ﺳﻪﻧﯩﯔ ﻛﻮزﯨﯔ

    اﻗﻴﯩﻖ اﻗﯩﻦ ﻣﯘﻗﺎﻋﺎﻟﻲ ﻣﺎﻗﺎﺗﺎﻳﻪۆﺗﯩﯔ ﺳﻪزﯨﻢ ﻣﻪن ﺳﯟرەﺗﻜﻪ ﺗﻮﻟﻰ ﺑﯘل وﻟﻪﯕﯩﻦ ﻛﯩﻤﮕﻪ ارﻧﺎﻋﺎﻧﻰ ﺑﯩﺰﮔﻪ ﺑﻪﻟﮕﯩﺴﯩﺰدەۋ... ءﺑﯩﺮاق، ﻛﯩﻤﮕﻪ ارﻧﺎﺳﺎ دا »ﺗﺎل ﺑﻮﻳﯩﻨﺪا ءﺑﯩﺮ ءﻣﯩﻦ ﺟﻮق« ارۋدﯨﯔ ﺗﻪﮔﯩﻦ ادام ﺑﻮﻟﻤﺎﻋﺎﻧﺪﯨﻌﯩﻦ ﺑﺎﻳﻘﺎﻳﻤﯩﺰ. ﻗﺎزاق ﻗﯩﺰﯨﻨﯩﯔ ﺳﯩﺮ - ﺳﯩﻤﺒﺎﺗﯩﻦ، ءﺟﯘرﯨﺲ - ﺗﯘرﯨﺴﯩﻦ، اي ءدﻳﺪارﻟﻰ ﻛﻪﻟﯩﺴﺘﻰ ﻛﻮرﻛﯩﻦ ﺑﯘدان ارﺗﯩﻖ اﺳﭙﻪﺗﺘﻪۋ ﻣﯘﻣﻜﯩﻦ ەﻣﻪس. ءان اۆﺗﻮرى، اۋەﺳﻘﻮي ﻛﻮﻣﭙﻮزﻳﺘﻮر ﻗﺎﻧﺎت ﻳﺒﺮاﮔﻴﻤﻮۆ ﺗﺎ ﻣﻪﻛﺘﻪپ ﻗﺎﺑﯩﺮﻋﺎﺳﯩﻨﺪا ءﺟﯘرﯨﭗ، ءدال وﺳﯩﻨﺪاي ﺑﻮﻳﺠﻪﺗﻜﻪﻧﮕﻪ ﻋﺎﺷﯩﻖ ﺑﻮلادى. ەﺳﻰ ﻛﻪﺗﯩﭗ، ﻗﯘلاي ﺳﯘﻳﮕﻪن ﻧﺎزﯨﻚ ﺟﺎﻧﻨﯩﯔ ﺟﯘرەﮔﯩﻨﻪ ﺟﻮل ﺗﺎﺑﯟ ءۇﺷﯩﻦ ﯨﺸﺘﻪﮔﻰ ﺳﯩﺮﯨﻦ اق ﻗﺎﻋﺎزﻋﺎ اﻗﺘﺎرادى. ﺳﻮﺳﯩﻦ ﻗﻮﻟﯩﻨﺎ ﮔﻴﺘﺎراﺳﯩﻦ اﻟﯩﭗ، ﺟﺎﻧﯩﻨﺎ ءﺟﯩﭙﺴﯩﺰ ﺑﺎﻳلاﻋﺎن ﺳﯘﻳﯩﻜﺘﯩﺴﯩﻦ اﻧﮕﻪ ﻗﻮﺳﺎدى. ءﺳﻮﻳﺘﯩﭗ، وﻟﻪﯕﻰ ﻣﻪن ءاﻧﯩﻦ ءوزى ﺷﯩﻌﺎرﯨﭗ، ﺗﯟﯨﻨﺪﯨﻨﻰ اۋﯨﻞ اراﺳﯩﻨﺪا ﻋﺎﺷﯩﻌﯩﻨﯩﯔ ﻗﯘرﻣﻪﺗﯩﻨﻪ ءﺟﻴﻰ ورﯨﻨﺪاپ ﺟﯘرەدى. ﻛﯘن ارﺗﯩﻨﺎن ﻛﯘن ءوﺗﯩﭗ، ﺟﯩﻞ ارﺗﯩﻨﺎن ﺟﯩﻞ وﺗﻪدى. 1993 - ﺟﯩﻠﻰ ءوزى ءاﻧﺸﻰ، ءارى اﻗﯩﻦ، وﻋﺎن ﻗﻮﺳﺎ ﺳﺎزﮔﻪر ﻗﺎﻧﺎت ﻳﺒﺮاﮔﻴﻤﻮۆ ﺳﻮل ۋاﻗﯩﺘﺘﺎ ﻗﺎزاﻗﺴﺘﺎن ﺗﻪﻟﻪارﻧﺎﺳﯩﻨﺎن ﺗﯩﻨﯩﺸﺒﺎي راﺣﯩﻤﻮۆ ﺟﯘرﮔﯩﺰﮔﻪن ﻛﻪش ﺟﺎرﯨﻖ ﺑﺎﻋﺪارلاﻣﺎﺳﯩﻨﺎ ﻗﺎﺗﯩﺴﺎﺗﯩﻦ ﺑﻮلادى. ﺗﯩﻜﻪﻟﻪي ەﻓﻴﺮﮔﻪ ءﺑﯩﺮ ﻛﯘن ﻗﺎﻟﻌﺎﻧﺪا اۆﺗﻮر وﻳلاﻧﺎ ﻛﻪﻟﻪ، اﻳﺎق اﺳﺘﯩﻨﺎن ءاﻧﻨﯩﯔ ءﻣﺎﺗﯩﻨﯩﻦ وزﮔﻪرﺗﯟﮔﻪ ﺷﻪﺷﯩﻢ ﻗﺎﺑﯩﻠﺪاﻳﺪى. وﺳﻰ وﻳﻤﻪن ءوزى ﺑﺎﺳﯩﻢ ﺑﻮﻟﯩﮕﯩﻦ ﺟﺎﺗﻘﺎ ﺑﯩﻠﻪﺗﯩﻦ ﻣﯘﻗﺎﻋﺎﻟﻲ ﻣﺎﻗﺎﺗﺎﻳﻪۆﺗﯩﯔ ﺟﯩﺮ ﻛﯩﺘﺎﺑﯩﻦ ﻗﻮﻟﯩﻨﺎ الادى. ءﺑﯩﺮﺗﯟﻣﺎ ﺗﺎلاﻧﺖ ﻳﻪﺳﯩﻨﯩﯔ ﻟﻴﺮﻳﻜﺎﻋﺎ ﺗﻮﻟﻰ ﭘﻮەزﻳﺎﺳﯩﻦ وﻗﻲ وﺗﯩﺮﯨﭗ، ﺳﻪﻧﯩﯔ ﻛﻮزﯨﯔ دەپ ﺑﺎﺳﺘﺎلاﺗﯩﻦ وﻟﻪﯕﯩﻨﻪ ﻛﻮزى ﺗﯘﺳﻪدى. ﺑﻪس ﺷﯟﻣﺎق وﻟﻪﯕﻨﯩﯔ ءۇش ﺷﯟﻣﺎﻋﯩﻦ اﻧﮕﻪ لاﻳﯩﻘﺘﺎپ، ﺗﺎﯕﺪاپ الادى. ەڭ ﻗﯩﺰﯨﻌﻰ، ەرﺗﻪﯕﯩﻨﻪ ﺟﯘرﺗﺸﯩﻠﯩﻖ اﻟﺪﯨﻨﺪا ءاﻧﺪى ﺷﯩﺮﻗﺎپ ﺗﯘرﯨﭗ، ﺑﯘرﯨﻦ - ﺳﻮﯕﺪى ﺗﯩﻜﻪﻟﻪي ەﻓﻴﺮﮔﻪ ﺷﯩﻘﭙﺎﻋﺎن ﺗﺎلاﻧﺘﺘﻰ ﺟﯩﮕﯩﺖ ﻗﺎﺗﺘﻰ ﺗﻮﻟﻘﯩﭗ، ءۇﺷﯩﻨﺸﻰ ﺷﯟﻣﺎﻗﺘﻰ ۇﻣﯩﺘﯩﭗ ﻗﺎلادى. ﮔﻴﺘﺎراﺳﯩﻦ ءارى - ﺑﻪرى ﻗﺎﻧﺸﺎ وﻳﻨﺎﺳﺎ دا:

    − ﺗﻮﻟﯩﻘﺴﯩﻌﺎن ﺗﯘلا ﺑﻮﻳﯩﯔ، ﺷﯩﺒﯩﻖ ﭘﺎ ەﻛﻪن، ﺗﺎل ﻣﺎ ەﻛﻪن،

    ﺑﻪﻳﻨﻪڭ ﺳﻪﻧﯩﯔ ﺑﺎﻳﺎۋ اﺗﻘﺎن، ﺟﺎزﻋﻰ ﺷﯘﻋﯩلا ﺗﺎڭ ﺑﺎ ەﻛﻪن؟

    ﻛﯘﻟﻜﯩﯔ ﺳﻪﻧﯩﯔ ﺷﺎﺷﯩﻠﻌﺎن ﻧﯘر، ءﺳﻮزﯨﯔ ﻛﺎۋﺳﺎر، ﺑﺎل ﻣﺎ ەﻛﻪن،

    ﺑﯘل ﻋﺎلاﻣﺪا ﺳﻪﻧﻪن اﺳﻘﺎن، ءﺳﯩﺮا، ﺑﯩﺮەۋ ﺑﺎر ﻣﺎ ەﻛﻪن؟ − دەپ ﻛﻪﻟﻪﺗﯩﻦ ﺟﻮﻟﺪاردى ەﺳﯩﻨﻪ ﺗﯘﺳﯩﺮە اﻟﻤﺎﻳﺪى. اﻗﯩﺮى ﺑﻮﻟﻤﺎﻋﺎن ﺳﻮڭ »ۇﻳﺎﻟﻌﺎن ﺗﻪك ﺗﯘرﻣﺎس دەپ، ءوزى اﻳﺘﯩﭗ ﺟﯘرﮔﻪن ﺑﺎﻳﺎﻋﻰ ءﻣﺎﺗﯩﻨﻨﯩﯔ ءۇﺷﯩﻨﺸﻰ ﺷﯟﻣﺎﻋﯩﻦ ورﯨﻨﺪاي ﺳﺎلادى.

    − ﻣﻪن وﺗﯩﺮﻣﯩﻦ، ءﺑﯩﺮ ﺳﻪﻧﻰ وﻳلاپ، ﺟﺎﻧﺎرﯨﻤﺎ ﺟﺎس ﺗﻮﻟﯩﭗ،

    ﺷﺎراﭘﻘﺎ ەﻣﻪس، ﻣﺎﺣﺎﺑﺒﺎﺗﺘﯩﯔ ﻛﯘﻳﯩﮕﯩﻨﻪ ﻣﺎس ﺑﻮﻟﯩﭗ.

    ەر ﺟﯩﮕﯩﺘﺘﯩﯔ ەر ﺟﯘرەﮔﻰ ەﮔﯩﻠﮕﻪﻧﺪە، اﭘﯩﺮ - اي،

    ﻧﺎزﯨﻚ ﺟﺎﻧﻨﯩﯔ ەت ﺟﯘرەﮔﻰ ﻗﺎﻟﻌﺎﻧﻰ ﻣﺎ ﺗﺎس ﺑﻮﻟﯩﭗ... ءاﻧﺸﯩﻨﯩﯔ ﺑﯘل ﻗﯟﻟﯩﻌﯩﻦ ﺗﯩﻨﯩﺸﺒﺎي راﺣﯩﻤﻮۆ ﺑﺎﻳﻘﺎپ ﻗﺎلادى. ﺣﺎﺑﺎر ﺑﯩﺘﻜﻪن ﺳﻮڭ ءۇﺷﯩﻨﺸﻰ ﺷﯟﻣﺎﻗﺘﻰ ﻗﺎﻳﺪان اﻟﺪﯨﯔ؟ ﻣﯘﻗﺎﻋﺎﻟﻴﺪا ﻣﯘﻧﺪاي ﺟﻮﻟﺪار ﺟﻮق ەدى ﻋﻮي دەﻳﺪى. ﻗﺎﻧﺎت ﻳﺒﺮاﮔﻴﻤﻮۆ ﺷﯩﻨﯩﻦ اﻳﺘﺎدى. الاﻳﺪا ءﺑﯩﺮاز ۋاﻗﯩﺖ ءاﻧﻨﯩﯔ ءﺳﻮزى وﺳﻰ ﻧﯘﺳﻘﺎﻣﻪن ﺷﯩﺮﻗﺎﻟﯩﭗ ﺟﯘرەدى. ﺗﯟﯨﻨﺪﯨﻨﻰ ﺳﺘﯟدەﻧﺘﺘﻪردﯨﯔ ﺑﺎﺳﯩﻢ ﺑﻮﻟﯩﮕﻰ ﻣﺎﮔﻨﻴﺘﻮﻓﻮﻧﻌﺎ ﺑﺎﺳﯩﭗ اﻟﯩﭗ، ۇﻳﺮەﻧﻪدى. ﺑﯩﺮدە ﻗﺎلاﻧﯩﯔ ﺷﻪﺗﯩﻨﺪە ورﻧﺎلاﺳﻘﺎن ءداﻣﺤﺎﻧﺎلاردﯨﯔ ﺑﯩﺮﯨﻨﺪە ەرﺑﻮل ەﺳﯩﻤﺪى دوﺳﯩﻤﻪن ﺗﯘﺳﺘﻪﻧﯩﭗ وﺗﯩﺮﻋﺎن اۆﺗﻮر ءوز ءاﻧﯩﻨﯩﯔ ﺟﺎﯕﺎ ارﻟﻪۋدە ورﯨﻨﺪاﻟﯩﭗ ﺟﺎﺗﻘﺎﻧﯩﻦ ەﺳﺘﯩﭗ ﻗﺎلادى. ءداﻣﺤﺎﻧﺎ ﻣﯟزﻳﻜﺎﻧﺘﺘﺎرﯨﻦ ﺷﺎﻗﯩﺮﯨﭗ اﻟﯩﭗ، ﻣﯘﻧﯩﯔ ءﻣﺎﻧﯩﺴﯩﻦ ﺳﯘراﻳﺪى.

    − ﺗﺎﻧﯩﺴﺎ ﻛﻪﻟﻪ، ءاﻧﺸﻰ ﺟﯩﮕﯩﺘﺘﻪردﯨﯔ ﺳﺎﻛﻪن ﻣﺎﻳﻌﺎزﻳﻪۆﺗﯩﯔ ﺟﻪرﻟﻪس ﯨﻨﯩﻠﻪرى ەﻛﻪﻧﺪﯨﮕﯩﻦ ءﺑﯩﻠﺪﯨﻢ. ول ﻛﻪزدە ءان ءاﻟﻰ ەﻓﻴﺮﮔﻪ ﺗﺎراﻟﻤﺎﻋﺎن ﺑﻮلاﺗﯩﻦ. ءداﻣﺤﺎﻧﺎ ﻣﯟزﻳﻜﺎﻧﺘﺘﺎرى اﻋﺎلارﯨﻨﺎن ﻗﻮﻟﻘﺎلاپ ءﺟﯘرﯨﭗ، اراﻧﺠﻴﺮوۆﻛﺎﺳﯩﻦ ﻛﻮﺷﯩﺮﯨﭗ اﻟﻌﺎﻧﻌﺎ ۇﻗﺴﺎﻳﺪى. ءان اۆﺗﻮرى ﺗﺎﻟﻌﺎت ﻧﺎﻋﺎﺷﯩﻤﺒﺎﻳﻪۆ، ﻣﻪﻳﺮاﻣﺒﻪك، ﻣﺎﻗﺴﺎت، ﺳﺎﻛﻪن ۇﺷﻪۋى ﺗﻮپ ﻗﯘرﯨﭗ ﺟﺎﺗﯩﺮ، وﺳﻰ ءاﻧﺪى اﻳﺘﯩﭗ ﺷﯩﻘﭙﺎﻗﺸﻰ دەدى. ﺳﻮل ﺟﻪردە ءان اۆﺗﻮرى ﻣﻪن ەﻛﻪﻧﯩﻤﺪى ﺟﻪﺗﻜﯩﺰﯨﭗ، ﻣﯟزارت ﺗﻮﺑﯩﻨﺎ ﺣﺎﺑﺎرلاﺳﺘﯩﻢ. ءﺑﯩﺮاق، ءاﻟﻰ ﻛﯘﻧﮕﻪ دەﻳﯩﻦ ﻛﻮﭘﺘﻪﮔﻪن ءان ﺟﻴﻨﺎﻗﺘﺎردا، ﻛﯩﺘﺎﭘﺸﺎلاردا ﺗﺎﻟﻌﺎت ﻧﺎﻋﺎﺷﯩﻤﺒﺎﻳﻪۆ دەپ ﺑﻪرﯨﻠﯩﭗ ءﺟﯘر. ﻗﺎﻧﺸﺎ ﺟﻪردەن ﺗﯘزەﺗﯟﮔﻪ ﺗﯩﺮﯨﺴﯩﭗ، ءﺗﯩﭙﺘﻰ، ﺳﻮﺗﺘﺎﺳﯩﭗ ﺟﺎﺗﺴﺎم دا اۆﺗﻮرﻟﯩﻖ ﻗﯘﻗﯩﻌﯩﻢ ﺳﺎﻗﺘﺎﻟﻤﺎي ﻛﻪﻟﻪدى، − دەﻳﺪى ﻗﺎﻧﺎت ﻳﺒﺮاﮔﻴﻤﻮۆ.

    ءﺑﯩﺰ ﺑﺎﺳﺘﺎﭘﻘﯩﺪا ﺗﯟﯨﻨﺪى اۆﺗﻮرى ﺗﺎﻟﻌﺎت ﻧﺎﻋﺎﺷﯩﻤﺒﺎﻳﻪۆ دەپ ﺷﺎﺗﺎﺳﯩﭗ ﺟﯘردﯨﻚ. وﻳﺘﻜﻪﻧﻰ، ﺳﺘﯟدەﻧﺖ ﻛﯘﻧﯩﻤﯩﺰدە وﺳﯩلاي دەپ ەﺳﺘﯩﮕﻪن ەدﯨﻚ. ﻛﻪﻳﯩﻨﻨﻪن ﻗﺎﻧﺎت ﻳﺒﺮاﮔﻴﻤﻮۆ ﺣﺎﺑﺎرلاﺳﯩﭗ، ءان ﻳﻪﺳﻰ ەﻛﻪﻧﺪﯨﮕﯩﻦ ﺟﻪﺗﻜﯩﺰدى. 2000 - ﺟﯩﻠﻰ ﻣﯟزارت ﺗﻮﺑﻰ اﻟﻌﺎش وﺳﻰ اﻧﻤﻪن وﻧﻪر اﻟﻪﻣﯩﻨﺪەﮔﻰ ﺗﯘﺳﺎۋﯨﻦ ﻛﻪﺳﺘﻰ. ءﺑﯩﺰدﯨﯔ ءﺗﻮﻟﻘﯘﺟﺎﺗﯩﻤﯩﺰ ﯨﺴﭙﻪﺗﺘﻪس، ءﺳﺎﺗﺘﻰ ﺷﯩﻘﻘﺎن ﺷﯩﻌﺎرﻣﺎلاردﯨﯔ ءﺑﯩﺮى دەﻳﺪى ﺳﺎﻛﻪن ﻣﺎﻳﻌﺎزﻳﻪۆ.

    ﺳﻪﻧﯩﯔ ﻛﻮزﯨﯔ اﻟﻌﺎش ﺗﺎراﻋﺎن ﺟﯩﻠﺪارى ﺑﻪﻟﮕﯩﻠﻰ ﻛﻮﻣﭙﻮزﻳﺘﻮر اﻟﺘﯩﻨﺒﻪك ﻗﻮرازﺑﺎﻳﻪۆ ﺗﺎ ﻋﯘﻣﯩﺮى ۇزاق ﺑﻮلاﺗﯩﻦ ءان دەپ وڭ ﺑﺎﻋﺎﺳﯩﻦ ﺑﻪرﮔﻪن ەﻛﻪن. اﺳﻪم اۋەن ﺷﯩﻨﯩﻨﺪا ءاﻟﻰ ﻛﯘﻧﮕﻪ ﻛﻮﭘﺸﯩﻠﯩﻜﺘﯩﯔ اۋزﯨﻨﺎن ﺗﯘﺳﻜﻪن ەﻣﻪس. ﺗﻪك وﻛﯩﻨﯩﺸﺘﯩﺴﻰ، ءان اۆﺗﻮرى اﻟﻌﺎﺷﻘﻰ ﻣﺎﺣﺎﺑﺒﺎﺗﯩﻨﺎ ﻗﻮﺳﯩلا اﻟﻤﺎﭘﺘﻰ.

    ءاﻧﻨﯩﯔ ﺗﻮﻟﯩﻖ ءﻣﺎﺗﯩﻨﻰ

    ﺳﻪﻧﯩﯔ ﻛﻮزﯨﯔ ءﺗﯘﭘﺴﯩﺰ ﺗﻪرەڭ، ﺗﯘﯕﻌﻴﯩﻘﺘﺎن ﺟﺎراﻟﻌﺎن،

    ﺳﻮﻧﺪا ﺟﺎﺗﯩﺮ ﻣﻪﻧﺪە ﺟﯘرﮔﻪن، ورﯨﻨﺪاﻟﻤﺎس ﺑﺎر ارﻣﺎن.

    ﺳﻪﻧﯩﯔ ءﺟﯘزﯨﯔ ﻛﻮﻛﺘﻪ ﻛﯘﻧﻨﻪن، ﺟﻪردە ﮔﯘﻟﺪەن ءﻧﺎر اﻟﻌﺎن،

    ﺷﺎﺷﯩﯔ ﺳﻪﻧﯩﯔ ﺟﺎن ﺑﺎﺳﭙﺎﻋﺎن، ﺟﺎﭘﺎﻧﺪاﻋﻰ ﻗﺎرا ورﻣﺎن.

    

    ﻗﺎس - ﻛﯩﺮﭘﯩﮕﯩﯔ ﻗﺎرﻟﯩﻌﺎﺷﺘﯩﯔ ﻗﺎﻧﺎﺗﯩﻨﺪاي ﻗﺎپ - ﻗﺎرا،

    ۇﻟﺒﯩﺮەﮔﻪن ءﺟﯘزﯨﯔ ﺳﻪﻧﯩﯔ، اق ﺟﯩﺒﻪك ﭘﻪ، ﻣﺎﻗﺘﺎ ﻣﺎ؟!

    اﺳﻪم ﺑﺎﺳﯩﯔ ءاپ - ادەﻣﻰ، ﻣﯘﺳﯩﻨﯩﯖﻪ ﺷﺎق ﻗﺎﻧﺎ،

    ﺷﻴﻪدەﻳﯩﻦ ەرﯨﻨﺪەرﯨﯔ، ﻗﯩﺰارﯨﭗ ﺗﯘر ﺷﻮﻗﺘﺎﻧﺎ...

    

    ﺗﻮﻟﯩﻘﺴﯩﻌﺎن ﺗﯘلا ﺑﻮﻳﯩﯔ، ﺷﯩﺒﯩﻖ ﭘﺎ ەﻛﻪن، ﺗﺎل ﻣﺎ ەﻛﻪن،

    ﺑﻪﻳﻨﻪڭ ﺳﻪﻧﯩﯔ ﺑﺎﻳﺎۋ اﺗﻘﺎن، ﺟﺎزﻋﻰ ﺷﯘﻋﯩلا ﺗﺎڭ ﺑﺎ ەﻛﻪن؟

    ﻛﯘﻟﻜﯩﯔ ﺳﻪﻧﯩﯔ ﺷﺎﺷﯩﻠﻌﺎن ﻧﯘر، ءﺳﻮزﯨﯔ ﻛﺎۋﺳﺎر، ﺑﺎل ﻣﺎ ەﻛﻪن

    ﺑﯘل ﻋﺎلاﻣﺪا ﺳﻪﻧﻪن اﺳﻘﺎن، ءﺳﯩﺮا ﺑﯩﺮەۋ ﺑﺎر ﻣﺎ ەﻛﻪن؟!

جاۋاپتى رەداكتور:叶尔森