قازاقستان جۇڭگومەن بولعان ءوندىرىس ەنەرگيا جاعىنداعى ىستەستىگىنەن زور ءۇمىت كۇتەدى

    قازاقستان پرەزيدەنتى نازاربايەۆ 31 – قاڭتار كۇنى «قازاقستاننىڭ ءۇشىنشى كەزەڭدەگى دامۋ جوباسى: مەملەكەتتىڭ باسەكەلىك قۋاتىن كۇشەيتۋ» اتىنداعى مەملەكەت جاعدايىنان جاساعان بايانداماسىندا، الەمدىك باسەكەگە توتەپ بەرەتىن 5 ۇلكەن مىندەتتى اتاپ ءوتتى. ول بىلاي دەدى: قازىرگى كەزەڭ جاڭا ءبىر ونەركاسىپ توڭكەرىس كەزەڭى، قازاقستان ەكونوميكانىڭ جاڭا دامۋ فورماسىن قۇرىپ، الەمدىك بازارداعى باسەكەلىك قۋاتىن ارتتىرۋى كەرەك. قازاقستان جۇڭگومەن بولعان ءوندىرىس ەنەرگيا جاعىنداعى ىستەستىك نىساندارىن ءونىمدى تۇردە جۇزەگە اسىرۋدى قاجەت ەتەدى، ەڭ الدىمەن جىبەك جولى ەكونوميكا بەلدەۋى ۇسىنىسىن قولداۋ ارقىلى مەملەكەتتىڭ ەكونوميكالىق مۇددەسىن دامىتۋدى قاجەت ەتەدى.

    ساراپشىلاردىڭ قاراۋىنشا، قازاقستان جىبەك جولى ەكونوميكا بەلدەۋى بويىنداعى ماڭىزدى مەملەكەت بولىپ، نازاربايەۆتىڭ ءسوزى ونىڭ جۇڭگومەن بولعان ءوندىرىس ەنەرگيا جاعىنداعى ىستەستىككە اسا ءمان بەرەتىنىن بىلدىرەدى. جۇڭگونىڭ مەملەكەت ءتوراعاسى شي جينپيڭ 2013 – جىلى قىركۇيەك ايىندا قازاقستاندا جىبەك جولى ەكونوميكا بەلدەۋى ۇسىنىسىن ورتاعا قويعاننان بەرى، قازاقستان مەن جۇڭگو ءوندىرىس ەنەرگيا ىستەستىگى جونىندە ورتاق تانىمعا كەلدى. قازىر، ەكى ەلدىڭ ءوندىرىس ەنەرگيا جاعىنداعى ىستەستىگى 51 نىسانعا جەتىپ، جالپى قوسقان قارجى 26 ميلليارد 800 ميلليون دوللار بولىپ، مۇنىڭ ىشىندە كوپتەگەن نىساندار رەسمي جۇمىس باستادى نەمەسە ورىندالىپ بولدى.

جاۋاپتى رەداكتور:سايراش تۇرارجان قىزى