ءتاڭىرتاۋ تورابى   ›   جاڭالىقتار   ›   ۇعىسۋ، تيىمدىلىك جاساۋ، توعىستىرۋ

قىستاقتا تۇراتىن ەرلى - زايىپتى قىستاق تۇرعىندارىنىڭ قامىن ويلادى

  نيجات ءدىلشات وتباسىنداعىلار اۋەجايعا قىستاقتا تۇرىپ كەلگەن پازىلات سىمايىلدى قارسى الۋعا كەلدى

  «نەگە ءالى كەلمەيدى، ۇشاق كەشەۋىلدەتىلگەن جوق پا؟». 5 - اقپاندا، ءۇرىمجى ديوپۋ حالىقارالىق اۋەجايىندا نيجات ءدىلشات پەن ونىڭ قايىن اپاسى ون جاستاعى قۇيار مەن 6 جاستاعى قۇتياردى ەرتىپ جولاۋشىلار شىعاتىن ەسىكتەن كوز الماي قاراپ تۇردى.

  نيجات بولسا ايەلى پازىلات سىمايىلدى كۇتۋدە.

  نيجات تىلشىگە : «2017 - جىلى ايەلى اۆتونوميالى رايوندىق حالىق ىستەرى مەڭگەرمەسىنىڭ اقسۋ ايماعى اۋات اۋدانى عورۇچول قالاشىعى تومەنشاھار قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەسى بولىپ، ءبىر جىل قىستاقتا تۇرۋ قىزمەتىنە قاتىسقان، بيىل قايتىپ كەلەدى، ءبىز ونى قارسى الۋعا شىقتىق»،-دەدى.

  ەكى بالاسى دا انالارىن تاقاتسىزدانا كۇتتى. ولار جولاۋشى شىعاتىن ەسىككە قاراپ تۇرىپ : «شەشەم قايدا؟ كەلەتىن ۋاقىتى بولعان شىعار»،-دەپ قويادى.

  قۇتيار شەشەسىنە ساۋعا رەتىندە سۋرەت سىزىپ الا كەلىپتى، شەشەشى كەلگەندە الىپ شىقپاقشى بولىپ بۇكتەپ قويدى.

  «بۇل مەنىڭ ەكى كۇننىڭ الدىندا سالعان وتباسىلىق سۋرەتىم، مىناۋ اكەم، مىناۋ شەشەم، مىناۋ اعام، ءبىز بۇگىن ءدال وسى سۋرەتتەگى سياقتى ءتورت قاراكوز تۇگەل بولىپ باس قوستىق»،-دەدى قۇتيار تىلشىگە سۋرەتتى كورسەتىپ.

  ءبىر شەتتە تۇرعان قۇيار ۇيالىپ : «مەندە شەشەمە ساۋعا دايىندادىم، ءبىر پارشا حات»،-دەدى. حاتتىڭ مازمۇنى جونىندە : «قازىرشە قۇپيا»،-دەيدى.

  قۇياردىڭ جوسپارى بويىنشا، شەشەسىنە كەزدەسكەننەن كەيىن، وعان بىلدىرتپەي سومكاسىنا سالىپ قويادى دا شەشەسى كورگەننەن كەيىن وقىپ بەرەدى.

  «شىنتۋايتىندا مەن شەشەمە ناعاشى اپام بىزگە قارايلاسىپ جاپا شەكتى، مەن ونى ساعىندىم. بۇدان كەيىن، باۋىرىم ەكەۋىمىز سىزدەردىڭ تىلدەرىڭىزدى الامىز دەگىم كەلەدى»،-دەدى قۇيار.

  قۇيار ءسوزىن اقىرلاستىرماستان تەبىرەنىپ : «شەشەمدى كورىپ قالعانداي بولدىم»،-دەپ ايعايلادى. قۇتياردا الىستان شەشەسىن كورىپ «شەشە»،-دەپ جۇگىرە جونەلدى.

  ەكى بالاسىن كورگەن پازىلاتتىڭ كوزىنەن جاس پارلادى.

  «بالالارىمنىڭ ماعان ساۋعا دايارلايتىنىن ويلاماعان ەكەنمىن. قىستاقتا تۇرعان كەزدە، مەن بالالارىمنان ەرەكشە الاڭدايتىن ەدىم، قايتىپ كەلگەن سوڭ قىستاق تۇرعىندارىنان الاڭدايتىن بولدىم»،-دەدى پازىلات تەبىرەنە.

  ول تاعى دا قىستاق تۇرعىندارىنان سىرت، قىستاقتا قالعان قىزمەت اترەتى مۇشەلەرى مەن جاڭا كەزەكتى قىزمەت اترەتىنىڭ مۇشەلەرىنەن الاڭدايتىندىعىن ايتتى.

  «قىزمەت ىستەگەن ۇزاق جىلداردان بەرى، قىستاقتا تۇرعان ءبىر جىلدا مەنىڭ تابىسىم مول بولدى. كەتەردە، قىستاق تۇرعىندارى ءبىزدى اتتاندىرۋعا كەلىپ، نان، شەلپەك سياقتى نارسەلەردى بەردى، مەن ولاردى قيمادىم»،-دەدى پازىلات. ول تاعى دا : «مەن قىزمەتتى تاپسىرىپ بەرسەم دە الاڭسىز بولا المادىم، ەكى ايدان سوڭ ولارعا امانداسا بارامىن، مەن كوپشىلىكتىڭ قۇلشىنا قىزمەت ىستەپ، قىستاق تۇرعىندارىنىڭ تۇرمىسى ءتىپتى دە جاقسى بولاتىنىنا سەنەمىن»،-دەدى.

  نيجات تا «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتىنىڭ مۇشەسى، ول جۇبايى پازىلاتتان ءبىر كۇن بۇرىن كەلگەن بولاتىن.

  «جۇمىسىم بار بولعاندىقتان رۇقسات سۇراپ ءبىر كۇن بۇرىن كەلگەنمىن. بىلتىر ءبىر جىلدا ەرلى - زايىپتى ەكەۋىمىز دە وڭتۇستىك شينجياڭدا قىستاقتا تۇردىق، بالالارىمىزدى قايىن اپام قارادى، مەن ءاسىلى بيىل جالعاستى قىستاقتا قالماقشى بولعانمىن، الايدا مەكەمە مەنىڭ وتباسىمدا بالالار مەن قارتتار بار ەكەندىگىن ويلاستىرىپ، ەرلى - زايىپتى ەكەۋىمىزدى قايتارىپ اكەلدى»،-دەدى نيجات.

  قايتىپ كەلسەدە، نيجات قىستاق تۇرعىندارىنىڭ قامىن ويلادى. «قىزمەتتى تاپسىرىپ بەرىپ، ۇيگە كەلگەننەن كەيىن، مەن جاڭا كەزەكتى قىزمەت اترەتى مۇشەلەرىنە تەلەفون شالىپ، وتباسىلارىن ارالاپ جاعداي ۇعىسۋ احۋالىن سۇرادىم، مەن قىستاقتىڭ ەرتەرەك كەدەيلىكتىڭ قالپاعىن الىپ تاستاۋىن ءۇمىت ەتەمىن»،-دەدى نيجات.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كوكتەم مەرەكەسى قارساڭىندا الدىمەن قوعامدىق يگىلىك ورنىنداعى قارتتارعا كوكەم مەرەكەسىن وتكىزىپ بەردى
  • مادەنيەت وتاۋى بالالاردىڭ جان - جاقتىلى تاربيەلەنۋ ورتالىعىنا اينالدى
  • ءدوربىلجىن اۋدانىنىڭ 2018 - جىلعى «كوكتەم مەرەكەسىنە ارنالعان بۇقارالىق ساۋىق كەشى» دۋماندى وتكىزىلدى
  • تۇمشالامالى شام ءىلىپ، جاڭا جىلدى قارسى الدى
  • كوكتەم مەرەكەسىن قارسى الۋ ساۋىق كەشى وتكىزىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى