2016 – جىلعى ەڭ جوعارى عىلىم – تەحنيكا سيلىعىنىڭ يەگەرلەرىن قىسقاشا تانىستىرۋ

    جاۋ جۇڭشيان اكادەميك (ورتادا) وقۋشىلارىمەن بىرگە تاجىريبەحانادا ماسەلەنى تالقىلاۋدا.

    تۋ يوۋيوۋ (سولدا) تاجىريبەحانادا قىزمەتتەسىمەن بىرگە تاجىريبە جاساۋدا.ماتەريالدىق سۋرەت

    جاۋ جۇڭشيان اسقىن وتكىزگىشتى جارىم عاسىر جالىقپاي زەرتتەدى

    75 جاستاعى جاۋ جۇڭشيان 9 – قاڭتاردا مەملەكەتتىڭ ەڭ جوعارى عىلىم – تەحنيكا سيلىعىنىڭ مىنبەسىنە كوتەرىلدى...

    جاۋ جۇڭشيان جوعارى تەمپەراتۋرالى اسقىن وتكىزگىشتى جارىم عاسىرداي جالىقپاي زەرتتەپ، وسى سالادا قول جەتكىزگەن كورنەكتى ۇلەسىمەن وسى سيلىقتى الدى. 40 نەشە جىلدىڭ الدىندا ەلىمىزدىڭ جوعارى تەمپەراتۋرالى اسقىن وتكىزگىش زەرتتەۋى جاڭا عانا باستالعان ەدى؛ بۇل كۇندە جوعارى ورەدەگى زەرتتەۋ قوسىنى قۇرىلىپ، دۇنيە ءجۇزىنىڭ الدىڭعى قاتارىنان بوي كورسەتتى. ول __ ەلىمىزدىڭ جوعارى تەمپەراتۋرالى اسقىن وتكىزگىشتى زەرتتەۋىندەگى سەركە.

    اسقىن وتكىزگىش __ 20 – عاسىرداعى ەڭ ۇلى عىلمي بايقاۋلاردىڭ ءبىرى. ونىڭ ينفورماتسيا – حابارلاسۋ، بيولوگيا – مەديتسينا، عارىش ىستەرى سياقتى سالالاردا وراسان زور كومەسكى قولدانىلمالى كۇشى بار. ءبىر عاسىردان استام ۋاقىتتان بەرى 5 رەتكى نوبەل سيلىعى اسقىن وتكىزگىشتى زەرتتەگەن 10 عالىمعا بەرىلدى.

    جاۋ جۇڭشيان داڭق قۇشقانىمەن، وزىنە بۇرىننان قاناعاتتانىپ كورگەن ەمەس. ول ۇنەمى بىلاي دەيدى: مەن جاي اداممىن، داڭق مەملەكەتكە، ناتيجە كوللەكتيۆكە ءتان، ءوزىم سونىڭ ىشىندەگى ءبىر بولشەگى عانامىن. ول تاعى تىلشىلەرگە: «مەنى عانا جازۋمەن بولماڭدار، توڭىرەگىمدەگى كومەسكىدە جۇرگەن جولداستارعا كوبىرەك نازار سالىڭدار» دەپ ەسكەرتۋ بەرىپ وتىراتىن. ول تاعى بىلاي دەيدى: زەرتتەۋ جۇرگىزۋ بارىسىندا سيلىق الۋدى ەشقاشان ويلاپ كورگەن ەمەسپىن، ادامزات وركەنيەتى ءۇشىن ءبىر كەرپىش بولىپ قالانسام، مەملەكەتتىڭ كەلەلى قاجەتىنەن شىقسام، سونىڭ ءوزىن عۇمىرلىق ماقتان تۇتامىن.

    تۋ يوۋيوۋ ءومىر بويى كوك ەرمەندەگى ارتەميسين قۇرامىن زەرتتەۋمەن شۇعىلدانىپ كەلەدى

    «حالىق گازەتىنىڭ» ءتىلشىسى جاۋ يۇڭشينتۋ يوۋيوۋ كىشكەنتاي عانا كوك ەرمەنمەن دۇنيەنى وزگەرتۋدەن تىس، 2000 – جىلدان بەرى قارايعى مەملەكەتتىڭ ەڭ جوعارى عىلىم – تەحنيكا سيلىعىن العان 27 عالىمنىڭ ىشىندە كوپتەگەن بىرىنشىلىكتى جاراتتى: ءبىرىنشى ايەل عالىم، اكادەميك ەمەس ءبىرىنشى زەرتتەرمەن، نوبەل سيلىعىنىڭ ءبىرىنشى يەگەرى، كوپتەگەن اقپارات دانەكەرىنىڭ تىلشىلىگىنەن سىپايىلىقپەن باس تارتقان ءبىرىنشى سيلىق يەگەرى.

    ونىڭ قىزمەتتەستەرىنىڭ اڭگىمەسىنەن ءبىز ونىڭ ءوز ىسىنە بار زەيىن – زەردەسىن ارناعان جان ەكەنىن بىلدىك.

    تۋ يوۋيوۋ يە بولعان نوبەل سيلىعىنىڭ سوماسى 460 مىڭ امەريكا دوللارى، حالىق اقشاسىنا سىندىرعاندا 3 ميلليون يۋاننان اسادى. جاڭ بوليدىڭ تانىستىرۋىنا قاراعاندا، تۋ يوۋيوۋ سيلىق اقشانىڭ 2 ميلليون يۋانىن بەيجيڭ ۋنيۆەرسيتەتى مەديتسينا ءبولىمى مەن جۇڭگوشا شيپاگەرلىك عىلىم اكادەمياسىنا ۇسىنىپ، تۋ يوۋيوۋ جاسامپازدىق قورىن قۇرعان، قور عىلمي زەرتتەۋمەن شۇعىلدانۋشى جاستاردى سيلاۋعا جۇمسالاتىن بولعان؛ قالعان اقشانىڭ نەگىزگى بولەگىن ءۇي ىشىندەگىلەردىڭ شۆەتسارياعا بارىپ سيلىق الۋىنداعى قاتىستى اقىلارعا جۇمساعان.

    ۇلكەن سيلىق العان تۋ يوۋيوۋدىڭ تۇرمىسىندا نەندەي وزگەرىس بولدى؟ بۇل جونىندە لياۋ فۋلۇڭ: «وزگەرىس بار دەسەك، ونىڭ ۇيىنە كەلەتىن تەلەفون كوبەيدى، ول تىلشىلىكتى نەگىزىنەن تويتارىپ وتىردى» دەدى.

    جاڭ بولي تولىقتاي ءتۇسىپ: «ول اشىق قيمىلدارعا وتە از قاتىناسادى، ول ماعان زەرتتەۋ ورنىندا بولايىق، مۇنداي باس قوسۋلارعا قىزىقپايمىن، كوك ەرمەندى كوبىرەك زەرتتەيىك دەگەن بولاتىن» دەدى.

جاۋاپتى رەداكتور:سايراش تۇرارجان قىزى