ءتاڭىرتاۋ تورابى   ›   جاڭالىقتار   ›   ماڭىزدى حابارلار

شي جينپيڭ كوكتەم مەرەكەسى قارساڭىندا سىچۋان ولكەسىنە بارىپ ءار ۇلت كادرلارى مەن بۇقاراسىنا امانداسىپ، ولاردان حال سۇرادى

  بۇكىل ەلدەگى ءار ۇلت حالقىنىڭ مەرەكەسىنە قۇتتى بولسىن ايتىپ، ۇلى وتاننىڭ ءتىپتى دە كوركەيىپ - گۇلدەنۋىن تىلەدى

  شينحۋا اگەنتتىگىنىڭ 13 - اقپاندا چىڭدۋدان بەرگەن حابارى. جۇڭحۋا ۇلتىنىڭ ءداستۇرلى مەرەكەسى − ديقاندار كالەندارى بويىنشا كوكتەم مەرەكەسى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سىچۋانعا كەلىپ، پارتيا 19 - قۇرىلتايىنىڭ رۋحىن، سونداي - اق ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ اۋىل - قىستاق قىزمەت ءماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە تەكسەرۋ - زەرتتەۋ جۇرگىزدى، ءار ۇلت كادرلارى مەن بۇقاراسىنا امانداسىپ، ولاردان حال سۇرادى، بۇكىل ەلدەگى ءار ۇلت حالقىنا مەرەكە بايلانىسىمەن باقىت تىلەدى.

  سىچۋاننىڭ بايتاق دالاسىندا قىس ىزعارى قايتپاي كوكتەمنىڭ لەبى بىلىنە باستادى. 10 - اقپاننان 13 - اقپانعا دەيىن، شي جينپيڭ سىچۋان ولكەلىك پارتكومنىڭ شۋجيى ۋاڭ دۇڭميڭنىڭ، ولكە باستىعى يىن ليدىڭ سەرىك بولۋىندا، لياڭشان يزۋ اۆتونوميالى وبلىسىنا، ابا زاڭزۋ، چياڭزۋ اۆتونوميالى وبلىسىنا، چىڭدۋ قالاسى سياقتى جەرلەرگە بارىپ، قىستاق - قالاشىقتاردى، كاسىپورىنداردى، الەۋمەتتىك اۋماقتاردى ارالاپ، كەدەيلىكتەن قامال الۋ جانە ەكونوميكالىق، قوعامدىق دامۋ قىزمەتىن تەكسەردى، ۋىنچۋاندا اپاتتان كەيىنگى قالپىنا كەلتىرۋ، قايتا قۇرۋ جۇمىسىنىڭ دامۋ جاعدايىن تەكسەرىپ، ءار ۇلت كادرلارى مەن بۇقاراسىنا پارتيا ورتالىق كوميتەتىنىڭ شىنايى قامقورلىعىن جەتكىزدى.

  سىچۋاننىڭ باتىس وڭتۇستىك بولىگىنە ورنالاسقان لياڭشان يزۋ اۆتونوميالى وبلىسى − بۇكىل ەل بويىنشا يزۋ ۇلتى شوعىرلى قونىستانعان ەڭ ۇلكەن ءوڭىر جانە سىچۋان ولكەسىندەگى ۇلت ءتۇرى، از ۇلت جان سانى ەڭ كوپ ءوڭىر. جاراتىلىستىق شارت - جاعدايىنىڭ ناشارلىعى جانە دامۋىنىڭ سالىستىرمالى مەشەۋلىگى سەبەبىنەن، وسى وبلىس بۇكىل ەل بويىنشا شوعىرلى ۇلاسقان اۋىر كەدەي وڭىرلەردىڭ ءبىرى سانالادى، وبلىستاعى 17 اۋدان، قالانىڭ 11ى مەملەكەتتىڭ كەدەيلەردى سۇيەمەلدەۋ، وركەندەتۋ قىزمەتىندەگى ءتۇيىندى اۋدان. شي جينپيڭ وسى اراداعى جۇرتشىلىقتى ەسىنەن شىعارعان جوق. 11 - اقپان كۇنى ءتۇستىڭ الدىندا جاۋعان قاردان كەيىنگى دالياڭشان تاۋىندا كۇن شايداي اشىلىپ، جول بويىندا كۇمىس قىراۋ كۇن نۇرىمەن شاعىلىسادى. شي جينپيڭ اۆتوموبيلمەن تاۋ قويناۋىنداعى ءيىر - قيىر تاس جولمەن 4 ساعاتتان استام ۋاقىت ءجۇرىپ، دالياڭشان تاۋىنىڭ قويناۋىنداعى جاۋجۋە اۋدانى سانچاحى اۋىلى سانحى قىستاعىنا جانە جيەفاڭ اۋىلىنىڭ حوپۋ قىستاعىنا بارىپ كەدەي بۇقاراعا امانداستى.

  تەڭىز دەڭگەيىنەن ورتاشا بيىكتىگى 2500 نەشە مەتر كەلەتىن سانحى قىستاعى يزۋ ۇلتى قونىستانعان كەدەي قىستاق. شي جينپيڭ جالپاق تاس توسەلگەن جالعىز اياق جولمەن قىستاققا اياڭداپ بارىپ، قىستاق كەلبەتىن جانە قىستاقتىڭ توڭىرەگىندەگى جاراتىلىستىق ورتانى كوردى. ول جيحاۋ يەچيۋ جانە جيەليە ى - امۋ ەسىمدى 2 كەدەي وتباسىنا بارىپ امانداسىپ، ەسىكتىڭ الدىنداعى كەدەيلەردى سۇيەمەلدەۋ بايلانىس كارتچكاسىن ءساپ سالا كورىپ، ءۇي يەلەرىمەن ىقىلاسپەن اڭگىمەلەسىپ، تۇرمىس جاعدايلارىن، نە كاسىپپەن اينالىساتىندىقتارىن، قانشا كىرىس تاباتىندىقتارىن، بالالارىنىڭ وقۋ جاعدايلارىن سۇرادى. ول جيحاۋ يۋگو ەسىمدى 10 جاسار قىز بالانىڭ «مەملەكەت تۋى شىنىندا كوركەم» دەگەن ءانىن قىزىعا تىڭداپ، ءوزى باستاپ شاپالاق سوقتى. جيەليە ى - امۋدىڭ ۇيىندە شي جينپيڭ قىستاق تۇرعىندارىنىڭ ۋاكىلدەرىمەن، قىستاقتا تۇراتىن كەدەيلەردى سۇيەمەلدەۋ قىزمەت اترەتىنىڭ مۇشەلەرىمەن مەشتى قورالاي وتىرىپ، جەرگىلىكتى ورىننىڭ كەدەيلەسۋ سەبەبىنە تالداۋ جاساپ، كەدەيلىكتەن دالمە - ءدال قۇتىلدىرۋ شاراسىن جوسپارلادى. كوپشىلىك باس شۋجيدى كورگەندەگى قۋانىشى مەن باقىتىن قاراپايىم دا جاندى تىلمەن جەتكىزىپ، پارتيا مەن ۇكىمەتتىڭ يزۋ باۋىرلاستارعا دەگەن قامقورلىعى مەن سۇيىسپەنشىلىگىن اقتارىلا اڭگىمەلەدى، كەدەيلىكتەن قۇتىلدىرۋدان قامال الۋ ارەكەتىنىڭ اۋىلداستارعا اكەلگەن قىرۋار يگىلىگىن ايتتى، ايتا وتىرىپ تەبىرەنە كوزدەرىنە جاس الدى. شي جينپيڭ تەرەڭ سۇيىسپەنشىلىكپەن: مەن يزۋ بۇقاراسىن ەسىمنەن شىعارعان ەمەسپىن، وسى اراعا كەلىپ كوپشىلىكتىڭ تۇرمىستارىنىڭ كۇن سايىن جاقسارىپ كەلە جاتقانىن كورىپ ىشتەي الاڭسىز بولدىم، - دەدى. سوڭعى جىلدارى قىستاقتىڭ ەگىمشىلىك، باعىمشىلىق كاسىپتەرىن كۇش سالا دامىتىپ، تاڭداۋلى سيىر، شوشقا، قوي تۇقىمدارىن ەنگىزىپ، بارلىق وتباسىنىڭ كارتوپ، جاڭعاق، سارى بۇرىش ەگىپ، شارۋالاردىڭ كىرىسىنىڭ ۇزدىكسىز ارتقانىن ەستىگەن شي جينپيڭ ەرەكشە قۋاندى. ول بىلاي دەپ باسا دارىپتەدى: ەرەكشە كاسىپتەردى دامىتۋ، ۇزاق ۋاقىت بويى ورنىقتى تۇردە اۋقاتتانۋ دارىندىلاردى قاجەت ەتەدى. جەرگىلىكتى ورىنداعى دارىندىلاردى جەتىلدىرىپ، قالىڭ قىستاق تۇرعىندارىن مادەنيەت، تەحنيكالىق شەبەرلىك ۇيرەنىپ، قابىلەتتى وسىرۋگە، سونداي - اق كونە سالتتاردى تۇزەتىپ، قاجىرلى ەڭبەكتەرىمەن كەدەيلىكتەن قۇتىلىپ اۋقاتتانۋعا جەتەكتەۋ كەرەك. شي جينپيڭ بىلاي دەپ اتاپ كورسەتتى: ءبىزدىڭ سوتسياليزمدى جۇرگىزۋدەگى ماقساتىمىز − ءار ۇلت حالقىنىڭ باقىتتى تۇرمىس كەشىرۋىنە مۇمكىندىك جاساۋ. جاپپاي دوڭگەلەك داۋلەتتى قوعام ورناتۋداعى ەڭ جاپالى، ەڭ اۋىر مىندەت − كەدەي وڭىرلەردە، اسىرەسە، اۋىر كەدەي وڭىرلەردە، بۇل اۋىر مىندەت قانشا اۋىر بولسا دا، ءسوز جوق، ورىنداۋ كەرەك، بۇل قامال الۋ شايقاسىن جۇرگىزۋ قانشا قيىن بولسا دا، ءسوز جوق، جەڭىسپەن جۇرگىزۋ كەرەك، جاپپاي دوڭگەلەك داۋلەتكە جەتۋ جولىندا ءاربىر ۇلتتى، ءاربىر وتباسىن ۇمىتۋعا بولمايدى.

  جيەفاڭ اۋىلى حوپۋ قىستاعى − قونىس جاڭالاپ كەدەيلەردى سۇيەمەلدەۋدەگى جاڭا قىستاق، بۇل جەردەگى جاڭا ۇيلەر تاس جول بويىندا تاۋدى بوكتەرلەي سالىنعان. شي جينپيڭ جيدي ىرزى ەسىمدى كەدەي وتباسىنىڭ جاڭا ۇيىنە كىرىپ، اۋلاداعى سامالدىقتا تۇرىپ بۇكىل قىستاققا الىستان كوز جىبەردى، قىستاقتىڭ قونىس جاڭالاپ كەدەيلەردى سۇيەمەلدەۋ بويىنشا كوشى - قوندى ىلگەرىلەتۋ، يزۋ وتباسىلارىنىڭ جاڭا قىستاعى قۇرىلىسى، كاسىپ سالاسى ارقىلى كەدەيلەردى سۇيەمەلدەۋ جانە الەۋمەتتىك قىزمەت وتەۋ، قامتاماسىزداندىرۋ سياقتى تانىستىرۋلاردى تىڭدادى، ونان سوڭ ۇيگە كىرىپ، ءۇي مۇكامالدارىن كورىپ، وتباسىنىڭ ءوندىرىس، تۇرمىس جاعدايىن ۇعىستى. شي جينپيڭ بىلاي دەپ اتاپ كورسەتتى: بۇل جەردىڭ امالياتى باسقا جەرگە قونىستاندىرىپ كەدەيلەردى سۇيەمەلدەۋ بويىنشا كوشى - قوننىڭ كەدەيلىكتەن دالمە - ءدال قۇتىلدىرۋدى جۇزەگە اسىرۋدىڭ ۇتىمدى جولى ەكەنىن دالەلدەپ وتىر. بۇل قىزمەتتى، ءسوز جوق، ويداعىداي، ناقتاپ ىستەۋ كەرەك. كوشىرىپ ورنالاستىرۋدى كاسىپ سالاسىن دامىتۋمەن، جۇمىسقا ورنالاستىرۋمەن تىعىز ۇشتاستىرىپ، كوشىرىلگەن بۇقارانىڭ قونىستانا الۋىنا، جۇمىسقا ورنالاسا الۋىنا، دامۋىنا مۇمكىندىك جاساۋ كەرەك.

  قىستاقتان اتتاناردا يزۋدىڭ مەرەكەلىك كيىمىن كيگەن قىستاق تۇرعىندارى ۇزاق قاتارعا تۇرىپ، باس شۋجيدەن اماندىق سۇراپ، باس شۋجيدىڭ جاڭا جىلىنا قۇتتى بولسىن ايتتى. قىستاق پارتيا ياچەيكاسىنىڭ شۋجيى قىستاق تۇرعىندارى اتىنان باس شۋجيگە يزۋدىڭ ءداستۇرلى كيىمى چارۋانى ۇسىنىپ، باس شۋجيگە دەگەن قۇرمەت سەزىمىن ءبىلدىردى. شي جينپيڭ اۋىلداستارمەن ىقىلاسپەن قول الىسىپ، اۋىلداستاردىڭ كوكتەم مەرەكەسىنىڭ مەرەيلى بولۋىن، تۇرمىستارىنىڭ بارعان سايىن جاقسارا ءتۇسۋىن تىلەدى. قىستاق تۇرعىندارى اسەرلى سەزىممەن «قونىپ قالىڭىز» ءانىن شىرقادى. شاپالاق ءۇنى، ءان داۋىسى، الاقايلاعان ۇندەر قىستاق اسپانىندا ۇزاق جاڭعىرىپ تۇردى.

  سول كۇنى تۇستەن كەيىن شي جينپيڭ شيچاڭنان چىڭدۋعا اتتاندى. ۇشاقتان تۇسە سالا تيانفۋ جاڭا رايونىنا قىزمەت تەكسەرۋگە كەلدى. تيانفۋ جاڭا رايونى 2014 - جىلى قازاندا مەملەكەت دارەجەلى جاڭا رايون بولىپ بەكىتىلگەن. شي جينپيڭ بەينە جازبا ماتەريالدارمەن، قۇم مودەلدەرمەن، كورمە تاقتالارمەن ۇشتاستىرا وتىرىپ، شيڭلۇڭ كولىنىڭ ەكولوگياسىن وڭاۋ جەتىستىكتەرىن، كول بويىنداعى كاسىپتەردىڭ جوباسىن، جۇڭگو (سىچۋان) ەركىن ساۋدا سىناق رايونى قۇرىلىسىنىڭ جاعدايىن ەگجەي - تەگجەيلى ۇعىستى. ول بىلاي دەپ اتاپ كورسەتتى: تيانفۋ جاڭا رايونى − «ءبىر بەلدەۋ، ءبىر جول» قۇرىلىسىن جانە چاڭجياڭ ەكونوميكالىق بەلدەۋىن دامىتۋداعى ماڭىزدى ءتۇيىن، سوندىقتان، ءسوز جوق، ويداعىداي جوبالاۋ، ويداعىداي قۇرۋ كەرەك، اسىرەسە، باقشالى قالا ەرەكشەلىگىن كورنەكتىلەندىرىپ، ەكولوگيالىق قۇنىن ەسكەرىپ، جاڭا ارتۋ ۇيەگىن قۇلشىنا قالىپتاستىرىپ، ىشكى قۇرلىقتاعى اشىق ەكونوميكا بازاسى ەتىپ قۇرىپ شىعۋ كەرەك.

  ەلەكتروندىق ينفورماتسيا كاسىبى − ناقتى ەكونوميكانىڭ ماڭىزدى كاسىپ سالاسى. شي جينپيڭ وسى سالاداعى ەڭ جاڭا ىلگەرىلەۋشىلىككە ەرەكشە كوڭىل ءبولدى. چىڭدۋداعى جۇڭديان مىسىق ايۋ كورسەتۋ عىلىم - تەحنيكا شەكتى سەرىكتەستىگىندە شي جينپيڭ سەرىكتەستىكتىڭ جالپى جاعدايى جانە سىچۋان ولكەسىنىڭ، چىڭدۋ قالاسىنىڭ ەلەكتروندىق ينفورماتسيا كاسىبىنىڭ جاعدايى جونىندەگى تانىستىرۋدى تىڭداپ، كاسىپورىننىڭ دەربەس، مەڭگەرۋگە بولاتىن تور ينفورماتسياسى حاۋىپسىزدىگى ونىمدەرىن كوردى ءارى سەحقا كىرىپ جاڭا بۋىن كريستالدى تاقتايشا ءوندىرىسىنىڭ تەحنولوگيالىق ءتارتىبىن كوردى. ول كاسىپورىندى ورايدى مىقتى ۇستاپ، ارميا مەن حالىقتىڭ توعىسپالى كاسىبىن بەلسەنە دامىتىپ، كاسىپورىننىڭ دەربەس جاڭالىق اشۋ قابىلەتى مەن حالىقارالىق باسەكەلىك قۋاتىن ءوسىرىپ، جۇڭگو جاساۋدان جۇڭگو تاپقىرلاۋعا، جۇڭگو جىلدامدىعىنان جۇڭگو ساپاسىنا، جۇڭگو ونىمىنەن جۇڭگو ايگىلى ماركاسىنا قاراي ويىسۋدى ىلگەرىلەتۋگە جىگەرلەندىردى.

  بيىل ۋىنچۋانداعى «12 - مامىر» ەرەكشە اۋىر جەر سىلكىنىسىنە 10 جىل تولادى. 10 جىلدىڭ الدىنداعى سول ءزىلزالادا تاۋ قۇلاپ، جەر جارىلىپ، حالىقتىڭ ءومىرى مەن مال - مۇلكى اۋىر زيانعا ۇشىرادى. اپات بولعان وڭىردەگى قايتا قۇرۋ قۇرىلىسى قانداي؟ بۇقارانىڭ تۇرمىسى قانداي؟ شي جينپيڭ بۇلاردى ەسىنەن ءبىر ساتتە دە شىعارعان جوق. 12 - اقپان كۇنى ءتۇستىڭ الدىندا ول ابا وبلىسى ۋىنچۋان اۋدانىنىڭ يىڭشيۋ قالاشىعىنا ادەيى ات باسىن بۇردى. بۇل جەر − ۋىنچۋانداعى ەرەكشە اۋىر جەر سىلكىنىسىنىڭ سىلكىنىس ورتالىعى. 10 جىلدىڭ الدىندا ءزىلزالا تۋىلىپ كوپ وتپەي، شي جينپيڭ قالدىق سىلكىنىستىڭ قاتەرىنە قاراماستان وسى اراعا كەلىپ جەر سىلكىنىسىنە قارسى اتتانىپ اپاتتان قۇتقارۋ جاعدايىن تەكسەرىپ، اپاتقا ۇشىراعان بۇقارادان حال سۇراعان ەدى. سودان بەرى 10 جىل ءوتتى، بۇل جەردە جەر مەن كوكتەي زور وزگەرىستەر بولدى، جۇرتشىلىق شات - شادىمان، تىنىش تۇرمىس كەشىرۋدە. شي جينپيڭ الدىمەن شۋانكوۋ ورتا مەكتەبىنىڭ ورنىنا كەلىپ، ۋىنچۋانداعى ەرەكشە اۋىر جەر سىلكىنىسىندە قازا بولعان باۋىرلاستارعا جانە جەر سىلكىنىسىنە قارسى اتتانىپ اپاتتان قۇتقارۋدا قۇربان بولعان قاھارماندارعا ارناپ گۇلشارباق قويدى ءارى 3 رەت تاعزىم ەتتى. ول جەر سىلكىنىسى بولعان جەردىڭ اۋەلگى ورنىن، ءسوز جوق، ويداعىداي قورعاپ، ونى ماڭىزدى وتانشىلدىق تاربيەسى بازاسىنا اينالدىرۋدى تاپسىردى.

  ونان سوڭ شي جينپيڭ يىڭشيۋ قالاشىعىنىڭ چاڭجىنىنا كەلدى. بۇل جەردە كوشەلەر رەتتى جوبالانىپ، كوشە بويلارىنا قاز - قاتار ساۋدا دۇكەندەرى ورنالاسىپتى، قالاشىقتان مەرەكەلىك لەپ ەسەدى. شي جينپيڭ كوشەنىڭ كىرەر اۋزىندا اۆتوموبيلدەن ءتۇسىپ، كورمە تاقتاسىن كورە ءجۇرىپ، ۋىنچۋانداعى ەرەكشە اۋىر جەر سىلكىنىسىنەن كەيىنگى قالپىنا كەلتىرۋ، قايتا قۇرۋ جانە دامىتۋ جاعدايى جونىندەگى مالىمەتتى تىڭدادى. ول بىلاي دەپ باسا دارىپتەدى: اپاتتان كەيىنگى قالپىنا كەلتىرۋ، قايتا قۇرۋ، دامىتۋدا تاريحي جەتىستىكتەرگە قول جەتۋى جۇڭگو كوممۋنيستىك پارتياسىنىڭ پارمەندى باسشىلىعىن جانە ەلىمىزدىڭ سوتسياليستىك ءتۇزىمىنىڭ باسىمدىعىن ايگىلەدى. كاسىپ سالاسىنىڭ دامۋىن ىلگەرىلەتۋ، حالىق تۇرمىسىن جاقسارتۋ سياقتى جاقتارعا ۇزدىكسىز كۇش سالىپ، حالىقتىڭ مەكەنىن ءتىپتى كوركەم ەتىپ قۇرىپ شىعۋ كەرەك.

  جياڭ ۋيميڭنىڭ وتباسى وسى ارادا «ساشياڭزى» شاي جاساۋ دۇكەنىن اشىپ، جەرگىلىكتى ورىنداعى بۇقارانىڭ شاي تەرۋ، شاي جاساۋ ارقىلى كەدەيلىكتەن قۇتىلىپ اۋقاتتانۋىنا باستاماشى بولدى. وتباسىنداعىلار باس شۋجيدى دۇكەندى كورىپ شىعۋعا ۇسىنىس ەتتى. شي جينپيڭ ءداستۇرلى قارا شاي جاساۋدىڭ جۇمىس ءتارتىبىن كورىپ، مايلى شاي جاساۋدىڭ جۇمىس تارتىبىمەن تانىستى. دۇكەندە وندىرىلەتىن ۋوۋو شايىنىڭ «ءبىر بەلدەۋ، ءبىر جول» بويىنداعى ەلدەرگە ساتىلاتىنىن ەستىگەن شي جينپيڭ ولاردىڭ كەمەلدەندىرە ءتۇسىپ، ايگىلى ماركا جاراتىپ، «ءبىر بەلدەۋ، ءبىر جول» قۇرىلىسىنا كوبىرەك ۇلەس قوسۋىن ءۇمىت ەتتى.

  اناداي جەردەگى بو - اي شينسۇن اسحاناسى تۇسكى اس دايىنداۋمەن قاربالاس ەكەن. شي جينپيڭ اسحانا الدىنا كەلىپ، ساۋدانىڭ جاعدايىن، ءبىر جىلدا قانشا اقشا تاباتىنىن ىقىلاسپەن سۇرادى. اسحانا يەسى ياڭ يۇنگاڭ باس شۋجيگە: ءبارى دە پارتيانىڭ ارقاسى، ساۋدانىڭ قاۋىرت كەزىندە دە، سايابىر كەزىندە دە شاعىن اسحانامىزدان قوناق ۇزىلمەيدى، تابىسىمىز وتباسىمداعى 6 جاندى اسىراۋمەن بىرگە، ارتىلىپ تا قالادى، - دەدى. شي جينپيڭ مۇنى ەستىپ، ايرىقشا قۋاندى. اسحانا يەسىنىڭ ۇسىنىسىمەن ول ەتتى مايعا قۋىرۋ، بۇرشاق تارتۋ جۇمىسىنا قۋانا ارالاسىپ، ىستەي ءجۇرىپ، اسحانا يەسىنىڭ وتباسىنداعىلارمەن اڭگىمەلەستى، سول جەردە شات - شادىمان دۋماندى لەپ ەستى. شي جينپيڭنىڭ كەلگەنىن ەستىگەن بۇقارا بۇل اراعا جينالدى، شي جينپيڭ ولارمەن دە ىقىلاستى تۇردە اڭگىمە دۇكەنىن قۇرىپ، كوپشىلىكتىڭ ەڭبەكشىل قوس قولدارىمەن تاماشا تۇرمىسقا تالپىنىپ، اناعۇرلىم كەسەك تابىسقا قول جەتكىزۋلەرىن تىلەدى.

  يىڭشيۋ قالاشىعىنان شىعىپ، شي جينپيڭ اۋىل - قىستاق كوللەكتيۆ مۇلىك ۇقىعى ءتۇزىمى رەفورماسىن الدىمەن جۇرگىزگەن چىڭدۋ قالاسى پيدۋ رايونى جانچي قىستاعىنا كەلىپ قىزمەت تەكسەردى. اتالعان قىستاق − مەملەكەتتىك وركەنيەتتى ورىن، سىچۋانداعى كوللەكتيۆ شارۋاشىلىعى مىعىم 10 قىستاقتىڭ ءبىرى، قىستاقتىڭ كوللەكتيۆ مال - مۇلكى 46 ميلليون يۋانعا جەتىپ، كوللەكتيۆ شارۋاشىلىقتىڭ جىلدىق كىرىسى 4 ميلليون 600 مىڭ يۋاننان، قىستاق تۇرعىندارىنىڭ جان باسىندىق ورتاشا قولداعى تابىسى 26 مىڭ يۋاننان اسقان. شي جينپيڭ «جانچي كەرەمەتتەرى» ەرەكشە كاسىپ سالاسى جەلىدە قىزمەت كورسەتۋ زالىنا كەلىپ، ەرەكشە اۋىل شارۋاشىلىعى ونىمدەرى مەن سىچۋان كەستەسى سياقتى قولونەر بۇيىمدار كورمەسىن كورىپ، رىنرىنيۇن «ينتەرنەت + بىرگە يگىلىكتەنەتىن اۋىل شارۋاشىلىعى» ىقپالداسىپ ەگۋ - باپتاۋ تۇعىرىنىڭ جۇمىس بارىسىن كوزدەن كەشىردى، سونداي - اق ءوزى اقشا تولەپ، جەرگىلىكتى بۇقارا جاساعان شۇپەرەك اياق كيىمنەن ءبىر جۇبىن ساتىپ الدى. شي جينپيڭ مىنالاردى باسا دارىپتەدى: پارتيا 19 - قۇرىلتايىندا اۋىل - قىستاقتاردى كوركەيتۋ ستراتەگياسىن اتقارۋ ورتاعا قويىلدى، بۇل اۋىل - قىستاقتىڭ دامۋىن جەدەلدەتۋگە، شارۋالاردىڭ تۇرمىسن جاقسارتۋعا، قالا مەن اۋىلدى ءبىر تۇلعالاندىرۋدى ىلگەرىلەتۋگە قاتىستى ماڭىزدى ستراتەگيا، وسى زامانعى اۋىل شارۋاشىلىعىن دامىتۋدى اۋىل - قىستاقتاردى كوركەيتۋ ستراتەگياسىن اتقارۋدا ەڭ ماڭىزدى ورىنعا قويىپ، مولشىلىق تۇرمىسقا جەتۋدى اۋىل - قىستاقتاردى كوركەيتۋ ستراتەگياسىنىڭ وزەكتى مىندەتى ەتىپ، اۋىل - قىستاقتاردى كوركەيتۋ ستراتەگياسىن تىڭعىلىقتى، ويداعىداي اتقارۋ كەرەك.

  كوكتەم مەرەكەسى تاياپ قالدى، قىستاقتا وتباسىلىق ەستەلىك سۋرەتكە ءتۇسۋ، كوكتەم مەرەكەسىنە ارناپ بوساعالىقتار جانە باقىت ارىپتەرىن جازۋ، دومالاق كوجە دايىنداۋ سياقتى كوكتەم مەرەكەسىنە قاتىستى الۋان ءتۇرلى حالىقتىق عۇرىپ - ادەت قيمىلداردىڭ دۋمانى قىزا ءتۇستى. شي جينپيڭ جۇرگەن جەرىنىڭ بارىنە ايالداپ، بۇقارامەن اڭگىمەلەستى. ول بىلاي دەدى: «مەن − حالىقتىڭ قىزمەتشىسىمىن، حالىقتى جاقسى تۇرمىسقا كەنەلتۋ − ءبىز كوممۋنيستەردىڭ اۋەلگى ماقساتى، باستى ماقساتى». كەتەرىندە قىستاق تۇرعىندارى الاقايلاي قاۋمالاپ كەلىپ، باس شۋجيدىڭ مەرەكەسىنە قۇتتى بولسىن ايتتى، شي جينپيڭ قىستاق تۇرعىندارىمەن ىستىق مەرەيمەن قوشتاسىپ، اۋىلداستاردىڭ الاڭسىز، جايلى ءومىر كەشۋىن، كوكتەم مەرەكەلەرىنىڭ قۋانىشتى ءوتۋىن، وتباسىلارىنىڭ باقىتتى بولۋىن تىلەدى.

  13 - اقپان تۇستەن بۇرىن شي جينپيڭ سىچۋان ولكەلىك پارتكوم مەن ولكەلىك ۇكىمەتتىڭ قىزمەتىنەن مالىمەت تىڭداپ، سىچۋاننىڭ ءتۇرلى قىزمەتتە قول جەتكىزگەن تابىستارىن تۇراقتاندىرىپ، سىچۋاننىڭ پارتيا 19 - قۇرىلتايىنىڭ رۋحى مەن جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرۋىن، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جاپپاي تياناقتاندىرۋىن، جىگەرلەنە العا ۇمتىلىپ، دەن قويا جۇمىس ىستەپ، سىچۋاندى جونگە سالۋدى، سىچۋاندى كوركەيتۋدى ىلگەرىلەتۋدە تىڭ بەلەسكە كوتەرىلۋىن ءۇمىت ەتتى.

  شي جينپيڭ مىنالاردى باسا دارىپتەدى: پارتيا 19 - قۇرىلتايى پارتيا مەن مەملەكەت ىستەرىنىڭ العا باسۋ بەتالىسىن ايقىن كورسەتىپ، جۇڭگو سىندى ءبىر ميلليارد 300 ميلليوننان استام حالىقتىڭ الىپ كەمەسىنىڭ العا جۇزۋىنە جاڭا باعدار كورسەتتى. بۇكىل پارتيا، بۇكىل ەل، بۇكىل قوعام پارتيا 19 - قۇرىلتايىنىڭ رۋحىن جەتە ءبىلۋى، جاقسى ءتۇسىنۋى، پارتيا 19 - قۇرىلتايىنىڭ ءتۇرلى ستراتەگيالىق شەشىمدەرىنىڭ تۇتاس تۇلعالىعىن، بايلانىستىلىعىن، سايكەستىلىگىن اناعۇرلىم جاقسى يگەرۋى، پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى پارتيا 18 - قۇرىلتايىنان بەرگى ءبىزدىڭ ۇلى كۇرەستەر جۇرگىزۋ، ۇلى ينجەنەريالار قۇرۋ، ۇلى ىستەردى ىلگەرىلەتۋ، ۇلى ارماندى جۇزەگە اسىرۋ امالياتىمىزبەن ساباقتاستىرۋى كەرەك. كوبىرەك تەكسەرۋ - زەرتتەۋ جۇرگىزىپ، ناقتى جاعدايعا قانىعىپ، يگەرۋگە باسا نازار اۋدارىپ، سوڭىنا دەيىن مىقتى يگەرىپ، ناقتى ىسكەرلىكتى دارىپتەپ، كوپىرمەلىكتەن اۋلاق بولىپ، دالمە - ءدال كۇش جۇمساپ، رەفورما، دامۋ، ورنىقتىلىق مىندەتتەرىن تياناقتاندىرىپ، حالىققا ءتيىمدى قىزمەتتەردى ناقتى جۇرگىزۋ كەرەك.

  شي جينپيڭ مىنالاردى باسا دارىپتەدى: ەلىمىز ەكونوميكاسى جوعارى جىلدامدىقپەن دامۋ كەزەڭىنەن جوعارى ساپالى دامۋ كەزەڭىنە بۇرىلىس جاسادى، وسىزاماندانعان ەكونوميكالىق جۇيە ورناتۋ − ەلىمىز دامۋىنىڭ ستراتەگيالىق نىساناسى. ناقتى ەكونوميكانى نىعايتىپ، قامداۋ جاعىنداعى قۇرىلىمدىق رەفورمانى تەرەڭدەتىپ، جاڭالىق اشۋدى قوزعاۋشى كۇش ەتىپ، قالا - اۋىلداردىڭ، وڭىرلەردىڭ سايكەستى دامۋىن ىلگەرىلەتىپ، وسىزاماندانعان ەكونوميكالىق جۇيەنىڭ كەڭىستىكتىك ورنالاسۋىن جاقسارتۋ كەرەك. ەكولوگيالىق وركەنيەت قۇرىلىسىن مىقتى ۇستاپ، اسپاننىڭ ءتىپتى دە اشىق، جەردىڭ ءتىپتى دە جاسىل، سۋدىڭ ءتىپتى دە تۇنىق بولۋىنا، كورىكتى قالا - قالاشىقتار مەن كورىكتى اۋىل - قىستاقتاردىڭ ءبىر - بىرىنە ءسان قوسۋىنا، كورىكتى تاۋ - وزەندەر مەن كورىكتى قونىستاردىڭ ورگانيكالى توعىسۋىنا مۇمكىندىك جاساۋ كەرەك. رەفورمانىڭ قوزعاۋشى كۇشىن نىعايتىپ، كاسىپ سالاسى قۇرىلىمى ساپالى، جاڭالىق اشۋ ومىرشەڭدىگى جالىندى، وڭىرلىك ورنالاسۋى سايكەسىمدى، قالا - اۋىلدىڭ دامۋى توعىسقان، ەكولوگيالىق ورتاسى كوركەم، حالىقتىڭ تۇرمىسى باقىتتى بولۋ سىندى دامۋدىڭ جاڭا جاعدايىن قالىپتاستىرۋ كەرەك.

  شي جينپيڭ مىنالاردى اتاپ كورسەتتى: حالىقتى وزەك ەتكەن دامۋ يدەياسىن بەرىك ورناتىپ، حالىقتىڭ قامىن ويلاۋدان، حالىقتى سۇيۋدەن، حالىققا تيىمدىلىك جاساۋدان جازباي، باعىتتامالىلىعى اناعۇرلىم كۇشتى، قامتۋ كولەمى اناعۇرلىم كەڭ، رولى اناعۇرلىم تىكە، ناتيجەسى اناعۇرلىم كورنەكتى شارالار قولدانىپ، بۇقارانىڭ تۇرمىسىمەن تىعىز قاتىستى وقۋ - اعارتۋ، جۇمىسقا ورنالاسۋ، ەمدەۋ - دەنساۋلىق ساقتاۋ، قوعامدىق قامتاماسىز ەتۋ، قوعام ورنىقتىلىعى سياقتى ماسەلەلەردى ويداعىداي شەشىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن اناعۇرلىم نىعايتۋ، اناعۇرلىم قامتاماسىز ەتۋ، اناعۇرلىم باياندى ەتۋ كەرەك. دامۋ مەن ورنىقتىلىقتىڭ ەكەۋىن دە مىقتى ۇستاۋعا تاباندى بولىپ، ۇلتتار ىنتىماعى، العاباسارلىعى تاربيەسىن تەرەڭدەتىپ، ءار ۇلتتىڭ بىرگە ىنتىماقتاسىپ كۇرەس جۇرگىزۋىن، بىرگە گۇلدەنىپ، دامۋىن جەبەۋ كەرەك. پارتيا ورتالىق كوميتەتىنىڭ بۇكىل ەل كولەمىندە سۇرقيا كۇشتەردى الاستاۋ ارناۋلى كۇرەسىن ورىستەتۋ جونىندەگى ماڭىزدى شەشىمى مەن ورنالاستىرۋىن مۇقيات دايەكتىلەندىرىپ، تياناقتاندىرىپ، قوعام ورنىقتىلىعى قىزمەتىن اناعۇرلىم ەگجەي - تەگجەيلى، اناعۇرلىم تىڭعىلىقتى، اناعۇرلىم قاۋىرت ىستەۋ كەرەك.

  شي جينپيڭ مىنالاردى باسا دارىپتەدى: پارتيانىڭ 19 - قۇرىلتايى پارتيانىڭ ساياسي قۇرىلىسىن كورنەكتى ورىنعا قويىپ، پارتيانىڭ ساياسي قۇرىلىسى − پارتيانىڭ ءتۇبىرلى قۇرىلىسى دەپ باسا دارىپتەدى، بۇل تەرەڭ تولعانىستان تۋعان وي، ونىڭ تولىق نازاريالىق جانە امالياتتىق نەگىزى دە بار. پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىنا تاباندى بولىپ، «4 تانىمدى» بەكەمدەپ، پارتيا ورتالىق كوميتەتىنىڭ دارىپتەمەلەرىنە باتىل ءۇن قوسۋعا، پارتيا ورتالىق كوميتەتىنىڭ ۇيعارىمدارىن باتىل، قاز - قالپىندا اتقارۋعا، پارتيا ورتالىق كوميتەتى تيىم سالعانداردان باتىل اۋلاق بولۋعا كەپىلدىك ەتۋ كەرەك. پارتيا 19 - كەزەكتى ورتالىق كوميتەتى ەكىنشى جالپى ءماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، قالىڭ پارتيا مۇشەلەرىن، كادرلاردى نەگىزگى زاڭ تانىمىن بەرىك ورناتۋعا، باستاماشىلدىقپەن نەگىزگى زاڭدى قادىرلەۋگە، نەگىزگى زاڭدى ۇيرەنۋگە، نەگىزگى زاڭعا بويسۇنۋعا، نەگىزگى زاڭدى قورعاۋعا، نەگىزگى زاڭدى قولدانۋعا تاربيەلەۋ جانە جەتەكتەۋ كەرەك. جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەردى قاتاڭ اتقارىپ، پارتيانىڭ ىشكى ساياسي تۇرمىسىن جاپپاي كۇشەيتىپ جانە ارناعا ءتۇسىرىپ، پارتيانىڭ بەلسەندى دە اقاۋسىز ىشكى ساياسي مادەنيەتىن نارلەندىرىپ، ستيلى پاك، سالتى دۇرىس تاماشا ساياسي ەكولوگيا قالىپتاستىرۋ كەرەك.

  ديڭ شۋەشياڭ، ليۋ حى جانە ورتالىقتىڭ قاتىستى تاراۋلارىنىڭ جاۋاپتىلارى قىزمەت تەكسەرۋدە بىرگە بولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى