ﺷﯩﻠﺪەﺣﺎﻧﺎ، ﺑﻪﺳﯩﻚ ﺗﻮي

    ﺗﯘرلان اﺷﯩﻤﻮۆﺗﯩﯔ وﻟﻪﯕﯩﻨﻪ ﺟﺎزﯨﻠﻌﺎن ﻧﯘرلان اداﻣﺒﻪﻛﻮۆﺗﯩﯔ ﺑﯘل ءاﻧﻰ ﺗﺎۋەﻟﺴﯩﺰدﯨﻜﺘﯩﯔ اﻟﻌﺎﺷﻘﻰ ﺟﯩﻠﺪارى ﺟﺎرﯨﻖ ﻛﻮرﯨﭙﺘﻰ. ﻛﻪﺷﻜﯩﻠﯩﻚ ﺟﯘﻣﯩﺴﺘﺎن ﺷﺎرﺷﺎپ ﻛﻪﻟﮕﻪن ﻛﻮﻣﭙﻮزﻳﺘﻮر ﻛﯘﻳﺴﺎﻧﺪﯨﻘﺘﺎ وﺗﯩﺮﯨﭗ، اﻟﻌﺎﺷﻘﻰ ءاﻧﯩﻦ دۇﻧﻴﻪﮔﻪ اﻛﻪﻟﻪدى. ءﺳﻮﻳﺘﯩﭗ، ﺗﯘرلان اﺷﯩﻤﻮۆﻛﻪ ﺣﺎﺑﺎرلاﺳﻘﺎﻧﺪا، ول ﻣﺎﺣﺎﺑﺒﺎت ﺟﺎﻳﻠﻰ ءﻣﺎﺗﯩﻦ ﺟﺎزﯨﭗ ﺑﻪرەدى. ءﺑﯩﺮ ﺟﯩﻠﺪان ﻛﻪﻳﯩﻦ ﻧﯘرلان اداﻣﺒﻪﻛﻮۆ »ﺗﺎﻣﺎﺷﺎ« وﻳﯩﻦ - ﺳﺎۋﯨﻖ وﺗﺎۋﯨﻨﺎ ﻗﺎﺗﯩﺴﺎﺗﯩﻦ ﺑﻮﻟﯩﭗ، اﻟﻤﺎﺗﯩﻌﺎ ﺟﻮل ﺟﯘرﻣﻪك ﺑﻮلادى. الاﻳﺪا ﻣﺎرﻗﯘم ﻟﯘﻗﭙﺎن ەﺳﻪﻧﻮۆ »ﺑﯘرﯨﻦ ەش ﺟﻪردە ورﯨﻨﺪاﻟﻤﺎﻋﺎن ﺟﺎﯕﺎ ءان اﻟﯩﭗ ﻛﻪﻟﯩﯖﺪەر. ﺗﺎﻗﯩﺮﯨﺒﻰ ﻣﻪن ﻣﺎزﻣﯘﻧﻰ ﺑﺎﺳﻘﺎلاردى ﻗﺎﻳﺘﺎلاﻣﺎﻳﺘﯩﻦ ﺑﻮﻟﺴﯩﻦ« دەﻳﺪى. ءﺳﻮﻳﺘﯩﭗ، ﻛﻮﻣﭙﻮزﻳﺘﻮر اﻗﯩﻨﻌﺎ ﺣﺎﺑﺎرلاﺳﯩﭗ، ەﻛﻪۋى ﺟﻮﻟﻌﺎ ﺷﯩﻌﺎدى. ﻗﺎزﯨﺮﮔﻰ ءان ﺷﯟﻣﺎﻗﺘﺎرى ﺷﺎردارا ﻣﻪن اﻟﻤﺎﺗﯩﻨﯩﯔ ورﺗﺎﺳﯩﻨﺪا ﻛﻮﻟﯩﻚ ﯨﺸﯩﻨﺪە ﺗﯟﻋﺎن ﻛﻮرﯨﻨﻪدى.

    − »ﻗﺎزاﻗﺘﯩﯔ ﺳﺎﻟﺖ - داﺳﺘﯘرﻟﻪرى ﺗﯟراﻟﻰ ءان ﺑﻮﻟﺴﺎ« دەﮔﻪن ۇﺳﯩﻨﯩﺴﺘﻰ ﺗﯘرلاﻧﻌﺎ ءوزﯨﻢ اﻳﺘﺘﯩﻢ. ول ۋاﻗﯩﺘﺘﺎ ﺷﯩﻠﺪەﺣﺎﻧﺎ، ﺑﻪﺳﯩﻚ ﺗﻮي، ﺳﯘﻧﺪەت ﺗﻮي، ﻗﯘدا ءﺗﯘﺳﯟ، ﺳﯩﺮﻋﺎ ﺳﺎﻟﯟ ﺳﻴﺎﻗﺘﻰ ﺳﺎﻟﺖ - داﺳﺘﯘرﻟﻪرﯨﻤﯩﺰدﯨﯔ ﺑﺎر ەﻛﻪﻧﻰ ﻛﻮپ اﻳﺘﯩﻠﯩﭗ، ﺗﻮﻳلاﻧﺎ ﺑﻪرﻣﻪﻳﺘﯩﻦ. ءان ارﻗﯩﻠﻰ ۇﻣﯩﺖ ﺑﻮلا ﺟﺎزداﻋﺎن اﺳﯩﻞ ﻣﯘرالارﯨﻤﯩﺰدى ﺣﺎﻟﯩﻘﻘﺎ ﻗﺎﻳﺘﺎ ﺟﻪﺗﻜﯩﺰﮔﯩﻤﯩﺰ ﻛﻪﻟﺪى. ﺟﺎﯕﺎ ﺗﯟﯨﻨﺪﯨﻨﻰ اﻟﻤﺎﺗﯩﻌﺎ ﻛﻪﻟﮕﻪن ﺳﻮڭ، اﺑﺎي اﺗﯩﻨﺪاﻋﻰ وﭘﻪرا ﺟﺎﻧﻪ ﺑﺎﻟﻪت ﺗﻪاﺗﺮﯨﻨﯩﯔ ﺳﺘﯟدﻳﺎﺳﯩﻨﺪا ﺟﺎزدﯨﻖ. ءاﻧﻨﯩﯔ اﺗﯩﻦ »اﺗﺎ ءداﺳﺘﯘر« دەپ ﻟﯘﻗﭙﺎن ەﺳﻪﻧﻮۆ ءوزى ﻗﻮﻳﺪى، − دەﻳﺪى ﻛﻮﻣﭙﻮزﻳﺘﻮر ﻧﯘرلان اداﻣﺒﻪﻛﻮۆ.

    ﺑﺎﻟﯟان ﺷﻮلاق اﺗﯩﻨﺪاﻋﻰ ﺳﭙﻮرت ﺳﺎراﻳﯩﻨﺪا وﺗﻜﻪن »ﺗﺎﻣﺎﺷﺎ« وﻳﯩﻦ - ﺳﺎۋﯨﻖ وﺗﺎۋﯨﻨﺪا ﺳﺎﻟﺖ - ءداﺳﺘﯘر ﺟﺎﻳﻠﻰ ﺗﯘﯕﻌﯩﺶ ﺷﯩﻌﺎرﻣﺎﻧﻰ ﻧﯘرلان اداﻣﺒﻪﻛﻮۆ ءوزى »ﻧﺎز« اﻧﺴﺎﻣﺒﻠﯩﻤﻪن ﺑﯩﺮﮔﻪ ورﯨﻨﺪاﻳﺪى.

    − ﺑﯘل ءاﻧﺪى »ءاﻧﺸﻰ ﺑﺎلاﭘﺎﻧﻌﺎ« ﻗﺎﺗﯩﺴﻘﺎن ﺑﺎلالار ﻛﻮپ اﻳﺘﺎﺗﯩﻦ. وﺳﻰ ﺑﺎﻳﻘﺎۋﻋﺎ ﻗﻮﻧﺎق رەﺗﯩﻨﺪە ﺷﺎﻗﯩﺮﯨﻠﯩﭗ، زاﻟﺪا ﻛﻪزدەﺳﯩﭗ ﻗﺎﻟﻌﺎن ﻛﻮﻣﭙﻮزﻳﺘﻮرلار ﻣﺎرات ﻳﻠﻴﺎﺳﻮۆ ﭘﻪن ﻣﺎرات وﻣﺎروۆ »ءﺑﯩﺰ دە وﺳﯩﻨﺪاي ءﺑﯩﺮ دۇﻧﻴﻪ ﺟﺎزﺳﺎق ﭘﺎ دەپ ءﺟﯘر ەدﯨﻚ. ەﻧﺪى ﻗﺎﻳﺘﺎلاﺳﺎق، ﺟﺎراﺳﺎ ﻗﻮﻳﻤﺎس. اﻧﺪەرﯨﯖﯩﺰ ءﺳﺎﺗﺘﻰ ﺷﯩﻌﯩﭙﺘﻰ« دەپ ءوز ﺑﺎﻋﺎﺳﯩﻦ ﺑﻪردى. ﺑﯩﺮدە ﺗﻪﻟﻪدﻳﺪاردان ﻓﺮاﻧﺴﻴﺎدا ﺑﺎس ﻗﻮﺳﻘﺎن ەۆروﭘﺎ ﻗﺎزاﻗﺘﺎرﯨﻨﯩﯔ داﺳﺘﺎرﻗﺎن ﺑﺎﺳﯩﻨﺪا ءاﻧﺪى ﺷﯩﺮﻗﺎپ وﺗﯩﺮﻋﺎﻧﯩﻦ ﻛﻮرﯨﭗ ﻗﺎﻟﺪﯨﻢ، − دەﻳﺪى ﺗﯘرلان اﺷﯩﻤﻮۆ.

جاۋاپتى رەداكتور:جاڭىلقان سايلاۋ قىزى