ءتاڭىرتاۋ تورابى   ›   جاڭالىقتار   ›   شينجياڭ حابارلارى

حالىققا ەمدەۋ جاعىندا تيىمدىلىك جاساپ، بۇقارانىڭ دەنساۋلىعىن قورعادى

  ءتىلشىمىز چاۋ جين

  باس شۋجي شي جينپيڭ پارتيا 19 - قۇرىلتايىنىڭ بايانداماسىندا مىنانى اتاپ كورسەتتى: حالىقتىڭ دەنساۋلىعى − ۇلتتىڭ گۇلدەنىپ - كوركەيۋى مەن مەملەكەتتىڭ بايىپ قۇدىرەتتەنۋىنىڭ ماڭىزدى بەلگىسى. حالىقتىڭ دەنساۋلىعى جونىندەگى ساياساتتى كەمەلدەندىرىپ، حالىق بۇقاراسىنا دەنساۋلىق جاعىندا جان - جاقتى، تولىق اينالىمدى قىزمەت كورسەتۋ كەرەك.

  شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، اۆتونوميالى رايوندىق پارتكوم، ۇكىمەت حالىقتى وزەك ەتۋدەي دامۋ ۇستانىمىن بەرىك ورناتىپ، «سالاماتتى شينجياڭ» قۇرىلىسىن ىلگەرىلەتۋدى نەگىزگى جەلى ەتىپ، رەفورمانى تەرەڭدەتىپ، قىزمەت كورسەتۋدى ساپالىلاندىرىپ، باسقارۋدى كۇشەيتىپ، حالىققا تيىمدىلىك جاساۋدى مىقتاپ ۇستاپ، ەمدەۋ رەفورماسىن تەرەڭدەتۋ، حالىققا ەمدەۋ جاعىندا تيىمدىلىك جاساۋدان جازباۋ سياقتى جاقتاردا كورنەكتى ونىمدىلىككە قول جەتكىزدى.

  ەمدەۋ رەفورماسى بۇقاراعا ءتىپتى دە كوپ يگىلىك جەتكىزدى

  بيىل 61 جاستاعى جاڭ چين تالاي جىلدان بەرى قاننىڭ ۇيۋىنان، جۇرەك بۇلشىق ەتىنىڭ تۇيىلۋىنەن ساقتانۋعا قاتىستى كلوپيدەگرەل دەگەن ءدارىنى ۇزبەي تۇتىنىپ كەلە جاتقان ەدى، ول شينجياڭ مەديتسينا ۋنيۆەرسيتەتىنە قاراستى 2 - شيپاحاناعا نەگىزىنەن ايىنا ءبىر رەت بارىپ، ءدارى الىپ تۇراتىن. جاڭ چين 1 - اقپاندا ءدارى - دارمەك تىزىمدىگىن كورسەتىپ تۇرىپ بىلاي دەدى: «بۇرىن مۇنىڭ ءبىر قاپشىعى 137 يۋان بولاتىن، ءدارى - دارمەككە قوسىلعان ۇستەمە اقى كۇشىنەن قالدىرىلعاننان كەيىن 119 يۋانعا ءتۇستى، ءار قاپشىعى 18 يۋان ارزاندادى. ءار قاپشىعىندا 7 تال ءدارى بار، كۇنىنە ءبىر تالدان ىشەمىن، 28 كۇن بويىنشا ەسەپتەسەم ايىنا 72 يۋان ۇنەمدەلەدى، جىلىنا مولشەرمەن 900 يۋانداي اقشام جانىمدا قالادى.

  بىلتىر تامىزدىڭ سوڭىندا اۆتونوميالى رايون كولەمىندە ءار دارەجەلى ءار تۇردەگى ۇكىمەتتىك ەمدەۋ قۇرىلىمدارى دارىلەردىڭ ۇستەمە اقىسىن جاپپاي كۇشىنەن قالدىردى. ءدارىنىڭ باعاسىن، تەكسەرۋ اقىسىن ارزانداتۋ، ەمدەۋگە قىزمەت كورسەتۋ اقىسىن قىمباتتاتۋ سىندى «ەكىنى تومەندەتىپ، ءبىردى جوعارىلاتۋ» «ءدارى - دارمەك اقىسى ارقىلى ەمدەۋ اقىسىن تولىقتاۋداعى» شەشۋشى شاراعا اينالدى.

  اۆتونوميالى رايوندىق حالىق شيپاحاناسى راديواكتيۆتىك كەسكىندەۋ ورتالىعىنىڭ مەڭگەرۋشىسى جاڭ لينچۋان ماگنيت رەزونانسىمەن تەكسەرۋ نىسانىن مىسالعا الىپ تىلشىگە بىلاي دەپ تانىستىردى: بۇرىن 550 يۋان ەدى، رەفورما جاسالعاننان كەيىن 468 يۋانعا ارزاندادى، وسى ءبىر ءتۇرلى تەكسەرۋدىڭ ءوزى 80 نەشە يۋان ارزاندادى.

  2017 - جىلى رايونىمىز «ەمدەۋ، ەمدەۋ قامسىزداندىرۋى، ءدارى - دارمەك» ۇشەۋى بىرلەستىرىلگەن رەفورما مەحانيزمىن ورنىقتى قاداممەن ورناتىپ، عىلمي دا ۇيلەسىمدى دارەجە بويىنشا دياگنوز قويىپ، ەمدەۋ ءتۇزىمى العاشقى ادىمدا ورناتىلىپ، كوپ ءتۇرلى فورماداعى ەمدەۋ بىرلەسكەن تۇلعاسى قۇرىلىسىنىڭ سىناق ءتۇيىنى قىزمەتى جاپپاي اتقارىلدى، وتباسى شيپاگەرىمەن ۋادەلەسىپ قىزمەت كورسەتۋ ءتۇزىمى ۇزدىكسىز اقاۋسىزداندىرىلدى؛ وسى زامانعى شيپاحانا باسقارۋ ءتۇزىمى قۇرىلىسى ورنىقتى قاداممەن ىلگەرىلەتىلدى، قالاداعى ۇكىمەت شيپاحانالارىنىڭ جالپىلىق رەفورماسى جاپپاي باستالدى، ۇكىمەت شيپاحانالارىنىڭ بارلىعى دارىلەردىڭ ۇستەمە اقىسىن كۇشىنەن قالدىردى ءارى ەمدەۋدەن قىزمەت كورسەتۋ اقىسىن رەتتەدى، ناۋقاس كورسەتۋگە كەلگەن اۋرۋلاردىڭ 150 ميلليون يۋان اقشاسى تىكەلەي ۇنەمدەلدى، ءار ۇلت جۇرتشىلىعىنىڭ ەمدەۋ رەفورماسى جاعىنداعى تابىس سەزىمى كورنەكتى كۇشەيدى.

  اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى پارتيا باسشىلىق گرۋپپاسىنىڭ شۋجيى يىن يۇيلين بىلاي دەپ تانىستىردى: بيىل رايونىمىز دارەجە بويىنشا دياگنوز قويۋ ارقىلى ەمدەۋدىڭ اناعۇرلىم كەسەك تابىستارعا قول جەتكىزۋىن ىلگەرىلەتەدى، جوعارى دارەجەلى ەمدەۋ قۇرىلىمىنىڭ ناۋقاستاردى تومەن دارەجەلى ورىنعا جونەلتۋ سانىنىڭ كوبەيۋىن ىلگەرىلەتەدى. «ەمدەۋ سالاسىن ءدارى - دارمەك ارقىلى باعۋدى» تالقانداۋ رەفورماسىنىڭ جەتىستىكتەرىن بەكەمدەپ، ۇكىمەت شيپاحانالارى رەفورماسى مەن ءدارى - دارمەكپەن قامداۋ ءتۇزىمى رەفورماسىن تەرەڭدەتىپ، كوپ ءتۇرلى شارانى قاتار قولدانىپ، ورىنسىز قىمبات باعانى ارزانداتىپ، بۇدان بۇقارانى يگىلىكتەندىرىپ، بۇقارانىڭ «اۋرۋ كورسەتۋ قيىن بولۋ، اۋرۋ كورسەتۋ قىمبات بولۋ» سىندى حالىق تۇرمىسىنداعى ءىرى ءىستى تۇبىرىنەن شەشەدى.

  جالپى حالىق دەنساۋلىعىنىڭ ساقتانۋ قامالىن تۇرعىزدى 

  2 - اقپاندا قۇتىبي اۋدانى تاسباسپالداق اۋىلى شىلىكتى قىستاعىنىڭ تۇرعىنى گۇلسەتەر باياعىسىنداي تاڭعى الاكەۋىمدە ورنىنان تۇرىپ قاربالاس جۇمىس ىستەپ، بۋى بۇرقىراعان تاڭعى استى ۇستەلگە قويا باستادى.

  2017 - جىل − گۇلسەتەر جونىنەن ەرەكشە ءبىر جىل. ۇلىنىڭ وتباسىنا ءبىر جولدا ۇشەم كەلدى، ۇشەمگە اجە بولعان گۇلسەتەر ءارى قۋاندى، ءارى قاربالاستادى، «ەندى دەنساۋلىعىمدى جاقسى كۇتىپ، ۇزاق ءومىر ءسۇرۋىم، نەمەرەلەرىمنىڭ ەسەيگەنىن كورۋىم كەرەك»، - دەيدى ول.

  بىلتىر قىركۇيەكتە جالپى حالىقتىڭ دەنساۋلىعىن تەكسەرۋ كەزىندە گۇلسەتەردىڭ باۋىرى مەن بۇيرەگىندە ىسىك بار ەكەنى انىقتالىپ، ۇيدەگىلەر قاتتى الاڭدايدى. ەمحانا قىزمەتكەرلەرىنىڭ ۇسىنىسىمەن گۇلسەتەر سانجى حۇيزۋ اۆتونوميالى وبلىستىق حالىق شيپاحاناسىنا كەلىپ قايتا تەكسەرىلىپ، اۋرۋ جاعدايىن ىشكەرىلەي انىقتاتتى. ىسىك ءبىرشاما كىشكەنە، وپەراتسيا جاساۋ قاجەتسىز بولعاندىقتان، شيپاگەرلەر وعان ءار 3 ايدا ءبىر تەكسەرىلىپ، ورايى كەلگەندە بارىپ وپەراتسيا جاساتۋدى ايتادى.

  «بۇرىن دەنساۋلىق تەكسەرتۋدى ەلەپ كەتپەيتىنبىز، قازىر ونىڭ ماڭىزدىلىعىن تۇسىندىك. جالپى حالىقتىڭ دەنساۋلىعىن تەكسەرۋ ارقىلى وتباسىمىزداعىلاردىڭ دەنساۋلىق تەكسەرتۋ جانە ءوزىن كۇتىمدەۋ تانىمى جوعارىلادى. مىسالى، تاڭعى استى ءىشۋ، تازالىققا ءمان بەرۋ سياقتىلاردى ادەتكە اينالدىردىق»، - دەيدى گۇلسەتەر.

  جالپى حالىقتىڭ دەنساۋلىعىن تەكسەرۋدە، قۇتىبى اۋدانى ءار تۇرعىنعا ەلەكتروندىق دەنساۋلىق ارحيۆىن تۇرعىزدى، گۇلسەتەردىڭ ءار رەتكى دەنساۋلىق تەكسەرتۋ كورسەتكىشتەرى تۇگەلدەي وسى ەلەكتروندىق دەنساۋلىق ارحيۆىنە ەستەلىككە الىنادى، ءار 3 ايدا ءبىر رەت تەكسەرتۋدى گۇلسەتەرگە ەسكەرتىپ تۇرۋ جانە تەكسەرۋ جۇرگىزۋ ءۇشىن ەمحانا دا ارناۋلى ادام ورنالاستىردى. «دەنساۋلىعىمدى ارناۋلى ادام قاداعالايدى، بۇعان قالاي باقىتتى سەزىنبەسكە»، - دەيدى گۇلسەتەر.

  باستاپقى ساناققا نەگىزدەلگەندە، 2017 - جىلى تۇتاس رايونىمىز جالپى حالىقتىڭ دەنساۋلىعىن تەكسەرۋگە شامامەن ءبىر ميلليارد 585 ميلليون يۋان قارجى شىعارىپ، 18 ميلليون 840 مىڭ ادامنىڭ دەنساۋلىعىن تەكسەرىپ، ءبىر ميلليون 840 مىڭ اقاۋسىزدىق شاعىن ءدارى ساندىعىن ساتىپ الىپ وڭتۇستىك شينجياڭنىڭ 3 ايماق، ءبىر وبلىسىنداعى شارۋا وتباسىلارىنا تاراتىپ بەرگەن.

  اۋرۋدىڭ كەدەيلەسۋدىڭ سەبەبىنە اينالۋىنا جول قويمادى 

  2017 - جىلى تامىزدا اۆتونوميالى رايوندىق دەنساۋلىق ساقتاۋ جانە جوسپارلى تۋىت كوميتەتى سياقتى 7 تاراۋ بىرلەسىپ «اۆتونوميالى رايوننىڭ كەدەيلەردى سالاماتتىق ارقىلى سۇيەمەلدەۋ ينجەنەرياسىنىڭ <3 ءبىر توپ> ارەكەت جوسپارىن اتقارۋ جوباسىن» شىعارىپ، ەگىن، مال شارۋاشىلىق رايوندارىنداعى سالماقتى، سوزىلمالى اۋرۋعا شالدىققان كەدەيلەردى تۇرگە ءبولىپ ەمدەپ، «سالماقتى ناۋقاستاردىڭ ءبىر توبىن شوعىرلى ەمدەۋ، سوزىلمالى ناۋقاستاردىڭ ءبىر توبىن كەلىسىمگە قول قويىپ باسقارۋ، اۋىر ناۋقاستاردىڭ ءبىر توبىن ەڭ تومەنگى شەكتە قامتاماسىز ەتۋ» سىندى قىزمەت تالابىن جان - جاقتى تياناقتاندىرىپ، كەدەيلەردى سالاماتتىق ارقىلى سۇيەمەلدەۋدى ادامعا، اۋرۋعا دەيىن دالمە - ءدال تياناقتاندىردى.

  «3 ءبىر توپ» ارەكەت جوسپارىنىڭ اتقارىلۋى قاشقار قالاسىندا تۇراتىن تۇرسىن يمىندى ۋايىمنان ءبىر جولاتا ارىلتتى.

  «2016 - جىلى مەندە توق ىشەك راگى بار ەكەنى انىقتالدى، ەمدەتۋگە مول اقشا جۇمسادىم، ءۇيىمنىڭ ەكونوميكاسى تۇرالاپ قالدى. بىلتىر كەدەيلەردى اقاۋسىزدىق ارقىلى سۇيەمەلدەۋ ينجەنەرياسى اتقارىلعاننان كەيىن، ەمدەۋ - دەنساۋلىق ساقتاۋ تاراۋلارى مەنى ارنايى ەمدەلەتىن سالماقتى ناۋقاسقا شالدىققان كەدەيلەر قاتارىنا كىرگىزىپ، ءبىرتالاي اۋىرتپالىعىمدى جەڭىلدەتتى. پارتيا مەن ۇكىمەتتىڭ ماعان جالعاستى ءومىر سۇرۋگە جىگەر بەرگەندىگىنە العىس ايتامىن»، - دەدى 3 - اقپاندا تۇرسىن يمىن تەلەفوندا تىلشىگە.

  كەدەيلەردى سالاماتتىق ارقىلى سۇيەمەلدەۋ ينجەنەرياسىن اتقارۋ − اۋىل - قىستاقتارداعى كەدەيلەردىڭ نەگىزگى ەمدەۋ - دەنساۋلىق ساقتاۋ قىزمەت كورسەتۋىنەن يگىلىكتەنۋىن قامتاماسىز ەتىپ، «سالاماتتى شينجياڭ» قۇرىلىسىن ىلگەرىلەتىپ، اۋرۋ سەبەبىنەن كەدەيلەسۋدىڭ، اۋرۋ سەبەبىنەن كەدەيلىك قامىتىن قايتا كيۋدىڭ الدىن الىپ، 2020 - جىلعا بارعاندا اۋىل - قىستاقتارداعى كەدەيلەردى كەدەيلىكتەن قۇتىلدىرۋ نىساناسىن جۇزەگە اسىرۋ جونىنەن ماڭىزدى مانگە يە.

  «ءبىز كەدەيلەردى دالمە - ءدال سۇيەمەلدەۋ مەحانيزمىن كەمەلدەندىرىپ، <باعىتتامالى ەمدەۋدى> جولعا قويىپ، كەدەيلەردىڭ ۇنەمى كەزدەسەتىن اۋرۋلاردى، كوپ تۋىلاتىن اۋرۋلاردى، سالماقتى اۋرۋلاردى ەمدەتۋىن قامتاماسىز ەتەمىز»، - دەدى يىن يۇيلين. «3 ءبىر توپ» قيمىلىن ىشكەرىلەي تياناقتاندىرۋ، شوعىرلى ەمدەيتىن اۋرۋ تۇرلەرىنىڭ كولەمىن كەڭەيتۋ، اۋىل - قىستاقتارداعى كەدەيلەردى ەمدەۋدى قامتاماسىزداندىرۋ مەحانيزمىن كەمەلدەندىرۋ، الىس ارالىقتى ەمدەۋ تورىنىڭ قامتىمدى رولىن ساۋلەلەندىرۋ، نەگىزگى ساتىداعى ەمدەۋ - دەنساۋلىق ساقتاۋدان قىزمەت كورسەتۋ ورەسىن جوعارىلاتۋ سياقتى شارالار ارقىلى اۋرۋ سەبەبىنەن كەدەيلەسۋدىڭ، اۋرۋ سەبەبىنەن كەدەيلىك قامىتىن قايتا كيۋدىڭ الدى الىنىپ، كەدەيلەردى سالاماتتىق ارقىلى سۇيەمەلدەۋدەن قامال الۋ شايقاسىنىڭ جەڭىسىنە جەتۋ ءۇشىن باتىلدىقپەن كۇرەسۋىمىز كەرەك.

  «سالاماتتى شينجياڭ» قۇرىلىسىن ىلگەرىلەتىپ، جاپپاي دوڭگەلەك داۋلەتتى قوعام ورناتۋعا جالپى حالىقتىڭ اقاۋسىزدىعى ارقىلى دەم بەرۋدىڭ شينجياڭداعى ءار ۇلت بۇقاراسىنا اناعۇرلىم مول ىرىس اكەلەرى ءسوزسىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كوكتەم مەرەكەسى قارساڭىندا الدىمەن قوعامدىق يگىلىك ورنىنداعى قارتتارعا كوكەم مەرەكەسىن وتكىزىپ بەردى
  • مادەنيەت وتاۋى بالالاردىڭ جان - جاقتىلى تاربيەلەنۋ ورتالىعىنا اينالدى
  • ءدوربىلجىن اۋدانىنىڭ 2018 - جىلعى «كوكتەم مەرەكەسىنە ارنالعان بۇقارالىق ساۋىق كەشى» دۋماندى وتكىزىلدى
  • تۇمشالامالى شام ءىلىپ، جاڭا جىلدى قارسى الدى
  • كوكتەم مەرەكەسىن قارسى الۋ ساۋىق كەشى وتكىزىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى