جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - قۇرىلتايى جەڭىسپەن جابىلدى

    ج ك پ شينجياڭ ۇيعۇر اۆتونوميالى رايوندىق 9 - كەزەكتى كوميتەتىن جانە اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىن سايلادى

    ج ك پ شينجياڭ ۇيعۇر اۆتونوميالى رايوندىق 8 - كەزەكتى كوميتەتىنىڭ بايانداماسى جونىندەگى قاۋلىنى جانە ج ك پ اۆتونوميالى رايوندىق 8 - كەزەكتى ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلىنى ماقۇلدادى

    قۇرىلتايدىڭ جابىلۋ جينالىسىن چىن چۋانگو جولداس باسقاردى ءارى ءسوز سويلەدى

    جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - قۇرىلتايى ءتۇرلى مىندەتتەرىن تابىسپەن ورىنداپ، 2 - قاراشا تۇستەن بۇرىن جەڭىسپەن جابىلدى. چىن چۋانگو جولداس جابىلۋ جينالىسىن باسقاردى ءارى ءسوز سويلەدى

    جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 9 - قۇرىلتايى ج ك پ شينجياڭ ۇيعۇر اۆتونوميالى رايوندىق 9 - كەزەكتى كوميتەتىن جانە ج ك پ شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىن سايلاپ شىققاننان كەيىن ءارى ج ك پ شينجياڭ ۇيعۇر اۆتونوميالى رايوندىق 8 - كەزەكتى كوميتەتىنىڭ بايانداماسى جونىندەگى قاۋلىنى، ج ك پ شينجياڭ ۇيعۇر اۆتونوميالى رايوندىق 8 - كەزەكتى ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلىنى ماقۇلداعاننان كەيىن، 2 - قاراشا تۇستەن بۇرىن شينجياڭ حالىق سارايىندا جەڭىسپەن جابىلدى.

    قۇرىلتايدىڭ جابىلۋ جينالىسىن چىن چۋانگو جولداس باسقاردى.

    قۇرىلتاي ءتوراعالار القاسىنىڭ تۇراقتى القالارى چىن چۋانگو، شوكىرات زاكىر، سۇن جينلۇڭ، جۋ حايلۇن، لي پىڭشين، لي ۋي، شاۋكەت يمىن، ەركىنجان تۇراحۇن، شۇي حايرۇڭ، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي ءتوراعالار مىنبەسىنىڭ الدىڭعى قاتارىنان ورىن الدى. قۇرىلتاي ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

    قۇرىلتايدىڭ جابىلۋ جينالىسى ساعات 10نان 30 مينۋت وتكەندە باستالدى.

    بۇگىنگى قۇرىلتايعا قاتىناسۋعا ءتيىستى ۋاكىل مەن ۇسىنىس ەتىلگەن ۋاكىل 725 ادام، ناقتى قاتىناسقان ۋاكىل 718 ادام، بەلگىلەمەدەگى ادام سانىنا ۇيلەسەدى.

    بەلەت باقىلاۋشىلاردىڭ، باس بەلەت باقىلاۋشىنىڭ باقىلاۋىندا، قۇرىلتايدىڭ سايلاۋ ءادىسى بويىنشا، قۇرىلتايعا قاتىناسقان ۋاكىلدەر مەن ۇسىنىس ەتىلگەن ۋاكىلدەر جاسىرىن داۋىس بەرۋ فورماسىمەن 81 مۇشەدەن، 17 كانديدات مۇشەدەن قۇرام تاپقان ج ك پ شينجياڭ ۇيعۇر اۆتونوميالى رايوندىق 9 - كەزەكتى كوميتەتىن جانە اۆتونوميالى رايوندىق ءتارتىپ تەكسەرۋ كوميتەتىنىڭ 47 مۇشەسىن سايلاپ شىقتى.

    ساعات 13تەن 15 مينۋت وتكەندە، چىن چۋانگو ج ك پ شينجياڭ ۇيعۇر اۆتونوميالى رايوندىق 9 - كەزەكتى كوميتەتى مەن ج ك پ شينجياڭ ۇيعۇر اۆتونوميالى رايوندىق 9 - كەزەكتى ءتارتىپ تەكسەرۋ كوميتەتىنىڭ ج ك پ اۆتونوميالى رايوندىق 9 - قۇرىلتايىندا سايلانىپ شىققاندىعىن جاريالادى. بۇكىل زالدان دۋ قول شاپالاق ءۇنى ۇزاققا دەيىن تولاستامادى.

    ونان سوڭ قۇرىلتاي ج ك پ شينجياڭ ۇيعۇر اۆتونوميالى رايوندىق 8 - كەزەكتى كوميتەتىنىڭ بايانداماسى جونىندەگى قاۋلى مەن ج ك پ شينجياڭ ۇيعۇر اۆتونوميالى رايوندىق 8 - كەزەكتى ءتارتىپ تەكسەرۋ كوميتەتىنىڭ قىزمەت بايانداماسى جونىندەگى قاۋلىنى قول كوتەرىپ داۋىسقا سالۋ فورماسىمەن ماقۇلدادى.

    قۇرىلتاي ءتۇرلى كۇن ءتارتىبىن ورىنداعاننان كەيىن چىن چۋانگو دۋ قول شاپالاق ءۇنى ىشىندە ءسوز سويلەدى. ول بىلاي دەپ اتاپ كورسەتتى: تاماشا جوبا جاسالىپ بولدى، جاڭا جورىق باستالدى. شينجياڭنىڭ قوعام ورنىقتىلىعى مەن باياندى تىنىشتىق نەگىزىن بەكەمدەۋ، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋ، جاپپاي دوڭگەلەك داۋلەتتى قوعام قۇرۋ بۇدان بىلايعى 5 جىلداعى ءبىز ارقالايتىن كەلەلى تاريحي جاۋاپكەرشىلىگىمىز ەسەپتەلەدى. بۇكىل اۆتونوميالى رايونداعى ءار دارەجەلى پارتيا ۇيىمى بورىشتى ارقالاۋ جاۋاپكەرلىگىن كۇشەيتىپ، قالىڭ پارتيا مۇشەلەرى مەن ءار ۇلت كادر - جۇرتشىلىعىن ۇيىمداستىرىپ، جۇمىلدىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىتپاي، دايەكتى تياناقتاندىرىپ، پارتيا ورتالىق كوميتەتى ايقىن تۇراقتاندىرعان قوعام ورنىقتىلىعى مەن باياندى تىنىشتىق باس نىساناسىمەن شينجياڭنىڭ قىزمەتتەرىنە ءبىر تۇتاس باسشىلىق ەتىپ، ج ك پ اۆتونوميالى رايوندىق 9 - قۇرىلتايى جاساعان ايبىندى جوبانى تاماشا رەالدىققا اينالدىرۋعا قۇلشىنىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋى كەرەك. ىنتىماقتى، جاراسىمدى شينجياڭ قۇرۋعا قۇلشىنۋ كەرەك. قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى بەلسەنە العا ىلگەرىلەتىپ، ورنىقتىلىق بارلىعىن باسىپ تۇسەدى دەگەنگە باستان - اياق بۇلجىماي تاباندى بولىپ، قوعامنىڭ ورنىقتىلىعىن تىڭعىلىقتى، ءونىمدى قورعاپ، ۇلتتار ىنتىماعىن بەكەمدەپ، دامىتىپ، ءدىننىڭ جاراسىمدىلىعىن شىن مانىندە كۇشەيتىپ، بۇكىل اۆتونوميالى رايونداعى 23 ميلليوننان استام ءار ۇلت كادر - جۇرتشىلىعىنىڭ اقىل - پاراساتى مەن كۇش - قۋاتىن شينجياڭدى كوركەيتۋ، وتان ارمانىن بىرگە جۇزەگە اسىرۋ سىندى ۇلى ىسكە شوعىرلاندىرىپ، وتاننىڭ تۇتاستىعىن قورعايتىن، ۇلتتاردىڭ ىنتىماعىن قورعايتىن، قوعامنىڭ ورنىقتىلىعىن قورعايتىن بەرىك قۇرىش قورعان ورناتۋ كەرەك. گۇلدەنىپ - كوركەيگەن، باي شينجياڭ قۇرۋعا قۇلشىنۋ كەرەك. ورنىقتىلىق پەن دامۋدىڭ قاتىناسىن دۇرىس ءبىر جايلى ەتىپ، ورنىقتىلىقتىڭ، دامۋدىڭ ارقاۋىن بەرىكتەپ، ورنىقتىلىقتى قورعاۋ ارقىلى تاماشا دامۋ ورتاسىن ازىرلەپ، 5 ءىرى دامۋ يدەياسىن بەرىك ورناتىپ، ەكونوميكالىق دامۋدىڭ جاڭا قالىبىنا ىرىقتىلىقپەن ۇيلەسىپ، رەفورما جاساۋدى، جاڭالىق اشۋدى زور كۇشپەن العا ىلگەرىلەتىپ، ىشكە - سىرتقا ەسىكتى ءتىپتى دە ايقارا اشىپ، قامداۋ جاعىنداعى قۇرىلىمدىق رەفورمانىڭ ماڭىزدى دانەكەرىنەن ويداعىداي پايدالانىپ، جىبەك جولى ەكونوميكالىق بەلدەۋى قۇرىلىسى سىندى كەلەلى ورايدى مىقتى يگەرىپ، جىبەك جولى ەكونوميكالىق بەلدەۋىندەگى وزەكتى رايوندى ويداعىداي قۇرىپ، ەكونوميكانىڭ، قوعامنىڭ اناعۇرلىم جاقسى، اناعۇرلىم تەز دامۋىن جەبەپ، قوعام ورنىقتىلىعى مەن باياندى تىنىشتىقتىڭ زاتتىق نەگىزىن بەكەمدەۋ كەرەك. وركەنيەتتى، العا باسقان شينجياڭ قۇرۋعا قۇلشىنۋ كەرەك. حالىقتىڭ تۇلعالىق ورنىنا تاباندى بولىپ، ءار ۇلت حالقىنىڭ دەموكراتيالىق ۇقىعىن شىن مانىندە قامتاماسىزداندىرىپ، حالىق دەموكراتياسىن ساۋلەلەندىرىپ، حالىقتىڭ ۇنىنە قۇلاق ءتۇرىپ، حالىقتىڭ ءۇمىتىن اقتاپ، ءار ۇلت جۇرتشىلىعىمەن بولعان ەتەنە بايلانىستى نىعايتۋ كەرەك. شينجياڭدى زاڭ بويىنشا جونگە سالۋدى تاباندىلىقپەن، بۇلجىتپاي العا ىلگەرىلەتىپ، زاڭ الدىندا بارلىق ادام تەڭ بولۋدان جازباي، ءار ۇلت جۇرتشىلىعىنىڭ جان سارايىنا ءادىليانىڭ ادىلدىگىمەن شۋاق شاشىپ، قوعامدىق ادىلدىكتى، تۋراشىلدىقتى تولىق ايگىلەۋ كەرەك. سوتسياليستىك وزەكتى قۇن كوزقاراسىنىڭ جەتەكشى رولىن تولىق ساۋلەلەندىرۋ، قالا مەن اۋىلدى تولىق قامتىعان الەۋمەتتىك مادەنيەت ارقىلى قىزمەت وتەۋ جۇيەسىن ورناتىپ، وسى زامانعى مادەنيەت يدەياسى مەن تۇرمىس فورماسىن زور كۇشپەن تاراتىپ، ءار ۇلت جۇرتشىلىعىن جەتكىلىكتى رۋحاني ازىقپەن قامداپ جانە ولاردىڭ مادەني تۇرمىسىن بايىتىپ، عىلىمدى ارداقتايتىن، اقاۋسىز، العا باسقان، وسى زامانعى، وركەنيەتتى تاماشا اۋقىمدى قالىپتاستىرۋ كەرەك. الاڭسىز تىرشىلىك ەتەتىن شينجياڭ قۇرۋعا قۇلشىنۋ كەرەك. ءار ۇلت جۇرتشىلىعىنىڭ باقىتتى تۇرمىسقا دەگەن تالپىنىسى − ءبىزدىڭ كۇرەس نىسانامىز دەگەنگە تاباندى بولىپ، ءار ۇلت بۇقاراسىنىڭ ءتۇبىرلى مۇددەسىنە جۇرەگىمىزدىڭ تورىنەن ورىن بەرىپ، شىنايى سۇيىسپەنشىلىكپەن، شىنايى قامقورلىقپەن، شىنايى جاۋاپكەرشىلىكپەن، جۇرت قالاۋىنان شىعاتىن، حالىق تۇرمىسىنا تيىمدىلىك جاسايتىن ناقتى ىستەردى كوبىرەك ىستەپ، ءار ۇلت جۇرتشىلىعى ۋايىمداپ وتىرعان ماسەلەلەردى كوبىرەك شەشۋ، بەرگەن ۋادەنى، ءسوز جوق، ورىنداۋ، ءبىر - بىردەن تياناقتاندىرۋ، ءبار - بارىنە جاۋاپ قايتارۋ، بۇقارانىڭ وزگەرىستى كوزىمەن كورۋىنە، ناقتى يگىلىككە كەنەلۋىنە، ۇمىتكەرلىكپەن ءومىر سۇرۋىنە مۇمكىندىك جاساپ، ءار ۇلت جۇرتشىلىعىن تولىق كاسىپتەنۋدەن، جالپىعا بىردەي ءتالىم - تاربيەدەن، جاقسى ەمدەلۋدەن، جان - جاقتى قوعامدىق قامتاماسىزداندىرۋدان، جايلى تۇرعىن ۇيدەن، قولايلى جول قاتىناسىنان، كورىكتى ورتادان يگىلىكتەندىرۋگە قۇلشىنىپ، يگىلىكتەنۋ سەزىمى مەن باقىت سەزىمىن تىنباي كۇشەيتىپ، ولارعا پارتيانىڭ قامقورلىعى مەن وتان ۇلى شاڭىراعىنىڭ مەيىر - شاپاعاتىن شىنايى سەزىندىرۋ كەرەك.

    چىن چۋانگو مىنانى باسا دارىپتەدى: ايبىندى نىسانا بىزگە دەم بەرەدى، قاسيەتتى بورىش ءبىزدى العا جەتەلەيدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، دىڭ شياۋپيڭ نازارياسىن، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن جەتەكشى ەتىپ، پارتيا 18 - قۇرىلتايىنىڭ جانە 18 - كەزەكتى ورتالىق كوميتەتتىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن ىشكەرىلەي دايەكتى تياناقتاندىرىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى مەن شينجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شينجياڭدى زاڭمەن جونگە سالۋعا، شينجياڭدى ىنتىماقتاسا ورنىقتىرۋعا، شينجياڭدى باياندى كوركەيتۋگە تاباندى بولىپ، ءسوز جوق، جەڭىسكە جەتەتىن مىزعىماس سەنىممەن، تاسقىنداعان كۇرەس جىگەرىمەن، تىڭعىلىقتى ستيلمەن، اۋەلگى ماقساتتى ەستەن شىعارماي، ۇدەرە العا تارتىپ، ءبىر نيەت، ءبىر تىلەكتە بولىپ، ىنتىماقتاسا كۇرەس جاساپ، شينجياڭنىڭ ءتۇرلى ىستەرىن نىق قاداممەن العا ىلگەرىلەتىپ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، الاڭسىز تىرشىلىك ەتەتىن سوتسياليستىك شينجياڭ قۇرۋدىڭ ۇزدىك تابىستارىمەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازايىق!

    قۇرىلتايدىڭ سايلاۋىنان كەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، اۆتونوميالى رايوندىق ساياسي كەڭەستىڭ ورىنباسار ءتوراعاسى مىندەتىن وتەگەن پارتيا سىرتىنداعى قايراتكەرلەر؛ اۆتونوميالى رايوندا، شينجياڭ اسكەري رايونىندا، شينجياڭ ءوندىرىس - قۇرىلىس بيڭتۋانىندا ورىنباسار ولكە دارەجەلىدەن جوعارى باسشىلىق مىندەت وتەگەن ساقا باسشىلار؛ اۆتونوميالى رايونداعى دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ جاۋاپتىلارى مەن پارتيادا، توپتا جوق قايراتكەرلەردىڭ ۋاكىلدەرى، ت. ب لار قۇرىلتايدىڭ جابىلۋ جينالىسىنا قاتىناستى.

    ج ك پ اۆتونوميالى رايوندىق 8 - كەزەكتى كوميتەتىنىڭ ۋاكىل ەمەس مۇشەلەرى، ۋاكىل ەمەس كانديدات مۇشەلەرى، اۆتونوميالى رايوندىق ءتارتىپ تەكسەرۋ كوميتەتىنىڭ ۋاكىل ەمەس مۇشەلەرى، ايماقتىق، وبلىستىق، قالالىق ءتارتىپ تەكسەرۋ كوميتەتىنىڭ ۋاكىل ەمەس شۋجيلەرى، اۆتونوميالى رايونداعى مەڭگەرمە، مەكەمە دارەجەلى ورىندار مەن ورتالىقتىڭ شينجياڭداعى ورىندارىنداعى ءىشىنارا ۋاكىل ەمەس قاتىستى جاۋاپتى جولداستار قۇرىلتايدىڭ جابىلۋ جينالىسىنا سىرتتاي قاتىناستى.

    قۇرىلتاي ايبىندى «ينتەرناتسيونال ءانى» ءۇنى ىشىندە جەڭىسپەن جابىلدى.

قۇرىلتاي زالى

جاۋاپتى رەداكتور:سايراش تۇرارجان قىزى