورنىنداعى حى زۋحۋا باستاعان ۇيىرمە ەگىنشىلەرمەن سەلبەستىك جاساپ، كوپ ءتۇرلى رول كورسەتەتىن جانە كۇرىش وباسىنا قارسى تۇراتىن مەحانيزم ورناتۋ جاعىندا كەزەڭدىك تابىسقا قول جەتكىزدى، بۇل ءارى ەل ىشىندەگى كۇرىشتىڭ دەرتكە قارسى ەلەمەنتىن جەتىلدىرۋگە قولدانىلدى، كۇرىش وباسى سىندى «كۇرىش راگىنىڭ» قاتەرىن ازايتۋدان ءۇمىت بايقالدى. وسىنداعى زەرتتەۋ تابىسى 2 – اقپاندا «عىلىم» جۋرنالىندا جاريالاندى.كۇرىش وباسى ءونىم مولشەرىن زور دارەجەدە ازايتادى، ءتىپتى ەگىنشىلەردى قۇر الاقان قالدىرادى. ءبىر وسىمدىك دەرتى مامانى مىناداي مەجە جاسادى: قازىر ەلىمىزدە ءار جىلى كۇرىش وباسىنان تۋىلاتىن تىكەلەي شىعىن 3 ميلليون تونناعا جەتەدى. قاتەرى زور بولعاندىقتان، 2008 – جىلدان باستاپ ەلىمىزدىڭ كۇرىش جاڭا سورتىن بەكىتۋدە «ءبىر داۋىسپەن تەرىستەۋ» ءتۇزىمى اتقارىلعان بولاتىن.

    كۇرىش وباسىنان ساقتانۋدا ەكى ءتۇرلى ءتاسىل قولدانىلادى، ءبىرىنشى، حيميالىق ەگىس دارىلەرىن قولدانۋ، مۇندا وزىندىك قۇن جوعارى، ورتا لاستانادى، سوندىقتان وعان يەك سۇيەۋگە بولمايدى؛ ەكىنشى، دەرتكە قارسىلىق قۋاتى كۇشتى جاڭا سورتتاردى زەرتتەپ اشۋ. تانىستىرۋعا قاراعاندا، قازىر كۇرىش وباسىنا توتەپ بەرۋ قۋاتى بار 25 ءتۇرلى گەن كلوندالعان جانە يقۋاتى ساراپتان وتكىزىلگەن، الايدا كوپ ساندىسىنىڭ قارسىلىق قۋاتى شەكتەۋلى، دەرتكە قارسىلىق قۋاتى وڭاي جويىلادى؛ دەرتكە قارسى كوپ ءتۇرلى گەندى ءبىر سورتقا شوعىرلاندىرعاندا، جۇمىستىڭ قيىندىعى ارتادى، ۋاقىت پەريودى ۇزارادى، داقىلدىڭ ءتۇسىمى مەن ساپاسىن تومەندەتەدى.

جاۋاپتى رەداكتور:سايراش تۇرارجان قىزى