كومپيۋتەردى دۇرىس ىستەتۋدىڭ ادىستەرى

دۋمان ءماناپ ۇلى

    ۇشقان قۇستاي دامىعان بۇگىنگى ينفورماتسيا داۋىرىندە كۇندەلىكتى تۇرمىستا،ءيا، قىزمەتتە بولسىن كومپيۋتەردەن قول ۇزە المايتىندىعىمىز بارلىعىمىزعا ايان.

    كومپيۋتەرىن ءبۇلدىرىپ الىپ، ونى كىلەڭ زاتتىڭ ساپاسىزدىعىنا عانا بالاپ جاتاتىىنداردا از ەمەس. ەندەشە، كومپيۋتەردى قايتكەندە ۇزاق ۋاقىت ىستەتۋگە بولادى؟ كومپيۋتەردى ۇزاق ۋاقىت ىستەتۋدىڭ كىلتى — كومپيۋتەردى دۇرىس ىستەتە ءبىلۋ.

    ەندەشە، مەن كومپيۋتەردى دۇرىس ىستەتە ءبىلۋدىڭ ءبىرقانشا ءتۇرلى ءادىسى مەن كوڭىل بولەتىن ىستەر جونىندە ازىراق توقتالا كەتەيىن.

    (1) كومپيۋتەردى تازا، قۇرعاق، قالىپتى تەمپەراتۋراداعى ورتاعا قويۋىمىز كەرەك.

    (2) كومپيۋتەر تۇراقتى توك كوزىنە جالعانۋى كەرەك.

    (3) ۇزاق ۋاقىت ىستەتپەيتىن جاعدايدا كومپيۋتەردى ازىراق ۋاقىتپەن توك كوزىنە جالعاپ، قوزعالتىپ قويۋدى ۇمىتپاعايسىز. ويتكەنى، ۇزاق ۋاقىت توك كوزىنە جالعانباعان كومپيۋتەردىڭ اسىرەسە، دىمقىل ورتادا ۇزاق تۇرعان كومپيۋتەردىڭ نەگىزگى تاقتا توك جولدارىندا ءۇزىلىس پايدا بولۋى مۇمكىن.

    (4) ماڭايىڭىزدا ءجاي تارىتقىش اسپاپ بولماعان جاعدايدا كۇن جارقىلداعان كۇندەرى كومپيۋتەردى توك كوزىنەن اجىراتىپ قويىڭىز.

    (5) كومپيۋتەر قىزمەت ىستەۋ بارىسندا سىرتقا كوپ جىلۋ شىعاراتىندىقتان، كومپيۋتەردى الاڭقى، اشىق ورىنعا قويىپ، جىلۋدى تولىق شاشۋىنا كەپىلدىك ەتۋىمىز كەرەك.

    (6) قوزعالىپ تۇرعان كومپيۋتەردى توك كوزىنەن توتە سۋىرماۋىمىز كەرەك. سەبەبى، سەستاماداعى ساندىق مالىمەتتەر قالايماقانداسۋىن، جوعالۋىن كەلتىرىپ شىعارادى. ت، ب.

    (7) قوزعالىپ تۇرعان كومپيۋتەردى الباتى تەربەلىتپ نەمەسە ورنىن جوتكەۋگە بولمايدى. سەبەبى، كومپيۋتەر ىشكى بولشەكتەگى ءتۇرلى زاپچاستاردىڭ ءبىر-بىرىنە جالعانۋى ارقىلى قىزمەت جۇرگىزەتىندىكتەن زاپچاستاردىڭ تولىق جاناسىپ، دۇرىس ءارى كەدەرگىسىز قىزمەت وتۋىنە كەپلدىك ەتۋىمىز كەرەك.

    (8) ماگنيت ءورىسىنىڭ كەدەرگىسنەن ساقتانۋ ءۇشىن، كومپيۋتەر ەكرانىنىڭ ماڭىنا ەلەكتروندى نارسەلەردى قويماۋىمىز كەرەك. مىسالى: راديو، تەلەۆيزور، تەلەفون ت ب.

    (9) كومپيۋتەردىڭ نەگىزگى ساندىعىن اشىپ تازالاپ تۇرۋىمىز كەرەك. شاڭ- توزاڭ كومپيۋتەردىڭ نەگىزگى تاقتا توك جولىنىڭ توسالقى بولۋدىڭ باستى سەبەبى.

    (10) ءتورت ساعاتتا ءبىر رەت كومپيۋتەردى سۋىتىپ تۇرىڭىز. سەبەبى، كومپيۋتەر قىزمەت ىستەۋ بارىسىندا كوپ مولشەردە جىلۋ شىعاراتىندىقتان كومپيۋتەردىڭ زاپچاستارىنىڭ تەمپەراتۋراسى جوعارىلاپ، قىزمەت ونىمدىلىگى تومەندەيدى. سوندىقتان، ىستەتپەگەن جاعدايدا كومپيۋتەردى ءسوندىرىپ قويۋدى ۇمتپاڭىز.

    (11) كومپيۋتەردى قوزعالىتقان كەزدە الدىمەن ەكراننىڭ توك كوزىن، سوڭىنان نەگىزگى تاقتا توك كوزىن اشۋىمىز كەرەك. ال، وشىرگەندە بۇنىڭ كەرىسنشە، الدىمەن نەگىزگى تاقتا توك كوزىن، ونان سوڭ ەكراننىڭ توك كوزىن ءوشىرىمىز كەرەك.

    (12)كومپيۋتەرىڭىزگە قاتىسسىز جۇمساق بولشەكتەردى قالايماقان قاشالاماي، اركەز، ۆيروسسىزداندىرعىش سەستامانى ىستەتىپ، ۆيروسسىزداندىرپ تۇرىڭىز.

    جوعارىداعى ادىستەردەن پايدالانىپ، كومپيۋتەردى كۇتىمدەۋدى جاقسى داعدىعا اينالدىرىپ، كومپيۋتەرىڭىزدى دۇرىس ءارى عىلىمي پايدانا بىلگەيسىز.

    اۆتوردىڭ قىزمەت ورنى: قابا اۋداندىق قوعام حاۋىپسىزدىگى مەكەمەسى

جاۋاپتى رەداكتور:سايراش تۇرارجان قىزى