ءتاڭىرتاۋ تورابى   ›   جاڭالىقتار   ›   باتىل ءۇن قاتىپ، ايقىن پوزيتسيا ءبىلدىرۋ

جاڭا داۋىردەگى ۇلى كۇرەستىڭ تاريحي بورىشىن باتىلدىقپەن ارقالايمىن

  قارامايلى قالالىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى

ابليكىم ازەز

  قارامايلىنىڭ بۇگىنگى كەلبەتى پارتيا ساياساتىنىڭ شەكسىز ابزالدىلىعىنىڭ شىنايى كارتيناسى جانە جاندى بەينەسى سانالادى. ءار ۇلت حالقى وسى توپىراقتا ىنتىماقتاسا كۇرەس جاساۋدىڭ، بىرگە كوركەيىپ - گۇلدەنۋدىڭ كۇرەس تاريحىن، ىنتىماق تاريحىن جانە ۇلەس قوسۋ تاريحىن بىرگە جازۋدا. ءبىز بۇگىنگىدەي باقىتتى تۇرمىستى ەرەكشە قادىرلەۋىمىز، وزىمىزگە ورتاق كورىكتى مەكەندى جاقسى قورعاۋىمىز كەرەك.

  «ءۇش ءتۇرلى كۇش» يدەولوگيا سالاسىنا ۇزدىكسىز سىنالاپ كىرىپ، ءبۇلدىرىپ، شينجياڭ تاريحىن ادەيى وزگەرتىپ، بۇرمالاپ جانە ويدان قۇراستىرىپ، ۇلتتىق بولشەكتەۋشىلىك يدەياسىن قۇتىرىنا ۋاعىزدادى، ۇلت قاتىناسىنا ىرتكى سالىپ، ۇلتتىق وشپەندىلىك تۋدىرۋعا جەلىكتىردى. جات نيەتتى «ەكىبەتكەيلەر» − «ءۇش ءتۇرلى كۇشتىڭ» قول شوقپارى جانە تاساداعى قارا قولى، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا كەدەرگى بولاتىن ەڭ ۇلكەن كومەسكى حاۋىپ. «ءۇش ءتۇرلى كۇشتىڭ»، «ەكىبەتكەيلەردىڭ» كوزى قۇرىتىلمايىنشا، مەملەكەت تىنىشتالمايدى، ۇلت كوركەيمەيدى، بۇقارانىڭ الاڭسىز تىرشىلىك ەتۋى قيىنعا سوعادى. ورنىقتىلىقتى قورعاۋدىڭ كۇردەلى دە قاتال جاعدايىندا، بولشەكتەۋشىلىككە قارسى تۇرۋ كۇرەسىنىڭ قاتاڭ دا قيان - كەسكى جاعدايىندا، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن، ءبىز، ءسوز جوق، جاڭا ساپاردى جاقسى باسۋىمىز جانە جاڭا ءداۋىردىڭ سىنىنان، ءسوز جوق، جاقسى ءوتۋىمىز كەرەك.

  وتاننىڭ تۇتاستىعىن قورعاۋ، جۇڭحۋا ۇلتىنىڭ ەڭ جوعارى مۇددەسىن قورعاۋ كۇرەسىنىڭ سىن - سىناعى الدىندا، تەك جاۋ مەن ءبىزدىڭ ارامىزدا عانا پارىق بار. مۇرات - سەنىمدە اۋىتقۋ ەڭ قاتەرلى اۋىتقۋ، مۇرات - سەنىمنىڭ تۇرالاۋى ەڭ قاتەرلى تۇرالاۋ. مەن ىلعي دا يدەيادا شىنىمەن پارتياعا كىردىم بە - جوق پا دەگەندى وي ەلەگىمنەن وتكىزىپ وتىرامىن، ءوزىمنىڭ پارتياعا كىرگەندەگى بەرگەن سەرتىمدى اتقاردىم با - جوق پا دەگەنگە اركەز وي جۇگىرتىپ تۇرامىن، نازاردى باس نىساناعا شوعىرلاندىرۋدىڭ، باس نىسانانى تياناقتاندىرۋدىڭ، باس نىسانانى جۇزەگە اسىرۋدىڭ تاريحي بورىشىن باتىلدىقپەن ارقالاي الدىم با - جوق پا دەگەندى قاي - قاشان دا ويلاپ جۇرەمىن. مەن پارتياعا ادال بولامىن، ءار ۇلت حالقىنا ادال بولامىن، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋداي ۇلى كۇرەسكە بەل شەشە كىرىسەمىن.

  مەن ءوزىمنىڭ دۇنيەگە كوزقاراسىمدى ىرىقتىلىقپەن ىشكەرىلەي وزگەرتەمىن. ءدىني ۇشقارى يدەيانىڭ سىنالاپ كىرۋىن باتىل تەجەپ، تار ءورىستى ۇلتشىلدىق يدەياسىن جاپپاي جويىپ، تاباندى اتەيزمشىل بولامىن. سوتسياليستىك وزەكتى قۇن كوزقاراسىن سانالىلىقپەن امالياتىمدا ايگىلەپ، تاماشا وتباسى سالتى ارقىلى حالىق سالتىنا باستاماشىلىق ەتەمىن.

  مەن پارتيانىڭ ءتۇبىرلى ماقساتىن اناعۇرلىم ىشكەرىلەي امالياتىمدا ايگىلەيمىن. قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋدىڭ ناقتى بەينەسى ەتىپ، تابانداپ تۇرامىن، سەنىمدى بولامىن، اتويلاپ العا شىعامىن، جەڭىسكە جەتەمىن، قاعيداعا جەتىك بولامىن، تومەنگى شەكتى ۇعىنامىن، تارتىپكە بويسۇنامىن، ۇلەس قوسۋدى دارىپتەيمىن. بۇكىل ىنتا - پەيىلىممەن حالىق ءۇشىن قىزمەت ىستەۋ ءتۇپ ماقساتىن امالياتىمدا ۇزدىكسىز ايگىلەپ، حالىق بۇقاراسىنىڭ تاماشا تۇرمىسقا دەگەن تالپىنىسىن جۇزەگە اسىرۋدى ومىرلىك كۇرەس نىسانام ەتىپ، شەبەرلىكپەن ءىس تىندىرىپ، باتىلدىقپەن جاۋاپكەرلىك ارقالايمىن، سوزىمدە، ءسوز جوق، تۇرامىن، ارەكەتىمدە، ءسوز جوق، ناتيجە كورسەتەمىن.

  مەن جۇڭحۋا ۇلتى ورتاق تۇلعا تانىمىن اناعۇرلىم نىعايتامىن. «5 ورتاق تانىمدى» كۇشەيتىپ، كادرلار مەن بۇقارانى وزدەرىنىڭ بولاشاق تاعدىرلارىنىڭ مەملەكەتتىڭ بولاشاق تاعدىرىمەن بىتە قايناسىپ جاتقاندىعىن، پارتيانىڭ باسشىلىعىندا عانا ءار ۇلت حالقى تەڭ، ىنتىماقتى، باقىتتى، جاراسىمدى تۇرمىس كەشىرە الاتىنىن ايقىن بىلۋگە باستايمىن. كادرلار مەن بۇقارانىڭ جۇڭحۋانىڭ تەلەگەي تەڭىز مادەنيەتىنىڭ شەكسىز قۇدىرەتتى كۇشىن سەزىنىپ، جۇڭحۋا مادەنيەتى سەنىمىن سانالىلىقپەن بەكەمدەپ، ءار ۇلت مادەنيەتىن جۇڭحۋا مادەنيەتى قۇنارلى توپىراعىندا بەرىك تامىر تارتقىزىپ، جۇڭحۋا مادەنيەتىنىڭ ۇلى دامۋىن، ۇلى گۇلدەنۋىن بىرگە جەبەۋىنە مۇمكىندىك جاسايمىن.

      مەن جاڭا داۋىردەگى ۇلت، ءدىن قىزمەتىن اناعۇرلىم جاقسى ىستەيمىن. وتاننىڭ تۇتاستىعىن، ۇلتتار ىنتىماعىن بۇلدىرەتىن ءسوز - ارەكەتتەرمەن باتىل كۇرەس جۇرگىزەمىن. ۇلت، ءدىن قىزمەتىنىڭ ءتۇپ نەگىزىن مىقتاپ بەكەمدەپ، «ۇشقارىلىقتى الاستاۋدىڭ» ىرىقتىلىق ۇقىعىن مىقتاپ يگەرىپ، ءدىندى سوتسياليستىك قوعامعا سايكەسۋگە بەلسەنە باستايمىن. مىندەتىمە العان سالادا ارناۋلى جونگە سالۋ قيمىلىن ۇزبەي ورىستەتىپ، «ەكىبەتكەيلەردى» باتىل الاستاپ، ساياسي جانە قوعام ەكولوگياسىن تازارتامىن. ارالاسۋداعى، ىشتەسۋدەگى، توعىسۋداعى جاڭا وي جەلىلەردى، جاڭا ادىستەردى، جاڭا دانەكەرلەردى كۇشەيتۋ جونىندە بەلسەنە ىزدەنىس جاساپ، قارامايلىنىڭ ۇلتتار ىنتىماعى گەنىن بەكەمدەيمىن جانە كۇشەيتەمىن. ءارقانداي ۋاقىتتا، ءارقانداي جەردە، ءارقانداي ىستە پارتياعا ادال بولاتىن، پارتيانىڭ قامىن ويلايتىن، پارتيا ءۇشىن جاۋاپكەرشىلىگىن وتەيتىن، حالىققا باقىت جەتكىزەتىن بورىشىم مەن مىندەتىمدى ايگىلەيمىن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى