ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

«باقىتتى تۇرمىسقا جەتۋدە ءبىر - بىرىمىزدەن ايرىلا المايمىز»

  ەرىكتى ءتىلشى دىڭ باۋ

  نىلقى اۋدانىنىڭ تاڭبالى جايلاۋىنىڭ تۇكپىر - تۇكپىرىندە قۇلجا مەديتسينا مەكتەبىن تاۋىسقان جاڭ ۋاندۇڭنىڭ ءىزى بار. 18 جىلدان بەرى، ونىڭ ءار ۇلت بۇقاراسىمەن تاعدىرلاس سۇيىسپەنشىلىگى بەينە قاس وزەنىنىڭ سۋىنداي ءار ۇلت بۇقاراسىنىڭ كوڭىلىن سۋسىنداتتى.

  4 - قاڭتار كۇنى نىلقى اۋدانى قاراتوبە اۋىلى قاروي قىستاعىنىڭ تۇرعىنى تىلەۋبەك ءنۇسىپقان ۇلى اسىعا - ۇسىگە نىلقى اۋدانى بۇلۇڭ ەمحاناسىنا كىرىپ كەلىپ: «الگى ءبىزدىڭ كۇيەۋ جىگىت قايدا؟ مەنىڭ ايەلىم توسەك تارتىپ جاتىپ قالدى!» - دەپ قۇتقۋارلاي سۇرادى.

  تىلەۋبەك ىزدەگەن كۇيەۋ جىگىت بۇلۇڭ ەمحاناسىنىڭ باستىعى جاڭ ۋاندۇڭ ەدى.

  جاڭ ۋاندۇڭ نىلقى اۋدانى ءناسىلدى ارا فەرماسى ءوندىرىس 2 - اترەتىندە دۇنيەگە كەلگەن، بۇرىن ىلە قازاق اۆتونوميالى وبلىستىق دوستىق شيپاحاناسى بالالار تىنىس جولى اۋرۋلارى بولىمىندە 6 جىل پراكتيكادا بولعان. 18 جىلدىڭ الدىندا ول اۋىلىنا قايتىپ، ءبىر باتىسشا ەمدەۋ ورنىن اشىپ، بۇل ەمحانانى ءۇرتىس 10 جىل اشادى. 2010 - جىلى ول نىلقى اۋدانى ۇلاستاي اۋىلدىق ەمحاناسىنىڭ شتاتتى قىزمەتكەرى، 2015 - جىلى بۇلۇڭ ەمحاناسىنىڭ باستىعى بولادى.

  ناۋقاس كورىپ وتىرعان جاڭ ۋاندۇڭ بۇل ىستەن حابار تاپقاننان كەيىن، الدىمەن تىلەۋبەكتى اتپەن قاروي قىستاعىنا جونەلتتى دە، سوڭىنان ءوزى اۆتوموبيلمەن باراتىن بولدى. ناۋقاستاردى كورىپ بولىپ، ەندى جولعا شىققالى تۇرعان جاڭ ۋاندۇڭ ءوزىنىڭ دوسى سۇلتانعازى ەلۋباي ۇلىنا تەلەفون بەردى، ويتكەنى ول تىلەۋبەكپەن ءبىر قىستاقتا تۇراتىن.

  سۇلتانعازى جاڭ ۋاندۇڭنىڭ قامقورشىسى. جاڭ ۋاندۇڭ 1999 - جىلى ەمحانا اشقان كەزدە وزىندە نەبارى 800 يۋان عانا اقشاسى بار ەدى، وسى كەزدە سۇلتانعازى 10 مىڭ يۋان قارجى شىعارىپ، وعان قولداۋ كورسەتكەن سوڭ عانا ەمحانانى اشقان - دى.

  سول جىلى جاڭ ۋاندۇڭ تۇڭعىش بوساندىرعان بالانىڭ اتى اكىمعازى ىڭكار ۇلى بولسا، تۇڭعىش رەت ەمدەپ ساۋىقتىرعان اۋىر ناۋقاسى وكپە قابىنۋ ناۋقاسىنا شالدىققان تۇرعانبەك كامىل ۇلىنىڭ تۋعانىنا نەشە اي عانا بولعان كىشكەنتاي قىز ەدى. ول كەزدە ەمحانادا اۋىر وكپە قابىنۋ ناۋقاسىن ەمدەيتىن ءدارى - دارمەك جوق بولعاندىقتان، جاڭ ۋاندۇڭ ءوزى اقشا شىعارىپ، دەرەۋ تۇرعانبەكتەن 4 كيلومەتر شالعايداعى ءبىر شيپاحانادان ءدارى الدىرادى.

  جارتى جىلعا جەتپەيتىن ۋاقىتتا، جاڭ ۋاندۇڭنىڭ شيپاگەرلىك ونەرى مالشىلاردى ءتانتى ەتەدى، ونىڭ قازاق تىلىندە سويلەۋ ورەسى دە كۇن سايىن وسە تۇسەدى. كوپ جىلدان بەرى سۇلتانعازى جاڭ ۋاندۇڭعا باستان - اياق قولداۋ كورسەتىپ كەلەدى، جاڭ ۋاندۇڭ ەمحاناعا ءدارى - دارمەك اكەلۋگە اقشا قاجەت بولعاندا، سۇلتانعازىعا ايتسا بولعانى دەرەۋ كومەك قولىن سوزادى.

  2005 - جىلى جاڭ ۋاندۇڭ جۇبايى تۇرعىناي نۇراحىمان قىزىنىڭ قولداۋىندا ەمدەۋ جۇمىسىنا بەلسەنە كىرىسەدى. مالشىلاردىڭ ناۋقاس كورسەتۋىنە قولايلى بولۋ ءۇشىن، ەمحانا دا مالشىلارمەن بىرگە قىس قىستاۋ، جاز جايلاۋعا كوشىپ - قونىپ جۇرەدى.

  جاڭ ۋاندۇڭ قاروي قىستاعىنا كەلگەن كەزدە، سۇلتانعازى ەرتە شىعىپ جول جاعاسىندا توسىپ تۇرعان - دى، ول جاڭ ۋاندۇڭدى تىلەۋبەكتىڭ ۇيىنە ناۋقاس كورۋگە ەرتىپ باردى. ناۋقاس ادام بەل ومىرتقاسىنىڭ ءوسۋ ناۋقاسىنا شالدىققان ەدى، ول ناۋقاسقا ءدارى جازىپ بەردى. سونان سوڭ جاڭ ۋاندۇڭ سول ۇيدە ءوزىن توسىپ وتىرعان باسقا دا مالشىلاردى ءبىر - بىرلەپ ەمدەۋگە كىرىسىپ كەتتى.

  مالشى اكىمعازى ءابدىلامان ۇلى جاڭ ۋاندۇڭدى ءوزىنىڭ كوڭىلىندەگى «ۋ دىڭيۇن» سانايدى. ول جاڭ ۋاندۇڭنىڭ كەلەتىنىن ەستىپ، ەتتى بىلقىتىپ اسىپ قويعان - دى. ول: ەگەر جاڭ ۋاندۇڭ بولماسا، ايەلىم باياعىدا - اق جانىنان جۇدا بولار ەدى. مەن سول ءبىر كۇندى ماڭگى ۇمىتا المايمىن، تاۋدىڭ قارى قالىڭ بولاتىن، تاڭعى ساعات 2دە جاڭ شيپاگەر ءبىزدىڭ ۇيگە كەلدى، ىشتەگى بالانىڭ تەرىس كەلىپ تۇرعاندىعىن انىقتاعان سوڭ، ول الدىمەن ايەلىمە تالماعا قارسى شارا ىستەگەن سوڭ، اۋداندىق شيپاحاناعا بايلانىس جاسادى. تاڭعى ساعات 5تە ءبىز تاۋدان ءتۇسىپ اۋداندىق شيپاحاناعا جەتكەن كەزدە، شيپاگەرلەر وپەراتسيا جاساۋدىڭ دايىندىعىن كورىپ قويعان ەكەن، - دەيدى.

  اكىمعازىنىڭ جاڭ ۋاندۇڭعا ەت اسىپ قويعانىن ەستىگەن كورشىسى اقاش سۇلتانعازى ۇلى دا كەلدى. ول: 2003 - جىلى كۇزگە تامان مەن قىزىلشا ناۋقاسىنا شالدىقتىم، 7 كۇن قىزۋىم ورلەپ، ءنار تاتا الماي قالدىم. سول جىلى جاڭ ۋاندۇڭ كەلىپ داۋالاماسا، مەن قازىرگە دەيىن جاساي الماس ەدىم، - دەيدى.

  ۇعىسۋعا قاراعاندا، سول جىلى اقاشتىڭ كورشىلەرىنىڭ ۇيىندە دە ءبىر ءبولىم مالشىلاردىڭ بالالارى قىزىپ اۋىرىپ، قىزىلشا شىققان ەكەن. جاڭ ۋاندۇڭ اتىنا 4 دوربا ءدارى - دارمەگىن بوكتەرىپ الىپ، ءبىر اپتا ابىگەرگە ءتۇسىپ، ناۋقاستاردى ەمدەپ جازعان ەكەن.

  جاڭ ۋاندۇڭ: مەنى تابىسقا جەتۋگە دەمەگەن مالشىلارعا العىس ايتامىن. باقىتتى تۇرمىسقا كەنەلۋدە ءبىر - بىرىمىزدەن ايرىلا المايمىز، - دەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • كوكتەم مەرەكەسى قارساڭىندا الدىمەن قوعامدىق يگىلىك ورنىنداعى قارتتارعا كوكەم مەرەكەسىن وتكىزىپ بەردى
  • مادەنيەت وتاۋى بالالاردىڭ جان - جاقتىلى تاربيەلەنۋ ورتالىعىنا اينالدى
  • ءدوربىلجىن اۋدانىنىڭ 2018 - جىلعى «كوكتەم مەرەكەسىنە ارنالعان بۇقارالىق ساۋىق كەشى» دۋماندى وتكىزىلدى
  • تۇمشالامالى شام ءىلىپ، جاڭا جىلدى قارسى الدى
  • كوكتەم مەرەكەسىن قارسى الۋ ساۋىق كەشى وتكىزىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى