ﻛﻪﻟﺸﻰ، ﻛﻪﻟﺸﻰ، ﺑﺎلاﺷﯩﻢ

    ﺑﻪﻟﮕﯩﻠﻰ ﻗﺎلاﻣﮕﻪر، اﻗﯩﻦ ﻗﺎﺑﺪﯨﻜﺎرﯨﻢ ﯨﺪﯨﺮﯨﺴﻮۆﺗﯩﯔ وﻟﻪﯕﯩﻨﻪ ﺟﺎزﯨﻠﻌﺎن ەﺳﻜﻪﻧﺪﯨﺮ ﺣﺎﺳﺎﻧﻌﺎﻟﻴﻪۆﺗﯩﯔ ﻛﻪﻟﺸﻰ، ﻛﻪﻟﺸﻰ، ﺑﺎلاﺷﯩﻢ ءاﻧﻰ 1978 - ﺟﯩﻠﻰ 1 - اﻗﭙﺎﻧﺪا ۇﻟﻰ ءﺑﯩﺮﺟﺎن دۇﻧﻴﻪﮔﻪ ﻛﻪﻟﮕﻪﻧﺪە ﺟﺎزﯨﻠﯩﭙﺘﻰ. زاﻳﯩﺒﯩﻨﯩﯔ اﻳﻰ - ﻛﯘﻧﻰ ﺟﺎﻗﯩﻨﺪاﻋﺎن ۋاﻗﯩﺘﺘﺎ ﻛﻮﻣﭙﻮزﻳﺘﻮر ﺷﯩﻤﻜﻪﻧﺖ ﻗﺎلاﺳﯩﻨﺪاﻋﻰ ال - ﻓﺎراﺑﻲ اﺗﯩﻨﺪاﻋﻰ ﭘﻪداﮔﻮﮔﻴﻜﺎﻟﯩﻖ ﻣﺎدەﻧﻴﻪت ﻳﻨﺴﺘﻴﺘﯟﺗﯩﻨﯩﯔ ﺳﻮﯕﻌﻰ ﻛﯟرﺳﯩﻨﺪا ﺳﯩﺮﺗﺘﺎي وﻗﯩﭗ ﺟﯘرﮔﻪن ﻛﻮرﯨﻨﻪدى. اﻗﭙﺎﻧﻨﯩﯔ اﻟﻌﺎﺷﻘﻰ ﻛﯘﻧﻰ ﺗﺎڭ اﺗﺎ اﻟﻤﺎﺗﯩﺪان اﻛﻪ ﺑﻮﻟﻌﺎﻧﺪﯨﻌﻰ ﺟﻮﻧﯩﻨﺪە ءﺷﯘﻳﯩﻨﺸﻰ ﺣﺎﺑﺎر ﻛﻪﻟﯩﭗ ﺟﻪﺗﻪدى. ەﺳﻰ ﺷﯩﻌﺎ ﻗﯟاﻧﻌﺎن وﻧﻪر ﻳﻪﺳﻰ ﺳﻮل ﻛﯘﻧﮕﻰ ۇﺷﺎﻗﻘﺎ ﺑﻴﻠﻪت اﻟﯩﭗ، ﺟﺎرى ﻣﻪن ﺑﺎلاﺳﯩﻨﺎ ﻗﺎراي ﻗﯘﺳﺘﺎي ۇﺷﺎدى.

    − ﭘﻪرزەﻧﺘﺤﺎﻧﺎداﻋﻰ اق ﺣﺎلاﺗﺘﻰ اﺑﺰال ﺟﺎﻧﺪار ﻣﻪﻧﻰ ﺗﺎﻧﯩﺪى ﻋﻮي دەﻳﻤﯩﻦ، ﺑﯩﺮدەن ۇﺳﺘﯩﻤﻪ اق ﺣﺎلات، ﺑﺎﺳﯩﻤﺎ ﻗﺎﻟﭙﺎق ﻛﻴﮕﯩﺰﯨﭗ، دارﻳﻜﻮ ﺟﺎﺗﻘﺎن ﺑﻮﻟﻤﻪﮔﻪ ﻛﯩﺮۋﮔﻪ رۇﻗﺴﺎت ەﺗﺘﻰ. ﭘﺎلاﺗﺎﻋﺎ ﺑﻪت اﻟﻌﺎﻧﺪا ﺟﯘرەﮔﯩﻢ ﻗﺎﺗﺘﻰ ﺗﻮﻟﻘﯩﭗ، ەرەﻛﺸﻪ ﻛﻮﺗﻪرﯨﯖﻜﻰ ﻛﻮﯕﯩﻞ ﻛﯘي ﭘﺎﻳﺪا ﺑﻮﻟﺪى. اﺗﺎ - ﺑﺎﺑﺎﻣﻨﯩﯔ ﺗﯘﻳﺎﻋﻰ، ءوﻣﯩﺮﯨﻤﻨﯩﯔ ﺟﺎﻟﻌﺎﺳﻰ، ﺗﯩﺮﻟﯩﮕﯩﻤﻨﯩﯔ ءﻣﺎﻧﻰ، ﻣﯘراﮔﻪرﯨﻤﺪى ﻗﻮﻟﯩﻤﺎ اﻟﻌﺎﻧﺪا، ﻣﻪﻧﻪن ﺑﺎﻗﯩﺘﺘﻰ ﺟﺎن ﺟﻮق ەدى. ۇﻳﮕﻪ ﻛﻪﻟﮕﻪن ﺳﻮڭ ﻛﯘﻳﺴﺎﻧﺪﯨﻌﯩﻤﺎ وﺗﯩﺮﯨﭗ، ﺷﻪﻛﺴﯩﺰ ﻗﯟاﻧﯩﺸﯩﻤﺪى اﻧﮕﻪ ﻗﻮﺳﺎ ﺑﺎﺳﺘﺎدﯨﻢ. ﺟﺎﯕﺎ ﺗﯟﯨﻨﺪى ﻛﻮپ ﻛﯘﺗﺘﯩﺮﮔﻪن ﺟﻮق. ﺳﻮﺳﯩﻦ اﻧﮕﻪ ءﻣﺎﺗﯩﻦ ﯨﺰدەپ، ﻗﺎﺑﺪﯨﻜﺎرﯨﻢ ﯨﺪﯨﺮﯨﺴﻮۆﺗﯩﯔ ﺟﻴﻨﺎﻋﯩﻦ اﻗﺘﺎرﯨﺴﺘﯩﺮدﯨﻢ. ءﺳﺎﺗﯩﻦ ﺳﺎﻟﻌﺎﻧﺪا، ﯨﺰدەﮔﻪن دۇﻧﻴﻪم ﺗﺎﺑﯩلا ﻛﻪﺗﺘﻰ. وﻧﯩﯔ ﻛﻪﻟﺸﻰ، ﻛﻪﻟﺸﻰ، ﺑﺎلاﺷﯩﻢ دەﮔﻪن وﻟﻪﯕﻰ ﻣﻪﻧﯩﯔ ﻣﯟزﻳﻜﺎﻣﺎ ﺳﺎﻳﻤﺎ - ﺳﺎي ﺑﻮﻟﯩﭗ ﺷﯩﻘﺘﻰ. اﺳﯩﺮەﺳﻪ:

    − اﻳﯩﻢ ﺑﻮﻟﯩﭗ ﺗﯟدﯨﯔ ﺑﺎ،

    ﻛﯘﻧﯩﻢ ﺑﻮﻟﯩﭗ ﺗﯟدﯨﯔ ﺑﺎ؟

    اﺗﺎ ﺟﻮﻟﯩﻦ ﻗﯟدﯨﯔ ﺑﺎ،

    اﻛﻪ ﺟﻮﻟﯩﻦ ﻗﯟدﯨﯔ ﺑﺎ؟

    ﺑﯘل دۇﻧﻴﻪﮔﻪ ﻛﻪﻟﮕﻪن ﺳﻮڭ

    ﺳﯘراۋى ﺑﺎر ﺳﯟدﯨﯔ دا... − دەﮔﻪن ﺟﻮﻟﺪار ﻣﻪﻧﯩﯔ ﻗﯟاﻧﯩﺸﯩﻤﺪى ءدوپ ﺑﺎﺳﯩﭗ ﺗﯘر. ءﺑﯩﺮ ﻗﯩﺰﯨﻌﻰ، ﻛﻮپ ۇزاﻣﺎي ﺑﯘل ﺷﯩﻌﺎرﻣﺎ ﻛﻮﭘﺸﯩﻠﯩﻚ ءﺳﯘﻳﯩﭗ اﻳﺘﺎﺗﯩﻦ ﺑﻪﺳﯩﻚ ﺟﯩﺮﯨﻨﺎ اﻳﻨﺎﻟﺪى، − دەﻳﺪى ﻗﺎزاﻗﺴﺘﺎن رەﺳﭙﯟﺑﻠﻴﻜﺎﺳﯩﻨﯩﯔ ﺣﺎﻟﯩﻖ ارﺗﻴﺴﻰ، ﻣﻪﻣﻠﻪﻛﻪﺗﺘﯩﻚ ﺳﻴﻠﯩﻘﺘﯩﯔ لاۋرەاﺗﻰ ەﺳﻜﻪﻧﺪﯨﺮ ﺣﺎﺳﺎﻧﻌﺎﻟﻴﻪۆ.

    ۇﻟﯩﻨﺎ ارﻧﺎپ ءان ﺟﺎزۋ اﺳﺎ ﻗﻴﯩﻨﺪﯨﻖ ﺗﯟدﯨﺮﻣﺎﻋﺎﻧﯩﻤﻪن، ﻧﺎرەﺳﺘﻪﮔﻪ ات ﻗﻮﻳﯟ ءﺑﯩﺮاز ﺗﺎلاس ﺗﯟدﯨﺮﯨﭙﺘﻰ. ﺟﺎن - ﺟﺎﻗﺘﺎن ﻗﯘرﻣﺎﻧﻌﺎزﯨﻨﯩﯔ وﻣﯩﺮﮔﻪ ﻛﻪﻟﮕﻪﻧﻰ ﻗﯘﺗﺘﻰ ﺑﻮﻟﺴﯩﻦ!، اﺗﯩﻦ ﻣﯘﺣﻴﺖ دەپ ﻗﻮي دەﮔﻪن ﺟﻪدەﻟﺤﺎﺗﺘﺎر ﻛﻮﭘﺘﻪپ ﺗﯘﺳﻪدى. ﻣﻪن ورﺗﺎ ءﺟﯘزدﯨﯔ ﺳﻪرﯨﺴﻰ، ﺳﺎرى ارﻗﺎﻧﯩﯔ ءﺗﻮل ﭘﻪرزەﻧﺘﻰ ءﺑﯩﺮﺟﺎن ﺳﺎﻟﺪﯨﯔ ەﺳﯩﻤﯩﻤﻪن اﺗﺎﻋﺎﻧﺪى ءﺟﻮن ﻛﻮردﯨﻢ دەﻳﺪى وﻧﻪر ﻳﻪﺳﻰ.

    ءﺑﯩﺮ ﻗﯩﺰﯨﻌﻰ، ﻛﯩﺸﻜﻪﻧﺘﺎي ﻛﯘﻧﯩﻨﺪە ءﺑﯩﺮﺟﺎﻧﺪى اﻛﻪﺳﻰ وﺳﻰ اﻧﻤﻪن ۇﻳﯩﻘﺘﺎﺗﺎدى ەﻛﻪن. ءﺗﯩﭙﺘﻰ، ءﺑﯩﺮ ﺟﺎﺳﯩﻨﺪا ﻛﻮﻣﭙﻮزﻳﺘﻮر ﺟﺎﻳﻠﻰ ارﻧﺎﻳﻰ دەرەﻛﺘﻰ ﻓﻴﻠﻢ ءﺗﯘﺳﯩﺮﯨﻠﯩﭗ، وﻧﺪا دﻳﯚاﻧﺪا وﺗﯩﺮﻋﺎن ءﺑﯩﺮ ﺟﺎﺳﻘﺎ ﺗﻮلار - ﺗﻮﻟﻤﺎس ءﺑﯩﺮﺟﺎﻧﻨﯩﯔ ﻛﻪﻟﺸﻰ، ﻛﻪﻟﺸﻰ، ﺑﺎلاﺷﯩﻢ اﻧﯩﻨﻪ ﻗﻮﻟﯩﻦ ەرﺑﻪﯕﺪەﺗﯩﭗ، ﺑﻴﻠﻪﮔﻪن ءﺳﺎﺗﻰ ﻛﻮرﺳﻪﺗﯩﻠﯩﭙﺘﻰ.

    − ﺟﺎﻟﻌﯩﺰ دارا − ءوزﯨﯖﺴﯩﯔ،

    اﺗﺎﺳﯩﻨﯩﯔ ﻛﻮزﯨﺴﯩﯔ،

    اﺟﻪﺳﯩﻨﯩﯔ ءﺳﻮزﯨﺴﯩﯔ.

    ﻣﻪن ﺑﺎرﯨﻤﺪى اﻳﺎﻣﺎن،

    ﺑﻮﺗﺎﻗﺎﻧﯩﻢ، ﺳﻪن ءۇﺷﯩﻦ، − دەپ ﻗﯘﻟﯩﻨﺸﺎﻋﯩﻦ اﻳﻨﺎﻟﯩﭗ، ﺗﻮﻟﻌﺎﻧﯩﭗ ءﺟﯘرﯨﭗ وﺳﯩﺮﮔﻪن اۆﺗﻮر ۇﻟﻰ ﺟﻪﺗﻰ ﺟﺎﺳﻘﺎ ﺗﻮﻟﻌﺎﻧﺪا، اﻣﯩﺮە ﻗﺎﺷﺎۋﺑﺎﻳﻪۆ اﺗﯩﻨﺪاﻋﻰ ﻣﯟزﻳﻜﺎﻟﯩﻖ ﻣﻪﻛﺘﻪﭘﻜﻪ ورﻧﺎلاﺳﺘﯩﺮادى. ﺟﻪﺗﻰ ﺟﯩﻠﺪﯨﻖ ﻣﻪﻛﺘﻪﭘﺘﯩﯔ ﻓﻮرﺗﻪﭘﻴﺎﻧﻮ ﻛلاﺳﯩﻦ ۇزدﯨﻚ ﺑﯩﺘﯩﺮﮔﻪن ءﺑﯩﺮﺟﺎن ﻗﺎزﯨﺮ اﻛﻪ ﺟﻮﻟﯩﻦ ﺟﺎﻟﻌﺎﺳﺘﯩﺮﯨﭗ، ﺷﯩﻌﺎرﻣﺎﺷﯩﻠﯩﻘﭙﻪن اﻳﻨﺎﻟﯩﺴﯩﭗ ءﺟﯘر. ﻗﯘرﻣﺎﻧﻌﺎزى اﺗﯩﻨﺪاﻋﻰ ۇﻟﺘﺘﯩﻖ ﻛﻮﻧﺴﻪرۆاﺗﻮرﻳﺎﻧﯩﯔ ﻛﻮﻣﭙﻮزﻳﺘﻮرﻟﯩﻖ ءﺑﻮﻟﯩﻤﯩﻦ وﻳﺪاﻋﯩﺪاي اﻳﺎﻗﺘﺎپ، ﺣﺎﻟﯩﻖ ارﺗﻴﺴﻰ ﻣﺎﻧﺴﯘر ﺳﺎﻋﺎﺗﻮۆﺗﺎن ءدارﯨﺲ اﻟﻌﺎن. ﺑﯘﮔﯩﻨﮕﻰ ﺗﺎﯕﺪا، ﺗﻪك ﻗﺎﻧﺎ ﺳﺎزﮔﻪرﻟﯩﮕﯩﻤﻪن ﻋﺎﻧﺎ ەﻣﻪس، ﺟﻪﻛﻪﻟﻪﮔﻪن اﺳﭙﺎﭘﺘﯩﻖ ﺷﯩﻌﺎرﻣﺎلار ﺟﺎزۋﻣﻪن دە ﺟﯘرت ﻧﺎزارﯨﻨﺎ ﯨﻠﯩﮕﯩﭗ ۇﻟﮕﻪردى.

    − اﻧﺎ اﻟﺪﻳﯩﻤﻪن، اﻛﻪ وﺳﻴﻪﺗﯩﻤﻪن ﻣﯟزﻳﻜﺎﻣﻪن ﺳﯟﺳﯩﻨﺪاپ ەرﺟﻪﺗﻜﻪن ﺑﺎلاﻣﻨﯩﯔ ﺑﻮلاﺷﺎﻋﯩﻨﺎ ۇﻟﻜﻪن ۇﻣﯩﺘﭙﻪن ﻗﺎراﻳﻤﯩﻦ. ﻣﻪﻧﯩﯔ ﺟﻮﻟﯩﻤﺪى ﺟﺎﻟﻌﺎﺳﺘﯩﺮﯨﭗ ﻗﺎﻧﺎ ﻗﻮﻳﻤﺎي، ەﻟﯩﻨﻪ ﻗﯩﺰﻣﻪت ەﺗﻪﺗﯩﻨﯩﻨﻪ ﺳﻪﻧﯩﻤﺪﯨﻤﯩﻦ. ﺟﺎﻗﯩﻦ ﻛﯘﻧﺪەرى ءﺑﯩﺮﺟﺎن 31 ﺟﺎﺳﻘﺎ ﺗﻮلادى. ﻳﺎﻋﻨﻲ، »ﻛﻪﻟﺸﻰ، ﻛﻪﻟﺸﻰ، ﺑﺎلاﺷﯩﻢ ءاﻧﯩﻨﯩﯔ ﺗﯟﻋﺎﻧﯩﻨﺎ دا 31 ﺟﯩﻞ. ءاﻧﺪى اﻟﻌﺎش ءوزﯨﻢ ورﯨﻨﺪاﻋﺎن ەدﯨﻢ. ﻛﻪﻳﯩﻨﯩﺮەك اﺗﺎ ﻣﻪﻛﻪن دەﮔﻪن ءان ﺟﻴﻨﺎﻋﯩﻤﺎ ﻧﻮﺗﺎﺳﯩﻤﻪن ﺑﺎﺳﯩﻠﯩﭗ ﺷﯩﻘﺘﻰ. ءﺑﯩﺮ اﻳﺘﺎ ﻛﻪﺗﻪرﻟﯩﮕﻰ، ﻛﻮﭘﺸﯩﻠﯩﻚ ءاﻧﺪى »اﻳﯩﻢ ﺑﻮﻟﯩﭗ ﺗﯟدﯨﯔ ﺑﺎ؟ دەپ اﺗﺎپ ﻛﻪﺗﻜﻪن. ﻣﻪﻧﯩﯔ ﻗﺎﺗﺎرلاﺳﺘﺎرﯨﻢ، ﻗﺎزﯨﺮ ﻧﻪﻣﻪرەﻟﻪرﯨﻦ وﺳﻰ اﻧﻤﻪن ۇﻳﯩﻘﺘﺎﺗﺎﻣﯩﺰ دەپ اﻳﺘﯩﭗ ءﺟﯘر. ﻛﻪﻳﯩﻨﮕﻰ ﺟﺎﺳﺘﺎردﯨﯔ ﯨﺸﯩﻨﺪە ﺳﻪﻳﻔﯟﻟﻠﻴﻦ ﺟﻮﻟﺒﺎرﯨﺴﺘﯩﯔ ورﯨﻨﺪاۋﯨﻨﺎ ﻛﻮﯕﯩﻠﯩﻢ ﺗﻮلادى، − دەﻳﺪى ەﺳﻜﻪﻧﺪﯨﺮ ﺣﺎﺳﺎﻧﻌﺎﻟﻴﻪۆ.

    ءاﻧﻨﯩﯔ ﺗﻮﻟﯩﻖ ءﻣﺎﺗﯩﻨﻰ

    اﻳﯩﻢ ﺑﻮﻟﯩﭗ ﺗﯟدﯨﯔ ﺑﺎ،

    ﻛﯘﻧﯩﻢ ﺑﻮﻟﯩﭗ ﺗﯟدﯨﯔ ﺑﺎ؟

    اﺗﺎ ﺟﻮﻟﯩﻦ ﻗﯟدﯨﯔ ﺑﺎ،

    اﻛﻪ ﺟﻮﻟﯩﻦ ﻗﯟدﯨﯔ ﺑﺎ؟

    ﺑﯘل دۇﻧﻴﻪﮔﻪ ﻛﻪﻟﮕﻪن ﺳﻮڭ

    ﺳﯘراۋى ﺑﺎر ﺳﯟدﯨﯔ دا.

    ﻗﯟاﻧﯩﺸﯩﻢ − اراي ءﺟﯘز،

    ﺳﻮﻳﻠﻪﺳﻪرﻣﯩﺰ ﺗﺎلاي ءﺑﯩﺰ.

    ﺑﺎر اﻋﺎﻳﯩﻦ ﺟﻴﻨﺎﻟﯩﭗ،

    ءﻣﺎز ﺑﻮپ ﺳﺎﻋﺎن ﻗﺎراﻳﻤﯩﺰ.

    ﺳﻪﻧﺪەي ﺑﺎلا ەﺷﻜﯩﻢ دە،

    ﺑﻮﻟﻤﺎﻋﺎن دەپ ﺳﺎﻧﺎﻳﻤﯩﺰ،

    ﺟﺎﻟﻌﯩﺰ دارا − ءوزﯨﯖﺴﯩﯔ،

    اﺗﺎﺳﯩﻨﯩﯔ ﻛﻮزﯨﺴﯩﯔ،

    اﺟﻪﺳﯩﻨﯩﯔ ءﺳﻮزﯨﺴﯩﯔ.

    ﻣﻪن ﺑﺎرﯨﻤﺪى اﻳﺎﻣﺎن،

    ﺑﻮﺗﺎﻗﺎﻧﯩﻢ، ﺳﻪن ءۇﺷﯩﻦ

    ﻧﻪ دەپ ەﻧﺪى ﻣﺎﻗﺘﺎﻳﯩﻦ،

    اﻳﺘﯟﻋﺎ ءﺳﻮز ﺗﺎﭘﭙﺎﻳﻤﯩﻦ.

    ﺳﻮﻳﻠﻪپ ﻛﻪﺗﺴﻪم ﻛﻮﺑﯩﺮەك،

    ﻣﻪن اﺟﻪﯕﻪ ﺟﺎﻗﭙﺎﻳﻤﯩﻦ.

    ﻛﻪﻟﺸﻰ، ﻛﻪﻟﺸﻰ، ﺑﺎلاﺷﯩﻢ،

    ءﺑﯩﺮ ﻳﯩﺴﻜﻪﻣﻪي ﺟﺎﺗﭙﺎﻳﻤﯩﻦ.

جاۋاپتى رەداكتور:叶尔森