ءتاڭىرتاۋ تورابى   ›   جاڭالىقتار   ›   اۋىل تىنىسى

كوكتەم مەرەكەسى قارساڭىندا الدىمەن قوعامدىق يگىلىك ورنىنداعى قارتتارعا كوكەم مەرەكەسىن وتكىزىپ بەردى

  جەڭىسحان اسقار ۇلى، اۋاحان تۇراپ قىزى حابارلايدى. 2018 - جىلى 11 - اقپان كۇنى ەرتەمەن، ساۋان اۋدانى شاڭحۋدي اۋىلى جۇيشىتاڭ قىستاعىنىڭ تۇرعىنى لي چاڭفۋ جۇك اۆتوكولىگىن تولتىرا سيىر ەتى مەن قوي ەتىن تيەپ الىپ، ساۋان اۋداندىق قوعامدىق يگىلىك ورنىنا كەلىپ، كوكتەم مەرەكەسى كەلۋ بايلانىسى مەن قوعامدىق يگىلىك ورنىنداعى قارتتاردان حال سۇراپ، مەيىر باعىشتاۋ قيمىلىن وزدىردى. قىتىمىر قىستىڭ سۋىعى ساۋان اۋداندىق ءۇي قۇرىلىس مەكەمەسىنەن شاڭحۋدي اۋىلى جۇيشىتاڭ قىستاعىنا تۇسكەن قىزمەت اترەتىندەگى كادرلار مەن 12 قىستاق تۇرعىندارىنىڭ جولىن توسا المادى، قۇنى ءتورت مىڭ يۋاننىڭ ۇستىندە تۇراتىن سيىر ەتى مەن قوي ەتىن قوعامدىق يگىلىك ورنىنا جەتكىزىپ بەردى.

  قىستاق پارتيا ياچايكاسى مەن قىستاققا تۇسكەن قىزمەت اترەتىندەگى كادرلاردىڭ ۇيىمداستىرۋى مەن قىستاقتاعى اۋقاتتانۋدىڭ باستاماشى تۇرعىنى لي چاڭفۋ، ىرىقتى تۇردە قوعامدىق يگىلىك ورنىمەن بايلانىس جاساپ، كوكتەم مەرەكەسىنەن نەشە كۇن بۇرىن دايىندىق كورىپ، قىستاققا تۇسكەن قىزمەت اترەتىندەگى كادرلار، قىستاقتاعى ىسكەر جەلەكتىلەردى ۇيىمداستىرىپ، مەيىر باعىشتاۋ قيمىلىنا قاتىناستىرىپ، 3 ساعات اينالاسىندا قوعامدىق يگىلىك ورنىنىڭ اسحاناسىندا تۇشپارا ءتۇيىپ، قوعامدىق يگىلىك ورنىنداعى 70 قارت پەن قىزمەتكەرلەرىنە ءدامى ءتىل ۇيىرەتىن تۇشپارا مەن تاماقتاندىرىپ، كوكتەم مەرەكەسىن الدىن الا قۇتتىقتاپ بەردى.

  كوپشىلىك ىلگەرىندى - كەيىندى تالاسا تارماسا تۇشپارا ءتۇيۋ بارىسىندا، لي چاڭفۋ : «ءوز قارتىڭمەن بالاڭدى قانداي ايالاپ قادىرلەسەڭ، ەلدىڭ قارتى مەن بالاسىن سونداي ايالاپ قادىرلە دەگەن ەسكىلىكتى سوزدە ايتىلعانداي، ءبىز قازىرگى كەزدەگىدەي باقىتتى كۇندە، قوعامعا قول سالىپ ارالاسىپ، مەيىر باعىشتاپ، يگىلىكتى ءىس ىستەۋىمىز كەرەك»،-دەدى. قىستاق تۇرعىنى لي چاڭفۋ ءوزىنىڭ ناقتىلى ارەكەتى ارقىلى ءوزىنىڭ ومىرگە دەگەن كوزقاراسىن، قوعامدىق تانىم كوزقاراسىن، قۇن كوزقاراسىن ايگىلەدى.

  ول 2015 - جىلدان باستاپ باعىمشىلىق كووپەراتيۆىن قۇرىپ اۋقاتتانعاننان كەيىن، ءار جىلى ءۇش رەت ۇقساماعان تاقىرىپتاعى قوعامدىق يگىلىكتى ءىستى تاباندىلىقپەن ىستەپ كەلەدى. ءار رەتكى قوعامدىق يگىلىكتى ءىستىڭ بارلىعىندا جۇيشىتاڭ قىستاعىنىڭ تۇرعىندارىن ەرىكتى تۇردە ۇيىمداستىرىپ، قوعامدىق مەيىر باعىشتاۋ قيمىلدارىنا قاتىناستىرىپ وتىردى ءارى وسىنداي مەيىر باعىشتاۋ قيمىلدارى ارقىلى قىستاقتاعى تۇرعىنداردى الەۋمەتتىك يگىلىكتى ىستەردى ىستەۋگە شابىتتاندىردى.

  قىستاق ايەلدەر قىزمەتىنە جاۋاپتى مەڭگەرۋشى حۋ شاڭشيۋ : «ءار جىلى قىستاق تۇرعىندارىمەن بىرگە قارتتاردى كۇتىمدەۋ ورنىنا بارىپ، قارتتارعا مەيىر باعىشتاۋ قيمىلىن ورىستەتىپ، قارتتاردىڭ جاعدايىن ۇعىسۋ بارىسىندا مەن ەرەكشە اسەرلەندىم، مەنىڭ ارمانىم بۇدان كەيىن قارتتار ءۇشىن ءتىپتى دە كوپ قىزمەتتەر ىستەپ، ولاردى بۇدان دا باقىتتى تۇرمىسقا كەنەلتۋ»،-دەدى.

  لي چاڭفۋ مەن قىستاققا تۇسكەن قىزمەت اترەتىنىڭ باستىعى قارتتاردىڭ وزدەرى تۇيگەن بۋى بۇرقىراعان تۇشپارانى سۇيسىنە جەگەن بەينەسىن كورىپ قاتتى قۋاندى ءارى ولار مول تۇشپارا ءتۇيىپ دايىندالاپ، قارتتار مەن بالالاردىڭ كوكتەم مەرەكەسىن قۋانىشپەن وتكىزۋىنە تىلەكتەستىك ءبىلدىردى.

  تىلشىلەردىڭ قىزمەت ورنى : ساۋان اۋداندىق مادەنيەت، دەنەتاربيە مەكەمەسى

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كوكتەم مەرەكەسى قارساڭىندا الدىمەن قوعامدىق يگىلىك ورنىنداعى قارتتارعا كوكەم مەرەكەسىن وتكىزىپ بەردى
  • مادەنيەت وتاۋى بالالاردىڭ جان - جاقتىلى تاربيەلەنۋ ورتالىعىنا اينالدى
  • ءدوربىلجىن اۋدانىنىڭ 2018 - جىلعى «كوكتەم مەرەكەسىنە ارنالعان بۇقارالىق ساۋىق كەشى» دۋماندى وتكىزىلدى
  • تۇمشالامالى شام ءىلىپ، جاڭا جىلدى قارسى الدى
  • كوكتەم مەرەكەسىن قارسى الۋ ساۋىق كەشى وتكىزىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى