تەلەگەي تەڭىز كۇش توپتاپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ جاڭا جاعدايىن اشايىق

    − ج ك پ شينجياڭ ۇيعۇر اۆتونوميالى رايوندىق 9 - قۇرىلتايىنىڭ جەڭىسپەن جابىلعانىن قىزۋ قۇتتىقتايمىز

    ج ك پ شينجياڭ ۇيعۇر اۆتونوميالى رايوندىق 9 - قۇرىلتايى ءتۇرلى كەڭەستىك تارتىپتەرىن تابىسپەن ورىنداپ، جەڭىسپەن جابىلدى. ءبىز قۇرىلتايدىڭ تابىستى، ءساتتى بولعانىن قىزۋ قۇتتىقتايمىز!

    ج ك پ شينجياڭ ۇيعۇر اۆتونوميالى رايوندىق 9 - قۇرىلتايى − اۆتونوميالى رايونىمىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ ءۇشىن بەلگىلەگەن قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ جانە تياناقتاندىرىپ، جاپپاي دوڭگەلەك داۋلەتتى قوعام قۇرىپ جاتقان شەشۋشى كەزەڭدە اشىلعان توتەنشە ماڭىزدى قۇرىلتاي. قۇرىلتايدا ج ك پ شينجياڭ ۇيعۇر اۆتونوميالى رايوندىق 9 - كەزەكتى كوميتەتى مەن ج ك پ شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتى سايلاندى ءارى ج ك پ شينجياڭ ۇيعۇر اۆتونوميالى رايوندىق 8 - كەزەكتى كوميتەتىنىڭ بايانداماسى جونىندەگى قاۋلى، ج ك پ شينجياڭ ۇيعۇر اۆتونوميالى رايوندىق 8 - كەزەكتى ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلى ماقۇلداندى. بۇل − دەموكراتيانى ساۋلەلەندىرگەن، ىنتىماقتى، ەكپىندى ۇدەتكەن قۇرىلتاي، يدەيانى بىرلىككە كەلتىرىپ، كۇشتەردى جۇمىلدىرعان قۇرىلتاي، ەرىك - جىگەرگە دەم بەرىپ، رۋحتى سەرپىلتكەن قۇرىلتاي، شىندىققا جۇگىنىپ، ناقتى ىستەر ىستەپ، ءورىس اشا جاڭالىق اشقان قۇرىلتاي. قۇرىلتايدىڭ اۆتونوميالى رايونداعى قالىڭ پارتيالى كادرلار مەن ءار ۇلت كادر - جۇرتشىلىعىن قوعام ورنىقتىلىعى مەن باياندى تىنىشتىقتى ىسكە اسىرىپ، جاپپاي دوڭگەلەك داۋلەتتى قوعام قۇرۋ جولىندا قۇلشىنا كۇرەس جۇرگىزۋگە جۇمىلدىرىپ، شابىتتاندىراتىنى داۋسىز.

    قۇرىلتاي چىن چۋانگو جولداستىڭ ج ك پ شينجياڭ ۇيعۇر اۆتونوميالى رايوندىق 8 - كەزەكتى كوميتەتى اتىنان جاساعان بايانداماسىن بەكىتىپ، ج ك پ شينجياڭ ۇيعۇر اۆتونوميالى رايوندىق 8 - كەزەكتى كوميتەتىنىڭ قىزمەتىن تولىق تۇراقتاندىردى. قۇرىلتاي بىلاي دەپ قارادى: باياندامادا جۇڭگوشا سوتسياليزم ۇلى تۋى بيىك كوتەرىلىپ، دىڭ شياۋپيڭ نازارياسى، «ۇشكە ۋاكىلدىك ەتۋ» ماڭىزدى يدەياسى، عىلمي دامۋ كوزقاراسى جەتەكشى ەتىلىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحى ىشكەرىلەي دايەكتىلەندىرىلىپ جانە تياناقتاندىرىلىپ، وتكەن 5 جىلداعى قىزمەتتەر جان - جاقتى ەس−كە الىنىپ، 5 جىلدان بەرگى تابىستى اماليات جۇيەلى تۇردە قورىتىندىلانىپ، ءدوپ كەلگەن جاعداي مەن مىندەتتەرگە جانە تاپتىرماس ورايعا ىشكەرىلەي تالداۋ جاسالىپ، بۇدان كەيىنگى 5 جىلداعى قىزمەتتىڭ جەتەكشى يدەياسى، نەگىزگى تالاپتارى، نىسانالىق مىندەتتەرى جانە ماڭىزدى شارالارى ايقىن العا قويىلدى. باياندامادا پارتيانىڭ شينجياڭدى جونگە سالۋ جالپى جوباسى دايەكتىلەندىرىلىپ، پارتيا ورتالىق كوميتەتىنىڭ شينجياڭ ءۇشىن بەلگىلەگەن قوعام ورنىقتىلىعى مەن باياندى تىنىشتىق باس نىساناسى ارقاۋ ەتىلگەن، تاقىرىبى ايقىن، وي جۇلگەسى انىق، شىندىققا تالپىنىپ، ناقتى ىستەر تىندىرىلعان، شارالارى پارمەندى، پارتيا ورتالىق كوميتەتىنىڭ تالاپتارى ايگىلەنگەن، شينجياڭنىڭ ءىس جۇزىندىگىنە ۇيلەسەدى، اۆتونوميالى رايونداعى قالىڭ پارتيالى كادرلار مەن ءار ۇلت حالىق جۇرتشىلىعىنىڭ تىلەگى بەينەلەنگەن، اۆتونوميالى رايونداعى پارتيالى كادرلار مەن ءار ۇلت حالىق جۇرتشىلىعىن ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋعا جۇمىلدىراتىن جەتەكشى حۇجات.

    قۇرىلتاي اۆتونوميالى رايوننىڭ الداعى 5 جىلداعى ەكونوميكالىق، قوعامدىق دامۋى تۋرالى باياندامادا العا قويىلعان نىسانا - مىندەتتەر مەن جالپى ورنالاستىرۋعا قوسىلدى. الداعى 5 جىلدا، قوعام ورنىقتىلىعى مەن باياندى تىنىشتىق باس نىساناسىن بەرىك ارقاۋ ەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ باياندى مەحانيزمىن ورناتىپ، ەكونوميكانىڭ ءتىپتى جاقسى، ءتىپتى تەز دامۋىن ىلگەرىلەتىپ، حالىق تۇرمىسىن بار كۇشپەن قامتاماسىز ەتىپ، ۇلتتار ىنتىماعىن بەكەمدەپ جانە دامىتىپ، ءدىني بەرەكەلىك پەن جاراسىمدىلىقتى جەبەپ، يدەولوگيا سالاسىنىڭ حاۋىپسىزدىگىن قورعاپ، دەموكراتيا جانە زاڭمەن جونگە سالۋ قۇرىلىسىن كۇشەيتىپ، بيڭتۋاننىڭ ەرەكشە رولىن تولىق ساۋلەلەندىرىپ، ەكولوگيالىق ورتانى قورعاۋ قۇرىلىسىن كۇشەيتىپ، پارتيانىڭ قۇرىلىسىن كۇشەيتۋ جانە جاقسارتۋ قاجەت. سونىمەن بىرگە، وڭتۇستىك شينجياڭ قىزمەتىن ونان سايىن كۇشەيتىپ، شينجياڭعا باعىتتامالى كومەكتەسۋ قىزمەتىنە اناعۇرلىم ءمان بەرۋ كەرەك.

    كەزەكتە جانە الداعى ءبىر مەزگىلدە، ءبىزدىڭ الدىمىزدا تۇرعان ماڭىزدى ساياسي مىندەت − پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن مۇقيات ۇيرەنۋ جانە دايەكتىلەندىرۋ، ج ك پ شينجياڭ ۇيعۇر اۆتونوميالى رايوندىق 9 - قۇرىلتايىنىڭ رۋحىن مۇقيات ۇيرەنۋ جانە دايەكتىلەندىرۋ، يدەيا مەن ارەكەتتى سانالى تۇردە قۇرىلتاي رۋحىمەن بىرلىككە كەلتىرىپ، اقىل - پاراسات پەن كۇش - قۋاتتى قۇرىلتايدا العا قويىلعان ءتۇرلى مىندەتتەردىڭ تياناقتانۋىنا اۋدارىپ، قوعام ورنىقتىلىعى مەن باياندى تىنىشتىقتى ىسكە اسىرۋعا تەلەگەي تەڭىز كۇش توپتاۋ. اۆتونوميالى رايونداعى ءار دارەجەلى پارتيا ۇيىمدارى پارتيانىڭ جالپى جاعدايدى مەڭگەرىپ، ءار جاقتى سايكەستىرەتىن باسشىلىق ۇيتقىلىق رولىن ساۋلەلەندىرىپ، پارتيانى جاپپاي قاتاڭ جونگە سالىپ، شينجياڭنىڭ قوعام ورنىقتىلىعى مەن باياندى تىنىشتىعىن ىسكە اسىرۋعا پارمەندى ساياسي كەپىلدىك ازىرلەۋى كەرەك. جەر - جەر، مەكەمە - ورىندار، تاراۋلار ناقتى جاعدايعا ۇشتاستىرىپ، ج ك پ شينجياڭ ۇيعۇر اۆتونوميالى رايوندىق 9 - قۇرىلتايىندا تۇراقتاندىرىلعان نىسانا - مىندەتتەردى اشالاپ، تارماقتاپ، قۇرىلتاي رۋحىنىڭ تيانشاننىڭ تۇستىگى مەن تەرىستىگىندە تامىر تارتىپ، شەشەك اتىپ، جەمىس بەرۋىنە مۇمكىندىك جاساۋى كەرەك.

    كوركەم جوبا دايىندالىپ، جاڭا جورىق باستالدى. الداعى 5 جىلداعى قىزمەتتەردى جاقسى ىستەۋ − داڭقتى بورىش، ماڭىزدى جاۋاپكەرشىلىك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىتپاستان دايەكتىلەندىرىپ، شينجياڭنىڭ ءتۇرلى قىزمەتىنە پارتيا ورتالىق كوميتەتىنىڭ شينجياڭ ءۇشىن بەلگىلەگەن قوعام ورنىقتىلىعى مەن باياندى تىنىشتىق جالپى نىساناسىمەن ءبىر تۇتاس باسشىلىق ەتىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، بورىشتى ەسكە بەرىك ساقتاپ، اۋىر تاپسىرمانىڭ ۇدەسىنەن شىعىپ، ءبىر نيەت، ءبىر تىلەكپەن ىنتىماقتاسا كۇرەس جۇرگىزىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋ جولىندا قاجىرلىلىقپەن كۇرەس جۇرگىزىپ، ج ك پ شينجياڭ ۇيعۇر اۆتونوميالى رايوندىق 9 - قۇرىلتايىندا سۋرەتتەلگەن ايبىندى جوبانى كوركەم شىندىققا اينالدىرۋعا قۇلشىنايىق.

جاۋاپتى رەداكتور:سايراش تۇرارجان قىزى