ءتاڭىرتاۋ تورابى   ›   جاڭالىقتار   ›   شينجياڭ حابارلارى

شوكىرات زاكىر قاشقارعا بارىپ «تورتتە بىرگە بولۋ» قيمىلىن ورىستەتكەن كەزدە مىنالاردى باسا دارىپتەدى

  ءار ۇلت كادر، بۇقاراسىنىڭ ارالاسۋ، ىشتەسۋ، توعىسۋىن ىشكەرىلەي جەبەپ شينجياڭنىڭ قوعام ورنىقتىلىعى مەن باياندى تىنىشتىعىنىڭ بەرىك نەگىزىن بەكەمدەۋ كەرەك

  12 - ، 13 - اقپان كۇندەرى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاشقار ايماعىنا بارىپ بۇقارامەن تاماقتا، تۇرمىستا، ەڭبەكتە، ۇيرەنۋدە بىرگە بولۋ قيمىلىن ورىستەتىپ، قيىنشىلىعى بار بۇقارامەن امانداسىپ، ولاردان حال سۇراپ، كەدەيلىكتەن قۇتىلدىرۋدان قامال الۋ قىزمەتىن تەكسەرىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرعان قىزمەت اترەتتەرىنىڭ مۇشەلەرىمەن امانداسىپ، قالىڭ كادرلارعا، بۇقاراعا اۆتونوميالى رايوندىق پارتكومنىڭ، ۇكىمەتتىڭ مەرەكەلىك تىلەگى مەن شىنايى قامقورلىعىن جەتكىزدى. ول مىنالاردى باسا دارىپتەدى: ءار ۇلت كادرلارى مەن بۇقاراسىنىڭ ارالاسۋ، ىشتەسۋ، توعىسۋىن ىشكەرىلەي جەبەپ، ۇلتتار ىنتىماعىنىڭ، قوعام ورنىقتىلىعىنىڭ تاماشا جاعدايىن بەكەمدەپ جانە دامىتىپ، شينجياڭنىڭ قوعام ورنىقتىلىعى مەن باياندى تىنىشتىعىنىڭ بەرىك نەگىزىن بەكەمدەۋ كەرەك.

  قاشقار دالاسىندا قىستىڭ ىزعارى قايتىپ كوكتەمنىڭ جىلى لەبى بىلىنە باستادى. شوكىرات زاكىر قاشقار جاڭاشار اۋدانى جاڭاشار قالاشىعى جاڭا قالا رايونى الەۋمەتتىك اۋماعىنداعى «فان اجەيدىڭ مەيىر باعىشتاۋ ساباقحاناسىنا» كىرىپ، اۆتونوميالى رايوندىق ءمورال ۇلگىسى فان يۇيليانمەن امانداسىپ، حال سۇراپ، كاريانىڭ 25 جىلدان بەرى ءۇن - ءتۇنسىز ۇلەس قوسىپ، ۇرپاقتاردى دەن قويا باۋلىپ، ۇلتتار ىنتىماعى، العاباسارلىعى قىزمەتىندە اتقارعان ۇلگىلىك رولىن تۇراقتاندىردى. بالالاردىڭ مەملەكەتتە ورتاق قولدانىلاتىن ءتىل - جازۋمەن تۋىندى جازىپ، بايىرعى زامان ولەڭدەرىن جاتتاپ، ەركىن سويلەسە الاتىنىن كورگەننەن كەيىن، شوكىرات زاكىر بالالارعا بىلاي دەپ تاپسىردى: ءتىل − دۇنيەنىڭ تەرەزەسى، سىزدەردىڭ مەملەكەتتە ورتاق قولدانىلاتىن ءتىل - جازۋدى جاقسى ۇيرەنىپ، يگەرىپ، قولدانىپ، قابىلەتتەرىڭىزدى ءوسىرىپ، كىشكەنتايلارىڭنان مۇرات ورناتىپ، جارامدى ادام بولىپ، وتاننىڭ كۇتكەن جەرىنەن شىعۋلارىڭىزدى ءۇمىت ەتەمىن.

  وسىدان كەيىن، شوكىرات زاكىر قاشقار جاڭاشار اۋدانى ياندۇما اۋىلى اياقىشىگاتۇق قىستاعىنداعى قيىنشىلىعى بار وتباسى ادىل تۇرسىننىڭ ۇيىنە باردى. بىلتىر جەلتوقساندا ادىل تۇرسىن قاتىستى جاردەماقىلاردان يگىلىكتەنىپ، نەبارى 10 مىڭ يۋاننان استام اقشا جۇمساپ، ءوزىنىڭ 130 شارشى مەتر كەلەتىن ءۇيىنىڭ سۋ، توك جولىن وزگەرتىپ، داۋالىن اقتاپ جانە توپىراق پەشىن وزگەرتىپ سالىپ العاننىڭ سىرتىندا قىستاقتاعى اعاششىنى شاقىرىپ كىتاپ ۇستەلى، ىدىس سورەسى، كيىم شكابى، كەرەۋەت سياقتى وسى زامانعى ءۇي جيھازدارىن بۇيىرتىپ جاساتىپ الدى. «تۇرمىس ورەسى جوعارىلادى، تۇرمىس فورماسىنا دا اناعۇرلىم ءمان بەرۋ كەرەك»، - دەدى شوكىرات زاكىر، وسى زامانعى ءۇي جيھازدارىنىڭ وتباسىلارعا كىرۋىن جالپىلاستىرۋ جاقسى امال، تەك شارۋالارعا، وتە - موتە، وڭتۇستىك شينجياڭنىڭ كەدەي وڭىرلەرىندەگى شارۋالارعا وسى زامانعى تۇرمىس ءتاسىلىنىڭ جاقسىلىعىن شىن مانىندە سەزىندىرگەندە عانا، وسى زامانعى وركەنيەتتى تۇرمىس ءتاسىلىن شارۋالاردىڭ رۋحىنا ءسىڭىرىپ، شارۋالاردى مەشەۋ ادەت - عۇرىپتاردى تاستاپ، وسى زامانعى وركەنيەتتى تۇرمىس وتكىزۋگە بىرتىندەپ جەتەكتەۋگە بولادى. «بايۋدىڭ جولى كوپ، سىزدەردىڭ كەدەيلىكتەن قۇتىلۋ سەنىمىن ورناتىپ، پارتيا مەن ۇكىمەتتىڭ كومەگىندە، الاقان جايىپ قاراپ وتىرماي، يەك سۇيەمەي، وزدەرىڭىزدىڭ ەڭبەكشىل قوس قولدارىڭىزعا سۇيەنىپ، ەرتەرەك كەدەيلىكتەن قۇتىلىپ، تاماشا تۇرمىس كەشىرۋلەرىڭىزدى ءۇمىت ەتەمىن»، - دەدى شوكىرات زاكىر ادىل تۇرسىندى شابىتتاندىرىپ.

  «ءار ۇلت حالقىنا باقىت بوپ جەتكەن، تيانشان الابىنا كەلدى كوكتەم». كوكتەم مەرەكەسى قارساڭىندا، قاشقار جاڭاشار اۋدانى ارال اۋىلى حانشا قىستاعىنىڭ تۇرعىنى ايسا ابدىرەيىم وتباسى بوساعالىق جاپسىرىپ، قىزىل تۇمشالامالى شام ءىلدى. شوكىرات زاكىر ونىڭ ۇيىنە كەلىپ، وزىمەن تۋىستاسقان لۇڭ جيجۇنمەن، سونداي - اق قىستاق كادرلارىمەن، بۇقارا ۋاكىلدەرىمەن جانە ۇكىمەت كەڭسەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىندەگىلەرمەن قاتار وتىرىپ، بىرگە تاماقتانىپ، اڭگىمەلەسىپ، كىرىس - شىعىستى تىلگە تيەك ەتىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ نەگىزگى ساتىنىڭ ۇيىمدىق قۇرىلىسىن كۇشەيتۋ، ۇشقارىلىقتى الاستاۋ، كەدەيلەردى سۇيەمەلدەپ، قيىنشىلىعى بارلارعا كومەكتەسۋ سياقتى جاقتاردا قول جەتكىزگەن ىلگەرىلەۋشىلىكتەرىنىڭ جاعدايىن ۇعىستى.

  شوكىرات زاكىر ولاردىڭ ءسوزىن تىڭداعاننان كەيىن بىلاي دەدى: ۇكىمەت كەڭسەسىنىڭ «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتى ماڭىزدى ءتۇيىندى مىقتاپ ارقاۋ ەتىپ، قىزمەت ورىستەتتى، ءتۇرلى قىزمەتتەگى وي جەلىسى ايقىن، شارالارى پارمەندى، كورنەكتى ونىمدىلىككە قول جەتكىزدى. بۇقارالىق قىزمەتتى ويداعىداي ىستەۋدى باستان - اياق جالعاستىرۋدان جازباي، حالىقتىڭ قولداۋىنا يە بولۋدى، حالىق تىلەگىن ۇيىستىرۋدى قىزمەتتىڭ باستاۋ ءتۇيىنى جانە تابان تىرەر تياناعى ەتىپ، اۆتونوميالى رايوندىق پارتكومنىڭ ورنالاستىرۋلارىنا ساي، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىن تىڭعىلىقتى، ءونىمدى تۇردە ىلگەرىلەتۋ كەرەك. كەدەي وتباسىلارىنىڭ كاسىپتى دامىتۋ قابىلەتىن كۇشەيتۋدى ماڭىزدى ءتۇيىن ەتىپ، سۇيەمەلدەۋ شارالارىن قىستاقتارعا، وتباسىلارعا دەيىن تياناقتاندىرۋدى تۇتقا ەتىپ، دالمە - ءدال كۇش سالۋعا نازاردى شوعىرلاندىرىپ، كۇشتى شوعىرلاندىرا وتىرىپ قامال الىپ، كەدەيلىكتەن قۇتىلدىرۋدان قامال الۋ سىندى قاتاڭ شايقاستا بارىنشا كۇش سالىپ، جەڭىسكە جەتۋ؛ ورىن اۋىستىرىپ ويلاۋدى ۇيرەنىپ، ماسەلەگە بۇقارا تۇرعىسىنان كوبىرەك وي جۇگىرتىپ، بۇكىل ىنتا - پەيىلىمەن ءار ۇلت جۇرتشىلىعىنا قىزمەت كورسەتۋ، ءار ۇلت جۇرتشىلىعىنىڭ پايداسىن كوزدەۋ، قىزمەت كورسەتۋ قىزمەتىنىڭ حالىقتىڭ قالاۋىنان شىعۋىنا كۇش سالۋ كەرەك.

    جۇرتشىلىق جاپا - تارماعاي ءسوز سويلەپ، قىزۋ اڭگىمەلەسىپ، تۇنگى ساعات ءنول بولىپ كەتكەنىن دە سەزبەدى. وسى كۇنى كەشتە، شوكىرات زاكىر شارۋانىڭ ۇيىندە تۇنەپ، اۋىلداستاردىڭ تۇرمىس جاعدايىن جان - جاقتى ۇعىستى، حالىقتىڭ جاعدايىن ىشكەرىلەي تەكسەرىپ، حالىق تۇرمىسىن ءتۇسىندى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى