ەلىمىز عالىمدارى مەديتسينالىق كەرەكسىز زاتتارداعى انتيبيوتيك قالدىقتى ىدىراتۋدىڭ جاڭا ءادىسىن بايقادى

    ءتىلشىنىڭ جۇڭگو عىلىم اكادەمياسى حىفەي ماتەريا عىلىمىن زەرتتەۋ مەكەمەسىنەن ۇعىسۋىنشا، وسى مەكەمەنىڭ تەحنيكالىق بيولوگيا ورنىنداعى ۋ جىڭيان زەرتتەرمەن باستاعان عىلمي تاقىرىپ زەرتتەۋ گرۋپپاسى جوعارى ەنەرگيالى ەلەكترون شوعىنىڭ ۇلكەيتىپ كورسەتۋ تەحنيكاسىنان پايدالانىپ مەديتسينالىق كەرەكسىز زاتتارداعى انتيبيوتيك قالدىقتى از شىعىن شىعارىپ تەز ىدىراتۋدىڭ جاڭا ءادىسىن بايقاعان، زەرتتەۋ ناتيجەسى «عىلمي باياندامالار» جۋرنالىندا جاريالانعان.

    انتيبيوتيكتەر اۋرۋدى ەمدەۋدەگى ءونىمدى ءدارى رەتىندە مەديتسينادا، مال شارۋاشىلىعىندا جانە سۋ ونىمدەرى كاسىبىندە كەڭ كولەمدە قولدانىلۋدا، الايدا مەديتسينالىق كەرەكسىز زاتتارداعى انتيبيوتيك قالدىقتار ورتانى اۋىر دارەجەدە لاستاپ، ورتانى قورعاۋدا شەشۋگە ءتيىستى شەشۋشى ماسەلەلەردىڭ بىرىنە اينالىپ وتىر. قازىر قولدانىلىپ وتىرعان انتيبيوتيك قالدىقتاردى ىدىراتۋ ءادىسىنىڭ وزىندىك قۇنى جوعارى، ۋاقىت پەريودى ۇزاق، قايتالاي لاستاۋ سياقتى جەتەرسىزدىكتەر بار.

جاۋاپتى رەداكتور:سايراش تۇرارجان قىزى