ءتاڭىرتاۋ تورابى   ›   ۇيرەنۋ   ›   ماڭىزدى حۇجاتتار

ۇكىمەت قىزمەتىنەن بايانداما

   (شينجياڭ ۇيعۇر اۆتونوميالى رايوندىق 13 - كەزەكتى حالىق قۇرىلتايىنىڭ 1 - ماجىلىسىندە 2018 - جىلى 22 - قاڭتاردا جاسالدى)

  اۆتونوميالى رايوننىڭ ءتوراعاسى شوكىرات زاكىر

  22 - قاڭتاردا شوكىرات زاكىر اۆتونوميالى رايوندىق 13 - كەزەكتى حالىق قۇرىلتايىنىڭ 1 - ماجىلىسىندە ۇكىمەت قىزمەتىنەن بايانداما جاسادى. سۋرەتتى ءتىلشىمىز سۇي جىجيان تۇسىرگەن

  ۋاكىلدەر:

  قازىر مەن اۆتونوميالى رايوندىق حالىق ۇكىمەتى اتىنان قۇرىلتايعا ۇكىمەت قىزمەتىنەن بايانداما جاسايمىن، ۋاكىلدەردىڭ قاراپ كورۋىن ءارى اۆتونوميالى رايوندىق ساياسي كەڭەس مۇشەلەرىنىڭ جانە باسقا دا سىرتتاي قاتىناسقانداردىڭ پىكىر بەرۋىن سۇرايمىن.

  ءبىرىنشى، وتكەن 5 جىلعى جانە 2017 - جىلعى قىزمەتتەرگە ايال 

  اۆتونوميالى رايوندىق 12 - كەزەكتى حالىق ۇكىمەتى قىزمەت اتقارعان 5 جىل − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جاپپاي دايەكتىلەندىرگەن، تياناقتاندىرعان 5 جىل، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتكەن 5 جىل. شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭداعى ءار ۇلت حالقىن ەستەن شىعارماي، شينجياڭ قىزمەتىنە باسا نازار اۋداردى جانە ايرىقشا قامقورلىق جاسادى. 2014 - جىلى مامىردا اشىلعان ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە «شينجياڭ قىزمەتىنىڭ باس نىساناسى − قوعام ورنىقتىلىعى مەن باياندى تىنىشتىقتى ىسكە اسىرۋ» دەپ تۇراقتاندىرىلۋى پارتيانىڭ شينجياڭدى جونگە سالۋ جالپى جوباسىن بايىتىپ، دامىتىپ جانە جوعارىلاتىپ، شينجياڭ قىزمەتىنە تۇبەگەيلى نەگىز ازىرلەدى. باس شۋجي شي جينپيڭ شينجياڭنىڭ وزىندە قىزمەتكە تەكسەرۋ جۇرگىزىپ جانە جەتەكشىلىك ەتىپ، سان مارتە جينالىس اشىپ شينجياڭ قىزمەتىن اقىلداسىپ، شينجياڭ قىزمەتى جونىندە ماڭىزدى سوزدەر سويلەپ، كەلەلى نۇسقاۋلار بەردى، اسىرەسە، وتكەن جىلى مەملەكەتتىك «ەكى ءماجىلىس» كەزىندە شينجياڭ ۋاكىلدەر ۇيىرمەسىنە ارنايى كەلىپ ماڭىزدى ءسوز سويلەپ، شينجياڭ قىزمەتىنە جۇرەكجاردى تىلەگىن ايتىپ، ءبىزدىڭ ءتۇرلى جاقتاعى قىزمەتتەردى ويداعىداي ىستەۋىمىزگە تۇبەگەيلى نەگىز ازىرلەپ، قۋاتتى قوزعاۋشى كۇش ۇستەدى.

  وتكەن 5 جىل − اۆتونوميالى رايوندىق پارتكومنىڭ پارمەندى باسشىلىعىندا، بۇكىل اۆتونوميالى رايونداعىلار ۇدەرە العا تارتىپ، قيىندىقتى جەڭىپ، ءتۇرلى ىستەردە نىق قادام تاستاعان 5 جىل. اسىرەسە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايوندىق پارتكوم بۇكىل اۆتونوميالى رايونداعى ءار ۇلت حالىق جۇرتشىلىعىن ىنتىماقتاستىرىپ جانە باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ جانە دايەكتىلەندىرىپ، «ءبىر باس نىسانانى» بەكەمدەۋ، «2 شەشۋشى ءتۇيىندى» يگەرۋ، «ءبىر جاقسى مەحانيزمدى» جەتىلدىرۋ، «ءبىرقاتار كەشەندى شارانى» ويداعىداي اتقارۋ دەگەن جالپى ورنالاستىرۋ بويىنشا، ساتى - ساتى بويىنشا قىسىم ءتۇسىرىپ، نۇسقاۋشىلىق جاساۋ مەن تياناقتاندىرۋدى كۇشەيتىپ، ورنىقتىلىق، دامۋ قىزمەتتەرىن ءبىر تۇتاس ىلگەرىلەتىپ، شينجياڭ قىزمەتىندە شىت جاڭا جاعداي اشتى.

  5 جىلدان بەرى، اۆتونوميالى رايوندىق 12 - كەزەكتى حالىق ۇكىمەتى ورنىقتىلىق پەن دامۋدا ەكى بىردەي «3 كەزەڭ قاباتتاسقان» اۋىر جاعدايعا سايكەس، اۆتونوميالى رايوندىق پارتكومنىڭ جالپى ورنالاستىرۋى بويىنشا، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ جانە تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، قىزمەتتىڭ ورنىقتىلىق بارىسىندا العا ىلگەرىلەۋ دەگەن نەگىزگى ىرعاعىنان جازباي، جاڭا دامۋ ۇستانىمىن مۇقيات دايەكتىلەندىرىپ، رەفورما جاساۋ، ەسىك اشۋدى بۇلجىماستان ىلگەرىلەتىپ، ءتۇرلى حاۋىپ - قاتەر، سىن - سايىسقا ءونىمدى تۇردە توتەپ بەرىپ، رەفورما، دامۋ، ورنىقتىلىق ىستەرىندەگى ءبىرقاتار كۇردەلى ماسەلەنى شەشىپ، ەكونوميكالىق قۇرىلىستى، ساياسي قۇرىلىستى، مادەنيەت قۇرىلىسىن، قوعام قۇرىلىسىن، ەكولوگيالىق وركەنيەت قۇرىلىسىن جاپپاي ىلگەرىلەتتى، ءتۇرلى ىستەر بايىپتى قاداممەن ىلگەرىلەپ، قوعامدىق جالپى جاعداي نەگىزىنەن ورنىقتىلىقتى ساقتادى، «12 - بەسجىلدىق» جوبا تابىسپەن ورىندالىپ، «13 - بەسجىلدىق» جوبا ءساتتى تۇردە اتقارىلا باستادى، ەكونوميكالىق، قوعامدىق دامۋدا تاريحي جەتىستىكتەرگە قول جەتتى، وسى كەزەكتى ۇكىمەتتىڭ مىندەت اتقارۋ مەرزىمىندەگى نىسانالار تولىق ىسكە استى.

  − جالپىلىق ەكونوميكالىق قۋات كورنەكتى نىعايدى. وڭىرلىك جالپى ءونىم قۇنى 2012 - جىلعى 752 ميلليارد 900 ميلليون يۋاننان 2017 - جىلى ءبىر تريلليون 92 ميلليارد يۋانعا ۇلعايىپ، جىلىنا ورتا ەسەپپەن %9 ءوستى؛ ادەتتەگى الەۋمەتتىك مەجە ەسەپ كىرىسى 90 ميلليارد 900 ميلليون يۋاننان 146 ميلليارد 550 ميلليون يۋانعا كوبەيىپ، جىلىنا ورتا ەسەپپەن %10 ءوستى، ادەتتەگى الەۋمەتتىك مەجە ەسەپ شىعىسى 272 ميلليارد يۋاننان 464 ميلليارد 120 ميلليون يۋانعا ءوستى، جىلدىق ورتاشا ءوسۋى %11.3بولدى. فينانس قۇرىلىمدارىنداعى شەتەل اقشاسىنىڭ ءارءتۇرلى امانات ىركىندى مولشەرى ءبىر تريلليون 242 ميلليارد 350 ميلليون يۋاننان 2 تريلليون 175 ميلليارد 310 ميلليون يۋانعا كوبەيىپ، جىلدىق ورتاشا كوبەيۋى %11.9بولادى. اۋىل شارۋاشىلىعىنىڭ نەگىزدىك ورنى بەكەمدەلىپ جانە كۇشەيىپ، استىق وندىرىسىندە «اۆتونوميالى رايون بويىنشا تەپە - تەڭدىكتى ساقتاۋ، ءسال اسىرۋ» ستراتەگيالىق نىساناسى ىسكە اسىرىلدى، ماقتا ءوندىرىسىنىڭ بۇكىل ەلدەگى ارتىقشىلىعى مەن ورنى ونان سايىن كوتەرىلدى، جەمىس باعىنىڭ اۋدانى مەن ءتۇسىمى مەملەكەت بويىنشا العا شىقتى، مال شارۋاشىلىعى ءۇرتىس دامىدى. جاڭاشا ونەركاسىپتەنۋ جەدەل ىلگەرىلەپ، جاڭا تەحنيكا، جاڭا ءونىم، جاڭا سالا، جاڭا شارۋاشىلىق تۇرلەرى ەكپىندەي دامىدى. ساياحات، ساۋدا، زات اينالىمى، ەلەكتروندىق ساۋدا، فينانستى وكىل ەتكەن زاماناۋي قىزمەت كورسەتۋ سالالارى جەدەل دامىدى، 3 - كاسىپتىڭ ەكونوميكالىق وسىمگە قوسقان ۇلەسى %8.2٪كە جەتىپ، ەكونوميكالىق ءوسىمدى ىلگەرىلەتۋشى نەگىزگى كۇشكە اينالدى. 3 كاسىپتىڭ ارا سالماعى بۇرىن 37.6:45.3:17.1بولسا، قازىر 45.2:35:15.5 نا رەتتەلىپ، ەكونوميكالىق ءوسىم نەگىزىنەن ونەركاسىپتى جەتەكشى ەتۋدەن ونەركاسىپ پەن قىزمەت كورسەتۋ سالاسىن قاتار جەتەكشى ەتۋگە بۇرىلىس جاساعان جاڭا جاعداي جارىققا شىقتى!

  − نەگىزدىك قۇرىلعىلاردىڭ شارت - جاعدايى ايتارلىقتاي جاقساردى. وتكەن 5 جىلدا جالپى قوعامدىق تۇراقتى مۇلىككە 5 تريلليون يۋان قارجى سالىنىپ، جىلىنا ورتا ەسەپپەن %13.5ءوستى، بۇنىڭ ىشىندە نەگىزدىك قۇرىلعىلارعا جالپى ءبىر تريلليون 94 ميلليارد يۋان قارجى سالىنىپ، جىلىنا ورتا ەسەپپەن %27.5ءوستى، ۇزاق مەرزىمدى دامۋعا قاتىستى جول - قاتىناس، سۋ يگىلىگى، ەنەرگيا كوزى، حابار - بايلانىس سياقتى نەگىزدىك قۇرىلعى نىساندارىنىڭ ءبىر توبى قۇرىلىس باستادى نەمەسە سالىنىپ، وندىرىسكە قوسىلدى. لانجوۋ - شينجياڭ جوعارى جىلدامدىقتى تەمىر جولى اشىلىپ، پايدالانۋعا بەرىلدى، شينجياڭ جوعارى جىلدامدىقتى تەمىر جول داۋىرىنە ءوتتى. قۇمىل - ەدزين تەمىر جولىنان كەيىنگى شينجياڭنان سىرتقا شىعاتىن 3 - تەمىر جول جەلىسى − كورلا - عولمۋد تەمىر جولى جەدەل سالىنۋ ۇستىندە. بەيجيڭ - شينجياڭ جوعارى جىلدامدىقتى تاس جولى جەلى بويىنشا تۇتاسىپ، شينجياڭنان ىشكى ولكەگە باراتىن جوعارى جىلدامدىقتى تاس جولدان تاعى بىرەۋى كوبەيدى. قاشقار - ەركەشتام وتكەلى سياقتى 13 جوعارى جىلدامدىقتى تاس جول سالىنىپ، اۆتوكولىك قاتىنادى، جوعارى جىلدامدىقتى تاس جول 2728 كيلومەتردەن 4578 كيلومەترگە ۇزاردى. 9 اۋەجاي جاڭادان سالىندى نەمەسە كەڭەيتىپ سالىندى، ءۇرىمجى اۋەجايىنىڭ جىلدىق جولاۋشى اينالىم مولشەرى 21 ميلليون 500 مىڭ ادام - رەتكە جەتىپ، ەلىمىزدەگى 5 ءىرى اۋە تورابىنىڭ قاتارىنا قوسىلدى. ۇرىمجىدە 4 مەترو جەلىسى بويىنشا ىركەس - تىركەس قۇرىلىس باستالدى، باس قالانىڭ قاتىناس جۇيەسى مەترو داۋىرىنە قادام باسۋ الدىندا تۇر. باقىت اتا سۋ قويماسى، ءزاراپشان وزەنى تاسقىننان ساقتانۋ - رەتتەۋ ينجەنەرياسى سياقتى گيدروتەحنيكالىق قۇرىلىستاردىڭ ءبىر توبى اياقتاپ، پايدالانۋعا بەرىلدى. قوسىلعان ەلەكتر قۋاتى 29 ميلليون 680 مىڭ كيلوۆاتتان 82 ميلليون 490 مىڭ كيلوۆاتقا كوبەيدى، بۇندا جەل ەلەكترى مەن فوتوەلەكتردىڭ ەنەرگەتيكالىق بلوك كولەمى 18 ميلليون 354 مىڭ كيلوۆاتقا جانە 9 ميلليون 76 مىڭ كيلوۆاتقا جەتىپ، مەملەكەت بويىنشا الدىڭعى ەكىنشىلىككە كوتەرىلدى. قۇمىلدان جىڭجوۋعا دەيىنگى800 ± كيلوۆولتتىق اسقىن كەرنەۋلى تۇراقتى توك جەتكىزۋ ينجەنەرياسى جانە شينجياڭ مەن باتىس سولتۇستىك نەگىزگى ەلەكتر جەلىسىنىڭ بىرىككەن 750 كيلوۆولتتىق اينالمالى توك 2 - ارناسىنىڭ قۇرىلىسى اياقتاپ جانە وندىرىسكە قوسىلىپ، شينجياڭنان سىرتقا جالپى 139 ميلليارد 600 ميلليون كيلوۆات - ساعات ەلەكتر شىعاردى. 750 كيلوۆولتتىق نەگىزگى جەلىنىڭ ۇستىنى بۇكىل شينجياڭنىڭ باسىم كوپ جەرىن قامتىدى. نەگىزدىك قۇرىلعى مەن قالا، اۋىلداردىڭ بەت - بەينەسىندە جانە حالىق جۇرتشىلىعىنىڭ ءوندىرىس، تۇرمىسى شارت - جاعدايىندا زور تاريحي وزگەرىس جارىققا شىقتى!

  − رەفورما جاساۋ، ەسىك اشۋدا ماڭىزدى قادام تاستالدى. ورتالىق تۇراقتاندىرعان ءتۇرلى رەفورما جاپپاي تياناقتاندىرىلىپ، شەشۋشى، نەگىزدىك رەفورمالاردا ەلەۋلى جەتىستىكتەرگە قول جەتتى. قامداۋ جاعىنداعى قۇرىلىمدىق رەفورما تىڭعىلىقتى ىلگەرىلەدى. «ۇقىقتى تومەنگە بەرۋ، باسقارۋ، قىزمەت كورسەتۋ» رەفورماسى جاپپاي ىلگەرىلەپ، اۆتونوميالى رايون دارەجەلى 817 اكىمشىلىك قاراۋ - بەكىتۋ ءتۇرى كۇشىن جويدى جانە رەتتەلدى، كاسىپورىندارعا قاتىستى 254 اقى الۋ ءتۇرى كۇشىنەن قالدىرىلدى، توقتاتىلدى نەمەسە كەشىرىم ەتىلدى. كوممەرتسيالىق جۇيە رەفورماسى قارقىندى ىلگەرىلەپ، «12 كۋالىكتى بىرىكتىرۋ» ىسكە اسىپ، «ەكى كەزدەيسوق، ءبىر جاريا» باقىلاۋ - باسقارۋ رەفورماسى جاپپاي جولعا قويىلدى. بازار رۇقساتى جەڭىلدەپ، شارۋاشىلىق قۇرۋدىڭ شارتتارى تومەندەدى، بازار سۋبيەكتىلەرىنىڭ قاتارى جىلىنا ورتا ەسەپپەن 149 مىڭ 400دەن كوبەيدى. مەملەكەتتىك كاسىپورىن جانە مەملەكەتتىك مال - مۇلىك رەفورماسى بەلسەندى تۇردە ىلگەرىلەپ، مەملەكەتتىك مەنشىك ەكونوميكاسىنىڭ كولەمى مەن باسەكەگە قابىلەتتىلىگى ونان سايىن نىعايدى. مۇناي، ازاماتتىق اۆياتسيا، ت. ب سالالارداعى 72 نىسان مەن كاسىپورىننىڭ بىرلەسكەن كاپيتال جانە ىنتىماقتاستىق بويىنشا قاراستى جەردە تىركەۋگە الىنۋى ىلگەرىلەتىلدى. ولكە دارەجەلى جەرگىلىكتى فينانس قۇرىلىمى − شينجياڭ بانكەسى قۇرىلدى. ءدارى - دارمەك جانە دەنساۋلىق ساقتاۋ، ەنەرگيا كوزى جانە ەلەكتر قۋاتى، قازىنا - سالىق جانە فينانس، اۋىل شارۋاشىلىعى جانە اۋىل - قىستاق، ورگان جانە ءىسورىن زەينەتكەرلىگى سياقتى ءتۇيىندى سالالارداعى رەفورمالاردىڭ ناتيجەسى كورنەكتى بولدى. شارۋاشىلىق سالىعىن قوسىلعان قۇن سالىعىنا اۋىستىرۋ رەفورماسىنىڭ مىندەتتەرى تابىسپەن ورىندالىپ، وسى بويىنشا جالپى 30 ميلليارد 300 ميلليون يۋان سالىق كەمەيتىلدى، 66 جىل بويى سالىنىپ كەلگەن شارۋاشىلىق سالىعى تاريح ساحناسىنان كەتتى. اۆتونوميالى رايوننىڭ تومەنگە قازىنادان اۋىستىرىپ تولەگەن قاراجاتى 127 ميلليارد 740 ميلليون يۋاننان 211 ميلليارد 870 ميلليون يۋانعا كوبەيدى. مۇناي مەن تابيعي گازعا باعاسى بويىنشا سالىق ەسەپتەۋ رەفورماسى جاپپاي ىلگەرىلەدى. شينجياڭ مەملەكەت بويىنشا ەنەرگيالىق كەشەندى رەفورمالار تۇيىندە سىناق ەتىلەتىن العاشقى ولكە، اۆتونوميالى رايون جانە جاسىل فينانس جونىندە رەفورما جاساۋ، جاڭالىق اشۋ سىناق ەتىلەتىن العاشقى وڭىرلەردىڭ ءبىرى رەتىندە، رەفورمانى تۇيىندە سىناق ەتۋ جۇمىستارىن بايىپتى قاداممەن ىلگەرىلەتتى. ماقتانىڭ نىسانالى باعاسى جونىندەگى رەفورمانى تۇيىندە سىناق ەتۋ ەلەۋلى ىلگەرىلەۋشىلىككە جەتتى. قۇمىل، تۇرپان ايماقتارى تاراتىلىپ، قالا بولىپ قۇرىلدى، باشەگىم، قوس وزەن، قورعاس، كوكدالا، قۇرىمقاش قالالارى قۇرىلدى. جىبەك جولى ەكونوميكالىق بەلدەۋىنىڭ وزەكتى رايونى قۇرىلىسى تياناقتى ىلگەرىلەدى. قاشقار، قورعاس اشىق ەكونوميكالىق وڭىرلەرىنىڭ قۇرىلىسىنا نەگىز قالانىپ، جۇڭگو - قازاقستان قورعاس حالىقارالىق شەكارالىق ىنتىماقتاستىق ورتالىعىنىڭ جۇڭگو جاق كەشەنى جانە قاشقار، الاتاۋ ساعاسى، ءۇرىمجى جالپى بوندتىق (كەدەندىك قويما) زوناسى جابىق كەدەندىك جۇمىس جۇرگىزە باستادى. ءۇرىمجى قۇرلىقتىق تەرمينالىنىڭ قۇرىلىسى جەدەلدەپ، تاس جول، تەمىر جول، اۋە جول بىرىككەن تاسىمالى جاپپاي ىسكە قوسىلىپ، جىبەك جولى ەكونوميكالىق بەلدەۋى مەن 21 - عاسىرداعى تەڭىز جىبەك جولى العاش رەت بايلانىستىرىلدى. ەلەكتروندىق شەكارالىق وتكەل اشىلىپ، حالىقارالىق ساۋدا بويىنشا «ءبىر تەرەزەنىڭ» ولشەمدى نۇسقاسى اتقارىلا باستادى، جۇڭگو − ەۆروپا )ورتا ازيا( كەزەكشى پويەزدەرىنىڭ ۇرىمجىدەگى توپتاستىرۋ ورتالىعى قۇرىلىپ، جۇڭگو - ەۆروپا (ورتا ازيا) باعىتى بويىنشا جالپى 1164 كەزەكشى پويەز ىسكە قوسىلدى، قازىر كۇنىنە تۇراقتى تۇردە 3 كەزەكشى پويەز جولعا شىعادى. شەكارا سىرتىنداعى تىكەلەي قارجى سالىمىن حالىق اقشاسىمەن ەسەپتەۋ جونىندەگى سىناق جۇمىستارى مەملەكەت بويىنشا الدىمەن ورىستەتىلدى. 3 كەزەكتى جۇڭگو − ازيا - ەۆروپا كورمەسى ءساتتى وتكىزىلدى. توڭىرەكتەگى ەلدەرمەن عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ، ساياحات سالالارى بويىنشا ىنتىماقتاستىق جانە گۋمانيتارلىق بايلانىستار ۇزدىكسىز تەرەڭدەدى!

  − حالىق جۇرتشىلىعىنىڭ تۇرمىسى ايتارلىقتاي جاقساردى. حالىق تۇرمىسى بويىنشا ءتۇيىندى قۇرىلىستار ۇزدىكسىز قانات جازىپ، حالىق تۇرمىسى شىعىسىنىڭ ادەتتەگى مەجە ەسەپ شىعىسىنداعى مولشەرى ءۇرتىس كوپ جىل بويى %70تەن كەم تۇسپەدى، ءار ۇلت بۇقاراسىنىڭ ءتول مۇددەسىنە قاتىستى قىرۋار قيىن ماسەلە شەشىلدى. وتكەن 5 جىلدا قالا - قالاشىقتاردا جالپى 2 ميلليون 325 مىڭ ادام جاڭادان جۇمىسقا ورنالاستى. مەملەكەتتىڭ پارمەندى قولداۋ كورسەتۋىمەن، توقىما جانە كيىم - كەشەك ونەركاسىبىن دامىتۋ ارقىلى ميلليون ادامدى جۇمىسقا ورنالاستىرۋ جوباسى جاسالدى جانە اتقارىلدى، جالپى توقىما جانە كيىم - كەشەك سالاسى 480 مىڭ ادامنىڭ جۇمىسقا ورنالاسۋىنا مۇرىندىق بولدى. قالا - قالاشىق، اۋىل - قىستاق تۇرعىندارىنىڭ قولداعى تابىسى جان باسىنا شاققاندا 19 مىڭ 19 يۋاننان، 6876 يۋاننان 30 مىڭ 775 يۋانعا، 11 مىڭ 45 يۋانعا جوعارىلاپ، جىلىنا ورتا ەسەپپەن جەكە - جەكە %10.1جانە %9.9 ءوستى، تۇرعىندار تابىسىنىڭ ءوسۋى، نەگىزىنەن، ەكونوميكالىق وسۋدەن جوعارى بولدى. ءتۇرلى وقۋ - اعارتۋدىڭ ساپاسى ۇزدىكسىز كوتەرىلدى، اۋىل - قىستاقتاردا «قوس ءتىلدى» بالاباقشالار «تيىسىنشە سالىندى». جەكە باستى جازاتايىم جازىمنان قامسىزداندىرۋ مەن سالماقتى اۋرۋلار بويىنشا قامسىزداندىرۋ قوعامدىق قامسىزداندىرۋ جۇيەسىنە ەنگىزىلىپ، قالا، اۋىل تۇرعىندارىنىڭ زەينەتكەرلىك قامسىزداندىرۋ ءتۇزىمىن بىرىكتىرۋ ورىندالدى، قوعامدىق قامسىزداندىرۋدىڭ تولىق قامتىمى مەملەكەت بويىنشا ءبىر جىل ەرتە ىسكە استى. قالا، اۋىل تۇرعىندارىنىڭ ەڭ تومەنگى تۇرمىس دەڭگەيىن قامتاماسىزداندىرۋ ولشەمى ۇزدىكسىز جوعارىلادى، اۋىل - قىستاقتاردا ەڭ تومەنگى تۇرمىس دەڭگەيىن قامتاماسىزداندىرۋ ولشەمى مەن كەدەيلەردى سۇيەمەلدەۋ ولشەمى ءونىمدى تۇردە ءتۇيىستىرىلدى، زەينەتكەرلىك ءىسى اقاۋسىز دامىپ، قوعامدىق جاردەم جۇيەسى ونان سايىن كەمەلدەندى. قالا، اۋىل تۇرعىندارىنىڭ دەنساۋلىعىن اقىسىز تەكسەرۋدىڭ تولىق قامتىمى نەگىزىنەن ىسكە اسىپ، حالىقتىڭ سالاماتتىق جانە ەمدەۋ - دەنساۋلىق ساقتاۋ دەڭگەيى ونان سايىن جوعارىلادى. 13 ميلليوننان كوبىرەك قالا، اۋىل تۇرعىنى قاتەرلى، كونە توپىراق ءۇي مەن لاشىقتى اۋماقتارعا قوش ايتىپ، 2 ميلليون 600 مىڭ ەگىنشى - مالشىنىڭ حاۋىپسىز اۋىز سۋ ماسەلەسى شەشىلىپ، 4 ميلليوننان اسا ەگىنشى - مالشىنىڭ ەلەكتر پايدالانۋ جاعدايى ايتارلىقتاي جاقساردى. حالىق تۇرمىسى جونىندەگى ناقتى، جاقسى ىستەردىڭ قاۋىرت ىستەلۋى ارقاسىندا، اۆتونوميالى رايونداعى ءار ۇلت جۇرتشىلىعىنىڭ تابىس سەزىمى مەن باقىت سەزىمى ۇزدىكسىز جوعارىلادى!

  − ەكولوگيالىق ورتانىڭ جاعدايى تۇتاسىمەن جاقساردى. ەكولوگيالىق وركەنيەت قۇرىلىسى پارمەندى ىلگەرىلەتىلىپ، جاسىل دامۋ ۇستانىمىن دايەكتىلەندىرۋ جونىندەگى سانالىلىق پەن ىرىقتىلىق ايتارلىقتاي نىعايدى. نەگىزگى يقۋاتتىق وڭىرلەر جوباسى مەن ەكولوگيالىق ورتانىڭ يقۋاتتىق جىكتەلىس جوباسى جاسالدى جانە اتقارىلدى، ەنەرگيا مەن كەن بايلىعىن اشۋدى اۆتونوميالى رايوندىق ۇكىمەتتىڭ «ءبىر قالاممەن» قاراۋ - بەكىتۋ جانە قورشاعان ورتانى قورعاۋ بويىنشا «ءبىر داۋىسپەن تەرىسكە شىعارۋ» تۇزىمدەرى قاتاڭ اتقارىلىپ، «3 جوعارى» نىسانداردىڭ شينجياڭعا كىرۋىنە قاتاڭ تيىم سالىندى. اتموسفەرانىڭ، سۋدىڭ، توپىراقتىڭ لاستانۋىنان ساقتانۋدا كورنەكتى جەتىستىككە قول جەتتى. ەكولوگيالىق ورتانى قورعاۋ جانە قالپىنا كەلتىرۋ جونىندەگى ءبىرقاتار ەلەۋلى ينجەنەريانىڭ اياق الىسى ءساتتى بولدى، ورمانمەن كومكەرۋ مولشەرى %4.24تەن%4.87كە كوتەرىلدى، شۇراتتاردىڭ ورمانمەن كومكەرىلۋى %23تەن %28كە جوعارىلادى. جايلىم ەكولوگياسىن قورعاۋ بويىنشا جاردەم بەرۋ، سيلاۋ ساياساتى اتقارىلىپ، 150 ميلليون مۋ جەرگە مال باعۋعا تيىم سالىندى. اقسۋدىڭ كوكيارىنداعى قۇمايتتانۋدى جونگە سالۋ ايتارلىقتاي تابىسقا قول جەتكىزىپ، ەكولوگيالىق جۇيەنى قالپىنا كەلتىرۋدىڭ مەملەكەتتىك ونەگەسىنە اينالدى. شينجياڭنىڭ تيانشان تاۋى الەمدىك جاراتىلىستىق مۇرالار تىزىمىنە ءساتتى تىركەلىپ، كوكتوعاي الەمدىك گەولوگيالىق باقشا قاتارىنان ورىن الدى، ءسويتىپ، اۆتونوميالى رايونىمىزدا الەمدىك جاراتىلىستىق مۇرالار مەن الەمدىك گەولوگيالىق باقشا بولماۋ تاريحىنا نۇكتە قويىلدى!

  ءوتىپ كەتكەن 2017 - جىل − پارتيا مەن مەملەكەتىمىزدىڭ تاريحىنداعى زامانالىق مانگە يە ءبىر جىل، سونداي - اق شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، نازاردى باس نىساناعا شوعىرلاندىرىپ، باس نىسانانى تياناقتاندىرۋىمىزداعى توتەنشە كەلەلى جىل بولدى. ءبىز پارتيا 19 - قۇرىلتايىن قارسى الۋدى قوزعاۋشى كۇش ەتىپ، ج ك پ اۆتونوميالى رايوندىق 9 - قۇرىلتايىنىڭ جالپى ورنالاستىرۋى بويىنشا، قىزمەتتىڭ ورنىقتىلىق بارىسىندا ىلگەرىلەۋ دەگەن نەگىزگى اۋەنىنەن جازباي، ەكونوميكالىق دامۋ جاڭا داۋىرگە وتكەننەن كەيىنگى تالاپتارعا ۇيلەسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن ىشكەرىلەي دايەكتىلەندىرىپ جانە تياناقتاندىرىپ، دامۋدىڭ ساپاسى مەن تيىمدىلىگىن جوعارىلاتۋدى وزەك، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى جەلى ەتىپ، «2 القا» قىزمەت مەحانيزمىن مۇقيات تياناقتاندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا جەڭىلدىك جاساۋ، ولقىلىقتاردى تولىقتاۋ، قاتەردەن ساقتانۋ قىزمەتتەرىن بار كۇشپەن جاقسى ىستەدىك، قوعامدىق جالپى جاعداي جاراسىمدى، ورنىقتى بولدى، ەكونوميكا ءۇرتىس، اقاۋسىز دامىدى، ءتۇرلى ىستەردە كورنەكتى تابىسقا قول جەتىپ، قارقىندى ىلگەرىلەۋشىلىك ىسكە استى. وڭىرلىك جالپى ءونىم قۇنى ءبىر تريلليون 92 ميلليارد يۋاندى قۇراپ، %7.6 ءوستى؛ تۇراقتى مۇلىككە ءبىر تريلليون 179 ميلليارد 560 ميلليون يۋان قارجى سالىنىپ، %20 ءوستى؛ ادەتتەگى الەۋمەتتىك مەجە ەسەپ كىرىسى 146 ميلليارد 550 ميلليون يۋانعا جەتىپ، %12.8ءوستى؛ قوعامدىق تۇتىنۋ بۇيىمدارىنىڭ جالپى بولشەك ساتىلىمى 304 ميلليارد 460 ميلليون يۋاندى قۇراپ، %7.7 ءوستى؛ جالپى يمپورت - ەكسپورت كولەمى 139 ميلليارد 840 ميلليون يۋانعا جەتىپ، %19.9 ءوستى؛ قالا - قالاشىق جانە اۋىل - قىستاق تۇرعىندارىنىڭ قولداعى تابىسى جان باسىنا شاققاندا جەكە - جەكە 30 مىڭ 775 يۋانعا جانە 11 مىڭ 45 يۋانعا كوتەرىلىپ، %8.1 جانە %8.5 كوبەيدى، ءسويتىپ، اۆتونوميالى رايوندىق 12 - كەزەكتى حالىق قۇرىلتايىنىڭ 5 - ماجىلىسىندە بەكىتىلگەن نەگىزگى نىسانا مەن مىندەتتەر اجەپتاۋىر جاقسى ورىندالىپ، وسى كەزەكتى ۇكىمەت ءوز مىندەتىن تابىسپەن اياقتاتتى!

  ءبىر جىلدان بەرى، باستىسى، مىنا قىزمەتتەردى ىستەدىك.

  (1) قوعامدىق جالپى جاعدايدىڭ ورنىقتىلىعىن كۇش سالا قورعادىق. وتكەن ءبىر جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن شىنايى قامقورلىعىندا، اۆتونوميالى رايوندىق پارتكومنىڭ دۇرىس باسشىلىعىندا، ءبىز شينجياڭ قىزمەتىنىڭ قوعام ورنىقتىلىعى مەن باياندى تىنىشتىق سىندى باس نىساناسىن بەرىك يگەرىپ، شينجياڭنىڭ قوعامدىق جالپى جاعدايىنىڭ ورنىقتىلىعىنا كەپىلدىك ەتۋگە بارلىق قىزمەتتى جاقسى ىستەۋدىڭ ىرگە تاسى، شينجياڭ بويىنشا ءبىرىنشى ورىنعا قويىلاتىن ماڭداي الدى ءىرى ءىس رەتىندە قاراپ، نازاردى باس نىساناعا شوعىرلاندىرىپ، «كەشەندى شارانى» ويداعىداي اتقارىپ، لاڭكەستىككە قارسى تۇرۋ، ورنىقتىلىقتى قورعاۋ شارالارىنىڭ تىڭعىلىقتى تياناقتانۋىن ىلگەرىلەتتىك. قاتاڭ سوققى بەرۋ ارناۋلى ارەكەتىن ىشكەرىلەي ىلگەرىلەتىپ، «3 قيان − كەسكى شايقاستى» ويداعىداي جۇرگىزۋگە، «ءبىر حالىقتىق سوعىستا» جەڭىسكە جەتۋگە كۇش سالىپ، «ءۇشتىڭ ۇشتاسا ارەكەتتەنۋىن» ورىنداپ، زورلىقتى كۇش، لاڭكەستىك ارەكەتتەرى تامىر العان توپىراقتى تۋ باسىنان تازارتتىق. ەلەۋلى سالالار مەن الەۋمەتتىك اسپەكتىلەرگە باقىلاۋ مەن تىزگىندەۋدى كۇشەيتىپ، باقىلاۋ مەن تىزگىندەۋدىڭ جاپسارسىز، بۇلتارىسسىز، ولقىلىقسىز بولۋىن جانە قالا - قالاشىقتارداعى حالىققا قولايلى ساقشى پۋنكتتەرىنىڭ تولىق قامتۋىن ىسكە اسىردىق. شەكارالىق وڭىرلەردى باسقارۋ - تىزگىندەۋ مەن ينتەرنەتتى باسقارۋدى قاتايتىپ، «ءۇش ءتۇرلى كۇشتىڭ» تىمتىنۋىنە وراي بەرمەدىك. «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن ىشكەرىلەي ورىستەتىپ، بۇقارالىق قىزمەتتىڭ دەڭگەيى مەن نەگىزگى ساتى بيلىكتەرىنىڭ باسقارۋ قابىلەتىن كورنەكتى تۇردە جوعارىلاتتىق. باتىل ءۇن قاتۋ، ايقىن پوزيتسيا ءبىلدىرۋ قيمىلىن ىشكەرىلەي ورىستەتىپ، ءار ۇلت كادر - جۇرتشىلىعىنىڭ باس نىسانانى ىسكە اسىرۋ جولىنداعى بەرىك نيەتى مەن سەنىمىن بەكەمدەي تۇستىك. بۇكىل اۆتونوميالى رايونداعىلاردىڭ جۇمىلا قۇلشىنىس جاساۋى ارقاسىندا، قوعامدىق جالپى جاعدايدىڭ تۇتاستاي ورنىقتىلىعى ساقتالىپ، ءار ۇلت بۇقاراسىنىڭ حاۋىپسىزدىك سەزىمى ايتارلىقتاي نىعايدى. ورنىقتى قوعامدىق جاعداي شينجياڭنىڭ ەكونوميكالىق، قوعامدىق دامۋىنا، ءار ۇلت حالقىنىڭ تاماشا تۇرمىسىنا ەڭ ماڭىزدى شارت ازىرلەپ، ەڭ پارمەندى قولداۋ كورسەتتى!

  (2) ەكونوميكانىڭ ءۇرتىس، اقاۋسىز دامۋىن كۇش سالا ىلگەرىلەتتىك. قامداۋ جاعىنداعى قۇرىلىمدىق رەفورمانى تىڭعىلىقتى ىلگەرىلەتىپ، «ءۇشتى ازايتۋ، ءبىردى تومەندەتۋ، ءبىردى تولىقتاۋ» تالابىن باتىل ورىنداپ، 55 ميلليون توننالىق «لەگيرلەنبەگەن قۇيما بولات» وندىرىستىك قۋاتىن زاڭ بويىنشا جويىپ، كاسىپورىنداردى 950 مىڭ توننالىق بولات - تەمىر وندىرىستىك قۋاتىنان، 11 ميلليون 630 مىڭ توننالىق كومىر وندىرىستىك قۋاتىنان بەلسەندى تۇردە باس تارتۋعا باستادىق. ساتىلماي تۇرعان تاۋار ۇيلەردىڭ اۋدانى جىل باسىنداعىمەن سالىستىرعاندا 995 مىڭ 900 شارشى مەتر ازايدى. مەملەكەتتىڭ سالىقتى قۇرىلىمدىق تومەندەتۋ ساياساتىن، قوعامدىق قامسىزداندىرۋ جارناسىن تومەندەتۋ ساياساتىن تياناقتاندىرىپ، كاسىپورىنعا، اۋىل شارۋاشىلىعىنا، حالىق تۇرمىسىنا قاتىستى، ت.ب 66 اقى الۋ ءتۇرىن اداقتاپ، ءبىر ىزگە كەلتىردىك. ەكونوميكالىق قۇرىلىمنىڭ رەتتەلۋى مەن دامۋ ءتاسىلىنىڭ تۇرلەنۋىن ىلگەرىلەتىپ، ارتىقشىلىققا يە ەرەكشە شارۋاشىلىق سالالارىن ساپالىلاندىرىپ جانە قۋاتتاندىرىپ، توقىما جانە كيىم - كەشەك ونەركاسىبىن، ورتا، شاعىن، ۇساق كاسىپورىنداردى جانە جاڭا كوركەيگەن ستراتەگيالىق شارۋاشىلىقتاردى جەدەل دامىتتىق، ساپا مەن تيىمدىلىك ايتارلىقتاي نىعايىپ، كولەمدەنگەن ونەركاسىپ كاسىپورىندارىنىڭ پايداسى ءبىر ەسەنىڭ ۇستىندە، ستراتەگيالىق ونەركاسىپتىڭ جاڭا سالالارىنىڭ قوسىلعان قۇنى %9.2،جوعارى تەحنيكالىق جاساۋ سالاسىنىڭ قوسىلعان قۇنى %38.8ءوسىپ، جىلدامدىق پەن ساپانىڭ تەڭ كوتەرىلۋى ىسكە استى. اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىندا العاشقى جەتىستىكتەرگە جەتىپ، اۋىل شارۋاشىلىعىن سالالاندىرىپ باسقارۋدى ىشكەرىلەي ىلگەرىلەتىپ، اۋىل شارۋاشىلىق ونىمدەرىنىڭ بازار ءورىسىن كەڭەيتۋدە تىڭ تابىسقا قول جەتكىزدىك. سۋ ۇنەمدەۋ تيىمدىلىگى جوعارى سۋارمالى ەگىستىك جەر اۋدانىن 2 ميلليون 400 مىڭ مۋ كوبەيتتىك. ساياحات شارۋاشىلىعى، ەلەكتروندىق ساۋدا، ساۋدا جانە زات جەتكىزۋ، فينانس دەلدالدىعى سياقتى وسى زامانعى قىزمەت كورسەتۋ سالالارىنىڭ دامۋىن بار كۇشپەن ىلگەرىلەتتىك. تۇتاس جىلدا مەملەكەتتىڭ ءىشى - سىرتىنان 107 ميلليون ادام - رەت ساياحاتشى كەلىپ، %32.4 كوبەيدى، ساياحاتتىق تۇتىنۋدىڭ جيىنتىعى 182 ميلليارد 200 ميلليون يۋانعا جەتىپ، %30 ءوستى. جاراسىمدىلىق پەن ورنىقتىلىقتىڭ بارومەترى سانالاتىن ساياحات شارۋاشىلىعى شينجياڭنىڭ جاقسى جەر ەكەنىن الەم حالقىنا تاعى ءبىر مارتە جاريا ەتتى!

  (3) نەگىزدىك قۇرىلعى قۇرىلىستارىن كۇش سالا ىلگەرىلەتتىك. جول - قاتىناس، سۋ يگىلىگى، ەلەكتر قۋاتى، ت. ب سالالارداعى نەگىزدىك قۇرىلعى نىساندارىنىڭ ەلەۋلى ءبىر توبىندا قۇرىلىس باستالدى. اتاپ ايتساق، ءۇرىمجى − لوپنۇر، چارقىلىق − نيە سياقتى ءبىرقاتار جوعارى جىلدامدىقتى تاس جول قۇرىلىستارى باستالدى؛ چارقىلىق اۋەجايىنىڭ قۇرىلىسى اياقتادى، ياركەن اۋەجايى سالىنىپ، ۇشاق قوندى؛ گۇما اۋدانىنداعى اقشۋ سۋ قويماسى، قاشقاردان ءپايزاۋاتقا دەيىنگى ءبىر قالا، 4 اۋداننىڭ قالا، اۋىل اۋىز سۋ حاۋىپسىزدىگى ينجەنەرياسى، قۇلجا اۋدانىنداعى تاس قاقپا سۋ قويماسى، داشكول سۋ قويماسى سياقتى سۋ يگىلىگى ينجەنەريالارىنىڭ ءبىر توبىندا قۇرىلىس باستالدى؛ جۇندۇڭ − حۋادۇڭ (وڭتۇستىك انحۇي) 1100 ±كيلوۆولتتىق اسقىن كەرنەۋلى تۇراقتى توك جەتكىزۋ ينجەنەرياسى مەن مارالباسىدان ياركەنگە، قاشقاردان ياركەنگە، ياركەننەن حوتانعا دەيىنگى 750 كيلوۆولتتىق تارىم اينالمالى جەلىسىندە قۇرىلىس باستالدى؛ ءبىر ميلليون 600 مىڭ ءار ۇلت جۇرتشىلىعىنا پايدا جەتكىزگەن ءۇرىمجى كونە قالا رايونىن وزگەرتۋ، جاڭارتۋ ينجەنەرياسى جاپپاي اتقارىلىپ، قالانىڭ ءبىرقاتار نەگىزگى اۋماقتارى مەن داڭعىل كوشەلەرىنىڭ بەت - بەينەسى شىتتاي جاڭارىپ، قالا تۇرعىندارىنان شىنايى ماقتاۋ الدى!

  (4) حالىق تۇرمىسىن كۇش سالا قامتاماسىز ەتتىك جانە جاقسارتتىق. قاشقار، حوتان ايماقتارىندا 3 جىلدا 1000 مىڭ ادامدى ۇيىمدى تۇردە باسقا سالاعا ويىستىرىپ جۇمىسقا ورنالاستىرۋ جوباسىن اتقاردىق، ءسويتىپ، اۋىل - قىستاقتارداعى 477 مىڭ ارتىق ەڭبەككۇش باسقا سالاعا ويىسىپ جۇمىسقا ورنالاستى. جۇمىسپەن قامتۋ كولەمى كەڭ توقىما جانە كيىم - كەشەك ونەركاسىبىن، ەڭبەكتى كوپ قاجەتسىنەتىن كاسىپورىنداردى، حالىق باسقارۋىنداعى كاسىپورىندار مەن شاعىن، ۇساق كاسىپورىنداردى بار كۇشپەن دامىتىپ، جوعارى مەكتەپ بىتىرگەن وقۋشىلاردىڭ جۇمىسقا ورنالاسۋى مەن شارۋاشىلىق قۇرۋىن جان - جاقتىلى جەبەدىك، قالا - قالاشىقتاردا 470 مىڭ ادام جاڭادان جۇمىسقا ورنالاستى. اۋىل - قىستاقتارداعى ارتىق ەڭبەككۇشتەر 2 ميلليون 750 مىڭ ادام - رەت باسقا سالاعا ويىستىرىلدى، اسىرەسە، اۋىل - قىستاق ەڭبەككۇشتەرىن ارناۋلى تاربيەلەۋ ارقىلى تۇراقتى مۇلىككە قارجى سالۋ نىساندارىنىڭ شينجياڭدىق ەڭبەكشىلەردى 618 مىڭ ادام - رەت جۇمىسقا الۋىن ىلگەرىلەتتىك، بۇندا وڭتۇستىك شينجياڭداعى 3 ايماق، ءبىر وبلىستا 315 مىڭ 600 ادام - رەتكە جەتتى. كەدەيلەردى سۇيەمەلدەۋ وبيەكتىلەرىن ارحيۆتەستىرۋ، كارتچكالاۋ جانە ينفورماتسيالىق دەرەكتەردى قايتا قاراۋ قىزمەتىن شوعىرلى تۇردە ورىستەتىپ، كەدەي حالىقتىڭ بازالىق سانى انىق، جاعدايى ايقىن بولماۋ ماسەلەسىن تۇبەگەيلى شەشتىك. كەدەيلىكتەن قۇتىلدىرۋدان قامال الۋ قىزمەتىنىڭ تەبىنى ۇزدىكسىز ارتىپ، 317 مىڭ 400 ادام كەدەيلىكتەن ورنىقتى تۇردە قۇتىلدى. قالا - قالاشىق تۇرعىندارى اراسىنداعى ەڭ تومەنگى تۇرمىس دەڭگەيى قامتاماسىز ەتىلەتىن وبيەكتىلەردىڭ سانى 2 ميلليون 450 مىڭنان 2 ميلليون 710 مىڭعا كوبەيىپ، مۇقتاج جانداردىڭ تۇرمىسى ءونىمدى تۇردە قامتاماسىزداندىرىلدى. قالا، اۋىل تۇرعىندارىنىڭ نەگىزگى ەمدەلۋىن قامسىزداندىرۋ ءتۇزىمىنىڭ بىرىكتىرىلۋىن جانە ولكەلەر ارا باسقا جەردە ەمدەلۋدى مەملەكەت بويىنشا بىرىككەن جەلىدە ەسەپتەسۋدى ىسكە اسىردىق. وتباسىندا ەكونوميكالىق قيىنشىلىق بار وقۋشىلارعا 6 ميلليون 920 مىڭ ادام - رەت قارجىلاي كومەكتەسىپ، وتباسىندا ەكونوميكالىق قيىنشىلىق بار وقۋشىلارعا قارجىلاي كومەكتەسۋدىڭ تولىق قامتىمىن ىسكە اسىرىپ، اۆتونوميالى رايوندىق پارتكوم مەن حالىق ۇكىمەتىنىڭ «بىردە - ءبىر بالانىڭ وتباسىنداعى ەكونوميكالىق قيىنشىلىققا بايلانىستى وقۋدان قول ۇزۋىنە جول بەرمەيمىز» دەگەن ايبىندى سەرتىن ورىندادىق! اۋىل - قىستاقتاعى بەيقۇت ۇيلەر، كوشپەندى مالشىلاردى وتىرىقتاندىرۋ جانە قالا - قالاشىقتاعى قامتاماسىز ەتۋ سيپاتىنداعى بەيقۇت ۇيلەر ينجەنەريالىق قۇرىلىستارىن تىڭعىلىقتى ىلگەرىلەتتىك، ءتۇرلى لاشىقتى اۋماقتارداعى 368 مىڭ ءۇي جاڭالانىپ، اۋىل - قىستاقتاردا 300 مىڭ بەيقۇت ءۇي سالىندى. اۋىل - قىستاق اۋىز سۋ حاۋىپسىزدىگىنىڭ دەڭگەيىن بەكەمدەۋ، كوتەرۋ ينجەنەرياسى جانە اۋىل - قىستاق ەلەكتر جەلىسىن جاڭالاۋ، جاڭارتۋ، بارلىق قىستاققا ديناميكالىق ەلەكتر جەتكىزۋ ينجەنەرياسى قۇرىلىستارىن جاپپاي اتقاردىق. قالا، اۋىل تۇرعىندارىنىڭ ەلەكتردى ءبىر تۇتاس جەلىدە، تەڭ باعامەن پايدالانۋىن بۇكىل شينجياڭ بويىنشا ىسكە اسىردىق، ءار كيلوۆات - ساعات ەلەكتردىڭ باعاسى ءبىرىڭعاي 0.39 يۋانعا ءتۇسىرىلىپ، ءار ۇلت بۇقاراسىنىڭ ەلەكتر ەنەرگياسىن پايدالانۋ شىعىنى شىن مانىندە تومەندەدى، بۇل ءار ۇلت حالقىن بايلىقپەن يگىلىكتەندىرۋ ۇستانىمىن ايگىلەپ، جۇرتشىلىقتىڭ القاۋىنا بولەندى. اۋىل - قىستاقتاردا 28 مىڭ كيلومەتر تاس جول جاڭادان نەمەسە وزگەرتىپ سالىنىپ، 200 اۋىل - قالاشىق پەن 1900 اكىمشىلىك قىستاقتىڭ جول - قاتىناس جاعدايى جاقساردى. اپاتقا بايلانىستى بەرىلەتىن جاردەم اقىنىڭ ولشەمىن قاۋىرت جوعارىلاتىپ، ءتۇرلى اپاتقا ءونىمدى تۇردە توتەپ بەردىك، جىڭداعى جەر سىلكىنىسىنەن كەيىنگى قايتا قۇرۋ جۇمىستارى ءساتتى جۇرگىزىلدى، اقتاۋ، قۇتىبي، تاشقورعاندا جەر سىلكىنىسىنەن كەيىنگى قايتا قۇرۋ تابىسپەن ورىندالىپ، اپاتقا ۇشىراعان 17 مىڭ 355 وتباسى جاڭا ۇيگە كوشتى. ازىق - تۇلىك پەن ءدارى - دارمەكتەردىڭ جانە ونىمدەردىڭ ساپالىلىق حاۋىپسىزدىگىنە باقىلاۋ - باسقارۋدى كۇشەيتتىك، ساپالىلىق حاۋىپسىزدىكتىڭ جاعدايى ايتارلىقتاي جاقساردى. وندىرىستىك حاۋىپسىزدىك جاۋاپكەرشىلىگىن جاپپاي تياناقتاندىردىق، وندىرىستىك حاۋىپسىزدىك جاعدايى ۇدايى تۇراقتىلىقتى ساقتادى. اۋىل - قىستاقتاردا مىندەتتى ەڭبەك پەن «بەستى بىرلىككە كەلتىرۋدىڭ» جاپپاي كۇشىن جويۋى قالىڭ شارۋالاردىڭ ەرىكتى جوسپارلاۋ جانە ءوندىرىس پەن شارۋاشىلىقتى دەربەس ۇيىمداستىرۋ بەلسەندىلىگىنە ايرىقشا دەم بەرىپ، شارۋالاردىڭ اۋىرتپالىعىن قاۋىرت جەڭىلدەتتى، مىڭ، ميلليونداعان ەگىنشى - مالشى بۇعان شىن جۇرەكتەن، ىستىق ىقىلاسپەن قولداۋ كورسەتتى!

  (5) ۇلتتار ىنتىماعى مەن ءدىن جاراسىمدىلىعىن كۇش سالا جەبەدىك. پارتيانىڭ ۇلت ساياساتىن جاپپاي دايەكتىلەندىرىپ، «ۇلتتار ىنتىماعىنىڭ بەرەكەلى شاڭىراعى»، ۇلتتار ىنتىماعى جونىندەگى بىرىككەن دوستىق، ۇلتتار ىنتىماعى «تۋىستاسۋ اپتالىعى» قيمىلدارىن جانە مۇقتاج جاندارعا كومەكتەسۋ قىزمەتىن ىشكەرىلەي ورىستەتتىك، اۆتونوميالى رايون بويىنشا ءبىر ميلليون 100 مىڭنان اسا كادر ءبىر ميلليون 600 مىڭنان اسا ءار ۇلت وتباسىمەن جۇپ قۇراپ، تۋىس بولدى. اۆتونوميالى رايونداعى جوعارى مەكتەپتەردە «ۇشكە كىرۋ، ەكىمەن بايلانىس جاساۋ، بىرمەن دوستاسۋ» قيمىلىن قانات جايدىردىق. ءار ۇلت كادر - جۇرتشىلىعىن ماركستىك «5 كوزقاراس» پەن «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، «5 ورتاق تانىم» ساناسىن نىعايتۋعا بەلسەندى تۇردە جەتەكتەدىك. ۇلتتار ىنتىماعى، العاباسارلىعىنداعى ۇزدىك تيپتەر مەن ىستەردى كەڭ كولەمدە ۇگىتتەپ، ۇلتتار ىنتىماعى، العاباسارلىعى بويىنشا وزات ورىن قۇرۋ جانە ماداقتاۋ - سيلاۋ قيمىلدارىن تىڭعىلىقتى ورىستەتتىك. ۇلتتار كىرىككەن قوعامدىق قۇرىلىم مەن الەۋمەتتىك اۋماق ورتاسىنىڭ قۇرىلۋىن كۇش سالا ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەدىك.

  پارتيانىڭ ءدىن قىزمەتىنىڭ نەگىزگى باعىتىن جاپپاي دايەكتىلەندىرىپ، «زاڭدىنى قورعاۋ، زاڭسىزدى تەجەۋ، ۇشقارىلىقتى اۋىزدىقتاۋ، سىنالاپ كىرۋگە قارسى تۇرۋ، قىلمىسقا سوققى بەرۋگە» تاباندى بولىپ، ەلىمىزدەگى دىندەردىڭ جۇڭگوشالانۋ باعىتىنان جازباي، دىنگە سەنەتىن بۇقارانىڭ قالىپتى قاجەتىن زاڭ بويىنشا قامتاماسىز ەتىپ، ءدىندى سوتسياليستىك قوعامعا سايكەسۋگە بەلسەندى تۇردە باستادىق. ءدىن ىستەرىن باسقارۋدى زاڭ بويىنشا كۇشەيتىپ، مەشىتتەردى قىستاقتا تۇرىپ باسقارۋ قىزمەتىن جاپپاي قانات جايدىرىپ، مەشىتتەر مەن ءدىني قايراتكەرلەرگە، ءدىني قيمىلدارعا باعىتتالعان تاربيەلەۋ، باسقارۋ، قىزمەت كورسەتۋ جۇمىستارىن كۇشەيتىپ جانە جاڭالاپ، ءدىننىڭ تاتۋلىعى مەن جاراسىمدىلىعىن جەبەدىك. تاربيەلەۋ، باۋلۋ قىزمەتتەرىن كۇشەيتىپ، وتانشىل ءدىني قايراتكەرلەردىڭ رولىن تولىق ساۋلەلەندىردىك. «ۇشقارىلىقتى الاستاۋ» قىزمەتىن ىشكەرىلەي ىلگەرىلەتىپ، دىنگە سەنەتىن بۇقارانى ورتا جولدان اۋىتقىماي، دۇرىس سەنىم ورناتىپ، ۇشقارىلىقتان اۋلاق بولۋعا جەتەكتەدىك.

  (6) قوعامدىق ىستەردى كۇش سالا دامىتتىق. 9 جىلدىق مىندەتتى وقۋ - اعارتۋدى بەكەمدەپ، اۋىل - قىستاقتاردىڭ مەكتەپكە دەيىنگى «قوس ءتىل» تاربيەسىن تىڭعىلىقتى ىلگەرىلەتتىك. ورتا، باستاۋىش مەكتەپتەردە «قوس تىلدە» ءبىلىم بەرۋ ءىسىن كۇشەيتىپ جانە جاقسارتىپ، باستاۋىش جانە ورتالاۋ مەكتەپتەردىڭ باستاپقى جىلدىقتارىندا مەملەكەتتە ءبىر تۇتاس قولدانىلاتىن ءتىل - جازۋمەن ساباق ءوتۋدى جاپپاي ىسكە اسىردىق. مىندەتتى ءبىلىم بەرەتىن مەكتەپتەردى ولشەمدەندىرۋ، مىندەتتى وقۋ - اعارتۋدى تەڭگەرۋ جانە اۋدان الابىنداعى قالالىق، اۋىلدىق مىندەتتى وقۋ - اعارتۋدى ءبىر تۇلعالاندىرۋ قۇرىلىستارىن جۇرگىزىپ، نەگىزدىك وقۋ - اعارتۋدىڭ بايىپپەن دامۋىن ىلگەرىلەتتىك. وسى زامانعى كاسىپتىك اعارتۋدى بەلسەندىلىكپەن دامىتىپ، ورتالاۋ، ورتا مەكتەپتەردەن وقۋ تاۋىسقان، ءبىراق جۇمىسقا ورنالاسپاعان، جوعارىلاپ وقىماعان جاستاردىڭ جاپپاي كاسىپتىك ءبىلىم مەن كاسىپتىك تاربيە الۋىن ىلگەرىلەتتىك. شينجياڭ ۋنيۆەرسيتەتىنىڭ الەمدىك دەڭگەيدەگى ۋنيۆەرسيتەت بولىپ قۇرىلۋىن جانە الەمدىك دەڭگەيدەگى پاندەر اشۋ قىزمەتىن جەدەلدەتتىك، جىبەك جولى ەكونوميكالىق بەلدەۋىنىڭ جاڭالىق اشۋدى جەتەكشى ەتكەن دامۋ جونىندەگى سىناق رايونى، مەملەكەتتىك «ءۇرىمجى - سانجى - شىحىزى» دەربەس جاڭالىق اشۋدان ۇلگى كورسەتۋ رايونى قۇرىلىستارىندا كەلەلى ىلگەرىلەۋشىلىكتەرگە قول جەتتى، جاڭا ماتەريال، كۆانتتىق حابار - بايلانىس، ەكولوگيالىق ورتا، قازىرگى زامان اۋىل شارۋاشىلىعى سياقتى سالالاردا ءبىر توپ ەلەۋلى عىلمي - تەحنيكالىق ارناۋلى جوبالار جەدەل اتقارىلىپ، جوعارعى دەڭگەيلى جاڭاشىل دارىندىلاردىڭ، جاڭاشىل قوسىنداردىڭ جانە از ۇلت عىلىم - تەحنيكا تىرەكتىلەرىنىڭ ۇلكەن توبى شاپشاڭ جەتىلدى. ۇكىمەت شيپاحانالارى جونىندەگى كەشەندى رەفورمانى بايىپتى قاداممەن ىلگەرىلەتىپ، ساتىلار بويىنشا دياگنوز قويۋ مەن ەمدەۋدى جەدەل اتقارىپ، ءدارى - دارمەك قوسىمشاسىن جاپپاي جوعالتىپ، ءدارى - دارمەك ساتىپ الۋدىڭ «قوس تالون جۇيەسىن» قولدانىسقا ەنگىزدىك. 5 ساتىلى مەديتسينالىق قىزمەت كورسەتۋ ءتۇزىلىسىن كەمەلدەندىردىك، اۋىل - قالاشىق ەمحانالارى مەن قىستاق مەديتسينالىق پۋنكتتەرىنىڭ ولشەمدەنۋ مولشەرى جەكە - جەكە %88كە جانە %84كە جەتتى. تۋبەركۋلەز، ايدس سياقتى ەلەۋلى جۇقپالى اۋرۋلار، جەرگىلىكتى اۋرۋلار بويىنشا الدىن الۋ - تىزگىندەۋ جانە يممۋنيتەتتەۋ جوباسى قىزمەتىن كۇشەيتتىك. جۇڭگو ءداستۇرلى مەديتسيناسى مەن باتىس مەديتسيناسىنا بىردەي ءمان بەرۋگە تاباندى بولىپ، جۇڭگو ءداستۇرلى مەديتسيناسىنىڭ وزگەشە ارتىقشىلىعىن ونان سايىن ساۋلەلەندىردىك. جوسپارلى تۋىت ساياساتىن رەتتەپ جانە كەمەلدەندىرىپ، ساياساتتان تىس بالالى بولۋدى قاتاڭ تىزگىندەدىك. شىعىس جەلى ينجەنەرياسى، شارۋالار كىتاپ ءۇيى، اۋىل - قىستاقتاردا كينو كورسەتۋ ينجەنەرياسى، بارلىق وتباسىن راديو - تەلەۆيزيامەن قامتۋ سياقتى حالىققا ءتيىمدى مادەنيەت ينجەنەريالارى ىشكەرىلەي اتقارىلدى. الەۋمەتتىك مادەنيەت قىزمەت كورسەتۋ جۇيەسى ۇزبەي جەتىلدى، ادەبيەت - كوركەمونەر جاسامپازدىعى ۇزدىكسىز گۇلدەندى، مادەنيەت شارۋاشىلىعى اقاۋسىز دامىدى، مادەني بايلانىستار توقتاۋسىز تەرەڭدەدى، ماتەريالدىق مادەنيەت ەسكەرتكىشتەرى مەن مادەنيەت مۇرالارىن قورعاۋ، پايدالانۋ ونان سايىن كۇشەيدى. شينجياڭ سپورتشىلارى مەملەكەتتىك 13 - كەزەكتى سپورت جارىسىندا 6 التىن، 8 كۇمىس، 12 قولا مەدال الىپ، تاريحتاعى ەڭ ۇزدىك ناتيجەگە قول جەتكىزدى، شينجياڭ ەرلەر باسكەتبول كومانداسى جۇڭگو ەرلەر باسكەتبول بىرىككەن جارىسىنىڭ اعا جۇلدەگەرلىگىن جەڭىپ الدى. جالپى حالىقتىق دەنە شىنىقتىرۋ قيمىلدارى كەڭ قانات جايدى. مۇگەدەكتەردىڭ ۇقىق - مۇددەسىن قامتاماسىز ەتۋ دەڭگەيى ۇزدىكسىز كوتەرىلدى. ساناق قىزمەتىنىڭ ساپاسى ۇزدىكسىز كوتەرىلىپ، اۆتونوميالى رايوننىڭ ماكرولىق تىزگىندەۋ ىسىنە جانە ەكونوميكالىق، قوعامدىق دامۋىنا پارمەندى تىرەك ازىرلەدى.

  (7) ەكولوگيالىق وركەنيەت قۇرىلىسىن بار كۇشپەن نىعايتتىق. ەكولوگيالىق تومەنگى شەك پەن قىزىل سىزىقتى قاتاڭ ساقتاپ، ەكولوگيانى قورعاۋ قۇرىلىسىنىڭ تەبىنىن ارتتىرىپ، اتموسفەرانىڭ، سۋدىڭ، توپىراقتىڭ لاستانۋىنىڭ الدىن الۋ جانە ونى وڭاۋ ارەكەتىن جۇرگىزىپ، ەكولوگيالىق ورتانى ءبۇلدىرۋ ىستەرىن باتىل اۋىزدىقتادىق جانە جازاعا تارتتىق. ەكولوگيالىق ورتانى قورعاۋدىڭ جانە كەڭىستىكتەن پايدالانۋ ماقساتىن باقىلاۋدىڭ ەڭ قاتاڭ ءتۇزىمىن اتقارىپ، ماڭگىلىك قاسات قارلى القاپ، ماڭىزدى سۋ كوزدەرىن قورەكتەندىرۋشى وڭىرلەر، اۋىز سۋ قاينارىن قورعاۋ وڭىرلەرى، الەمدىك جاراتىلىستىق مۇرالار ءوڭىرى، لاندشافتتار مەن كورىنىسى كوركەم جەرلەردى، جاراتىلىستىق قورىقتار مەن ماڭىزدى وزەن، كول، سازدى جەرلەر، ت. ب بويىنشا ءماجبۇرلى قورعاۋدى جولعا قويدىق. ەگىستىك جەردى قورعاۋدىڭ مەيلىنشە قاتاڭ ءتۇزىمىن تياناقتاندىرىپ، 39 ميلليون 620 مىڭ مۋ تۇتاستاي تۇراقتى نەگىزگى ەگىندىك جەردى انىقتاۋ مىندەتىن ورىندادىق. تيانشاننىڭ سولتۇستىك بەتكەيىندەگى ورمان − توعاي جامىلعىلارىن قورعاۋ مەن ونى كۇلتەلەندىرۋ ينجەنەرياسى سياقتى ءتۇيىندى ەكولوگيالىق ينجەنەريالاردىڭ قۇرىلىس تەبىنىن كۇشەيتتىك. 3 ميلليون 330 مىڭ مۋ جەرگە ورمان ءوسىرىپ، 4 ميلليون 500 مىڭ مۋ قۇمايتتانعان جەردى جونگە سالدىق. تارىم وزەنىنىڭ تومەنگى اعارىنا 18 - رەت ەكولوگيالىق سۋ جىبەرىلىپ، بەرىلگەن ەكولوگيالىق سۋدىڭ مولشەرى ءبىر ميلليارد 214 ميلليون تەكشەمەترگە جەتتى. وزەن باستىعى ءتۇزىمىن جاپپاي جولعا قويىپ، وزەن - كولدەردى باسقارۋ، قورعاۋدى زاڭ بويىنشا كۇشەيتتىك. سۋ پايدالانۋدىڭ جالپى مولشەرىن ولشەمنەن اسىرىپ جىبەرگەن وڭىرلەردە ەگىستىك جەردى ازايتۋ، سۋ ۇنەمدەۋ، تىڭ اشۋعا تيىم سالۋ جانە سۋ جيناۋ قۇرىلىسى بويىنشا جاڭادان ۇسىنىلعان نىسانداردى بەكىتپەۋ سياقتى شارالار قولداندىق. لاستاۋشى زاتتاردى شىعارۋ جونىندەگى رۇقسات كۋالىگى ءتۇزىمىن جانە لاستاۋشى زاتتار شىعارۋ ۇقىعىن اقىلى پايدالانۋ مەن ايىرباستاۋ ءتۇزىمىن بەلسەندى تۇردە جالپىلاستىردىق. «ءۇرىمجى - سانجى - شىحىزى» ءوڭىرىنىڭ اتموسفەرانىڭ لاستانۋىنان جۇمىلا ساقتانۋىن ىلگەرىلەتىپ، كومىر ورنىنا گاز جاعۋ، گاز ورنىنا ەلەكتر پايدالانۋ جۇمىستارىنىڭ اتقارىلۋىن تەزدەتىپ، كومىر ەلەكتر ستانسيالارىنىڭ 12 ميلليون 900 مىڭ كيلوۆولتتىق اگراگاتىن لاستاۋشى زاتتاردى ەرەكشە از شىعاراتىن ەتىپ وزگەرتتىك. ەكولوگيالىق ورتاعا زالال كەلتىرۋ جاۋاپكەرلىگىن قۋزاستىرۋ ءتۇزىمىن شىعارىپ، قارامايلى جاراتىلىستىق قورىعىنىڭ اۋدانىن زاڭسىز كەمىتۋ، بەلگىلەمەگە قايشى قۇرىلىستار سالۋ سياقتى ەكولوگيالىق ورتانى ءبۇلدىرۋ ارەكەتتەرىنە بايلانىستى جاۋاپكەرلىكتى قاتاڭ قۋزاستىرىپ، قاتاڭ جاۋاپقا تارتتىق. ەكولوگيالىق وركەنيەت قۇرىلىسىن بۇعان دەيىن بولماعان كۇشتى بەكىم، زور نيەتپەن ىلگەرىلەتىپ، بۇرىن قول جەتپەگەن كەسەك تابىسقا جەتتىك!

  (8) شينجياڭعا باعىتتامالى كومەكتەسۋ قىزمەتىن كۇش سالا ىلگەرىلەتتىك. شينجياڭعا باعىتتامالى كومەكتەسۋ قىزمەتى جونىندەگى مەملەكەتتىك 66 - رەتكى ءماجىلىستىڭ رۋحىن مۇقيات تياناقتاندىردىق، شينجياڭعا باعىتتامالى كومەكتەسەتىن 19 ولكە، قالا كەدەيلىكتەن قۇتىلدىرۋدان قامال الۋدى جانە حالىق تۇرمىسى سالاسىن نازارعا الىپ، شينجياڭعا باعىتتامالى كومەكتەسۋگە 15 ميلليارد 180 ميلليون يۋان قاراجات ءبولىپ، اۋىل - قىستاق بەيقۇت ۇيلەرى، لاشىقتى اۋماقتاردى جاڭالاۋ، وقۋ - اعارتۋ، جۇمىسقا ورنالاستىرۋ، ەمدەۋ، ت. ب سالالار بويىنشا حالىق تۇرمىسى نىساندارىنىڭ ەلەۋلى ءبىر توبىن اتقاردى. شينجياڭعا شارۋاشىلىق سالالارى بويىنشا كومەكتەسۋدى بار كۇشپەن ىلگەرىلەتىپ، توقىما جانە كيىم - كەشەك، ەلەكتروندىق ونىمدەردى وڭدەۋ، اۋىل شارۋاشىلىق ونىمدەرىن وڭدەۋ، ساياحات، مادەنيەت سياقتى سالالار بويىنشا ەڭبەكتى كوپ قاجەتسىنەتىن شارۋاشىلىق تۇرلەرىنەن ءبىر توبىن ەنگىزدىك. شينجياڭعا باعىتتامالى كومەكتەسۋشى ولكە، قالالارداعى كاسىپورىنداردى شينجياڭدىق از ۇلتتاردى جۇمىسقا الۋعا بەلسەندى تۇردە جەتەكتەپ، كوپ ساتىلى ارالاسۋ، ىشتەسۋ، توعىسۋ تۇعىرىن ازىرلەپ، شينجياڭعا باعىتتامالى كومەكتەسۋدىڭ قوعام ورنىقتىلىعىن قورعاۋ، ۇلتتار ىنتىماعىن نىعايتۋ جاعىنداعى ەرەكشە رولىن تولىق ساۋلەلەندىردىك. ورتالىق جانە مەملەكەتتىك ورگانداردان، ورتالىق كاسىپورىنداردان، ولكە، قالالاردان شينجياڭعا كومەككە كەلگەن كادر - دارىندىلار شينجياڭ دالاسىنا ماڭداي تەرىن توگىپ، اقىل - پاراساتىن ارنادى، ولاردىڭ ەڭبەگى مەن ۇلەسى جۇرەگىمىزدە ماڭگى ساقتالادى!

  (9) ۇكىمەتتىڭ ءوز قۇرىلىسىن كۇش سالا نىعايتتىق. پارتيانىڭ باسشىلىعىن ۇكىمەت قىزمەتىنىڭ تۇتاس بارىسىمەن ساباقتاستىرۋعا تاباندى بولىپ، پارتيا 19 - قۇرىلتايىنىڭ رۋحىن مۇقيات ۇيرەنىپ جانە دايەكتىلەندىرىپ، «ەكىنى ۇيرەنۋ، بىردە تولىمدى بولۋ» ۇيرەنۋ - تاربيەسى مەن «ۇيرەنۋ، بۇرىلىس جاساۋ، جەبەۋ» ارناۋلى قيمىلىن تىڭعىلىقتى ورىستەتىپ، ۇكىمەت جۇيەسىندەگى پارتيا ۇيىمدارىنىڭ باسشىلىق رولىن ونان سايىن قاتايتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن اۆتونوميالى رايوندىق پارتكومنىڭ شەشىم - ورنالاستىرۋلارىن دايەكتىلەندىرۋگە، تياناقتاندىرۋعا بەرىك ساياسي كەپىل ازىرلەدىك. حالىق قۇرىلتايى مەن ونىڭ تۇراقتى كوميتەتىنىڭ زاڭدىق باقىلاۋىن، حالىق ساياسي كەڭەسىنىڭ دەموكراتيالىق باقىلاۋىن سانالى تۇردە قابىلداپ، حالىق قۇرىلتايىنىڭ كەڭەس جوباسى (ۇسىنىس) مەن ساياسي كەڭەستىڭ ۇسىنىس جوباسىن قۇنتتاپ ىستەدىك. زاڭمەن جونگە سالىناتىن ۇكىمەت قۇرىلىسىن بار كۇشپەن ىلگەرىلەتىپ، ورنىقتىلىقتى قورعاۋ، ەكولوگيالىق ورتانى قورعاۋ سياقتى ەلەۋلى سالالارداعى زاڭ شىعارۋ قىزمەتىنىڭ تەبىنىن ارتتىردىق. زاڭ اتقارۋشى قىزمەتكەرلەردى تىزىمگە، تىركەۋگە الىپ، ولاردىڭ تولىمدىلىعىن تەكسەرىپ، ولارعا ينتەرنەتتە باعالاۋ جۇرگىزىپ، زاڭنىڭ ءادىل، مادەنيەتتى اتقارىلۋىن جەبەدىك. اكىمشىلىك ىستەر بويىنشا شەشىم قابىلداۋ، اتقارۋ، باسقارۋ، قىزمەت كورسەتۋدىڭ جانە قول جەتكەن ناتيجەنىڭ جاريالىلىعىن تىڭعىلىقتى ىلگەرىلەتتىك. اۆتونوميالى رايون بويىنشا «توتەنشە جاعدايعا قاۋىرت توتەپ بەرۋ» قىزمەت جۇيەسىن ورناتىپ، جىڭداعى 6.6 بال جەر سىلكىنىسى سياقتى 60 نەشە توسىن وقيعاعا ءونىمدى تۇردە توتەپ بەرىپ جانە ءبىر جاقتى ەتىپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن مۇمكىندىكتىڭ بارىنشا قورعادىق. جاۋاپكەرشىلىكتى باتىل ارقالاۋ، شىن يگەرىپ، شىنايى ىستەۋ تاڭداۋلى ستيلىن بار كۇشپەن ساۋلەلەندىرىپ، «4 ءتۇرلى بۇرىس ستيل» مەن «4 تەرىس پيعىلعا» باتىل قارسى تۇردىق. ۇكىمەت جۇيەسىندە پارتيا ستيلى، پاكتىك قۇرىلىسىن ىشكەرىلەي ىلگەرىلەتىپ، جەمقورلىقپەن كۇرەستە جابىق ءوڭىر بولماۋعا، تولىق قامتۋعا، نولدىك توزىمدىلىك تانىتۋعا تاباندى بولدىق، جەمقورلاردىڭ ءبىر توبى پارتيا ءتارتىبى مەن مەملەكەت زاڭىنىڭ قاتاڭ جازاسىنا تارتىلدى!

  ۋاكىلدەر!

  شينجياڭ ءوندىرىس - قۇرىلىس بيڭتۋانى − اۆتونوميالى رايوننىڭ ماڭىزدى قۇرامداس بولىگى. اۆتونوميالى رايوندىق پارتكومنىڭ باسشىلىعىندا، بيڭتۋان مەن جەرگىلىكتى ورىننىڭ توعىسپالى دامۋىن بەلسەندىلىكپەن ىلگەرىلەتىپ، بيڭتۋاننىڭ رەفورمانى تەرەڭدەتۋىنە جانە وڭتۇستىككە قاراي دامۋىنا قولداۋ كورسەتىپ، بيڭتۋاننىڭ ءتۇرلى قىزمەتتە جاڭا تابىستار مەن جاڭا ىلگەرىلەۋشىلىكتەرگە ۇزدىكسىز قول جەتكىزۋىن ىلگەرىلەتىپ، بيڭتۋاننىڭ ورنىقتىلىقتى قورعاۋ، شەكارانى ساقتاۋ جاۋاپكەرشىلىگى مەن مىندەتىن اناعۇرلىم ويداعىداي وتەپ، بيڭتۋاننىڭ ىرگەنى بەكەمدەپ، شەكارانى نىعايتۋدىڭ ورنىقتىرعىشى، ءار ۇلت جۇرتشىلىعىن جۇمىلدىراتىن دومنا پەش، وزىق وندىرگىش كۇشتەر مەن وزىق مادەنيەتتەن ۇلگى كورسەتۋشى رايون رەتىندەگى «3 ءىرى فۋنكتسياسىن» ءتىپتى جاقسى ساۋلەلەندىرىپ، بيڭتۋاننىڭ قوعامدىق قۇرىلىمدى رەتتەۋ، مادەني بايلانىستاردى دەمەۋ، وڭىرلىك سايكەستىلىكتى جەبەۋ، دەموگرافيالىق بايلىقتى ساپالىلاندىرۋ سىندى «4 ۇلكەن رولىن» ءتىپتى جاقسى ساۋلەلەندىرىپ، شينجياڭنىڭ ەكونوميكالىق، قوعامدىق دامۋىنا بەلسەندى ۇلەس قوسىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋدا ايرىقشا رول اتقاردىق.

  ۋاكىلدەر!

  وتكەن 5 جىلداعى تابىستارعا وڭاي قول جەتكەن جوق، بۇل تابىستار − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن شىنايى قامقورلىعىنىڭ ناتيجەسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ناتيجەسى، مەملەكەتتىڭ مينيسترلىك - كوميتەتتەرىنىڭ بار كۇشپەن قولداپ - قۋاتتاۋىنىڭ جانە باعىتتامالى كومەكتەسۋشى ولكە، قالالاردىڭ قالتقىسىز جاردەم بەرۋىنىڭ ناتيجەسى، اۆتونوميالى رايوندىق پارتكومنىڭ باسشىلىعىندا شينجياڭداعى ءار ۇلت حالقىنىڭ بەرەكە - بىرلىكپەن كۇرەس جۇرگىزۋىنىڭ ناتيجەسى، وعان حالىق قۇرىلتايى ۋاكىلدەرى مەن ساياسي كەڭەس مۇشەلەرىنىڭ دە قاجىرلى ەڭبەگى سىڭگەن. وسى ورايدا، مەن اۆتونوميالى رايوندىق حالىق ۇكىمەتى اتىنان بۇكىل شينجياڭداعى قالىڭ جۇمىسشىلارعا، شارۋالارعا، كادرلارعا، زيالىلارعا، دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە، پارتيادا، توپتا جوق قايراتكەرلەرگە، حالىقتىق ۇيىمدار مەن قوعامنىڭ ءار سالاسىنداعى قايراتكەرلەرگە، شينجياڭدا تۇراتىن حالىق ازاتتىق ارمياسى مەن قارۋلى ساقشى بولىمدەرىنىڭ كوماندير - جاۋىنگەرلەرىنە، قوعام حاۋىپسىزدىك كادر - ساقشىلارىنا، ورتالىقتىڭ شينجياڭدا تۇراتىن ورىندارىنا، شينجياڭعا باعىتتامالى كومەكتەسۋشى ولكە، قالالارعا جانە كومەككە كەلگەن بارلىق كادرلارعا، حالىق قۇرىلتايى ۋاكىلدەرىنە، ساياسي كەڭەس مۇشەلەرىنە شىن جۇرەكتەن العىس ايتامىن!

  اماليات بارىسىندا شينجياڭنىڭ ءالى دە ەكى بىردەي «3 مەزگىل قاباتتاسقان» اۋىر جاعدايعا ءدوپ كەلىپ، ەكونوميكالىق، قوعامدىق دامۋدا تاعى تالاي قيىنشىلىق پەن ماسەلە ورىن تەۋىپ وتىرعانىن جىعا تانىپ - بىلدىك، باستىسى: قوعام ورنىقتىلىعىن قورعاۋ مىندەتى ءالى جاپالى دا اۋىر، قوعامدىق باسقارۋدىڭ قابىلەت - دەڭگەيىن كوتەرە تۇسۋگە تۋرا كەلەدى؛ ەكونوميكالىق قۇرىلىم سايكەسسىز، شارۋاشىلىق قۇرىلىم ۇيلەسىمسىز، وندىرىستىك قۋاتتىڭ ارتىلۋى مەن سۇرانىس قۇرىلىمىنىڭ جاڭارۋى اراسىنداعى قايشىلىق ءالى اۋىر؛ ەكونوميكالىق دامۋدىڭ ساپاسى مەن تيىمدىلىگى جوعارى ەمەس، جاڭالىق اشۋ قابىلەتى كۇشتى ەمەس، ءۇرتىس ارتۋدىڭ جاڭا قوزعاۋشى كۇشى جەتكىلىكتى ەمەس؛ شيكىزات پەن زات اينالىمى شىعىنىنىڭ ءوسۋى سياقتى فاكتورلاردىڭ اسەرىنەن، ناقتى ەكونوميكانى دامىتۋدا ءبىرقاتار قيىندىق ورىن تەۋىپ وتىر؛ كەدەيلىكتەن قۇتىلدىرۋدان قامال الۋ مىندەتى اۋىر، اسىرەسە، وڭتۇستىك شينجياڭداعى 3 ايماق، ءبىر وبلىستا كەدەيلىكتەن قۇتىلدىرۋدان قامال الۋ نىساناسىن كوزەۋلى ساتتە ىسكە اسىرۋ مىندەتى وتە جاپالى؛ دامۋدىڭ تولىق، بىركەلكى بولماۋ ماسەلەسى كۇشتى، وڭتۇستىك - سولتۇستىك شينجياڭ اراسىنداعى دامۋ ايىرماسى ءالى الشاقتاۋ، اسىرەسە، وڭتۇستىك شينجياڭنىڭ نەگىزدىك قۇرىلعى قۇرىلىستارى سالىستىرمالى تۇردە ارتتا قالعان، نەگىزگى الەۋمەتتىك قىزمەت كورسەتۋ قابىلەتى جەتكىلىكتى ەمەس، حالىق تۇرمىسى سالاسىندا تاعى ءبىرتالاي ولقىلىق بار، بۇقارانىڭ كۇن كورىسى ءالى ءبىرشاما قيىنداۋ؛ ەكولوگيالىق ورتانى قورعاۋ مەن لاستانۋدى جونگە سالۋ مىندەتتەرى وتە اۋىر. ۇكىمەت جۇيەسىنىڭ ستيل قۇرىلىسىندا ورىن تەپكەن ماسەلەلەر از ەمەس، ورتالىقتىڭ شەشىم - ورنالاستىرۋى مەن اۆتونوميالى رايوننىڭ تالاپ - ورنالاستىرۋىن دايەكتىلەندىرۋ، تياناقتاندىرۋدا، كەي جەرلەر مەن تاراۋلاردىڭ ستيلى تىڭعىلىقتى، قىزمەتى جىنتىكتى ەمەس، «ۇقىقتى تومەنگە بەرۋ، باسقارۋ، قىزمەت كورسەتۋ» رەفورماسىنىڭ قارقىنى جەتكىلىكتى ەمەس، ۇكىمەت ورگاندارىنداعى كەي قىزمەتكەرلەردىڭ بويىندا جۇمىس تىندىرماۋ، ويىنا كەلگەنىن ىستەۋ، ۇكىمەت جۇمىسىندا سالعىرتتىق، بويكۇيەزدىك ىستەۋ جايتتەرى ورىن تەۋىپ وتىر، كەي سالالاردا جەمقورلىق قۇبىلىستارى كوپ بايقالادى، كەي نەگىزگى ساتى كادرلارىنىڭ بۇقارانىڭ مۇددەسىنە سۇعاناقتىق جاساۋ ماسەلەسى ءبىرشاما اۋىر، بۇل پارتيا مەن ۇكىمەتتىڭ وبرازىنا ورەسكەل كىر كەلتىرىپ وتىر. ءبىز پارتيا مەن حالىق الدىندا بارىنشا جاۋاپتى بولۋ رۋحىمەن، قيىنشىلىق پەن ماسەلەلەرگە بەتپە - بەت كەلىپ، جاسامپاز وي، جالتارماس باتىلدىقپەن، ورىن تەپكەن ماسەلەنى باعىتتامالى تۇردە شەشۋگە ايرىقشا كۇش سالىپ، ءار ۇلت حالقىنىڭ ءۇمىت - تىلەگىن، ءسوز جوق، اقتايمىز.

  ەكىنشى، الداعى 5 جىلداعى قىزمەتتەر جونىندە جالپىلىق ورنالاستىرۋ

  الداعى 5 جىل − شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 199 - قۇرىلتايىنىڭ رۋحىن ىشكەرىلەي دايەكتىلەندىرىپ، جاپپاي دوڭگەلەك داۋلەتتى قوعام ورناتىپ، العاشقى 100 جىلدىق كۇرەس نىساناسىن ىسكە اسىرىپ، سوتسياليستىك وسىزامانداندىرۋدى جاپپاي ورىنداۋدىڭ جاڭا ساپارىن باستاپ، ەكىنشى 100 جىلدىق كۇرەس نىساناسىنا قاراي جورىق تارتاتىن ماڭىزدى كەزەڭ، سونداي - اق شينجياڭنىڭ قوعام ورنىقتىلىعى مەن باياندى تىنىشتىعىنىڭ بەرىك نەگىزىن بەكەمدەي تۇسەتىن شەشۋشى كەزەڭ. الدا ءبىزدى اۋىر سىن - سايىستارمەن قاتار، كوپتەگەن ءتيىمدى شارت - جاعدايلار دا كۇتىپ تۇر.

  باس شۋجي شي جينپيڭ: جۇڭگوشا سوتسياليزم جاڭا داۋىرگە ءوتتى، ەلىمىزدىڭ ەكونوميكالىق دامۋى دا جاڭا داۋىرگە ءوتتى، - دەپ اتاپ كورسەتتى. جاڭا داۋىردە، ەلىمىز قوعامىنىڭ باستى قايشىلىعىندا تەرەڭ وزگەرىس تۋىلدى، ەلىمىزدىڭ ەكونوميكاسى جوعارى جىلدامدىقپەن ءوسۋ ساتىسىنان جوعارى ساپالى دامۋ ساتىسىنا بۇرىلىس جاسادى. جاڭا داۋىرگە بەيىمدەلىپ، جاڭا تالاپتاردى نازارعا الىپ، جاڭا ورنالاستىرۋلاردى تياناقتاندىرۋ ءۇشىن، ءبىز، ءسوز جوق، ەلىمىز قوعامىنداعى باستى قايشىلىقتىڭ وزگەرىسىن مىقتاپ يگەرىپ، ەكونوميكانىڭ جوعارى ساپالى دەڭگەيگە قادام تاستاۋىنا بەلسەندى تۇردە جەتەكشىلىك ەتىپ، جاڭا دامۋ ۇستانىمىنا ۇيلەسپەيتىن، سايكەسپەيتىن، ءتىپتى كەرەعار كەلەتىن تانىم، ارەكەت، ادىستەردى باتىل تۇزەتىپ، قيىندىقتان تايسالماي، كەدەرگىگە بوگەلمەي، شينجياڭنىڭ دامۋ تاسىلىندە، ەكونوميكالىق قۇرىلىمىندا جانە ءوسۋ قۋاتىندا تاريحي وزگەرىستەردىڭ جارىققا شىعۋىن ىسكە اسىرۋىمىز قاجەت. ءبىز ءۇشىن بۇل وڭتايلى وراي ءارى سىناق پەن سايىس تا. سونىمەن قاتار، شينجياڭنىڭ زورلىقتى كۇش، لاڭكەستىك ارەكەتتەرىنىڭ ءورشۋ مەزگىلى، بولشەكتەۋشىلىككە قارسى كۇرەستىڭ قيان - كەسكى مەزگىلى، ينتەرۆەنتسيالىق ەمدەۋدىڭ تولعاقتى مەزگىلى − وسى «3 مەزگىل قاباتتاسقان» احۋالىندا تۇبەگەيلى وزگەرىس بولعان جوق، بولشەكتەۋشىلىك پەن بولشەكتەۋشىلىككە قارسى تۇرۋ كۇرەسى ۇزاققا جالعاسادى، كۇردەلى، وتكىر بولادى، كەيدە ءتىپتى وتە قيان - كەسكى جۇرەدى، بولشەكتەۋشىلىككە قارسى كۇرەستىڭ ارقاۋىن ءبىر ءسات تە بوساڭسىتۋعا بولمايدى.

  الداعى 5 جىلدا، ءبىزدى كوپتەگەن وڭتايلى وراي مەن ءتيىمدى شارت - جاعداي كۇتىپ تۇر. پارتيانىڭ 19 - قۇرىلتايى جۇڭگوشا سوتسياليزم ۇلى تۋىن بيىك ۇس−تاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن پارتيامىز، ءسوز جوق، ۇزاق مەرزىم تاباندى بولۋعا ءتيىستى جەتەكشى يدەيا ەتىپ بەلگىلەپ، جۇڭحۋا ۇلتىنىڭ ۇلى گۇلدەنۋىن ىسكە اسىرۋدىڭ ايبىندى جوباسىن ايقىن العا قويدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن كوڭىلدەگىدەي جازۋىمىزعا قۇدىرەتتى يدەيالىق قارۋ جانە ارەكەت باعدارلاماسىن ازىرلەپ، بۇكىل اۆتونوميالى رايونداعى ءار ۇلت حالقىن مەيلىنشە دەمەپ، شابىتتاندىردى. شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭدى جونگە سالۋدىڭ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تۇراقتاندىرىپ، ءبىزدىڭ شينجياڭ قىزمەتىن ويداعىداي ىستەۋىمىزگە العا باسۋ بەتالىسىن كورسەتىپ، ءتۇبىرلى نەگىز ازىرلەدى. پارتيا ورتالىق كوميتەتى «ءبىر بەلدەۋ، ءبىر جول» ستراتەگياسىن ىشكەرىلەي ىلگەرىلەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن العا جىلجىتىپ، باتىس بولەكتى اشۋ تەبىنىن ارتتىرىپ، شينجياڭنىڭ ەكونوميكالىق، قوعامدىق دامۋىنا كەڭ ءورىس ازىرلەدى. ءبىز پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ ءتۇرلى قىزمەتىندە جاڭا جاعداي اشۋعا مىعىم بەل بايلاپ، نىق سەنىم ارتىپ وتىرمىز!

  الداعى 5 جىلداعى ۇكىمەت قىزمەتى تۋرالى جالپى وي جۇلگەسى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن كەلەلى نۇسقاۋلارىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ جانە تياناقتاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن دايەكتىلەندىرىپ جانە تياناقتاندىرىپ، اۆتونوميالى رايوندىق پارتكومنىڭ شەشىم - ورنالاستىرۋى بويىنشا، پارتيانىڭ ەكونوميكالىق قىزمەتكە باسشىلىعىن كۇشەيتىپ، قىزمەتتىڭ ورنىقتىلىق بارىسىندا ىلگەرىلەۋ دەگەن نەگىزگى اۋەنىنەن جازباي، جاڭا دامۋ ۇستانىمىنا تاباندى بولىپ، ەلىمىز قوعامىنداعى باستى قايشىلىقتىڭ وزگەرىسىنە تىعىز قابىستىرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، اۆتونوميالى رايوندى عىلىم - تەحنيكا ارقىلى گۇلدەندىرۋ ستراتەگياسىن، اۆتونوميالى رايوندى دارىندىلار ارقىلى قۇدىرەتتەندىرۋ ستراتەگياسىن، جاڭالىق اشۋدى جەتەكشى ەتكەن دامۋ ستراتەگياسىن، اۋىل - قىستاقتاردى وركەندەتۋ ستراتەگياسىن، وڭىرلىك سايكەستى دامۋ ستراتەگياسىن، باياندى دامۋ ستراتەگياسىن، ارميا مەن حالىقتىڭ توعىسپالى دامۋى ستراتەگياسىن بار كۇشپەن اتقارىپ، ەلەۋلى حاۋىپ - قاتەردەن ساقتانۋ، كەدەيلىكتەن دالمە - ءدال قۇتىلدىرۋ، لاستانۋدان ساقتانۋ، ونى جونگە سالۋ دەگەن 3 ۇلكەن قامال الۋ شايقاسىن باتىلدىقپەن ويداعىداي جۇرگىزىپ، جاپپاي دوڭگەلەك داۋلەتتى قوعامدى بۇكىل ەل قاتارلى قۇرىپ شىعىپ، سوتسياليستىك وسىزاماندانعان مەملەكەتتى جاپپاي قۇرۋدىڭ جاڭا ساپارىن باستاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋعا قۇلشىنۋ.

  الداعى 5 جىلداعى ۇكىمەت قىزمەتىنىڭ ءتۇيىندى مىندەتتەرى:

  (1) نازاردى باس نىساناعا شوعىرلاندىرىپ، قوعامدىق جالپى جاعدايدىڭ جاراسىمدىلىعى مەن ورنىقتىلىعىنا كەپىلدىك ەتۋ. باس شۋجي شي جينپيڭ: قوعام ورنىقتىلىعى مەن باياندى تىنىشتىق − شينجياڭ قىزمەتىنىڭ باس نىساناسى. شينجياڭ قىزمەتى ويداعىداي ىستەلدى مە، جوق پا، تۇپتەپ كەلگەندە، بولشەكتەۋشىلىككە قارسى تۇرۋ كۇرەسىنىڭ قالاي جۇرگىزىلگەنىنە، تىنىش تا ىنتىماقتى ساياسي جاعدايدىڭ، جاراسىمدى دا ورنىقتى قوعامدىق جاعدايدىڭ ساقتالعان - ساقتالماعانىنا قاراۋ كەرەك، - دەپ اتاپ كورسەتتى. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن بۇلجىتپاي يگەرىپ، پارتيا ورتالىق كوميتەتىنىڭ شەشىم - ورنالاستىرۋىن باتىل دايەكتىلەندىرىپ، اۆتونوميالى رايوندىق پارتكومنىڭ ورنالاستىرۋ - تالاپتارى بويىنشا، قاي - قاشان دا نازاردى باس نىساناعا شوعىرلاندىرىپ، لاڭكەستىككە قارسى تۇرۋ، ورنىقتىلىقتى قورعاۋ شارالارىن جاپپاي تياناقتاندىرىپ، الەۋمەتتىك اسپەكتىلەردى باقىلاۋ - تىزگىندەۋ، بۇقارالىق قىزمەت سياقتى نەگىزدىك قىزمەتتەردى ۇزدىكسىز جاقسى ىستەپ، يدەولوگيا سالاسىنداعى بولشەكتەۋگە، سىنالاپ كىرۋگە قارسى تۇرۋ كۇرەسىن ۇزبەي تەرەڭدەتىپ، قوعامدىق جالپى جاعدايدىڭ ءۇرتىس، باياندى، جاپپاي ورنىعۋىن قۇلشىنا ىسكە اسىرىپ، شينجياڭنىڭ ءبىر ميلليون 600 مىڭ شارشى كيلومەتردەن استام بايتاق دالاسىن ويداعىداي قورعاۋىمىز، ورنىقتىرۋىمىز، دامىتۋىمىز قاجەت!

  (2) جاڭا دامۋ ۇستانىمىن دايەكتىلەندىرىپ، شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋ. باس شۋجي شي جينپيڭ: ەلىمىزدىڭ ەكونوميكاسى جوعارى جىلدامدىقپەن ءوسۋ ساتىسىنان جوعارى ساپالى دامۋ ساتىسىنا اياق باستى، قازىر دامۋ تاسىلىنە بۇرىلىس جاساۋدىڭ، ەكونوميكالىق قۇرىلىمدى ساپالىلاندىرۋدىڭ، ءوسۋدىڭ قوزعاۋشى كۇشىن تۇرلەندىرۋدىڭ قامال الۋ كەزەڭىندە تۇر، وسىزاماندانعان ەكونوميكالىق جۇيە ورناتۋ − وتكەلدەن ءوتۋدىڭ كوكەي تەستى تالابى جانە ەلىمىز دامۋىنىڭ ستراتەگيالىق نىساناسى، - دەپ اتاپ كورسەتتى. ءبىز جوعارى ساپالى دامۋ دەگەن ءتۇبىرلى تالاپتى مىقتاپ يگەرىپ، ساپانى ءبىرىنشى ورىنعا قويۋعا، تيىمدىلىككە الدىمەن ءمان بەرۋگە تاباندى بولىپ، قامداۋ جاعىنداعى قۇرىلىمدىق رەفورمانى بار كۇشپەن ىلگەرىلەتىپ، ساپانىڭ، تيىمدىلىكتىڭ، قوزعاۋشى كۇشتىڭ وزگەرىسىن جەبەپ، ەكونوميكالىق دامۋدىڭ تياناعىن ناقتى ەكونوميكاعا قويىپ، قامداۋ جۇيەسىنىڭ ساپاسىن كوتەرۋدى قامال الۋ بەتالىسى، جاڭالىق اشۋدى دامۋدى العا جەتەكتەيتىن تۇپكى قوزعاۋشى كۇش ەتىپ، 1 - كاسىپتىڭ دەڭگەيىن جوعارىلاتۋعا، 2 - كاسىپتە تۇيىندەردى يگەرۋگە، 3 - كاسىپتى قاۋىرت دامىتۋعا تاباندى بولىپ، تۇيىندەردى يگەرۋ مەن ولقىلىقتاردى تولىقتاۋدى جانە وسال تۇستاردى كۇشەيتۋدى كورنەكتىلەندىرىپ، شينجياڭنىڭ ەرەكشەلىگىنە جانە جوعارى ساپا تالابىنا ۇيلەسەتىن وسىزاماندانعان ەكونوميكالىق جۇيەنى قۇلشىنا ورناتىپ، اناعۇرلىم ساپالى، اناعۇرلىم ءتيىمدى، اناعۇرلىم ءادىل، اناعۇرلىم باياندى دامۋدى ىسكە اسىرۋىمىز كەرەك. ۇكىمەتتىڭ قارىزدانۋىنان جانە فينانس قاتەرىنەن باتىل ساقتانىپ جانە ونى جويىپ، ەكونوميكانىڭ جوعارى ساپالى دامۋىن ىسكە اسىرۋ بارىسىندا تىڭ جەتىستىكتەرگە ۇزبەي قول جەتكىزىپ، شينجياڭنىڭ سوتسياليستىك وسىزامانداندىرۋ جاڭا ساپارىنىڭ كوزەۋلى ۋاقىتتا باستالۋىنا كەپىلدىك ەتۋ كەرەك!

  (3) كەدەيلىكتەن قۇتىلدىرۋدان قامال الۋ شايقاسىن باتىلدىقپەن جۇرگىزىپ، جاپپاي دوڭگەلەك داۋلەتتى قوعام قۇرۋعا كەپىلدىك ەتۋ. باس شۋجي شي جينپيڭ: اۋىل - قىستاقتارداعى كەدەيلەردى كوزەۋلى ۋاقىتتا كەدەيلىكتەن قۇتىلدىرۋ، كەدەي اۋدانداردىڭ بارلىعىنىڭ كەدەيلىك قالپاعىن تاستاۋى، وڭىرلىك جاپپاي كەدەيلىكتى جويۋ − جاپپاي دوڭگەلەك داۋلەتتى قوعام قۇرىپ شىعۋدىڭ ادەپكى مىندەتى، ءبىزدىڭ ايبىندى ۋادەمىز، - دەپ اتاپ كورسەتتى. كەدەيلىكتەن دالمە - ءدال قۇتىلدىرۋدان قامال الۋ شايقاسىن باتىلدىقپەن جۇرگىزىپ، 2020 - جىلعا دەيىن، تۇرمىس دەڭگەيى قازىرگى قولدانىستاعى ولشەمنەن تومەن ءبىر ميلليون 897 مىڭ 800 كەدەيدىڭ تولىقتاي كەدەيلىكتەن قۇتىلۋىنا، 28 كەدەي اۋداننىڭ تولىقتاي كەدەيلىك قالپاعىن تاستاۋىنا كەپىلدىك ەتىپ، اۆتونوميالى رايونىمىزداعى كەدەي وڭىرلەردىڭ، كەدەي حالىقتىڭ بۇكىل ەل قاتارلى جاپپاي دوڭگەلەك داۋلەتتى قوعامعا اياق باسۋىنا كەپىلدىك ەتۋىمىز قاجەت. وڭتۇستىك شينجياڭنىڭ 3 ايماق، ءبىر وبلىسىنداعى اۋىر كەدەي وڭىرلەردى نەگىزگى مايدان ەتىپ، 22 اۋىر كەدەي اۋدان، 1962 اۋىر كەدەي قىستاق، ءبىر ميلليون 627 مىڭ 500 اۋىر كەدەيدى كەدەيلىكتەن قۇتىلدىرۋدان قامال الۋدىڭ وزەكتى ءتۇيىنى ەتىپ، اناعۇرلىم جيناقى قولداۋ كورسەتىپ، اناعۇرلىم پارمەندى شارا قولدانىپ، اناعۇرلىم جىنتىكتى قىزمەت ىستەپ، كەدەيلەردى دالمە - ءدال سۇيەمەلدەپ، كەدەيلىكتەن دالمە - ءدال قۇتىلدىرىپ، وڭىرلىك جاپپاي كەدەيلىكتى جويىپ، ناق كەدەيلىكتەن قۇتىلدىرۋىمىز، كەدەيلىكتەن ناق قۇتىلدىرۋىمىز كەرەك.

  (4) حالىقتى وزەك ەتۋگە تاباندى بولىپ، حالىق تۇرمىسىن قامتاماسىز ەتۋ جانە جاقسارتۋ. باس شۋجي شي جينپيڭ: حالىقتىڭ تاماشا تۇرمىسقا دەگەن تالپىنىسى − ءبىزدىڭ كۇرەس نىسانامىز ەكەندىگىن ەستە بەرىك ساقتاۋعا ءتيىسپىز. ءسوز جوق، حالىقتىڭ مۇددەسىن قاشاندا بارىنەن بيىك قويۋ كەرەك، - دەپ اتاپ كورسەتتى. ءبىز حالىقتى وزەك ەتكەن دامۋ يدەياسىن ءتۇرلى قىزمەتپەن ساباقتاستىرۋعا تاباندى بولىپ، حالىق بۇقاراسىنىڭ رەفورما مەن دامۋ جەتىستىكتەرىنەن اناعۇرلىم كوپ، اناعۇرلىم ءادىل يگىلىكتەنۋىنە مۇمكىندىك جاساۋىمىز كەرەك ءارى كۇشىمىزدى سارقا جۇمساپ، ءارى شاماعا قاراي شارىقتاپ، حالىق جۇرتشىلىعى ەڭ كوڭىل بولەتىن، ەڭ تىكە، ەڭ ناقتى مۇددە ماسەلەسىن باسا يگەرىپ، ءىستى بىردەن - بىردەن تىندىرىپ، جۇمىستى جىلدان - جىلعا ۇدەتىپ، بۇقارانىڭ جۇمىسقا ورنالاسۋ، ءبىلىم الۋ، ەمدەلۋ، تۇرعىن ءۇي، زەينەتكەرلىك، حاۋىپسىزدىك، قورشاعان ورتا، ادىلدىك سياقتى جاقتاردا ۇشىراعان قيىنشىلىقتارىن شىن مانىندە ويداعىداي شەشىپ، سابيگە بالاباقشا، وقۋشىعا مەكتەپ، ەڭبەككە تابىس، اۋرۋعا ەم - دوم، قارتتارعا زەينەت، باسقا باسپانا، السىزگە سۇيەمەل بولۋ جاعىندا تىڭ ىلگەرىلەۋشىلىكتەرگە جەتۋگە قۇلشىنىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ونان سايىن مىعىم، قامتاماسىز جانە باياندى ەتىپ، تۇرمىستارىن جىلدان - جىلعا جاقسارتا ءتۇسۋىمىز كەرەك!

  (5) جاسىل دامۋعا تاباندى بولىپ، كورىكتى شينجياڭ قۇرۋعا قۇلشىنۋ. باس شۋجي شي جينپيڭ: ەكولوگيالىق وركەنيەت ورناتۋ − جۇڭحۋا ۇلتىنىڭ تۇراقتى دامۋىنا قاتىستى ۇلى جوبا، - دەپ اتاپ كورسەتتى. ءبىز «ءمولدىر وزەن، جاسىل تاۋ − باعا جەتپەس بايلىق، اق قار، كوك مۇز دا − باعا جەتپەس بايلىق» دەگەن ۇستانىمدى بەرىك ورناتىپ، ءوندىرىس وركەندەگەن، تۇرمىس توق، ەكولوگيا تاماشا وركەنيەتتى دامۋ جولىنان جازباي، سوتسياليستىك ەكولوگيالىق وركەنيەت كوزقاراسىن دامۋدىڭ ءتۇرلى بۋىنىندا دايەكتىلەندىرىپ، قورشاعان ورتانى جانىمىزداي قورعاۋىمىز كەرەك. ءتىپتى زور بەكىممەن، ءتىپتى پارمەندى شارا قولدانىپ، لاستانۋدىڭ الدىن الۋ، ونى جونگە سالۋدان قامال الۋ شايقاسىن باتىل جۇرگىزىپ، نەگىزگى لاستاۋشى زاتتاردىڭ جالپى شىعارىلىمىن قاۋىرت ازايتىپ، ەكولوگيالىق ورتانىڭ ساپاسىن تۇتاسىمەن جاقسارتىپ، جاسىل دامۋ ءتاسىلى مەن ءومىر سالتىن قالىپتاستىرىپ، وسىزامانداندىرۋ قۇرىلىسىندا ادام مەن تابيعات جاراسىمدى سەلبەسكەن جاڭا جۇيەنىڭ قالىپتاسۋىن ىلگەرىلەتىپ، تاۋى مانات، سۋى تۇنىق، اسپانى زەڭگىر، جەرى جاسىل كورىكتى شينجياڭ قۇرۋعا قۇلشىنىپ، باس شۋجي شي جينپيڭنىڭ «كورىكتى شينجياڭ قۇرىپ، وتان ارمانىنا قاتار قانات قاعايىق» دەگەن تالابىن شينجياڭنىڭ بايتاق دالاسىنىڭ بار الابىنا التىن ارىپپەن جازامىز!
 قوعام ورنىقتىلىعى مەن باياندى تىنىشتىقتى ىسكە اسىرىپ، جاپپاي دوڭگەلەك داۋلەتتى قوعام ورناتىپ، كورىكتى شينجياڭ قۇرۋعا پارتيا ورتالىق كوميتەتىنىڭ شىنايى ءۇمىتى ارتىلىپ، ءار ۇلت حالىق جۇرتشىلىعىنىڭ كوكەي كەستى تىلەگى سىڭىرىلگەن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، اۆتونوميالى رايوندىق پارتكومنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋگە بەرىك بەل بايلاۋىمەن، بۇكىل اۆتونوميالى رايونداعى ءار ۇلت حالقىنىڭ جۇمىلا كۇرەس جۇرگىزۋى ارقاسىندا، قوعام ورنىقتىلىعى مەن باياندى تىنىشتىق باس نىساناسىنىڭ، بۇكىل ەل قاتارلى جاپپاي دوڭگەلەك داۋلەتتى قوعام قۇرىپ شىعۋ نىساناسىنىڭ، ءسوزسىز، ىسكە اساتىنىنا كامىل سەنەمىز!

  ءۇشىنشى، 2018 - جىلعى نەگىزگى قىزمەتتەر 

  2018 - جىل − پارتيا 19 - قۇرىلتايىنىڭ رۋحىن دايەكتىلەندىرەتىن العاشقى جىل، رەفورما جاساپ، ەسىك اشۋدىڭ 40 جىلدىعى، اۆتونوميالى رايوندىق جاڭا كەزەكتى حالىق ۇكىمەتىنىڭ باستاپقى جىلى، سونداي - اق جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە جەتۋدە جانە «13 - بەسجىلدىق» جوبانى اتقارۋدا وتكەن مەن بولاشاقتى جالعايتىن شەشۋشى جىل، بيىلعى قىزمەتتەردى جاقسى ىستەۋدىڭ ايرىقشا كەلەلى ءمانى بار.

  ۇكىمەتتىڭ بيىلعى قىزمەتى تۋرالى جالپى تالاپ: پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭنىڭ جاڭا ءداۋىر جۇڭگوشا سوتسياليزم ەكونوميكا يدەياسىن مۇقيات دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرى مەن ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسى مەن اۆتونوميالى رايوندىق پارتكومنىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرىپ، تياناقتاندىرىپ، پارتيانىڭ ەكونوميكالىق قىزمەتكە باسشىلىق ەتۋىنە تاباندى بولىپ، قىزمەتتىڭ ورنىقتىلىق بارىسىندا ىلگەرىلەۋ دەگەن نەگىزگى اۋەنىنە تاباندى بولىپ، جاڭا دامۋ ۇستانىمىنا تاباندى بولىپ، ەلىمىز قوعامىنىڭ باستى قايشىلىعىنداعى وزگەرىستەرگە تىعىز قابىستىرىپ، جوعارى ساپالى دامۋ تالابى بويىنشا، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، قاتەردەن ساقتانۋ قىزمەتتەرىن ءبىر تۇتاس ىلگەرىلەتىپ، رەفورما جاساۋ، ەسىك اشۋدى بار كۇشپەن جەبەپ، ماكرولىق تىزگىندەۋدى جاڭالاپ جانە كەمەلدەندىرىپ، ساپانىڭ، تيىمدىلىكتىڭ، قوزعاۋشى كۇشتىڭ وزگەرىسىنە دەمەۋ كورسەتىپ، اۋىر حاۋىپ - قاتەردەن ساقتانۋ جانە ونى جويۋ، كەدەيلىكتەن دالمە - ءدال قۇتىلدىرۋ، لاستانۋدىڭ الدىن الۋ جانە ونى جونگە سالۋ بويىنشا قامال الۋ شايقاستارىن ويداعىداي جۇرگىزۋ جاعىندا تياناقتى ىلگەرىلەۋشىلىكتەرگە جەتىپ، بولجالدى باعىتتاپ جانە ورنىقتىرىپ، حالىق تۇرمىسىن نىعايتىپ جانە جاقسارتىپ، ەكونوميكا مەن قوعامنىڭ ءۇرتىس، اقاۋسىز دامۋىن جەبەپ، قوعامدىق جالپى جاعدايدىڭ ۇزدىكسىز جاراسىمدىلىعى مەن ورنىقتىلىعىن قورعاۋ.

  بيىلعى ەكونوميكالىق، قوعامدىق دامۋدىڭ باستى بولجالدى نىسانالارى: وڭىرلىك جالپى ءونىم قۇنى %7 مولشەرىندە وسەدى، جالپى قوعامدىق مۇلىككە سالىناتىن قارجى %15 مولشەرىندە وسەدى، قوعامدىق تۇتىنۋ بۇيىمدارىنىڭ جالپى بولشەك ساتىلىمى %8 مولشەرىندە وسەدى، ادەتتەگى الەۋمەتتىك مەجە ەسەپ كىرىسى %10 مولشەرىندە وسەدى، قالا، اۋىل تۇرعىندارىنىڭ تابىسى جەكە - جەكە %8.5 مولشەرىندە وسەدى، قالا - قالاشىقتارداعى تىركەلگەن جۇمىسسىزدىق مولشەرى %4.5 ىشىندە مەڭگەرىلەدى، تۇرعىنداردىڭ تۇتىنۋ باعاسىنىڭ قىمباتتاۋى %3.5 ىشىندە مەڭگەرىلەدى.

  وسى ايتىلعان نىسانالار مەن مىندەتتەردى ورىنداۋ ءۇشىن، جالپى جاعدايعا كوز جىبەرىپ، ءبىر تۇتاس جوسپارلاپ جانە تەڭ ءمان بەرىپ، ءتۇيىندى كورنەكتىلەندىرىپ، تەتىكتى مەڭگەرىپ، مىنا بىرنەشە جاقتاعى قىزمەتتەردى باسا يگەرۋ قاجەت:

  (1) نازاردى باس نىساناعا شوعىرلاندىرىپ، جاراسىمدى دا ورنىقتى قوعامدىق ورتانى قۇلشىنا تۇلعالاۋ

  اۆتونوميالى رايوندىق پارتكومنىڭ قوعام ورنىقتىلىعى مەن باياندى تىنىشتىقتى ىسكە اسىرۋ جونىندەگى ءبىر قاتار ورنالاستىرۋلارىن جاپپاي، ىشكەرىلەي تياناقتاندىرىپ، قاتاڭ سوققى بەرۋ ارناۋلى ارەكەتىن ۇزدىكسىز تەرەڭدەتىپ، قاي - قاشان دا قاتاڭ سوققى بەرۋدىڭ تەگەۋرىندى كۇيىن ساقتاپ، ماڭىزدى ورىنداردىڭ بۇكىلدەي حاۋىپسىزدىگىنە كەپىلدىك ەتۋ، بۇقارالىق قىزمەتتى ۇقىپتى جۇرگىزۋ، الەۋمەتتىك اسپەكتىلەردى باقىلاۋ - تىزگىندەۋدىڭ ۇدايىلانۋىن ىسكە اسىرۋ سياقتى ءتۇيىندى قىزمەتتەردى ۇزدىكسىز مىقتى ۇستاۋ، ماڭىزدى سالالارداعى باقىلاۋ - تىزگىندەۋدى كۇشەيتىپ، باقىلاۋ مەن تىزگىندەۋدىڭ قاپىسىز، بۇلتارىسسىز، ولقىلىقسىز بولۋىن قۇلشىنا ىسكە اسىرۋ، شەكارا وڭىرلەردى باسقارۋ - تىزگىندەۋدى كۇشەيتىپ، شەكارا قورعانىسىنىڭ بەرىك قورعانىن تۇرعىزۋ، ينتەرنەت باسقارۋدى كۇشەيتىپ، ينتەرنەت حاۋىپسىزدىگىنە كەپىلدىك ەتۋ، تۇرعىنداردى دالدىكپەن باسقارۋ سياقتى نەگىزدىك قىزمەتتەردى كۇشتى شوعىرلاندىرا وتىرىپ تياناقتى، ناقتى ىستەپ، قوعام ورنىقتىلىعىنىڭ تاعانىن ۇزدىكسىز بەكەمدەپ، ءار ۇلت جۇرتشىلىعىنىڭ الاڭسىز تىرشىلىك ەتۋىنە كەپىلدىك ەتۋ كەرەك. «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتىن توقتاۋسىز ورىستەتىپ، قىستاقتا تۇراتىن قىزمەت اترەتتەرىنىڭ، اۋىر كەدەي قىستاقتاردىڭ ءبىرىنشى شۋجيلەرىنىڭ رولىن تولىق ساۋلەلەندىرىپ، بۇقارالىق قىزمەتتى تىڭعىلىقتى ىستەپ، نەگىزگى ساتى ۇيىمدىق قۇرىلىسىن كۇشەيتىپ، «قارا قوعام سيپاتتى ۇيىمدار مەن سۇرقيا كۇشتەرگە سوققى بەرۋ» ارناۋلى ارەكەتى مەن «قىستاق زورەكەرلەرى» ماسەلەسىن ارناۋلى جونگە سالۋدى ىشكەرىلەي ورىستەتىپ، حالىققا ءتيىمدى ساياساتتاردى ويداعىداي تياناقتاندىرۋ كەرەك. باتىل ءۇن قاتىپ، ايقىن پوزيتسيا ءبىلدىرۋ قيمىلىن ۇزدىكسىز جالعاستىرىپ، «ءۇش ءتۇرلى كۇشتىڭ»، «ەكىبەتكەيلەردىڭ» سۇرقيا ءمانىن تەرەڭ پاش ەتىپ، ورنىقتىلىقتى تاباندى، باتىل قورعايتىن اسا كۇشتى قوعامدىق راي قالىپتاستىرىپ، «ءۇش ءتۇرلى كۇشتىڭ» تىنىستاۋىنا ەشقانداي مۇرسات بەرمەي، ۇلتتىق بولشەكتەۋشىلىكتى قۇردىمعا جىبەرىپ، ءدىني ۇشقارىلىقتى ءتۇپسىز تۇڭعيىققا باتىرىپ، زورلىقتى كۇش، لاڭكەستىك ارەكەتتەرىنىڭ جولىن مۇلدە كەسەمىز!

  (2) ەرەكشە باسىمدىققا يە شارۋاشىلىقتاردى جەتىلدىرىپ جانە زورايتىپ، ناقتى ەكونوميكانىڭ دامۋىن بار كۇشپەن جەبەۋ

  ساپالى دامۋدى ىلگەرىلەتۋدى تىعىز ارقاۋ ەتىپ، قۇرىلىمدى رەتتەۋ، تاسىلگە بۇرىلىس جاساۋ تەبىنىن ارتتىرىپ، شينجياڭدىق ەرەكشەلىككە يە وسىزاماندانعان شارۋاشىلىق جۇيەسىن ورناتۋ كەرەك.

  1 - كاسىپتىڭ دەڭگەيىن كوتەرۋگە تاباندى بولىپ، اۋىل شارۋاشىلىعىنىڭ ساپاسىن جوعارىلاتىپ، تيىمدىلىگىن ارتتىرۋ كەرەك. اۋىل شارۋاشىلىعىنىڭ كاسىپ سالالانۋى مەن اۋىل شارۋاشىلىق قوسىمشا ونىمدەرىن جىنتىكتەي وڭدەۋدى قامال الۋ بەتالىسى ەتىپ، اۋىل شارۋاشىلىعىن جۇرگىزۋشى جاڭا سۋبيەكتىلەردى بار كۇشپەن جەتىلدىرىپ، وسىزاماندانعان اۋىل شارۋاشىلىعىنىڭ سالالىق جۇيەسىن، وندىرىستىك جۇيەسىن جانە باسقارۋ جۇيەسىن جەدەل ورناتۋ كەرەك. ەنگىزۋ مەن جەرگىلىكتى كاسىپورىنداردى جەتىلدىرۋدى ءوزارا ۇشتاستىرۋعا تاباندى بولىپ، ءتۇرلى كاپيتالدىڭ اۋىل شارۋاشىلىق قوسىمشا ونىمدەرىن وڭدەۋ سالاسىنا ەنۋىنە دەم بەرىپ، اۋىل شارۋاشىلىق قوسىمشا ونىمدەرىن جىنتىكتەي مانەرلەيتىن ءبىر توپ جەتەكتەۋ قۋاتى كۇشتى تىرەكتى كاسىپورىنداردى دامىتىپ جانە ەنگىزىپ، شارۋاشىلىق جۇرگىزۋدىڭ كولەمى لايىقتى ءتۇرلى فورمالارىن جەبەپ، وندىرىستىك تىزبەكتى ۇزارتىپ جانە ءونىمنىڭ دارەجەسىن كوتەرىپ، ءوندىرۋ، جاستاي ساقتاۋ، قامبالاۋ، تاسۋ، وڭدەۋ، ساتۋ بىرىكتىرىلگەن تولىق وندىرىستىك جەلى قالىپتاستىرىپ، اۋىل شارۋاشىلىق ونىمدەرىنىڭ قامبالانۋى مەن ساتىلۋى مۇشكىل، باعاسى ارزان بولۋ سياقتى ماسەلەلەردى شىن مانىندە شەشىپ، شارۋالاردى وندىرىستىك جەلىنىڭ ءتۇرلى بۋىنىندا قوسىلعان قۇننىڭ پايداسىنان يگىلىكتەندىرۋ كەرەك.

  2 - كاسىپتە تۇيىندەردى يگەرۋگە تاباندى بولىپ، ونەركاسىپتىڭ تۇرلەنۋى مەن جاڭارۋىن ىلگەرىلەتۋ كەرەك. ءداستۇرلى كاسىپتەردى جاڭالاۋدى، دەڭگەيىن ءوسىرۋدى تەزدەتىپ، كومىر، ەلەكتر، حيميا ونەركاسىبى، ت.ب سالالار بويىنشا باسقى جانە اياققى شارۋاشىلىقتاردىڭ ءبىر تۇلعانۋىن بەلسەندىلىكپەن ىلگەرىلەتىپ، وسى زامانعى كومىر - حيميا ونەركاسىبىن دامىتىپ، مۇناي، مۇناي حيميا، مەتاللۋرگيا، قۇرىلىس ماتەريالدارى، جەڭىل ونەركاسىپ، ازىق - تۇلىك، ماشينا جاساۋ، ۇلتتىق ءدارى - دارمەك سياقتى ءداستۇرلى ونەركاسىپتەردىڭ ءونىم تەحنيكاسى، تەحنولوگيالىق جابدىق، ەنەرگيا تيىمدىلىگى، قورشاعان ورتانى قورعاۋ، ت.ب ورەسىن جوعارىلاتۋىن، وندىرىستىك تىزبەكتى ۇزارتىپ، قۇن تىزبەگىن كوتەرىپ، ورتا، جوعارى دەڭگەيگە قادام باسۋىن ىلگەرىلەتۋ كەرەك. جاڭادان وركەندەگەن شارۋاشىلىق سالالارىن كۇش سالا دامىتىپ، وزىق جاساۋ - جابدىقتاۋ، ەنەرگيا ۇنەمدەۋ، قورشاعان ورتانى قورعاۋ، ەلەكتروندىق ونىمدەر، مەتال وڭدەۋ، كرەمني نەگىزدىك جاڭا ماتەريالدار سياقتى ستراتەگيالىق مانگە يە جاڭادان وركەندەگەن شارۋاشىلىقتاردىڭ دامۋىن ىلگەرىلەتىپ، جاڭا ەنەرگيامەن جابدىقتاۋ، ەلەكتر جەتكىزۋ، كەرنەۋ وزگەرتۋ جابدىقتارى، ەرەكشە ەگىن، مال شارۋاشىلىق ماشينالارى سياقتى شارۋاشىلىق سالالارىنىڭ ارتىقشىلىقتارىن ۇلعايتىپ، جاساۋ كاسىبىنىڭ سيفرلانۋ، جەلىلەنۋ، زەردەلىلەنۋ، جاسىلدانۋعا قاراي بۇرىلىس جاساۋىن جەدەلدەتىپ، جاساۋ كاسىبىنىڭ تۇرلەنىپ دامۋىن جەبەۋ كەرەك. ورتا، شاعىن، ۇساق كاسىپورىنداردىڭ دامۋىنا قولعابىس جاساپ جانە شابىت بەرىپ، ەڭبەكتى كوپ قاجەتسىنەتىن شارۋاشىلىقتاردى بەلسەندى تۇردە دامىتىپ، توقىما جانە كيىم - كەشەك ونەركاسىبىن، ەلەكتروندىق قۇراستىرۋدى، ۇلتتىق قولونەردى وكىل ەتكەن ەڭبەكتى كوپ قاجەتىسىنەتىن شارۋاشىلىقتاردى سۇيەمەلدەپ جانە الدىمەن دامىتىپ، تەز ءونىم بەرەتىن نىسانداردى ۇزدىكسىز اتقارىپ، توقىما جانە كيىم - كەشەك ونەركاسىبىنىڭ باسۋ - بوياۋ، كيىم - كەشەك سياقتى تەرمينال سالالارعا بەيىمدەلۋىن ىلگەرىلەتىپ، دامۋدىڭ ساپاسى مەن تيىمدىلىگىن كوتەرىپ، جۇمىسقا ورنالاستىرۋعا جەتەكشى بولۋ، تابىستى مولايتۋ، كەدەيلىكتەن قۇتىلدىرۋدان قامال الۋعا دەمەۋشى بولۋ رولىن ونان سايىن ساۋلەلەندىرۋ كەرەك.

  3 - كاسىپتى قاۋىرت دامىتۋعا تاباندى بولىپ، قىزمەت كورسەتۋ سالاسىنىڭ ۇلعايۋى مەن ساپالىلانۋىن ىلگەرىلەتۋ كەرەك. شينجياڭنىڭ ساياحات شارۋاشىلىعى − مۇمكىندىگى مەن بولاشاعى ەڭ كۇشتى ماڭىزدى تىرەكتى شارۋاشىلىق، ءبىز قوعامدىق جالپى جاعداي ءۇرتىس ورنىققان تاماشا ورايدى مىقتاپ يگەرىپ، ەرەكشە ساياحات بايلىعى ارتىقشىلىعىن ساۋلەلەندىرىپ، تولىق وڭىرلىك ساياحاتتىڭ دامۋ ۇلگىسىن بارىنشا ىلگەرىلەتىپ، ساياحات نەگىزدىك قۇرىلعىلارىن كەمەلدەندىرىپ، سارا جەلىلەردى وڭتايلاندىرىپ، ساياحاتتىڭ ساپاسىن كوتەرىپ، ەرەكشە ماركا قالىپتاستىرىپ، ساياحات سالاسىنداعى جالپىلىق زاڭ اتقارۋدى كۇشەيتىپ، بازار ءتارتىبىن رەتكە كەلتىرىپ، قىزمەت كورسەتۋ، قامتاماسىز ەتۋ قابىلەتتەرىن جوعارىلاتىپ، تۇتاس جىلدا شەكارانىڭ ءىشى - سىرتىنان قابىلداناتىن ساياحاتشىلاردىڭ سانىن %30تىڭ ۇستىندە ارتتىرۋعا كۇش سالۋ قاجەت. ساۋدالىق زات جەتكىزۋ سالاسىن جەدەل دامىتىپ، زات جەتكىزۋدىڭ جەلىلىك قۇرىلعىلارى مەن قالا، اۋىل بازار جەلىسى قۇرىلىستارىن كۇشەيتىپ، حالىقارالىق تاۋار ايىرباس كورمەسى، وسى زامانعى زات جەتكىزۋ قىزمەت كورسەتۋ ۇيىمدارى، كوپشىلىك قولدى تاۋارلاردى ساتىپ الۋ جانە ساۋدالاۋ، ەلەكتروندىق ساۋدا سالاسىنداعى جاڭالىقتاردىڭ قولدانىسقا ەنۋى، حالىقارالىق وتكەلدەردىڭ اشىق دامۋى، قالا، اۋىل ساۋدالىق زات جەتكىزۋ بويىنشا قىزمەت كورسەتۋ، ت.ب جۇيەلەردى كەمەلدەندىرىپ، جەلىدەگى جانە جەلىدەن سىرتقى تەرەڭ توعىسۋدى جەبەۋ كەرەك. تۇتىنۋدىڭ جاڭا ىستىق نۇكتەلەرىن كۇش سالا جەتىلدىرىپ، تۇتىنۋ ورتاسىن ۇزدىكسىز تۇردە وڭتايلاندىرىپ، كادىمگى دۇكەندەردىڭ تۇرلەنە دامۋىنا قولداۋ كورسەتىپ، ينتەرنەتتىڭ ساياحات، زەينەتكەرلىك، ەمدەۋ، ءۇي شارۋاشىلىعى، جىلدام جەتكىزۋ سياقتى قىزمەت كورسەتۋ سالالارىمەن توعىسا دامۋىن ىلگەرىلەتىپ، تۇرمىستىق، الەۋمەتتىك قىزمەت كورسەتۋ تۇرىندەگى، سالالىق، جاڭا ينفورماتسيالىق ونىمدەر سياقتى تۇتىنۋلاردى ونان سايىن كەڭەيتىپ، قاجەتسىنۋدىڭ مۇمكىندىگىن ۇزدىكسىز اشىققا شىعارىپ، ءتيىمدى قامداۋدى ۇلعايتىپ، قىزمەت كورسەتۋ سالاسىنىڭ ەكونوميكالىق وسىمگە قوسار ۇلەسىن ۇزدىكسىز جوعارىلاتۋ كەرەك.

  (3) قامداۋ جاعىنداعى قۇرىلىمدىق رەفورمانى ىشكەرىلەي ىلگەرىلەتىپ، ءتۇرلى بازار سۋبيەكتىلەرىنىڭ ومىرشەڭدىگىن تاسقىنداتۋ

  «جويۋعا»، «ورناتۋعا»، «تومەندەتۋگە» ايرىقشا كۇش سالىپ، فاكتورلاردى بازارلاندىرىپ ۇلەستىرۋ رەفورماسىن بەلسەندىلىكپەن ىلگەرىلەتىپ، «ءۇشتى ازايتۋ، ءبىردى تومەندەتۋ، ءبىردى تولىقتاۋدى» ۇزدىكسىز العا جىلجىتىپ، قامداۋ جۇيەسىنىڭ ساپاسىن جوعارىلاتىپ، ەكونوميكالىق قۇرىلىمنىڭ رەتتەلۋى مەن ساپالىلانۋىن جەبەۋ كەرەك.

  ءتيىمسىز قامداۋدى بار كۇشپەن جويۋ كەرەك. بازارلانۋ، زاڭمەن جونگە سالۋ تاسىلدەرىن جان - جاقتى پايدالانىپ، بولات - تەمىر، كومىر، كومىر - ەلەكتر، سەمەنت سياقتى سالالاردا ارتىق جانە مەشەۋ وندىرىستىك قۋاتتىڭ قولدانىستان شىعارىلۋىن ۇزدىكسىز ىلگەرىلەتىپ، قول جەتكەن تابىستاردى بەكەمدەپ، قولامتانىڭ قايتا قوزداۋىنان باتىل ساقتانۋ كەرەك. «تۇرالاڭقى كاسىپورىنداردى» ءبىر جاقتى ەتۋدى ەلەۋلى تۇتقا ەتىپ، «تۇرالاڭقى كاسىپورىنداردى» كۇيرەتۋ، قايتا رەتتەۋ مەحانيزمىن جەتىلدىرىپ، مەنشىك ۇقىعى مەن اكتسيونەرلىك ۇقىقتىڭ ايىرباستالۋىن ءتارتىپتى تۇردە ىلگەرىلەتىپ، جۇمىسشى - قىزمەتكەرلەردى ورنالاستىرۋ قىزمەتىن بايىپتىلىقپەن ويداعىداي ىستەۋ كەرەك. ساپا، قورشاعان ورتانى قورعاۋ، ەنەرگيانى سارىپ ەتۋ، حاۋىپسىزدىك سياقتى زاڭ - ەرەجەلەردىڭ ولشەمىن اناعۇرلىم قاتاڭ اتقارىپ، زاڭعا، ەرەجەگە قايشى ءتۇرلى ارەكەتتەردى اناعۇرلىم قاتاڭ ءبىر جاقتى ەتىپ، مەشەۋ ءوندىرىس قۋاتىن ءماجبۇري شەگىندىرۋ كەرەك. تۇرلەر بويىنشا رەتتەۋ - تىزگىندەۋگە تاباندى بولىپ، قالالاردىڭ، جەرلەردىڭ جاعدايىنا قاراي شارا قولدانىپ، بازاردىڭ ءونىمدى قاجەتىن جانداندىرىپ، تۇرعىن ۇيلەردىڭ قوسالقى قورىن ازايتۋ كەرەك.

  جاڭا قوزعاۋشى قۋاتتاردى بار كۇشپەن دامىتۋ كەرەك. جاڭالىق اشۋ جەتەگىن بارىنشا كۇشەيتىپ، جىبەك جولى ەكونوميكالىق بەلدەۋىنىڭ جاڭالىق اشۋدى جەتەكشى ەتكەن دامۋ جونىندەگى سىناق رايونى، مەملەكەتتىك ءۇرىمجى - سانجى - شىحىزى دەربەس جاڭالىق اشۋدان ۇلگى كورسەتۋ رايونى قۇرىلىستارىن جەدەلدەتىپ، جاڭالىق اشۋ جەتىستىكتەرىنىڭ، جاڭالىق اشۋ نىساندارىنىڭ شارۋاشىلىق سالالارىمەن جانە ناقتى وندىرگىش كۇشتەرىمەن تۇيىسۋىنە دەم بەرىپ، عىلىم - تەحنيكادا جاڭالىق اشۋ مەن جەتىستىكتەردى قولدانىسقا ەنگىزۋدى ىنتالاندىرۋ مەحانيزمىن كەمەلدەندىرىپ، عىلىم - تەحنيكالىق جەتىستىكتەردىڭ وندىرگىش كۇشكە اينالۋىن ىلگەرىلەتۋ كەرەك. ولشەمدى جەتەكشى ەتۋگە تاباندى بولىپ، قامداۋدىڭ ساپاسى مەن ونىمدىلىگىن ۇزبەي كوتەرۋ كەرەك. اۆتونوميالى رايوندى ساپا ارقىلى قۇدىرەتتەندىرۋ ستراتەگياسىن اتقارىپ، ساپانى جوعارىلاتۋ ارەكەتىن قانات جايدىرۋ كەرەك. جاعراپيالىق نۇسقاۋلىقتى تاۋار بەلگىسى رەتىندە تىركەتۋگە دەم بەرۋ تەبىنىن ارتتىرىپ، تانىمالدىعى مەن ىقپالى ءبىرشاما جوعارى تاۋار بەلگىلەرى مەن ماركالاردى قالىپتاستىرۋ كەرەك. ينتەرنەتتىڭ، ءىرى ساندى مالىمەتتىڭ، جاساندى زەردەنىڭ ناقتى ەكونوميكامەن تەرەڭدەي توعىسۋىن بەلسەندىلىكپەن ىلگەرىلەتىپ، ورتاق يگىلىكتى ەكونوميكا، سيفرلى ەكونوميكا، وسى زامانعى قامداۋ تىزبەگى سياقتى جاڭا شارۋاشىلىق تۇرلەرى مەن جاڭا ۇلگىلەردى جەتىلدىرىپ، جاڭا قوزعاۋشى قۋاتتاردى كوبەيتە ءتۇسۋ كەرەك. تۇتىنۋدى جەبەۋ ءتۇزىلىسى مەن مەحانيزمىن كەمەلدەندىرىپ، حالىق جۇرتشىلىعىنىڭ تۇتىنۋ ساپاسى جانە تۇتىنۋعا قىزمەت كورسەتۋ جونىندەگى اناعۇرلىم جوعارى تالاپتارىنا بەيىمدەلۋ كەرەك.

  ناقتى ەكونوميكانىڭ وزىندىك قۇنىن بار كۇشپەن تومەندەتۋ كەرەك. تۇزىلىستىك ايىرباس وزىندىك قۇنىن، سالىق - اقى وزىندىك قۇنىن جانە فاكتور وزىندىك قۇنىن كۇش سالا تومەندەتىپ، كاسىپورىنداردىڭ قوعامدىق قامسىزداندىرۋعا جارنا تولەۋ مولشەرلەمەسىن ساتى - ساتى بويىنشا تومەندەتۋ جونىندەگى ساياساتتاردى جاپپاي تياناقتاندىرىپ، كاسىپورىندارعا قاتىستى اقى الۋ تۇرلەرىن ۇزدىكسىز اداقتاپ جانە ارناعا ءتۇسىرىپ، كاسىپورىنداردىڭ قۋات كوزدەرىن پايدالانۋ، زات جەتكىزۋ، قارجى قۇراۋ، ينفورماتسيا، حابار - بايلانىس سياقتى جاقتارداعى وزىندىك قۇنىن تومەندەتۋ كەرەك. «ۇقىقتى تومەنگە بەرۋ ، باسقارۋ، قىزمەت كورسەتۋ» رەفورماسىن ۇزدىكسىز ىلگەرىلەتىپ، ۇكىمەت قۇرىلىمىن ىقشامداۋ مەن بيلىكتى تومەنگە بەرۋدى ۇدەتىپ، باقىلاۋ - باسقارۋ ءتاسىلىن جاڭالاپ، اكىمشىلىك قىزمەت كورسەتۋدى جاقسارتىپ، بىرلەسكەن قاراۋ - بەكىتۋدى جالپىلاستىرىپ، ەكونوميكالىق قىزمەتتىڭ «نىسانداردى يگەرۋدەن» «ساپانى يگەرۋ» مەن «ورتانى يگەرۋگە» بۇرىلىس جاساۋىنا دەم بەرۋ كەرەك. ساۋدا ىستەر ءتۇزىمى رەفورماسىن تەرەڭدەتىپ، رۇقسات كۋالىگى مەن كاسىپتىك كۋالىكتى ايىرۋدى جاپپاي جولعا قويىپ، «كوپ كۋالىكتىڭ بىرىكتىرىلۋىن»، كاسىپورىنداردى تىركەۋدىڭ جالپى بارىسىن ەلەكترونداندىرۋدى جانە ەلەكتروندىق كاسىپتىك كۋالىكتىڭ قولدانىسقا ەنۋىن ۇزدىكسىز ىلگەرىلەتۋ كەرەك. «ەكى كەزدەيسوق، ءبىر جاريا» باقىلاۋ - باسقارۋدى ۇزدىكسىز تەرەڭدەي ىلگەرىلەتىپ، ەكى كەزدەيسوق تەكسەرۋ بويىنشا تاراۋلار ارا بىرلەسكەن ۇلگى الىپ تەكسەرۋدىڭ تولىق قامتىمىن ىسكە اسىرۋ كەرەك. سەنىمدىلىكتى باقىلاۋ - باسقارۋ جانە سەنىمنەن ايرىلعانداردى بىرلەسىپ جازالاۋ مەحانيزمىنىڭ قۇرىلىسىن ىلگەرىلەتۋ كەرەك. اۆتونوميالى رايوننىڭ «ينتەرنەت + اكىمشىلىك قىزمەت كورسەتۋ» تۇعىرى جۇيەسىن كەمەلدەندىرۋ كەرەك. اۆتونوميالى رايوندىق اكىمشىلىك قىزمەت كورسەتۋ جانە الەۋمەتتىك بايلىق ايىرباسىن باسقارۋ مەكەمەسىنىڭ، اكىمشىلىك قىزمەت كورسەتۋ ورتالىعىنىڭ جانە الەۋمەتتىك بايلىق ايىرباس ورتالىعىنىڭ قۇرىلۋىن تەزدەتۋ كەرەك. ءونىمدى شارا قولدانىپ، ەلەكتر قۋاتى بازارىنىڭ ايىرباس كولەمىن كەڭەيتىپ، ەلەكترمەن قامداۋ، ەلەكتر جەتكىزۋ، ەلەكتر ۇلەستىرۋ وزىندىك قۇنىن ونان سايىن تومەندەتىپ، «ءبىرىڭعاي جەلى، تەڭ باعا» قىزمەتىن ىشكەرىلەي ورىستەتىپ، شينجياڭنىڭ توك باعاسى ارزان بولۋ باسىمدىعىن بەكەمدەۋ جانە ۇلعايتۋ كەرەك.

  بازار سۋبيەكتىلەرىنىڭ ومىرشەڭدىك كۇشىن ونان سايىن ىنتالاندىرۋ كەرەك. مەنشىك ۇقىعى ءتۇزىمىن كەمەلدەندىرۋ مەن فاكتورلاردى بازارلاندىرىپ ۇلەستىرۋدى ءتۇيىن ەتىپ، ماڭىزدى سالالار مەن شەشۋشى بۋىندارداعى رەفورمانى ۇزدىكسىز ىلگەرىلەتىپ، بازاردىڭ بايلىقتى ۇلەستىرۋدەگى شەشۋشى رولىن تولىق ساۋلەلەندىرىپ، ۇكىمەتتىڭ رولىن ءتىپتى جاقسى ساۋلەلەندىرۋ كەرەك. مەملەكەتتىك مەنشىك ەكونوميكاسىنىڭ ورنالاسۋىن ساپالىلاندىرۋ مەن قۇرىلىمىن رەتتەۋدى تەزدەتىپ، مەملەكەتتىك كاپيتالدىڭ ءتۇيىندى كاسىپتەر مەن شەشۋشى سالالارعا جانە باسىمدىققا يە كاسىپورىندارعا شوعىرلانۋىنا دەم بەرۋ كەرەك. مەملەكەتتىك كاپيتالدىڭ وكىلەتتىك بويىنشا شارۋاشىلىق جۇرگىزۋ ءتۇزىلىسىن رەفورمالاۋ كەرەك. شارۋاشىلىق سيپاتتى مەملەكەتتىك مال - مۇلىكتەرگە ءبىرىڭعاي باقىلاۋ - باسقارۋ جۇرگىزۋدى جەدەل ىلگەرىلەتىپ، مەملەكەتتىك كاپيتالدىڭ اينالىم پايداسى مەن دەڭگەيىن جوعارىلاتۋ كەرەك. ديرەكتورلار كەڭەسى قۇرىلىسىن ىلگەرىلەتىپ جانە ارناعا ءتۇسىرىپ، سەرىكتەستىك زاڭدى تۇلعاسىن باسقارۋ قۇرىلىمى مەن بازارلاندىرىپ شارۋاشىلىق جۇرگىزۋ مەحانيزمىن جەدەل كەمەلدەندىرۋ كەرەك. جالپىلىق مەنشىككە جاتپايتىن ەكونوميكانىڭ دامۋىنا قولداۋ كورسەتۋ جونىندەگى ساياسات - شارالاردى جاپپاي تياناقتاندىرۋ كەرەك. بازار رۇقساتى بويىنشا ۇنامسىز ءتىزىم ءتۇزىمىن ۇزدىكسىز كەمەلدەندىرىپ، كرەديت، بازارعا سالۋ، قازىنا - سالىق، جاڭالىق اشۋ، مەردىگەرلىك، دارىندىلار سياقتى جاقتاردا حالىق باسقارۋىنداعى كاسىپورىندارعا قاراتىلعان كەمسىتۋشىلىك سيپاتتى شەكتەۋلەر مەن كومەسكى كەدەرگىلەردى بەلسەندى تۇردە جويىپ، كاسىپورىنداردىڭ دەربەس شارۋاشىلىق جۇرگىزۋ ۇقىعى مەن زاڭدى مال - مۇلىكتى مەنشىكتەنۋ ۇقىعىنا سۇعاناقتىق جاساۋ ارەكەتتەرىن باتىل تيىپ، حالىق باسقارۋىنداعى كاسىپورىنداردىڭ ءادىل باسەكەمەن دامۋىنا ىڭعايلى بازار ورتاسىن ازىرلەۋ كەرەك. كاسىپورىندارعا كاپيتال، قاراجات تولىقتاۋدىڭ بازارلانعان مەحانيزمىن ورناتىپ، كاسىپورىنداردى كوپ ساتىلى، كوپ نەگىزدى كاپيتال بازارىندا تىكە قارجى قۇراۋعا ىنتالاندىرۋ كەرەك. جۇمىلا شارۋاشىلىق قۇرۋ، جابال جاڭالىق اشۋدى ىلگەرىلەتىپ، قوعامنىڭ ومىرشەڭدىك كۇشىنە ۇزدىكسىز دەم بەرۋ كەرەك. ۇكىمەت پەن ىسكەرلىك ورتاسىندا «ەتەنە»، «كىرشىكسىز» جاڭا قاتىناستىڭ ورناۋىنا كۇش سالىپ، كاسىپكەرلىك رۋحقا دەم بەرىپ، كاسىپكەرلەردىڭ ىسكەرلىكپەن اينالىسۋىنا قۇرمەت ەتەتىن، شابىت بەرەتىن جانە قورعاۋ كورسەتەتىن قوعامدىق راي قالىپتاستىرۋ كەرەك.

  (4) كەدەيلىكتەن دالمە - ءدال قۇتىلدىرۋدان قامال الۋ شايقاسىن ويداعىداي جۇرگىزىپ، كەدەيلىكتەن قۇتىلدىرۋ شارالارىنىڭ دالمە - ءدال تياناقتانۋىنا كەپىلدىك ەتۋ

  دالمە - ءدال شارالار اتقارۋعا تاباندى بولىپ، شەكتەۋ بولىپ وتىرعان كورنەۋ ماسەلەلەردى شەشۋدى ءتۇيىن، كەدەيلەردى سۇيەمەلدەۋ بويىنشا ەلەۋلى ينجەنەريالار مەن قىستاققا، وتباسىنا، ادام باسىنا دەيىن تياناقتانعان سۇيەمەل شارالارىن تۇتقا، ولقىلىقتى تولىقتاۋدى قامال بۇزار باعىت ەتىپ، تىرەكتى كەپىلدىك جۇيەسىن كۇشەيتىپ، ساياساتتىڭ بەيىمدەلۋى مەن اۋىل شارۋاشىلىعىنا قاتىستى قاراجاتتاردىڭ بىرىكتىرىلۋىن كۇشەيتىپ، «ءبىر توبىن باسقا سالاعا جۇمىسقا ورنالاستىرۋ ارقىلى سۇيەمەلدەۋ، ءبىر توبىن شارۋاشىلىقتى دامىتۋ ارقىلى سۇيەمەلدەۋ، ءبىر توبىن جەردى اداقتاپ قايتا ءبولۋ ارقىلى سۇيەمەلدەۋ، ءبىر توبىن شەكارا قورعاۋشىلىققا الۋ ارقىلى سۇيەمەلدەۋ، ءبىر توبىن ەكولوگيالىق تولەم بەرۋ ارقىلى سۇيەمەلدەۋ، ءبىر توبىن قونىس جاڭالاپ كوشىرۋ ارقىلى سۇيەمەلدەۋ، ءبىر توبىن كەشەندى قوعامدىق قامتاماسىزداندىرۋ شارالارى ارقىلى كەپىلدەندىرۋ» تالابى بويىنشا، جەرگىلىكتى جاعدايعا قاراي ءىس كورىپ، ءبىر وتباسىنا ءبىر شارا قولدانىپ، ادام باسىنا دەيىن دالمە - ءدال تياناقتاندىرۋ كەرەك. كەدەيلەردى سۇيەمەلدەۋدى قايرات - جىگەر، اقىل - پاراسات جاعىنان سۇيەمەلدەۋمەن ۇشتاستىرۋعا تاباندى بولىپ، شۇعىل جاردەم ارقىلى قيىنشىلىقتى شەشۋ مەن كەدەيلىكتەن قۇتىلۋدىڭ ىشكى مۇمكىندىكتەرىن اشۋدى ۇشتاستىرىپ، كەدەيلەردى وقۋ - اعارتۋ ارقىلى سۇيەمەلدەۋ تەبىنىن ونان سايىن ارتتىرىپ، كەدەيلىكتىڭ ۇرپاق ارالىق جالعاسۋىنا توقتاۋ قويۋ، دەنساۋلىق ساقتاۋ بويىنشا كەدەيلەردى سۇيەمەلدەۋ تەبىنىن ارتتىرىپ، اۋرۋ سەبەبىنەن كەدەيلەسۋ، قايتا كەدەيلەسۋدەن ساقتانۋ، نەگىزدىك قۇرىلعى قۇرىلىستارىنىڭ تەبىنىن ارتتىرىپ، ءوندىرىس، تۇرمىس شارت - جاعدايىن جاقسارتۋ كەرەك. كەدەيلىكتەن قۇتىلدىرۋدان قامال الۋدىڭ سۋبيەكتتىك جاۋاپكەرشىلىگىن قاتاڭ تياناقتاندىرىپ، كەدەيلەردى سۇيەمەلدەۋ قاراجاتىن باقىلاۋ - باسقارۋ مەن جۇمىس ناتيجەسىن باعالاۋدى ىلگەرىلەتىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ شارالارىنىڭ دالمە - ءدال تياناقتانۋىن جەبەپ، كەدەيلەردى سۇيەمەلدەۋ قاراجاتى مەن نىساندارىنىڭ قىستاققا، وتباسىنا، ادام باسىنا دەيىن دالمە - ءدال تياناقتانۋىنا كەپىلدىك ەتۋ كەرەك. كەدەيلىكتەن قۇتىلدىرۋدىڭ ساپاسىن شىنايى جوعارىلاتىپ، جۇمىسقا پەيىل قويماۋ، ستيلى شىنايى بولماۋ، كوز بوياۋشىلىق ىستەۋ، كەدەيلىكتەن سيفر جۇزىندە قۇتىلدىرۋ جايتتەرىن بۇلجىتپاي قاتاڭ تەكسەرىپ، ءبىر جاقتى ەتۋ كەرەك.

  (5) اۋىل - قىستاقتاردى وركەندەتۋ ستراتەگياسىن بەلسەندىلىكپەن اتقارىپ، اۋىل شارۋاشىلىعى مەن اۋىل - قىستاقتاردىڭ دامۋىندا جاڭا جاعداي اشۋ

  اۋىل - قىستاقتاردى وركەندەتۋدىڭ ستراتەگيالىق جوباسىن عىلمي نەگىزدە جاساۋ كەرەك. اۋىل شارۋاشىلىعى مەن اۋىل - قىستاقتاردى الدىمەن دامىتۋعا تاباندى بولىپ، شارۋاشىلىعى شالقىعان، ەكولوگياسى جانعا جايلى، اۋىل سالتى وركەنيەتتى، باسقارىلۋى ءونىمدى، تۇرمىسى توق بولۋ دەگەن جالپى تالاپقا سايكەس، اۋىل شارۋاشىلىعى مەن اۋىل - قىستاقتاردىڭ وسىزاماندانۋىن جەدەل ىلگەرىلەتۋ كەرەك. شينجياڭنىڭ وڭىرلىك جاعدايى مەن ءار ءتۇرلى جەرگىلىكتى ەرەكشەلىكتەردى تياناق ەتىپ، اۋىل - قىستاقتاردىڭ دامۋ زاڭدىلىعىن يگەرىپ، اۋىل شارۋاشىلىعىنا، اۋىل - قىستاقتارعا قاتىستى ءتۇرلى جوبالار مەن قىزمەت جوبالارىن بىرىكتىرىپ، قالانىڭ (اۋدان) جالپى جوباسى مەن قالاشىق، اۋىل - قىستاقتىڭ جوباسىن ءتۇيىستىرۋ كەرەك.

  اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتۋ كەرەك. اۋىل شارۋاشىلىعىن ساپا، جاسىل دامۋ، عىلىم - تەحنيكا ارقىلى كوركەيتۋگە تاباندى بولىپ، جاسىل، ساپالى اۋىل شارۋاشىلىق ونىمدەرىمەن قامداۋدى كورنەكتى ورىنعا قويىپ، اۋىل شارۋاشىلىق ونىمدەرى بويىنشا ولشەمدى ءوندىرىس جۇرگىزۋدى، ماركا جاراتۋدى، ساپا حاۋىپسىزدىگىن باقىلاۋ - باسقارۋدى مىقتاپ يگەرىپ، اۋىل شارۋاشىلىق ساياساتتارىنىڭ ءتۇسىمدى مولايتۋدى باعدار ەتۋدەن ساپانى كوتەرۋدى باعدار ەتۋگە بۇرىلىس جاساۋىن ىلگەرىلەتىپ، جاسىل وندىرىستىك تاسىلدەردى ورناتۋ كەرەك. استىق ءتۇسىمىن ورنىقتىرۋعا، ماقتا ەگىسىن ساپالىلاندىرۋعا، مال شارۋاشىلىعىن جەبەۋگە، جەمىس شارۋاشىلىعىن كۇشەيتۋگە، ەرەكشە شارۋاشىلىقتاردى گۇلدەندىرۋگە تاباندى بولىپ، ەگىنشىلىك پەن باعىمشىلىق قۇرىلىمىنىڭ رەتتەلۋىن تىڭعىلىقتى ىلگەرىلەتىپ، استىق حاۋىپسىزدىگىنە كەپىلدىك ەتۋ نەگىزىندە قاجەتتەن ارتىق استىق تۇرلەرىنىڭ ەگىس اۋدانىن رەتتەپ جانە كەمىتىپ، ماقتالى وڭىرلەردىڭ ورنالاسۋى مەن ماقتا سورتتارىنىڭ قۇرىلىمىن ساپالىلاندىرىپ، وسى زامانعى مال شارۋاشىلىعىن بار كۇشپەن دامىتىپ، جەمىس شارۋاشىلىعىنىڭ ساپاسىن كوتەرىپ، ەرەكشە اۋىل شارۋاشىلىعى مەن قۇرىلعىلى اۋىل شارۋاشىلىعىن ۇلعايتىپ، اۋىل شارۋاشىلىق عىلىم - تەحنيكاسىنان جاڭالىق اشۋ جانە تەحنيكانى جالپىلاستىرۋدى جەدەلدەتىپ، اۋىل شارۋاشىلىعىنىڭ جوعارى ساپالى دامۋىن جەبەپ، اۋىل شارۋاشىلىق ونىمدەرىمەن قامداۋدىڭ ساپاسى مەن تيىمدىلىگىن جاپپاي جوعارىلاتۋ كەرەك. عىلىم - تەحنيكاعا ۇسىنىلىمدى مولايتۋ، باستاماشى كاسىپورىنداردى جەتىلدىرۋ، وركەندەتۋ ارقىلى تۇقىم جەتىلدىرۋ كاسىپ سالاسىن كولەمدەندىرۋ جانە كۇشەيتۋ، ساپالى ءوندىرىس كولەمىن ۇلعايتىپ، شارۋالاردى كەدەيلىكتەن قۇتىلىپ، اۋقاتتانۋعا باستاۋ كەرەك.

  اۋىل - قىستاق جەر ءتۇزىمى مەن كوللەكتيۆ مەنشىك ءتۇزىمى رەفورمالارىن تەرەڭدەتۋ كەرەك. ەگىستىك جەردى دالمە - ءدال انىقتاۋ قىزمەتىن جاپپاي جۇرگىزىپ، جەردى 2 - كەزەكتى كوتەرمەگە العان ۋاقىت تولعاننان كەيىن تاعى دا 30 جىلعا ۇزارتۋ ساياساتىن ويداعىداي ءتۇيىستىرىپ جانە تياناقتاندىرىپ، اۋىل - قىستاق جەرىن كوتەرمەگە بەرۋ - الۋ بويىنشا «3 ۇقىقتى» ايىرۋ رەفورماسىن بايىپتى قاداممەن ىلگەرىلەتىپ، جەرگە كوللەكتيۆتىك مەنشىك ۇقىعى مەن شارۋالاردىڭ كوتەرمەگە الۋ ۇقىعىن زاڭ بويىنشا قورعاۋدى العى شارت ەتە وتىرىپ، جەردەن پايدالانىپ شارۋاشىلىق جۇرگىزۋ ۇقىعىن تەڭ قورعاپ، شارۋالاردىڭ مال - مۇلىك ۇقىعىنا دەم بەرۋ كەرەك. اۋىل - قىستاق كوللەكتيۆتىك مەنشىك ۇقىعى ءتۇزىمى رەفورماسىن تۇيىندەردە سىناق ەتۋدى كەڭەيتىپ، قىستاقتاردىڭ كوللەكتيۆ مال - مۇلكىن تۇگەندەۋ - حاتتاۋ مەن كوللەكتيۆ مۇشەلەرىنىڭ مارتەبەسىن تۇراقتاندىرۋدى جەدەل ورىستەتىپ، كوللەكتيۆ شارۋاشىلىق سيپاتتى مال - مۇلىك بويىنشا جارنالىق ىنتىماقتاستىق ءتۇزىمى رەفورماسىن ىلگەرىلەتۋ كەرەك. وڭتۇستىك شينجياڭنىڭ 3 ايماق، ءبىر وبلىسىندا جەر اداقتاۋ جۇمىستارىن تىڭعىلىقتى جۇرگىزىپ، ءتۇرلى فورماداعى، لايىقتى كولەمدەگى شارۋاشىلىقتى بەلسەندى تۇردە قولدانىسقا ەنگىزۋ كەرەك. شارۋالاردىڭ بوسالقى تۇرعىن ۇيلىك جەرى مەن بوسالقى ءۇي - جايلارى جونىندەگى ساياساتتاردى كەمەلدەندىرىپ، قىستاق كوللەكتيۆتەرىنىڭ قۇرىلىسقا كەرەكتى جەر مەن تۇرعىن ۇيلىك جەردى پايدالانۋ ۇقىعىن راستاۋدى، تىركەۋگە الۋدى تىڭعىلىقتى ىلگەرىلەتىپ، قىستاقتاردىڭ قۇرىلىسقا كەرەكتى جەرىنىڭ پايدالانىلۋ كولەمىن كەڭەيتۋ كەرەك. سۋ باعاسى، سۋ ۇقىعى رەفورمالارىن تەرەڭدەتىپ، سۋ بازارىن بەلسەندى تۇردە جەتىلدىرۋ كەرەك.

  قالا، اۋىل توعىسپالى دامۋ ءتۇزىلىسى مەن مەحانيزمىن كەمەلدەندىرۋ كەرەك. جاڭاشا قالا - قالاشىقتاندىرۋ مەن اۋىل - قىستاقتاردى وركەندەتۋدى قوس تۇتقا ەتۋدەن جازباي، جاڭاشا ونەركاسىپتەنۋدىڭ، ينفورماتسيالانۋدىڭ، قالا - قالاشىقتانۋدىڭ اۋىل - قىستاقتاردى وركەندەتۋگە جاسايتىن يگى ىقپالى مەن جەتەكتەۋ رولىن تولىق ساۋلەلەندىرىپ، نەگىزدىك قۇرىلعىلاردىڭ اۋىل - قىستاقتارعا قانات جازۋىن، الەۋمەتتىك قىزمەت كورسەتۋدىڭ اۋىل - قىستاقتارعا ەتەك جايۋىن، شارۋاشىلىق سالالارىنىڭ اۋىل - قىستاقتاردان ۇيلەسىمدى ورىن الۋىن بەلسەنە ىلگەرىلەتىپ، فاكتورلاردىڭ اۋىل - قىستاقتارعا ويىسۋىنا تۇساۋ بولىپ وتىرعان كەدەرگىلەردى جويىپ، كاپيتال، تەحنيكا، دارىندى سياقتى فاكتورلاردىڭ اۋىل - قىستاقتارعا ءتىپتى كوبىرەك بەت الۋىنا جەتەكشىلىك ەتىپ، اۋىل - قىستاقتاعى الەۋمەتتىك قىزمەت كورسەتۋ مەن قامداۋ ورەسىن ءوسىرىپ، قالا، اۋىلداردىڭ توعىسپالى دامۋىن جەدەل ىلگەرىلەتۋ كەرەك. اۋىل - قىستاقتاردى وركەندەتۋ ستراتەگياسىن اتقارۋ ارقىلى اۋىل شارۋاشىلىعىن ءۇمىتتى سالاعا، ەگىنشىلىكتى تارتىمدى ماماندىققا، اۋىل - قىستاقتاردى الاڭسىز تىرشىلىك ەتەتىن كورىكتى مەكەنگە اينالدىرامىز!

  (6) بازار مەحانيزمىنىڭ رولىن تولىق ساۋلەلەندىرىپ، نەگىزدىك قۇرىلعى قۇرىلىستارىن ورنىقتى ىلگەرىلەتۋ

  جول - قاتىناس قۇرىلىسىن ورنىقتى كۇشەيتۋ كەرەك. اۋداندارعا جوعارى جىلدامدىقتى تاس جول، اۋىلدارعا اسفالت جول، قىستاقتارعا شىڭالعان جول ءتۇسۋىن بەلسەندىلىكپەن ىلگەرىلەتۋ كەرەك. ءۇرىمجى - لوپنۇر جوعارى جىلدامدىقتى تاس جولى، بۇلۇڭتوعىراق - باي - موري جوعارى جىلدامدىقتى تاس جولى، قاشقار - قاعىلىق - قاراقاش جوعارى جىلدامدىقتى تاس جولى سياقتى ءىرى داڭعىل نىساندارىنىڭ قۇرىلىسىن ءتۇيىندى تۇردە يگەرىپ، حوتان - چارقىلىق، كورلا - عولمۋد تەمىر جولدارى، ءۇرىمجى قالاسىنىڭ رەليستى قاتىناس جولى سياقتى نىسانداردىڭ قۇرىلىسىن ىلگەرىلەتىپ، ءۇرىمجى - سانجى جەڭىل رەليستى قاتىناس جولى مەن ءۇرىمجى - قۇلجا - قورعاس جوعارى جىلدامدىقتى تەمىر جولىنىڭ العاشقى كەزەڭدىك جۇمىستارىن جەدەلدەتۋ كەرەك. ءۇرىمجى، قاشقار اۋەجايلارىن جاڭالاۋ، كەڭەيتۋ جانە تاشقورعان، موڭعۇلكۇرە، كەريا اۋەجايلارى قۇرىلىسىن بەلسەندىلىكپەن ىلگەرىلەتۋ كەرەك. اۋىر كەدەي اۋىل - قالاشىقتاردىڭ، اۋىر كەدەي قىستاقتاردىڭ شىڭالعان جول قۇرىلىستارىن جەدەل ىلگەرىلەتىپ، «تورتتە جاقسى اۋىل - قىستاق جولى» قۇرىلىسىن كۇشەيتۋ كەرەك.

  سۋ يگىلىگى قۇرىلىسىن ورنىقتى كۇشەيتۋ كەرەك. ينجەنەريالىق سۋ تاپشىلىعىن، اۋىز سۋ حاۋىپسىزدىگىن جانە تاسقىننان ساقتانۋ مەن قاتەردى بولدىرماۋدى ءتۇيىن ەتىپ، اراتاش سۋ يگىلىگى تورابى سياقتى 5 ۇلكەن سۋ قويماسى مەن نۇر سۋ قويماسى سياقتى 17 ورتا سۋ قويماسىنىڭ قۇرىلىسىن ءبىر تۇتاس ىلگەرىلەتىپ، يۇرىڭقاش سۋ يگىلىگى تورابىنىڭ قۇرىلىسىن باستاپ، وي اڭىز سۋ يگىلىگى تورابىنىڭ، قورعان سۋ يگىلىگى تورابىنىڭ، موموق سۋ يگىلىگى تورابىنىڭ العاشقى كەزەڭدىك جۇمىستارىن جەدەل ىلگەرىلەتىپ، سۋ بايلىعىن ۇلەستىرۋ جانە رەتتەۋ قابىلەتىن ۇزدىكسىز جوعارىلاتۋ كەرەك. ءىرى جانە ورتا سۋارمالى وڭىرلەردى سۋ ۇنەمدەۋ بويىنشا وزگەرتۋ ينجەنەرياسىن تىڭعىلىقتى ىلگەرىلەتىپ، اۋدانى 2 ميلليون مۋ تۇراتىن جوعارى ءونىمدى سۋ ۇنەمدەۋ نىسانى قۇرىلىسىن اياقتاتۋ كەرەك. ماڭىزدى وزەن الاپتارىن تاسقىننان ساقتانۋ بويىنشا جونگە سالۋدى جەدەل ىلگەرىلەتۋ كەرەك. حالىق تۇرمىسىنا قاتىستى سۋ يگىلىگى ينجەنەريالىق قۇرىلىستارىن كۇشەيتىپ، 545 مىڭ كەدەي حالىقتى حاۋىپسىز اۋىز سۋمەن قامتاماسىز ەتۋ ماسەلەسىن شەشۋ كەرەك.

  ەنەرگيا قۇرىلىسىن ورنىقتى كۇشەيتۋ كەرەك. 750 كيلوۆولتتىق نەگىزگى جەلىسىنىڭ اۆتونوميالى رايوننىڭ ايماق، وبلىستارىن تولىق قامتۋىن جەدەل ىسكە اسىرۋ كەرەك. جۇندۇڭ - حۋادۇڭ (وڭتۇستىك انحۇي) 1100± كيلوۆولتتىق اسقىن كەرنەۋلى تۇراقتى توك جەتكىزۋ ينجەنەرياسىن اياقتاتىپ، «شينجياڭنىڭ ەلەكترىن سىرتقا شىعاراتىن» 3 - ارنانىڭ العاشقى كەزەڭدىك جۇمىستارىن ىلگەرىلەتىپ، مۇناي، كومىر، ەلەكتر ءبىر تۇلعالانعان ماڭىزدى نىساندار قۇرىلىسىن ىلگەرىلەتۋ كەرەك. اۋىل - قىستاق ەلەكتر جەلىسىن جاڭارتۋ، جاڭالاۋ ينجەنەرياسىن شىنايى مىقتاپ يگەرىپ، وڭتۇستىك شينجياڭدا كومىر ورنىنا ەلەكتر پايدالانۋ ينجەنەرياسىن جەدەل اتقارىپ، «ەلەكترلەنگەن شينجياڭ» قۇرىلىسىن جاپپاي ىلگەرىلەتۋ كەرەك.

  ينفورماتسيا جانە حابار - بايلانىس قۇرىلىسىن ورنىقتى كۇشەيتۋ كەرەك. «ينتەرنەت +» ارەكەت جوسپارىن جانە كەڭ بەلدەۋلى شينجياڭ ستراتەگياسىن اتقارىپ، ينفورماتسيالانۋدىڭ جاڭاشا ونەركاسىپتەنۋمەن، جاڭاشا قالا - قالاشىقتانۋمەن، نەگىزدىك قۇرىلعى جانە قوعامدىق باسقارۋ بويىنشا قىزمەت كورسەتۋدىڭ وسىزاماندانۋىمەن توعىسا دامۋىن دەمەپ، بۇلتتىق ەسەپتەۋ، ءىرى ساندى مالىمەت، زاتتىق ينتەرنەت، جاساندى زەردە سياقتى ينفورماتسيالىق تەحنيكالاردىڭ ءتۇرلى سالادا قولدانىلۋىن جەبەپ، جاڭا ۇلگىدەگى پاراساتتى قالا قۇرىلىسىن جانە وپتيكالىق تالشىقتى قىستاقتارعا جەتكىزۋ ينجەنەرياسىن ىلگەرىلەتۋ قاجەت.

  قامتاماسىزداندىرۋ سيپاتتى تۇرعىن ءۇي قۇرىلىسىن ورنىقتى كۇشەيتۋ كەرەك. «ءۇي الىپ - ساتۋعا ەمەس، تۇرۋعا ارنالعان» دەگەن ۇستانىمعا تاباندى بولىپ، ورتالىقتىڭ تۇرعىن ءۇي رەفورماسى جونىندەگى ورنالاستىرۋىن جاپپاي تياناقتاندىرىپ، كوپ نەگىزبەن قامدالاتىن، كوپ ارنامەن كەپىلدەندىرىلەتىن، جالعا الۋ مەن ساتىپ الۋعا تەڭ ءمان بەرىلەتىن تۇرعىن ءۇي ءتۇزىمىن ورناتىپ، كاسىپكەرلەردى نەگىز ەتكەن، قىستاق كوللەكتيۆى، تۇرعىن ءۇي كووپەراتيۆى سياقتى ءتۇرلى سۋبيەكتىلەر تۇرعىن ۇيمەن قامدايتىن جاعداي قالىپتاستىرۋ كەرەك. قالا - قالاشىقتاردىڭ قامتاماسىزداندىرۋ سيپاتتى تۇرعىن ءۇي قۇرىلىسى مەن لاشىقتى اۋماقتاردى جاڭالاۋ تەبىنىن ارتتىرىپ، ءتۇرلى لاشىقتى اۋماقتاردى جاڭالاۋ بويىنشا 471 مىڭ تۇرعىن ءۇيدىڭ قۇرىلىسىن باستاپ، جالعا بەرىلەتىن 30 مىڭ تۇرعىن ءۇي سالىپ، قالا - قالاشىقتارداعى تومەن كىرىستى وتباسىلاردىڭ تۇرعىن ءۇي قيىنشىلىعىن شىن مانىندە شەشۋ كەرەك. اۋىل - قىستاقتا بەيقۇت ۇيلەر سالۋ جانە كوشپەندى مالشىلاردى وتىرىقتاندىرۋ ينجەنەريالارىن ۇزدىكسىز ويداعىداي جۇرگىزىپ، اۋىل - قىستاقتارداعى ارحيۆكە الىنعان، كارتچكالانعان كەدەي وتباسىلاردىڭ، ەڭ تومەنگى تۇرمىس دەڭگەيى قامتاماسىزداندىرىلعان وتباسىلاردىڭ، بىتىراتىپ باعىلاتىن ەرەكشە قيىنشىلىعى بار ادامداردىڭ جانە ەرەكشە قيىنشىلىعى بار مۇمكىندىگى شەكتەۋلى جاندار وتباسىلارىنىڭ باسپانا ماسەلەسىن كۇش سالا شەشۋ كەرەك. قالالاردىڭ تۇرعىن ءۇي جالعا بەرۋ بازارىنىڭ دامۋىن بار كۇشپەن ىلگەرىلەتىپ، مامانداندىرىلعان، ۇيىمداستىرىلعان تۇرعىن ءۇي جالعا بەرۋ كاسىپورىندارىنىڭ جەدەل دامۋىن بار كۇشپەن ىلگەرىلەتۋ كەرەك.

  (7) حالىق تۇرمىسىن بار كۇشپەن قامتاماسىز ەتىپ جانە جاقسارتىپ، ءار ۇلت حالقىنىڭ تاماشا تۇرمىسقا دەگەن كۇن ساناپ ارتقان قاجەتىن ۇزبەي قاناعاتتاندىرۋ

  حالىقتى وزەك ەتكەن دامۋ يدەياسىنا تاباندى بولىپ، كۇشتى سارقا جۇمساۋعا ءارى شاماعا قاراي شارىقتاۋعا تاباندى بولىپ، دارەجەلەس قازىنالىق شىعىستىڭ %70تەن استامىن حالىق تۇرمىسىن قامتاماسىز ەتۋگە جانە جاقسارتۋعا جۇمساپ، حالىققا ءتيىمدى ينجەنەريالاردى ۇزدىكسىز اتقارىپ، ءار ۇلت جۇرتشىلىعىنىڭ تابىس سەزىمىن، باقىت سەزىمىن جانە حاۋىپسىزدىك سەزىمىن ۇزبەي نىعايتۋ كەرەك.

  جۇمىسقا ورنالاسۋ مەن شارۋاشىلىق قۇرۋدى ءتۇرلى ارنالارمەن جەبەۋ كەرەك. جۇمىسقا ورنالاستىرۋ ارناسىن كەڭەيتۋگە، جۇمىسقا ورنالاسۋ، شارۋاشىلىق قۇرۋ تۇعىرىن ورناتۋعا، جۇمىسقا ورنالاسۋ قابىلەتىن ۇشتاۋعا ۇزدىكسىز كۇش سالىپ، ساياساتتىق قولداۋ مەن جۇمىسقا ورنالاسۋ بويىنشا تاربيەلەۋ تەبىنىن كۇشەيتىپ، جۇمىسقا ورنالاستىرۋداعى قۇرىلىمدىق قايشىلىقتاردى كۇش سالا شەشۋ كەرەك. توقىما جانە كيىم - كەشەك سياقتى ەڭبەكتى كوپ قاجەتسىنەتىن سالالاردى دامىتۋ، تەز ءونىم بەرەتىن نىسانداردى اتقارۋ، نەگىزگى ساتى مەن كاسىپورىنداردا جۇمىسقا تۇرۋعا ىنتالاندىرۋ، دەربەس شارۋاشىلىق قۇرۋعا قولداۋ كورسەتۋ سياقتىلاردى ۇشتاستىرىپ، اۋىل - قىستاقتارداعى ارتىق ەڭبەككۇشتەردى، جوعارى مەكتەپ تاۋىسقان وقۋشىلاردى جانە جۇمىسقا ورنالاسۋى قيىنعا سوققان قاۋىمدى ءتۇيىن ەتىپ، ءار ۇلت جۇرتشىلىعىنىڭ ءوز جەرىندە، تاياۋ ماڭدا جۇمىسقا ورنالاسۋىن، ءتارتىپتى تۇردە قالادا جۇمىسقا تۇرۋىن، اۋىلعا قايتىپ دەربەس شارۋاشىلىق قۇرۋىن جەبەۋ كەرەك. 22 اۋىر كەدەي اۋدانداعى ارحيۆكە الىنعان، كارتچكالانعان كەدەي وتباسىلاردىڭ ەڭبەككۇشتەرىن نازارعا الىپ، اۋىل - قىستاقتاعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋدان بۇرىن تاربيەلەۋ قىزمەتىن ونان سايىن تياناقتاندىرىپ، شينجياڭنىڭ ءوز ىشىندە وڭىرلەر ارا باسقا سالاعا ويىستىرىپ جۇمىسقا ورنالاستىرۋ، ءوز جەرىندە، تاياۋ ماڭدا باسقا سالاعا ويىستىرىپ جۇمىسقا ورنالاستىرۋ، ىشكى ولكە، قالالارداعى كاسىپورىنداردا جۇمىسقا ورنالاستىرۋ ءىسىن ءبىر تۇتاس ىلگەرىلەتىپ، قاشقار، حوتان ايماقتارىندا 3 جىلدا 100 مىڭ ادامدى جۇمىسقا ورنالاستىرۋ جوسپارىن بار كۇشپەن ويداعىداي اتقارۋ كەرەك. قالا - قالاشىقتارداعى بىردە - ءبىر ادامى جۇمىسقا ورنالاسپاعان وتباسىلارىن ۇدايى اداقتاپ وتىرۋ كەرەك.

  وقۋ - اعارتۋ ىستەرىن الدىمەن دامىتۋ كەرەك. وقۋ - اعارتۋ رەفورماسىن تەرەڭدەتىپ، 9 جىلدىق مىندەتتى وقۋ - اعارتۋدىڭ ناتيجەسىن كۇش سالا بەكەمدەپ، وتباسىندا قيىنشىلىعى بار وقۋشىلارعا قارجىلاي جاردەم بەرۋ تەبىنىن ارتتىرىپ، ءاربىر بالانىڭ مەكتەپكە ءتۇسىپ ويداعىداي وقۋعا، ءادىل دە ساپالى ءبىلىم الۋعا مۇمكىندىگى بولۋىنا كەپىلدىك ەتۋ كەرەك. «قوس ءتىل» تاربيەسىنىڭ تەبىنىن ارتتىرىپ، وڭتۇستىك شينجياڭنىڭ 3 ايماق، ءبىر وبلىسىنداعى جانە اۋىل - قىستاقتارداعى مەكتەپتەردى ءتۇيىن ەتىپ، «قوس ءتىل» تاربيەسى مەن «قوس ءتىلدى» وقىتۋشىلار قوسىنىندا ورىن تەپكەن ولقىلىقتاردى كۇش سالا تولىقتاپ، ءار دارەجەلى، ءار ءتۇرلى وقۋ - اعارتۋدىڭ، اسىرەسە، «قوس ءتىل» تاربيەسىنىڭ ساپاسىن كوتەرىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىنىڭ مەكتەپكە دەيىنگى تاربيە مەن مىندەتتى وقۋ - اعارتۋ كەزەڭىن تۇتاس قامتۋىن ىلگەرىلەتۋ كەرەك. جۇمىسقا ورنالاستىرۋدى باعدار ەتۋدەن جازباي، كاسىپتىك وقۋ - اعارتۋدى بار كۇشپەن دامىتىپ، ءوندىرىس پەن وقىتۋدىڭ توعىسۋىن، مەكتەپ پەن كاسىپورىننىڭ سەلبەسۋىن تەرەڭدەتىپ، ورتالاۋ، ورتا مەكتەپتەردەن وقۋ تاۋىسقان، ءبىراق جۇمىسقا ورنالاسپاعان جاستاردىڭ كاسىپتىك - تەحنيكالىق تاربيەمەن تولىق قامتىلۋىن ىلگەرىلەتۋ كەرەك. جوعارى وقۋ - اعارتۋدىڭ ىشتەي دامۋىنا تاباندى بولىپ، بىرەگەي ۋنيۆەرسيتەت، بىرەگەي پاندەر قۇرىلىسىن جەدەل ىلگەرىلەتۋ قاجەت. وقىتۋشىلىق ءمورال، وقىتۋشىلىق ستيل قۇرىلىسىن كۇشەيتىپ، جوعارى ساپالى وقىتۋشىلار قوسىنىن دايىنداۋ كەرەك.

  مەديتسينالىق قىزمەت كورسەتۋدىڭ دەڭگەيىن جوعارىلاتۋ كەرەك. حالىقتىڭ دەنساۋلىعىن وزەك ەتىپ، سالاماتتى شينجياڭ قۇرىلىسىن ىشكەرىلەي ىلگەرىلەتىپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن توقتاۋسىز تەرەڭدەتىپ، دەنساۋلىق ساقتاۋ بويىنشا كەدەيلەردى سۇيەمەلدەۋ ينجەنەرياسىن بەلسەنە اتقارىپ، قالا، اۋىل تۇرعىندارىنىڭ دەنساۋلىعىن اقىسىز تەكسەرۋدى تىڭعىلىقتى تۇردە ورىستەتىپ، سالماقتى اۋرۋلاردىڭ ءتيىمدى تۇردە الدىن الۋ جانە ونى تىزگىندەۋ كەرەك. ەمدەۋ دارىندىلارىنىڭ شينجياڭعا «توپ بولىپ» باعىتتامالى كومەكتەسۋى قىزمەتىن ساپالى ىلگەرىلەتىپ، ۇكىمەت شيپاحانالارى رەفورماسىن جەدەلدەتىپ، شيپاحانا بىرلەستىكتەرى قۇرىلىسىن ىلگەرىلەتىپ، اۋىل - قالاشىق ەمحانالارىن، قىستاق مەديتسينالىق پۋنكتتەرىن، الەۋمەتتىك اۋماق گيگيەنالىق قىزمەت كورسەتۋ ورتالىقتارىن ولشەمدەندىرۋ قۇرىلىسىن كۇشەيتىپ، نەگىزگى ساتىداعى ەمدەۋ - دەنساۋلىق ساقتاۋ قۇرىلىمدارىنىڭ قىزمەت كورسەتۋ قابىلەتى مەن ساپاسىن جوعارىلاتىپ، بۇقارانىڭ اۋىرىپ - سىرقاعاندا ەمدەلۋىنە، ەمدەلە الۋىنا، جاقسى ەمدەلۋىنە مۇمكىندىك تۋدىرۋ كەرەك. وتانشىلدىق تازالىق ارەكەتىن بار كۇشپەن قانات جايدىرۋ كەرەك. اۆتونوميالى رايوننىڭ حالىق سانى جانە جوسپارلى تۋىت ەرەجەسىن مۇقيات دايەكتىلەندىرىپ، جوسپارمەن بالالى بولعان وتباسىلارىن سيلاۋ، سۇيەمەلدەۋ ءتۇزىمىن كەمەلدەندىرىپ، جوسپاردان تىس بالالى بولۋدى قاتاڭ تىزگىندەۋ كەرەك. مەديتسينالىق بايلىق پەن زەينەتكەرلىك بايلىقتارىن ۇشتاستىرۋعا تاباندى بولىپ، سالاماتتىق - قارتتاردى كۇتىمدەۋ شارۋاشىلىعىن بار كۇشپەن دامىتۋ كەرەك.

  الەۋمەتتىك مادەنيەت قىزمەت كورسەتۋ دەڭگەيىن جوعارىلاتۋ كەرەك. باس نىسانانى تىعىز ارقاۋ ەتىپ، يدەولوگيا سالاسىنداعى بولشەكتەۋشىلىككە قارسى كۇرەستىڭ ىرىقتىلىعىن بەرىك يگەرىپ، بۇقارانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن، پارتيا 19 - قۇرىلتايىنىڭ رۋحىمەن جانە باس نىسانا تانىمىمەن قارۋلاندىرۋ، شابىتتاندىرۋ، جۇمىلدىرۋ كەرەك. اۆتونوميالى رايونىمىزدىڭ الەۋمەتتىك مادەنيەت قىزمەت كورسەتۋ جۇيەسىن جەدەل كەمەلدەندىرىپ، ازاماتتاردىڭ مادەنيەت جونىندەگى نەگىزگى ۇقىق - مۇددەسىن ونان سايىن كەپىلدەندىرۋ كەرەك. شىعىس جەلى ينجەنەرياسى، شارۋالار كىتاپ ءۇيى، اۋىل - قىستاقتاردا كينو كورسەتۋ ينجەنەرياسى، بارلىق وتباسىن راديو - تەلەۆيزيامەن قامتۋ سياقتى حالىققا ءتيىمدى مادەنيەت ينجەنەريالارىن ۇزدىكسىز اتقارىپ، باي مازمۇندى، الۋان ءتۇرلى بۇقارالىق مادەنيەت قيمىلدارىن قانات جايدىرۋ كەرەك. مادەنيەت - كوركەمونەر جاسامپازدىعىن گۇلدەندىرىپ، شينجياڭ حيكاياسىن تامىلجىتا بايانداپ، جۇرتتى ۇزدىك تۋىندىلارمەن شابىتتاندىرىپ جانە اسەرلەندىرىپ، قالا، اۋىل تۇرعىندارىنىڭ رۋحاني - مادەني ءومىرىن بايىتۋ كەرەك. وسى زامانعى مادەنيەتتىڭ شارۋاشىلىق جۇيەسى مەن بازار جۇيەسىن كەمەلدەندىرىپ، ماتەريالدىق مادەنيەت ەسكەرتكىشتەرىن قورعاۋ، پايدالانۋ مەن مادەنيەت مۇرالارىن قورعاۋ، جالعاستىرۋدى كۇشەيتىپ، مادەنيەت ىستەرى مەن مادەنيەت شارۋاشىلىعىنىڭ اقاۋسىز دامۋىن ىلگەرىلەتۋ كەرەك.

  قوعامدىق قامتاماسىزداندىرۋ جۇيەسىن كەمەلدەندىرۋ كەرەك. جالپى حالىقتى ەمدەۋ قامسىزداندىرۋعا قاتىستىرۋ جوسپارىن جاپپاي اتقارىپ، نەگىزگى زەينەتكەرلىك قامسىزداندىرۋ، ەمدەۋ قامسىزداندىرۋ، جەكە باستى جازاتايىم جازىمنان قامسىزداندىرۋى، سالماقتى اۋرۋلاردان قامسىزداندىرۋ، جۇمىسسىزدىق قامسىزداندىرۋى، جۇمىس ۇستىندە جارالانۋ قامسىزداندىرۋى، تۋىت قامسىزداندىرۋى تۇزىمدەرىن كەمەلدەندىرىپ، جۇمىس ۇستىندە جارالانۋ بويىنشا قامسىزداندىرۋ قورىن اۆتونوميالى رايون دارەجەلى ءبىر تۇتاس جوسپارعا الۋدى باستاپ، قوعامدىق قامسىزداندىرۋ جونىندەگى اۆتونوميالى رايون بويىنشا بىرلىككە كەلگەن الەۋمەتتىك قىزمەت كورسەتۋ تۇعىرى قۇرىلىسىن جەدەل ىلگەرىلەتىپ، ولكەلەر ارا باسقا جەردە ەمدەلۋ مەن نەگىزگى ەمدەۋ قامسىزداندىرۋىنىڭ، سالماقتى اۋرۋلار قامسىزداندىرۋىنىڭ «ءبىر ءتىزىم تۇرىندە» تىكەلەي ەسەپتەلۋىن ىسكە اسىرۋ كەرەك. قالا، اۋىل تۇرعىندارى اراسىنداعى ەڭ تومەنگى تۇرمىس دەڭگەيى قامتاماسىز ەتىلۋگە ءتيىستى ادامداردى مۇمكىندىكتىڭ بارىنشا قامتاماسىز ەتىپ، جاردەماقى ولشەمىن ۇزدىكسىز جوعارىلاتۋ كەرەك. قوعامدىق جاردەم جۇيەسىن كەمەلدەندىرىپ، «بەستە قامتاماسىز ەتىلەتىندەر» مەن جەتىم بالالاردى قالاۋىنا قاراي جيناقتاپ قاراۋعا الۋدى ىلگەرىلەتىپ، مۇگەدەكتەردىڭ جانە انالار مەن بالالاردىڭ ۇقىق - مۇددەسىن قورعاۋ كەرەك.

  حاۋىپسىزدىك ارقىلى حالىققا تيىمدىلىك جاساۋ تەبىنىن ارتتىرۋ كەرەك. اپاتتان قورعانۋ، اپات سالدارىن ازايتۋ، اپاتتان قۇتقارۋ جۇيەسى قۇرىلىسىن كۇشەيتىپ، تابيعي اپاتتارعا ءونىمدى تۇردە جانە دەر كەزىندە توتەپ بەرىپ، اپاتقا ۇشىراعان بۇقاراعا شىن مانىندە ويداعىداي جاردەم كورسەتۋ كەرەك. گەولوگيالىق اپاتتاردان ساقتانۋدى ونان سايىن كۇشەيتۋ كەرەك. ازىق - تۇلىك، ءدارى - دارمەك حاۋىپسىزدىگى ستراتەگياسىن اتقارىپ، حالىق جۇرتشىلىعىنىڭ اس - سۋ تۇتىنۋ، ءدارى پايدالانۋ حاۋىپسىزدىگىنە كەپىلدىك ەتۋ كەرەك. ساپانى باقىلاۋ - باسقارۋدى كۇشەيتىپ، ءونىمنىڭ ساپالىق حاۋىپسىزدىگىنە كەپىلدىك ەتۋ كەرەك. حاۋىپسىز دامۋ ۇستانىمىن ورناتىپ، ءوندىرىس حاۋىپسىزدىگى جاۋاپكەرشىلىگىن قاتاڭ تياناقتاندىرىپ، ءوندىرىس حاۋىپسىزدىگى سالاسىنداعى رەفورمانىڭ دامۋىن بار كۇشپەن ىلگەرىلەتىپ، ورەسكەل، توتەنشە اۋىر حاۋىپسىزدىك شىرعالاڭدارىنان باتىل ساقتانۋ كەرەك.

  (8) اۋىر حاۋىپ - قاتەرلەردەن ساقتانۋدان جانە ونى جويۋدان قامال الۋ شايقاسىن ويداعىداي جۇرگىزىپ، قازىنا - سالىقتىڭ، فينانستىڭ تىرەكتىك رولىن كۇشەيتۋ

  ۇكىمەتتىك قارىز مىندەتتەمەلەرىنىڭ قاتەرى مەن فينانس قاتەرىنەن ساقتانۋدى، ونى تىزگىندەۋدى كۇشەيتىپ، جۇيەلىك قاتەردى بولدىرماۋ تومەنگى شەگىن بۇلجىتپاي ساقتاۋ كەرەك.

  ۇكىمەتتىك قارىز مىندەتتەمەلەرىنىڭ قاتەرىنەن ساقتانۋ، ونى جويۋ كەرەك. ۇكىمەتتىڭ قارىزدانۋ جاعدايىنا جاپپاي تەكسەرۋ جۇرگىزىپ، ونىڭ ۇلعايۋىن قاتاڭ تىزگىندەۋ كەرەك، دامۋ قارقىنى ءسال باياۋلاسا دا، بەلگىلەمەگە قايشى قارىز الۋعا استە بولمايدى. ۇكىمەتتىك قارىز مىندەتتەمەلەرىن باسقارۋدىڭ قىزىل سىزىعى مەن تومەنگى شەگىنەن اتتاماي، مەملەكەت قاراپ - بەكىتكەن جەرگىلىكتى ۇكىمەتتەردىڭ مىندەتتەمەلى نورماسى ىشىندە جەرگىلىكتى ۇكىمەتتىك زايوم بەلەتىن شىعارۋدى اۆتونوميالى رايون بويىنشا قارىز الۋدىڭ بىردەن - ءبىر زاڭدى جولى ەتۋ كەرەك، مەملەكەتتىك كەڭەس قاراپ - بەكىتىپ، اۆتونوميالى رايوندىق حالىق ۇكىمەتى شىعارعان جەرگىلىكتى ۇكىمەتتىك زايوم بەلەتىنەن تىس، جەرگىلىكتى ۇكىمەتتەردىڭ قانداي دا ءبىر تاسىلمەن قارىز الۋىنا، مەكەمە - ورىندار مەن جەكە تۇلعالاردىڭ قارىز مىندەتتەمەلەرىنە كەپىل بولۋىنا، ءارقانداي مەكەمە - ورىن مەن جەكە تۇلعا قۇراعان قارجىنىڭ قارىزىن وتەۋ جاۋاپكەرشىلىگىن ارقالاۋىنا استە رۇقسات ەتىلمەيدى، ۇكىمەتتىڭ قارجىلىق قورى، ۇكىمەت پەن قوعامدىق قاراجاتتىڭ ىنتىماقتاستىعى، ۇكىمەتتىڭ كورسەتىلگەن قىزمەتتەردى ساتىپ الۋى سياقتى اتتارمەن تۇرلەندىرىپ قارىز الۋعا قاتاڭ تيىم سالىپ، بەلگىلەمەگە قايشى قارىزداردىڭ ۇلعايۋىنا مۇلدە جول بەرمەۋ كەرەك. ۇكىمەتتىڭ موينىنداعى قارىزدىڭ كولەمىن بەلسەندى، بايىپتى تۇردە ازايتىپ، جەرگىلىكتى جاسىرىن قارىز مىندەتتەمەلەرىنىڭ قاتەرىن بىرتىندەپ جويۋ كەرەك.

  فينانس قاتەرىنەن ساقتانۋ جانە ونى جويۋ كەرەك. قاتەرى كوپ ءتۇيىندى سالالار مەن شەشۋشى بۋىنداردى ءجىتى قاداعالاپ، سايكەستىرۋ مەن قىزمەت كورسەتۋدى كۇشەيتىپ، كاسىپورىنداردىڭ شارۋاشىلىق جۇرگىزۋ قاتەرىنىڭ فينانس قاتەرىنە اينالۋىنان بەلسەندى تۇردە ساقتانۋ كەرەك. فينانس بازارىنداعى ايىرباس ارەكەتتەرىن قاتاڭ ءبىر ىزگە كەلتىرىپ، زاڭسىز قارجى قۇراۋ، فينانسپەن بەتالدى اينالىسۋ، جاسىرىن اقشا دۇكەنىن اشۋ، زاڭسىز راستاما شىعارۋ سياقتى زاڭعا، بەلگىلەمەگە قايشى فينانس قيمىلدارىنا قاتاڭ سوققى بەرىپ، فينانس سالاسىنداعى باسسىزدىقتاردى قاتاڭ جونگە سالىپ، حاۋىپ - قاتەردى باسىنان باسقارۋدى بارىنشا كۇشەيتىپ، جەرگىلىكتى فينانس قۇرىلىمدارىنا ۇنەمىلىك باقىلاۋ - باسقارۋدى جاپپاي كۇشەيتىپ، فينانس حاۋىپسىزدىگىنىڭ قورعانىس شەبى مەن حاۋىپ - قاتەر تۋدىرعان توتەنشە جاعدايدى ءبىر جاقتى ەتۋ مەحانيزمىن كەمەلدەندىرىپ، فينانس حاۋىپسىزدىگىنىڭ تيىمدىلىگى مەن تۇراقتىلىعىنا كەپىلدىك ەتۋ كەرەك.

  قازىنا - سالىق پەن فينانستىڭ تىرەكتىك رولىن كۇشەيتۋ كەرەك. بەلسەندى قازىنا ساياساتى مەن ورنىقتى اقشا ساياساتىن ۇتىمدى قولدانىپ، قازىنا - سالىق، فينانس رەفورماسىن تەرەڭدەتىپ، قوعام ورنىقتىلىعى مەن باياندى تىنىشتىق باس نىساناسىنا اناعۇرلىم ويداعىداي قىزمەت ەتۋ كەرەك. قازىنا قاينارى مەن سالىق قاينارى قۇرىلىستارىن كۇشەيتىپ، قازىنا قاينارىن بەلسەندى تۇردە اشىپ، سالىقتى زاڭ بويىنشا سالۋ، سالۋعا تيىستىلەرگە تولىق سالۋ كەرەك. قازىنالىق قاراجاتتىڭ سەپتەلۋىن ساپالىلاندىرىپ، قازىنالىق شىعىستىڭ قۇرىلىمىن رەتتەپ جانە ساپالىلاندىرىپ، قازىنا كۇشىن نەگىزدى، اينالىمدى، حالىق تۇرمىسىن، ماڭىزدى تۇيىندەردى قامتاماسىز ەتۋگە شوعىرلاندىرۋ، قامداۋ جاعىنداعى قۇرىلىمدىق رەفورما، كەدەيلىكتەن قۇتىلدىرۋدان قامال الۋ، ەكولوگيالىق ورتانى قورعاۋ، وقۋ - اعارتۋ، لاڭكەستىككە قارسى تۇرىپ، ورنىقتىلىقتى قورعاۋ سياقتى سالالارعا قولداۋ تەبىنىن ارتتىرۋ كەرەك. ۇنەمشىلدىك يدەياسىن بەرىك ورناتىپ، ۇكىمەتتىك 3 قاراجاتتى تەك ازايتۋ، استە كوبەيتپەۋ، جاڭا عيمارات، ساراي، كلۋبتار سالۋدى قاتاڭ تيىپ، ءتۇرلى سالتاناتتى قۇتتىقتاۋ قيمىلدارىن قاتاڭ تىزگىندەپ، قازىنالىق قاراجاتتىڭ تولىقتاي ەڭ كەرەكتى جەرگە جۇمسالۋىنا كەپىلدىك ەتۋ كەرەك. ۇكىمەت پەن فينانس قۇرىلىمدارىنىڭ ستراتەگيالىق ىنتىماقتاستىعىن كۇشەيتىپ، ءتۇرلى فينانس قۇرىلىمدارىن جەرگىلىكتى ەكونوميكالىق، قوعامدىق دامۋعا ات سالىسۋعا تارتىپ، فينانستىڭ ناقتى ەكونوميكاعا قىزمەت كورسەتۋ قابىلەتىن كۇش سالا نىعايتىپ، كەلەلى قارجى سالۋ نىساندارىنا، ەرەكشە باسىمدىققا يە شارۋاشىلىق سالالارىنا، اۋىل شارۋاشىلىعىنا قاتىستى كاسىپورىندارعا، شاعىن، ۇساق كاسىپورىندارعا جانە كەدەي وڭىرلەرگە، قيىنشىلىعى بار قاۋىمنىڭ شارۋاشىلىق قۇرۋىنا فينانستىق قولداۋدى كۇشەيتۋ كەرەك. جاسىل فينانستى بەلسەندى تۇردە دامىتىپ، سانجى، قۇمىل، قارامايلىنى ءتۇيىن ەتە وتىرىپ، جاسىل فينانستان جاڭالىق اشۋ بويىنشا سىناق رايوندارىنىڭ قۇرىلىسىن جەدەل ىلگەرىلەتىپ، ەكونوميكانىڭ تۇرلەنۋى مەن جاڭارۋىن جەبەۋ كەرەك.

  (9) ۇلتتار ىنتىماعى، العاباسارلىعى ىستەرىن بار كۇشپەن ىلگەرىلەتىپ، ءدىندى سوتسياليستىك قوعامعا سايكەسۋگە بەلسەنە باستاۋ

  پارتيانىڭ ۇلت ساياساتىن جاپپاي دايەكتىلەندىرىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلدارىن ۇزدىكسىز ورىستەتىپ، ۇلتتار ىنتىماعى تاربيەسىن «سەگىزگە ەنگىزۋ» قيمىلىن ىشكەرىلەي ىلگەرىلەتىپ، ۇلتتار ىنتىماعى، العاباسارلىعىندا وزات ورىن قۇرۋ قيمىلىن كەڭ قانات جايدىرۋ كەرەك. ۇلتتار كىرىككەن قوعامدىق قۇرىلىم مەن الەۋمەتتىك اۋماق ورتاسىن قالىپتاستىرۋعا كۇش سالىپ، ءار ۇلت بۇقاراسىنىڭ، اسىرەسە، قالىڭ جاستار مەن وسپىرىمدەردىڭ بىرگە تۇرىپ، بىرگە وقىپ، بىرگە قىزمەت ىستەپ، بىرگە جەتىلىپ، اناردىڭ دانىنداي تىعىز ۇيىسۋىنا مۇمكىندىك جاساۋ كەرەك. شينجياڭعا قاتىستى ءبىرقانشا تاريحي ماسەلەنى زەرتتەۋ جونىندەگى اڭگىمە ءماجىلىستىڭ ماڭىزدى ەستەلىگىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، ءار ۇلت كادر - جۇرتشىلىعىنا ماركستىك «5 كوزقاراس» تاربيەسىن ونان سايىن كۇشەيتىپ، ءار ۇلت كادر - جۇرتشىلىعىن «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتۋعا باستاپ، «5 ورتاق تانىمدى» نىعايتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعىنىڭ تاماشا جاعدايىن ۇزدىكسىز ساقتاۋ جانە دامىتۋ كەرەك.

  پارتيانىڭ ءدىن قىزمەتىنىڭ نەگىزگى باعىتىن جاپپاي دايەكتىلەندىرىپ، ەلىمىزدەگى ءىسلام ءدىنىن جۇڭگوشالاندىرۋ باعىتىنان جازباي، دىنگە سەنەتىن بۇقارانىڭ قالىپتى قاجەتىن زاڭ بويىنشا قامتاماسىز ەتىپ، ءدىندى سوتسياليستىك قوعامعا سايكەسۋگە بەلسەندى تۇردە باستاۋ كەرەك. مەشىتتەردى قىستاقتا تۇرىپ باسقارۋ قىزمەتىن ىشكەرىلەي ورىستەتىپ، مەشىتتەر مەن ءدىني قايراتكەرلەرگە، ءدىني قيمىلدارعا باعىتتالعان تاربيەلەۋ، باسقارۋ، قىزمەت كورسەتۋ جۇمىستارىن كۇشەيتىپ جانە جاڭالاپ، زاڭ بويىنشا باسقارۋ، دەموكراتيالىق باسقارۋ، قوعامدىق باسقارۋ ۇشتاستىرىلعان تاربيەلەۋ، باسقارۋ، قىزمەت كورسەتۋ مەحانيزمىن اقاۋسىزداندىرىپ، مەملەكەتتىك كەڭەستىڭ وزگەرىس ەنگىزىلگەننەن كەيىنگى «ءدىن ىستەرى ەرەجەسىن» مۇقيات دايەكتىلەندىرىپ، ءدىن قىزمەتىنىڭ زاڭمەن جونگە سالىنۋ دەڭگەيىن ۇزدىكسىز جوعارىلاتۋ كەرەك. وتانشىل ءدىني قايراتكەرلەردى جەتىلدىرۋ جانە تاربيەلەۋ، باۋلۋ تەبىنىن ارتتىرىپ، ساياسيدا سەنىمدى، دىنگە جۇيرىك، مىنەز - قۇلقىمەن جۇرتتان قۇپتاۋ العان، شەشۋشى ساتتە رول اتقارا الاتىن جوعارى ساپالى ءدىني قايراتكەرلەر قوسىنىن قۇرۋ كەرەك. «ۇشقارىلىقتى الاستاۋدى» ۇزدىكسىز تۇردە ىشكەرىلەي ورىستەتىپ، زاڭسىز ءدىني قيمىلداردى زاڭ بويىنشا جونگە سالىپ، ءدىني ۇشقارى يدەيالاردىڭ ءوربۋىن، ەتەك جايۋىن شەكتەپ، اۆتونوميالى رايونىمىزدا ءدىن جاراسىمدىلىعىنىڭ جاڭا جاعدايىن قۇلشىنا اشۋ كەرەك.

  (10) لاستانۋدىڭ الدىن الۋدان، ونى وڭاۋدان قامال الۋ شايقاسىن ويداعىداي جۇرگىزىپ، كورىكتى شينجياڭ قۇرۋدى جەدەلدەتۋ

  ەكولوگيالىق ورتانى قورعاۋدى ماڭداي الدى ورىنعا قويۋدان جازباۋ، ەكونوميكالىق دامۋ ءسال باياۋلاسا دا، ەكولوگيالىق ورتانى قۇرباندىققا شالۋعا استە جول بەرمەۋ، اسپانى اشىق، جەرى جاسىل، سۋى تۇنىق كورىكتى شينجياڭدى قۇلشىنا قۇرۋ كەرەك.

  ەكولوگيالىق قىزىل سىزىق پەن تومەنگى شەكتەن استە اتتاماۋ كەرەك. «3 جوعارى» نىسانداردىڭ شينجياڭعا كىرۋىنە قاتاڭ تيىم سالۋدىڭ ناقتى باسقارۋ ادىستەرى مەن ونەركاسىپتىك نىساندارعا رۇقسات بەرۋدىڭ ۇنامسىز ءتىزىمىن شىعارىپ، ەنەرگيا كوزدەرى مەن كەن بايلىعىن اشۋدى اۆتونوميالى رايوندىق ۇكىمەت «ءبىر قالاممەن» قاراۋ - بەكىتۋ ءتۇزىمىن، قورشاعان ورتانى قورعاۋ جونىندەگى «ءبىر داۋىسپەن تەرىسكە شىعارۋ» ءتۇزىمىن قاتاڭ اتقارىپ، ەكولوگيالىق ورتانى قورعاۋدىڭ جانە كەڭىستىكتەن پايدالانۋ ماقساتىن باقىلاۋدىڭ ەڭ قاتاڭ ءتۇزىمىن، ەگىستىك جەردى قورعاۋدىڭ جانە سۋ بايلىعىن باسقارۋدىڭ ەڭ قاتاڭ ءتۇزىمىن تياناقتاندىرۋ كەرەك. وزەن (كول) باستىعى ءتۇزىمىن جاپپاي تياناقتاندىرىپ، ونىڭ اۆتونوميالى رايوندى تەگىس قامتۋىن ىسكە اسىرۋ كەرەك. شينجياڭنىڭ قورشاعان ورتانى قورعاۋ جونىندەگى 5 جىلدىق جوباسىن جاساپ جانە اتقارىپ، بيڭتۋان مەن جەرگىلىكتى ورىننىڭ قورشاعان ورتانى قورعاۋ بويىنشا «بەستى بىرلىككە كەلتىرۋ» قىزمەت مەحانيزمىنىڭ ورناتىلۋىن جەبەۋ كەرەك. «كوپ جوبانىڭ بىرىكتىرىلۋىن» بەلسەنە ىلگەرىلەتۋ كەرەك. ەكولوگيالىق ورتاعا زالال كەلتىرەتىن، ەكولوگيالىق ورتانى بۇلدىرەتىن دامۋ تاسىلدەرىنەن جانە ەكولوگيالىق ورتانى قۇرباندىققا شالۋ ارقىلى جەرگىلىكتى ەكونوميكانىڭ مەزەتتىك ءوسۋىن ىسكە اسىراتىن ادىستەردەن باتىل باس تارتىپ، ەكولوگيالىق فۋنكتسيانى قامتاماسىز ەتۋدىڭ نەگىزگى سىزىعىن، قورشاعان ورتانىڭ ساپاسى مەن حاۋىپسىزدىگىنىڭ تومەنگى شەگىن، تابيعي بايلىقتاردى كادەگە جاراتۋدىڭ جوعارعى شەگىن قاتاڭ ساقتاۋ كەرەك.

  ەكولوگيالىق ورتانى قورعاۋ قۇرىلىسىن كۇشەيتۋ كەرەك. نەگىزگى فۋنكتسيا ستراتەگياسىن جاپپاي تياناقتاندىرىپ، ءتۇيىندى ەكولوگيالىق ينجەنەريالاردىڭ قۇرىلىسىن كۇشەيتىپ، قۇلىستاي ەكولوگياسىن قالپىنا كەلتىرۋ سياقتى ماڭىزدى ەكولوگيالىق قالپىنا كەلتىرۋ ينجەنەريالارىنىڭ قۇرىلىسىن جەدەلدەتىپ، ەبنۇر كولى الابىنىڭ سۋ ورتاسىن كەشەندى جونگە سالۋ ارناۋلى قىزمەتىن تىڭعىلىقتى ىلگەرىلەتۋ كەرەك. ەكولوگيالىق ورتانى قورعاۋدىڭ قىزىل سىزىعىن جەدەل انىقتاپ، ماڭگىلىك قاسات قارلى القاپ، ماڭىزدى سۋ كوزدەرىن قورەكتەندىرۋشى وڭىرلەر، اۋىز سۋ قاينارىن قورعاۋ وڭىرلەرى، الەمدىك جاراتىلىستىق مۇرالار ءوڭىرى، لاندشافتتار مەن كورىنىسى كوركەم جەرلەر، جاراتىلىستىق قورىقتار مەن ماڭىزدى وزەن، كول، سازدى جەرلەر، ت. ب زاڭ بويىنشا ءماجبۇرلى قورعاۋدى جولعا قويۋ كەرەك. تاۋ، سۋ، ورمان، ەگىستىك، كول، جايلىمدى جۇيەلى تۇردە جونگە سالۋ تەبىنىن ارتتىرىپ، ەگىستىك جەردى، جايلىمدى، وزەن - كولدەردى تىنىقتىرۋ جوباسىن باستاپ اتقارىپ، قۇمدى بوران كوزىندەگى وڭىرلەر سياقتى ءتۇيىندى وڭىرلەردەگى ەكولوگيالىق ىقتاسىن قۇرىلىسىن كۇشەيتىپ، اقسۋداعى قۇمنان ساقتانۋ، قۇمدى تىزگىندەۋ ماقساتىنداعى ەكى بىردەي ميلليون مۋلىق ەكولوگيانى وڭاۋ، جاسىلداندىرۋ ينجەنەرياسىن زور كۇشپەن اتقارىپ، جەمىس شارۋاشىلىعى مەن ەكولوگيالىق وركەنيەت قۇرىلىسىن توعىستىرا دامىتىپ، ءتۇيىندى وڭىرلەردە سۋ - توپىراقتىڭ شايىلۋى مەن جەردىڭ قۇمايتتانۋىن جان - جاقتى وڭاۋدى ىلگەرىلەتىپ، قۇمايتتانۋدى جونگە سالۋ مەن ەكولوگيانى قورەكتەندىرۋدەن مەملەكەت بويىنشا ۇلگى كورسەتۋشى ءوڭىر بولۋعا بەل بۋىپ، ەكولوگيالىق حاۋىپسىزدىك ىقتاسىنىن قۇلشىنا قالىپتاستىرۋ كەرەك.

  اتموسفەرا، سۋ، توپىراقتىڭ لاستانۋىن وڭاۋدى ۇزدىكسىز ىلگەرىلەتۋ كەرەك. «سۋ تۋرالى 10 تارماقتى» ىشكەرىلەي اتقارىپ، سۋدىڭ لاستانۋىنان ساقتانۋ، ونى جونگە سالۋ ارەكەت جوسپارىن جاپپاي ىلگەرىلەتىپ، لاستانۋدى جۇمىلا وڭاۋ مەن سۋدى جۇيەلى باسقارۋدى ىلگەرىلەتىپ، سۋ الاپتارىنىڭ قورشاعان ورتاسىن جان - جاقتى وڭاپ، سۋ ورتاسىنىڭ ساپاسىن ۇزدىكسىز جاقسارتۋ كەرەك. «توپىراق تۋرالى 10 تارماقتى» جاپپاي اتقارىپ، توپىراقتىڭ لاستانۋىن تىزگىندەۋدى جانە لاستانعان توپىراقتى قالپىنا كەلتىرۋدى كۇشەيتىپ، اۋىل شارۋاشىلىعىنىڭ ديففۋزيالىق لاستانۋىنان ساقتانۋدى كۇشەيتىپ، قاتتى قالدىقتار مەن قوقسىقتاردى ءبىر جاقتى ەتۋ قۇرىلعىلارى بويىنشا قابىلەت قۇرىلىسىن كۇشەيتۋ كەرەك. اتموسفەرانىڭ لاستانۋىنان ساقتانۋ، ونى وڭاۋ ارەكەتىن ۇزدىكسىز اتقارىپ، ءۇرىمجى - سانجى - شىحىزى، كۇيتۇن - مايتاۋ - شيحۋ سياقتى ءتۇيىندى وڭىرلەردە اتموسفەرا لاستانۋىنان جۇمىلا ساقتانۋ، ونى بىرگە جونگە سالۋ تەبىنىن ارتتىرىپ، زەڭگىر اسپاندى قورعاۋ شايقاسىن باتىل جۇرگىزىپ، اتموسفەرا ورتاسى ساپاسىنىڭ ايتارلىقتاي جاقسارۋىن ىسكە اسىرامىز!

  شارۋاشىلىق قۇرىلىمىن، ەنەرگيا تۇتىنۋ قۇرىلىمىن جەدەل رەتتەۋ كەرەك. مەشەۋ وندىرىستىك قۋاتتى ادا - كۇدە قولدانىستان شىعارىپ، لاستانۋدى تۋ باسىنان ازايتۋ كەرەك. ەلەكتر ۇلەستىرۋ جەلىسىنىڭ قۇرىلىسىن جانە ونى جاڭالاۋدى كۇشەيتىپ، قالا، اۋىلداردىڭ ەلەكترمەن قامداۋ قابىلەتىن جوعارىلاتۋ ارەكەتىن بەلسەنە ورىستەتىپ، بۇقارانىڭ جاسىل، قورشاعان ورتانى قورعايتىن ءومىر سالتىنا دەم بەرىپ، ادام مەن تابيعاتتىڭ جاراسىمدى دامۋىن ەلەكترلەندىرۋ ارقىلى ىلگەرىلەتۋ كەرەك. اۋىل - قىستاق ورتاسىن جان - جاقتى وڭاۋدى كۇشەيتىپ، كورىكتى اۋىل - قىستاق قۇرىلىسىن ىلگەرىلەتىپ، ەكولوگيالىق ورتا جونىندە بۇقارادان كۇشتى پىكىر تۇسكەن كورنەۋ ماسەلەلەردى كۇش سالا شەشىپ، ءار ۇلت جۇرتشىلىعىنىڭ تازا سۋ، ساپ اۋانىڭ يگىلىگىن كورىپ، قورشاعان ورتانى جاقسارتۋدىڭ جەتىستىكتەرىن سەزىنۋىنە مۇمكىندىك جاسايمىز!

  ەكولوگيالىق ورتانى قورعاۋ جاۋاپكەرشىلىگىن قاتايتۋ كەرەك. ورتالىقتىڭ قورشاعان ورتانى قورعاۋدى باقىلاۋ - تەكسەرۋ جۇرگىزۋى بويىنشا تۇزەتۋ قىزمەتىن شىن مانىندە ويداعىداي يگەرىپ، لاستانۋ كوزدەرىن مەملەكەتتىك 2 - رەتكى جاپپاي تەكسەرۋگە بايلانىستى اۆتونوميالى رايوننىڭ قىزمەتتەرىن ءبىر تۇتاس جاقسى ىستەپ، قورشاعان ورتانى باقىلاۋ - تەكسەرۋ قابىلەتى قۇرىلىسىن ونان سايىن كۇشەيتۋ كەرەك. ەكولوگيالىق ورتانى قورعاۋدىڭ سۋبيەكتتىك جاۋاپكەرشىلىگىن بۇلجىتپاي تياناقتاندىرىپ، جاۋاپكەرشىلىكتى تەكسەرۋدىڭ ەڭ قاتاڭ ءتۇزىمىن اتقارۋ، باسشى كادرلار قىزمەتتەن بوساعاندا جاراتىلىستىق بايلىق، مال - مۇلىك جونىندە قازىنالىق باقىلاۋ جۇرگىزىپ، ەكولوگيالىق ورتانى قورعاۋ جاۋاپكەرشىلىگىن تياناقتاندىرماي، پارمەندى شارا قولدانباي، قاتاڭ باقىلاپ - باسقارماي، اۋىر زارداپ تۋدىرعانداردى زاڭ، ءتارتىپ، بەلگىلەمە بويىنشا قاتاڭ تەكسەرىپ، قاتال جاۋاپقا تارتىپ، جاۋاپكەرشىلىگىن ءومىر بويى قۋزاستىرىپ، ەكولوگيالىق ورتانى بۇلدىرۋشىلەرگە اۋىر بوداۋ تولەتەمىز!

  (11) جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، شار تاراپقا ەسىك اشۋ جاعدايىن قالىپتاستىرۋ

  مەملەكەتتىڭ «ءبىر بەلدەۋ، ءبىر جول» قۇرىلىسىنا تەرەڭدەي ات سالىسىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ءتۇيىن ەتىپ، ەنگىزۋ مەن شىعارۋعا تەڭ ءمان بەرۋگە تاباندى بولىپ، ىشكە، سىرتقا ەسىك اشۋ دەڭگەيىن جاپپاي جوعارىلاتىپ، شار تاراپقا ەسىك اشۋ جاعدايىن كۇش سالا قالىپتاستىرۋ كەرەك.

  وزەكتى رايون قۇرىلىسىن بەلسەنە ىلگەرىلەتۋ كەرەك. «ءبىر بەلدەۋ، ءبىر جول» حالىقارالىق ىنتىماقتاستىعى جونىندەگى جوعارى دارەجەلى باسشىلار تالقى مىنبەرىنىڭ جەتىستىكتەرىن جاپپاي تياناقتاندىرىپ، مەملەكەتتىڭ قولداۋ ساياساتتارىنان ۇتىمدى پايدالانىپ، كاسىپورىنداردى نەگىز، بازارلانۋدى باعىت ەتىپ، «5 ۇلكەن ورتالىق» قۇرىلىسىن جەدەلدەتىپ، ءوزارا تۇتاستىرۋ جانە «3 بازا»، «3 ارنا» قۇرىلىستارى سياقتى نىسانداردىڭ تياناقتانۋىن ىلگەرىلەتۋ كەرەك. قاشقار، قورعاس اشىق ەكونوميكالىق وڭىرلەرىن ونان سايىن ارناعا سالىپ جانە ويداعىداي قۇرىپ، سالالاردىڭ جيناقتالۋىن جەبەپ، سىرتقا اشىلعان تەرەزەلەر مەن تۇعىرلاردىڭ رولىن شىن مانىندە ويداعىداي ساۋلەلەندىرۋ كەرەك. شەكارا اتتاعان ساياحاتتى بەلسەنە ىلگەرىلەتىپ، توڭىرەكتەگى ەلدەرمەن عىلىم - تەحنيكا، مادەنيەت، وقۋ - اعارتۋ، ەمدەۋ سالالارىنداعى ىنتىماقتاستىقتى جانە گۋمانيتارلىق بايلانىستى جەبەۋ كەرەك. 6 - كەزەكتى جۇڭگو − ازيا - ەۆروپا كورمەسىن ويداعىداي وتكىزۋ كەرەك.

  «سىرتقا شىعۋ» قادامىن جەدەلدەتۋ كەرەك. جۇڭگو - ەۆروپا (ورتا ازيا) كەزەكشى پويەزدارىن توپتاستىرۋ ورتالىعى مەن ءۇرىمجى تەمىر جول وتكەلى، ارالاس - تىزبەكتەلگەن كەدەندىك باقىلاۋ - باسقارۋ ورتالىعى، جالپى باجىسى قورعالاتىن كەشەندى رايون قۇرىلىستارىن ءبىر تۇتاس جوبالاپ، ءۇرىمجى حالىقارالىق قۇرلىقتىق تەرمينالىن قالىپتاستىرىپ، جۇڭگو - ەۆروپا (ورتا ازيا) كەزەكشى پويەز تاسىمالىنىڭ كولەمدەنۋىن، تيىمدىلەنۋىن جانە ۇدايىلانۋىن قۇلشىنا ىسكە اسىرۋ كەرەك. شەتەلدەرگە قارجى سالۋعا ءتيىمدى جەتەكشىلىك ەتىپ، شينجياڭ ىشىندەگى كاسىپورىنداردىڭ ەنەرگيا، كەن، ەلەكتر، حيميا ونەركاسىبى، ءدارى - دارمەك، توقىما جانە كيىم - كەشەك، اۋىل شارۋاشىلىعى سياقتى باسىمدىققا يە سالالاردا «سىرتقا شىعۋىنا» قولداۋ كورسەتىپ، توڭىرەكتەگى ەلدەرمەن بولات - تەمىر، سەمەنت، جابدىقتاۋ - جاساۋ سياقتى سالالاردا وندىرىستىك قۋات ىنتىماقتاستىعىن تەرەڭدەتىپ، شەكارا سىرتىنداعى ەكونوميكا - ساۋدا ىنتىماقتاستىق رايونى، شەكارا بويىنداعى ەكونوميكالىق ىنتىماقتاستىق رايونى قۇرىلىستارىن كۇشەيتىپ، شەكاراداعى تۇرعىنداردىڭ ءوزارا ساۋداسىن دامىتىپ، تاۋار، تەحنيكا، جابدىق ەكسپورتىنا قوزعاۋ سالۋ كەرەك.

  سىرتقى ساۋدا ىنتىماقتاستىعىن تەرەڭدەتۋ كەرەك. جۇڭگو - پاكيستان، جۇڭگو - موڭعۇليا - رەسەي ەكونوميكالىق دالىزدەرىنىڭ قۇرىلىسىنا بەلسەنە ات سالىسىپ، ءۇرىمجى، قاشقار، الاتاۋ ساعاسى جالپى باجىسى قورعالاتىن كەشەندى رايون مەن جۇڭگو - قازاقستان قورعاس حالىقارالىق شەكارالىق ىنتىماقتاستىق ورتالىعىنىڭ جۇمىس كولەمىن كەڭەيتۋىن جەبەپ، ءۇرىمجى شەكارا اتتاعان ەلەكتروندىق ساۋدا جالپىلىق سىناق رايونىنىڭ قۇرىلىسىن بار كۇشپەن ىلگەرىلەتىپ، شاۋەشەكتىڭ اشۋ، ەسىك اشۋ سىناق رايونىنىڭ جالپى جوباسىن جەدەل كەمەلدەندىرۋىنە قولداۋ كورسەتىپ، جۇڭگو - قازاقستان قورعاس حالىقارالىق شەكارالىق ىنتىماقتاستىق ورتالىعىندا حالىق اقشاسىمەن ەسەپ - قيساپ جاسالاتىن جاڭاشىل كاسىپتەردى تۇيىندە سىناق ەتۋدى جاقسى ىستەپ، حالىق اقشاسىنىڭ توڭىرەكتەگى ەلدەردە قولدانىلۋىن كەڭەيتىپ، شەكارا اتتاعان ساۋداعا قارجى سالۋدىڭ وڭتايلانۋىن جەبەۋ كەرەك. قىزمەت كورسەتۋ ساۋداسىن بار كۇشپەن دامىتىپ، شينجياڭدا حالىقارالىق ساۋدا بويىنشا «ءبىر تەرەزەنىڭ» ولشەمدى نۇسقاسىن جولعا قويۋ قىزمەتىن جاقسى ىستەپ، سىرتقى ساۋداعا جان - جاقتى قىزمەت كورسەتۋشى كاسىپورىندار سىناق ءتۇيىنى قىزمەتىندە ناقتى ىلگەرىلەۋشىلىكتەرگە قول جەتۋىن ىلگەرىلەتۋ كەرەك.

  ىشكە ەسىك اشۋدى ۇزدىكسىز كەڭەيتۋ كەرەك. مەملەكەتتىڭ باتىسقا اشىلعان العى شەبى مەن قاقپاسى رەتىندەگى وزگەشە باسىمدىعىن تولىق ساۋلەلەندىرىپ، ورتا ازيا سياقتى ەلدەردىڭ بازارىن بەتكە الىپ، شىعىس بولەكتەگى وڭىرلەردەن جىلىستاعان شارۋاشىلىق سالالارى مەن ىشكى ولكەلەردەن ءتارتىپتى تۇردە ورىن اۋىستىرعان كاسىپورىنداردى بەلسەندى تۇردە قابىلداپ، ءتۇرلى كاسىپورىندى شينجياڭعا قارجى سالىپ، كاسىپكەرلىكتى دامىتۋعا تارتۋ جانە ىنتالاندىرۋ كەرەك. شينجياڭعا باعىتتامالى كومەكتەسۋدىڭ ارتىقشىلىعىنان ۇتىمدى پايدالانىپ، شينجياڭعا باعىتتامالى كومەكتەسۋشى ولكە، قالالارمەن، ورتالىق كاسىپورىندارمەن بارىس - كەلىس بايلانىستارىن كۇشەيتىپ، ءوزارا تيىمدىلىك جانە تەڭ يگىلىكتى ىنتىماقتاستىق نەگىزىندە شارۋاشىلىق سالالارى بويىنشا شينجياڭعا كومەكتەسۋ قىزمەتىن ىلگەرىلەتىپ، شارۋاشىلىق قۇرىلىمىنىڭ رەتتەلۋى مەن جاڭارۋىن جەبەۋ كەرەك.

  (12) بيڭتۋاننىڭ رەفورما، دامۋ ىستەرىنە بار كۇشپەن قولداۋ كورسەتىپ، بيڭتۋاننىڭ «ورنىقتىرعىش، دومنا پەش، ۇلگى كورسەتۋشى رايون» رەتىندەگى ەرەكشە رولىن تولىق ساۋلەلەندىرۋ

  «بيڭتۋان مەن جەرگىلىكتى ورىن − ءبىر تۇتاس تۇلعا» يدەياسىن بەرىك ورناتىپ، بيڭتۋاننىڭ دامۋى − شينجياڭنىڭ دامۋى، بيڭتۋاننىڭ كۇشەيۋى − شينجياڭنىڭ كۇشەيۋى، بيڭتۋاننىڭ رەفورماسى − شينجياڭنىڭ رەفورماسى ەكەنىنە تاباندى بولۋ كەرەك. بيڭتۋاننىڭ شينجياڭنىڭ قوعام ورنىقتىلىعىن قورعاۋ مەن باياندى تىنىشتىعىن ىسكە اسىرۋدا ءتىپتى زور جاۋاپكەرشىلىك ارقالاۋىنا قولداۋ كورسەتىپ، ونىڭ ورنىقتىرعىش، دومنا پەش، ۇلگى كورسەتۋشى رايون رەتىندەگى رولىن ءتىپتى جاقسى ساۋلەلەندىرۋ كەرەك. بيڭتۋاننىڭ رەفورمانى تەرەڭدەتۋىنە قولداۋ كورسەتىپ، بيڭتۋانعا زاڭ بويىنشا وكىلەتتىك بەرۋ تەبىنىن ارتتىرىپ، ادەتتەگى اكىمشىلىك فۋنكتسيالار مەن اكىمشىلىك زاڭ اتقارۋ ۇقىقتارىن تولىقتاي بيڭتۋانعا وتكىزىپ، بيڭ−تۋاننىڭ «اكىمشىلىك» فۋنكتسياسىن جەتىلدىرىپ جانە وزگەرتىپ، بيڭتۋاننىڭ دامۋ ومىرشەڭدىگىنە دەم بەرىپ، دامۋى مەن كۇشەيۋىن جەدەلدەتۋ كەرەك. بيڭتۋاننىڭ وڭتۇستىككە قاراي دامۋىنا قولداۋ كورسەتىپ، بيڭتۋاننىڭ وڭتۇستىككە قاراي دامۋى جونىندەگى جوبا باعدارلاماسىن تياناقتاندىرىپ، قالا - قالاشىقتانۋ مەن جاڭاشا ونەركاسىپتەنۋدى دانەكەر ەتىپ، بيڭتۋاننىڭ وڭتۇستىك شينجياڭعا ورنالاسۋىن تەزدەتىپ، پولك - الاڭداردى جاڭادان قۇرىپ، كەڭەيتىپ، ەرەكشە پولك قالاشىقتارىن قۇرىپ، شارۋاشىلىقتى دامىتىپ، جۇمىسقا ورنالاسۋعا جەتەكشىلىك ەتىپ، حالىق سانىن شوعىرلاندىرىپ، كۇش - قۋاتتى زورايتىپ، سول ارقىلى وڭتۇستىك شينجياڭنىڭ دامۋىنا جەتەكشىلىك ەتىپ، وڭتۇستىك شينجياڭنىڭ ورنىقتىلىعىن جەبەۋ كەرەك. بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتىپ، بيڭتۋان مەن جەرگىلىكتى ورىننىڭ ستراتەگيالىق جوبالاردى سايكەستىرۋى مەن ماڭىزدى ماسەلەلەر بويىنشا كەڭەسۋىن كۇشەيتىپ، بيڭتۋان مەن جەرگىلىكتى ورىننىڭ تەرەڭدەي توعىسۋىن بەلسەندىلىكپەن ىلگەرىلەتىپ، بيڭتۋان مەن جەرگىلىكتى ورىن اراسىندا كادرلار اۋىس - كۇيىسىنىڭ تەبىنىن ارتتىرىپ، بيڭتۋان ديۆيزيا - پولكتەرىنىڭ قالا - قالاشىق بولىپ قۇرىلۋىنا قولداۋ كورسەتىپ، ديۆيزيا مەن قالانى بىرىكتىرۋ ءتۇزىلىسىن كەمەلدەندىرىپ، شارۋاشىلىق سالالارىنىڭ دامۋى، بازار جۇيەسى، قوعامدىق قامتاماسىزداندىرۋ، دارىندىلاردى دايىنداۋ جانە اۋىستىرۋ، نەگىزدىك قۇرىلعى قۇرىلىستارى، الەۋمەتتىك قىزمەت كورسەتۋ، بايلىق اشۋ، قورشاعان ورتانى قورعاۋ سياقتى جاقتاردا ءبىر تۇتاس جوبا جاساپ، ءبىرىڭعاي قۇرىلىس جۇرگىزىپ، وڭىرلەر بويىنشا باسقارىپ، تەڭ پايداعا كەنەلىپ، بيڭتۋان مەن جەرگىلىكتى ورىندار قاتار گۇلدەنىپ - دامىعان ومىرشەڭ جاعداي قالىپتاستىرۋ كەرەك.

  شينجياڭ 5700 كيلومەتر تۇراتىن وتان شەكاراسىن كۇزەتىپ وتىر، مەملەكەت قورعانىسى مەن ارميا قۇرىلىسىنا كوڭىل ءبولۋ، قولداۋ كورسەتۋ − باس تارتۋعا بولمايتىن بورىش. مەملەكەت قورعانىسى تاربيەسىن كۇشەيتىپ، قوس قولداۋ قىزمەتىن ىشكەرىلەي ورىستەتۋ كەرەك. شەكارا قورعانىسىنىڭ ءبىرىنشى شەبىنىڭ باقىلاۋ - تىزگىندەۋ تەحنولوگيالارى، جول سياقتى نەگىزدىك قۇرىلعى قۇرىلىستارىن كۇشەيتىپ، ارميا مەن حالىقتىڭ توعىسپالى دامۋىن ىلگەرىلەتۋ كەرەك. مەملەكەت قورعانىسىنا جۇمىلدىرۋ جانە حالىق جاساعى كۇشتەرى قۇرىلىسىن كۇشەيتىپ، ارميا، ساقشى، بيڭتۋان، حالىق بىرلەسىپ باسقارۋ، بىرلەسىپ قورعانۋ جۇيەسىن كەمەلدەندىرىپ، ارميانىڭ اقىلى قىزمەت كورسەتۋدى توقتاتۋ جۇمىستارىن سايكەسىپ جاق−سى ىستەپ، ارميا مەن ۇكىمەت، ارميا مەن حالىق ىنتىماعىنىڭ جاڭا جاعدايى ارقىلى وتانىمىزدىڭ باتىس سولتۇستىك شەكاراسىنىڭ تاۋ قوزعالسادا قوزعالماۋىنا كەپىلدىك ەتەمىز!

  پارتيانىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ارتىقشىلىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ ءتۇبىرلى كەپىلى. ءار دارەجەلى ۇكىمەتتەر پارتيا 19 - قۇرىلتايىنىڭ رۋحىن جاپپاي، ىشكەرىلەي ۇيرەنىپ، دايەكتىلەندىرىپ، سانالى تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن ونان سايىن نىعايتىپ، دۇرىس ساياسي تۇرعىعا، ساياسي بەتالىسقا، ساياسي پرينسيپكە، ساياسي جولعا تاباندى بولىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، باس شۋجي شي جينپيڭنىڭ پارتيا ورتالىق كوميتەتى مەن بۇكىل پارتياداعى ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ جانە تياناقتاندىرىپ، اۆتونوميالى رايوندىق پارتكومنىڭ شەشىم - ورنالاستىرۋلارىن باتىل دايەكتىلەندىرىپ جانە تياناقتاندىرىپ، پارتيانىڭ بارلىق قىزمەتكە باسشىلىعىن بۇلجىتپاستان تىڭعىلىقتى تياناقتاندىرۋى كەرەك. زاڭمەن جونگە سالىناتىن ۇكىمەت قۇرىلىسىن كۇشەيتىپ، زاڭ بويىنشا اكىمشىلىك جۇرگىزۋدى بار كۇشپەن ىلگەرىلەتىپ، زاڭدى ءادىل، مادەنيەتتى اتقارۋ ءىسىن قاتاڭ ارناعا ءتۇسىرۋ كەرەك. ۇكىمەتتىڭ زاڭ شىعارۋ قىزمەتىن كۇشەيتىپ جانە جاقسارتىپ، شينجياڭ قىزمەتىنىڭ باس نىساناسىمەن سايكەسەتىن جەرگىلىكتى زاڭ - ەرەجەلەر مەن ەرەجەلەر جۇيەسىن ورناتۋ، جەتىلدىرۋ كەرەك. زاڭ اتقارۋدىڭ تۇتاس بارىسىن ەستەلىككە الۋ ءتۇزىمىن، كەلەلى زاڭ اتقارۋ شەشىمدەرىن زاڭدىق تەكس−ەرۋ ءتۇزىمىن، اكىمشىلىك زاڭ اتقارۋدى جاريا ۇستاۋ ءتۇزىمىن تۇيىندە سىناق ەتۋ قىزمەتىن ورىستەتىپ، جاۋاپكەرشىلىكتى قۋزاستىرۋدىڭ ۇدايىلانعان مەحانيزمىن ورناتۋ، اقاۋسىزداندىرۋ كەرەك. ورتالىقتىڭ «8 ءتۇرلى بەلگىلەمەسى» مەن ونى اتقارۋدىڭ ناقتى ەرەجەسىنىڭ رۋحىن مۇقيات دايەكتى اتقارىپ، اۆتونوميالى رايوندىق پارتكومنىڭ ستيل قۇرىلىسىن كۇشەيتۋ جونىندەگى تالاپتارىن دايەكتىلەندىرىپ جانە تياناقتاندىرىپ، «ونعا رۇقسات ەتپەۋ» مەن «وندى جاقسارتۋدى» ورىنداپ، شىن سويلەۋگە، شىندىقتى كوزدەۋگە، ناقتى شارا تابۋعا، شىنايى ناتيجە شىعارۋعا تاباندى بولىپ، ءتۇرلى قىزمەتتى شەگە قاعۋ رۋحىمەن تياناقتى، ۇقىپتى، جاقسى ىستەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن ماڭىزدى شەشىم - ورنالاستىرۋلارىنىڭ تامىر تارتىپ، شەشەك اتىپ، جەمىس بەرۋىنە كەپىلدىك ەتۋ كەرەك. ىسكەرلىككە باسا ءمان بەرۋگە تاباندى بولىپ، ستيلدى شىن مانىندە جاقسارتىپ، تياناقتاندىرۋ قىزمەتىن مىقتاپ يگەرىپ، فورماشىلدىق پەن تورەشىلدىكتەن اۋلاق بولۋ كەرەك. قۋزاپ تياناقتاندىرۋدى كۇشەيتىپ، باقىلاۋ، باعالاۋ، سيلاۋ، جازالاۋ مەحانيزمدەرىن كەمەلدەندىرىپ، ساتى - ساتى بويىنشا قىسىم ءتۇسىرىپ جانە جاۋاپكەرشىلىكتى تياناقتاپ، ءتۇرلى قىزمەتتىڭ تاپ - تۇيناقتاي ورنالاستىرىلىپ، قۋزالىپ، تياناقتاندىرىلىپ وتىرۋىنا كەپىلدىك ەتۋ كەرەك. تەكسەرۋ - زەرتتەۋدى كۇشەيتىپ، ءومىر شىندىعىنا، نەگىزگى ساتىعا، ءبىرىنشى شەپكە تەرەڭ بويلاپ، جاڭا جاعداي، جاڭا ماسەلەلەردى دەر كەزىندە ۇعىسىپ، نەگىزگى ساتىداعى كادر - جۇرتشىلىقتىڭ ۇسىنىس - پىكىرىن كىشى پەيىلدىكپەن تىڭداپ، شىعارعان شەشىمدەردىڭ، بەلگىلەگەن ساياساتتاردىڭ، قولدانعان شارالاردىڭ ەكونوميكانىڭ زاڭدىلىعىنا، بۇقارانىڭ تىلەگىنە ۇيلەسۋىنە كەپىلدىك ەتۋ كەرەك. «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيەسىن ىشكەرىلەي ورىستەتىپ، وي - سانانى پارتيانىڭ جاسامپاز نازاريالارىمەن قارۋلاندىرىپ، ءار دارەجەلى كادرلاردى پارتياعا ادال بولۋعا، ءوز باسىن تازا ۇستاۋعا، باتىلدىقپەن جاۋاپكەرشىلىك ارقالاۋعا تاربيەلەپ جانە جەتەكتەپ، جوعارى ساپالى، مامانداندىرىلعان مەملەكەت قىزمەتكەرلەرى قوسىنىن قۇلشىنا قۇرۋ كەرەك. «4 بۇرىس ستيل» مەن «4 تەرىس پيعىلدى» ۇزدىكسىز قانداۋىرلاپ، ۇكىمەت جۇمىسىنا بويكۇيەزدىك، سالعىرتتىق ىستەۋ، جۇمىس تىندىرماۋ، ويىنا كەلگەنىن ىستەۋ بويىنشا جاۋاپكەرشىلىكتى قاتاڭ قۋزاستىرۋ، قاتاڭ جاۋاپقا تارتۋ كەرەك. ۇكىمەت جۇيەسىنىڭ پارتيا ستيلى، پاكتىك قۇرىلىسىن ويداعىداي يگەرۋگە تاباندى بولىپ، جەمقورلىققا باتىلى بارماۋ بويىنشا قاتاڭ سەس كورسەتىپ، جەمقورلىققا مۇمكىندىگى بولماۋ بويىنشا ءتۇزىم قاپاسىن نىعىزداپ، جەمقورلىقتى ويىنا الماۋ جونىندەگى سانالىلىقتى كۇشەيتىپ، پاك، جۇمىس ءونىمى جوعارى، حالىقتىڭ رازىلىعىن العان قىزمەت كورسەتۋشى ۇكىمەت قۇرۋعا قۇلشىنۋ كەرەك.

  ۋاكىلدەر!

  جاڭا ءداۋىردىڭ دابىلى قاعىلىپ، جاڭا ايبىندى جوبا جاسالىپ بولدى. جاڭا كەزەكتى اۆتونوميالى رايوندىق حالىق ۇكىمەتى «قوس 100 جىلدىق» كۇرەس نىساناسىنىڭ تاريحي توعىسىندا تۇر. موينىمىزداعى بورىش جاۋاپكەرشىلىككە ۇندەپ، بولاشاققا جول اشتى، ءبىز حالىقتىڭ ءۇمىتىن اقتاپ، جاڭا داۋىرگە قاسقايا تارتىپ، تىڭ ساپارعا ارشىندى قادام تاستايمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، اۆتونوميالى رايوندىق پارتكومنىڭ دۇرىس باسشىلىعىندا، اۆتونوميالى رايونداعى ءار ۇلت حالقىنىڭ جۇدىرىقتاي جۇمىلىپ، جۇڭگو ارمانىن بىرگە ورىنداۋ جولىنداعى جويقىن كۇشىن ءبىر ارناعا قۇيىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ەرلىكپەن العا باسىپ، قيىندىقتاردى جەڭىپ، ءبىر نيەت، ءبىر تىلەكپەن ىنتىماقتاسىپ، قاجىرلىلىقپەن ەڭبەك ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، حالىقتىڭ تاماشا تۇرمىسقا دەگەن تالپىنىسىن ىسكە اسىرۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ سالتاناتتى شينجياڭ تاراۋىن جازۋ جولىندا قۇلشىنا كۇرەس جۇرگىزەيىك!

  (4) كەدەيلىكتەن دالمە - ءدال قۇتىلدىرۋدان قامال الۋ شايقاسىن ويداعىداي جۇرگىزىپ، كەدەيلىكتەن قۇتىلدىرۋ شارالارىنىڭ دالمە - ءدال تياناقتانۋىنا كەپىلدىك ەتۋ

  دالمە - ءدال شارالار اتقارۋعا تاباندى بولىپ، شەكتەۋ بولىپ وتىرعان كورنەۋ ماسەلەلەردى شەشۋدى ءتۇيىن، كەدەيلەردى سۇيەمەلدەۋ بويىنشا ەلەۋلى ينجەنەريالار مەن قىستاققا، وتباسىنا، ادام باسىنا دەيىن تياناقتانعان سۇيەمەل شارالارىن تۇتقا، ولقىلىقتى تولىقتاۋدى قامال بۇزار باعىت ەتىپ، تىرەكتى كەپىلدىك جۇيەسىن كۇشەيتىپ، ساياساتتىڭ بەيىمدەلۋى مەن اۋىل شارۋاشىلىعىنا قاتىستى قاراجاتتاردىڭ بىرىكتىرىلۋىن كۇشەيتىپ، «ءبىر توبىن باسقا سالاعا جۇمىسقا ورنالاستىرۋ ارقىلى سۇيەمەلدەۋ، ءبىر توبىن شارۋاشىلىقتى دامىتۋ ارقىلى سۇيەمەلدەۋ، ءبىر توبىن جەردى اداقتاپ قايتا ءبولۋ ارقىلى سۇيەمەلدەۋ، ءبىر توبىن شەكارا قورعاۋشىلىققا الۋ ارقىلى سۇيەمەلدەۋ، ءبىر توبىن ەكولوگيالىق تولەم بەرۋ ارقىلى سۇيەمەلدەۋ، ءبىر توبىن قونىس جاڭالاپ كوشىرۋ ارقىلى سۇيەمەلدەۋ، ءبىر توبىن كەشەندى قوعامدىق قامتاماسىزداندىرۋ شارالارى ارقىلى كەپىلدەندىرۋ» تالابى بويىنشا، جەرگىلىكتى جاعدايعا قاراي ءىس كورىپ، ءبىر وتباسىنا ءبىر شارا قولدانىپ، ادام باسىنا دەيىن دالمە - ءدال تياناقتاندىرۋ كەرەك. كەدەيلەردى سۇيەمەلدەۋدى قايرات - جىگەر، اقىل - پاراسات جاعىنان سۇيەمەلدەۋمەن ۇشتاستىرۋعا تاباندى بولىپ، شۇعىل جاردەم ارقىلى قيىنشىلىقتى شەشۋ مەن كەدەيلىكتەن قۇتىلۋدىڭ ىشكى مۇمكىندىكتەرىن اشۋدى ۇشتاستىرىپ، كەدەيلەردى وقۋ - اعارتۋ ارقىلى سۇيەمەلدەۋ تەبىنىن ونان سايىن ارتتىرىپ، كەدەيلىكتىڭ ۇرپاق ارالىق جالعاسۋىنا توقتاۋ قويۋ، دەنساۋلىق ساقتاۋ بويىنشا كەدەيلەردى سۇيەمەلدەۋ تەبىنىن ارتتىرىپ، اۋرۋ سەبەبىنەن كەدەيلەسۋ، قايتا كەدەيلەسۋدەن ساقتانۋ، نەگىزدىك قۇرىلعى قۇرىلىستارىنىڭ تەبىنىن ارتتىرىپ، ءوندىرىس، تۇرمىس شارت - جاعدايىن جاقسارتۋ كەرەك. كەدەيلىكتەن قۇتىلدىرۋدان قامال الۋدىڭ سۋبيەكتتىك جاۋاپكەرشىلىگىن قاتاڭ تياناقتاندىرىپ، كەدەيلەردى سۇيەمەلدەۋ قاراجاتىن باقىلاۋ - باسقارۋ مەن جۇمىس ناتيجەسىن باعالاۋدى ىلگەرىلەتىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ شارالارىنىڭ دالمە - ءدال تياناقتانۋىن جەبەپ، كەدەيلەردى سۇيەمەلدەۋ قاراجاتى مەن نىساندارىنىڭ قىستاققا، وتباسىنا، ادام باسىنا دەيىن دالمە - ءدال تياناقتانۋىنا كەپىلدىك ەتۋ كەرەك. كەدەيلىكتەن قۇتىلدىرۋدىڭ ساپاسىن شىنايى جوعارىلاتىپ، جۇمىسقا پەيىل قويماۋ، ستيلى شىنايى بولماۋ، كوز بوياۋشىلىق ىستەۋ، كەدەيلىكتەن سيفر جۇزىندە قۇتىلدىرۋ جايتتەرىن بۇلجىتپاي قاتاڭ تەكسەرىپ، ءبىر جاقتى ەتۋ كەرەك.

  (5) اۋىل - قىستاقتاردى وركەندەتۋ ستراتەگياسىن بەلسەندىلىكپەن اتقارىپ، اۋىل شارۋاشىلىعى مەن اۋىل - قىستاقتاردىڭ دامۋىندا جاڭا جاعداي اشۋ

  اۋىل - قىستاقتاردى وركەندەتۋدىڭ ستراتەگيالىق جوباسىن عىلمي نەگىزدە جاساۋ كەرەك. اۋىل شارۋاشىلىعى مەن اۋىل - قىستاقتاردى الدىمەن دامىتۋعا تاباندى بولىپ، شارۋاشىلىعى شالقىعان، ەكولوگياسى جانعا جايلى، اۋىل سالتى وركەنيەتتى، باسقارىلۋى ءونىمدى، تۇرمىسى توق بولۋ دەگەن جالپى تالاپقا سايكەس، اۋىل شارۋاشىلىعى مەن اۋىل - قىستاقتاردىڭ وسىزاماندانۋىن جەدەل ىلگەرىلەتۋ كەرەك. شينجياڭنىڭ وڭىرلىك جاعدايى مەن ءار ءتۇرلى جەرگىلىكتى ەرەكشەلىكتەردى تياناق ەتىپ، اۋىل - قىستاقتاردىڭ دامۋ زاڭدىلىعىن يگەرىپ، اۋىل شارۋاشىلىعىنا، اۋىل - قىستاقتارعا قاتىستى ءتۇرلى جوبالار مەن قىزمەت جوبالارىن بىرىكتىرىپ، قالانىڭ (اۋدان) جالپى جوباسى مەن قالاشىق، اۋىل - قىستاقتىڭ جوباسىن ءتۇيىستىرۋ كەرەك.

  اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەرەڭدەتۋ كەرەك. اۋىل شارۋاشىلىعىن ساپا، جاسىل دامۋ، عىلىم - تەحنيكا ارقىلى كوركەيتۋگە تاباندى بولىپ، جاسىل، ساپالى اۋىل شارۋاشىلىق ونىمدەرىمەن قامداۋدى كورنەكتى ورىنعا قويىپ، اۋىل شارۋاشىلىق ونىمدەرى بويىنشا ولشەمدى ءوندىرىس جۇرگىزۋدى، ماركا جاراتۋدى، ساپا حاۋىپسىزدىگىن باقىلاۋ - باسقارۋدى مىقتاپ يگەرىپ، اۋىل شارۋاشىلىق ساياساتتارىنىڭ ءتۇسىمدى مولايتۋدى باعدار ەتۋدەن ساپانى كوتەرۋدى باعدار ەتۋگە بۇرىلىس جاساۋىن ىلگەرىلەتىپ، جاسىل وندىرىستىك تاسىلدەردى ورناتۋ كەرەك. استىق ءتۇسىمىن ورنىقتىرۋعا، ماقتا ەگىسىن ساپالىلاندىرۋعا، مال شارۋاشىلىعىن جەبەۋگە، جەمىس شارۋاشىلىعىن كۇشەيتۋگە، ەرەكشە شارۋاشىلىقتاردى گۇلدەندىرۋگە تاباندى بولىپ، ەگىنشىلىك پەن باعىمشىلىق قۇرىلىمىنىڭ رەتتەلۋىن تىڭعىلىقتى ىلگەرىلەتىپ، استىق حاۋىپسىزدىگىنە كەپىلدىك ەتۋ نەگىزىندە قاجەتتەن ارتىق استىق تۇرلەرىنىڭ ەگىس اۋدانىن رەتتەپ جانە كەمىتىپ، ماقتالى وڭىرلەردىڭ ورنالاسۋى مەن ماقتا سورتتارىنىڭ قۇرىلىمىن ساپالىلاندىرىپ، وسى زامانعى مال شارۋاشىلىعىن بار كۇشپەن دامىتىپ، جەمىس شارۋاشىلىعىنىڭ ساپاسىن كوتەرىپ، ەرەكشە اۋىل شارۋاشىلىعى مەن قۇرىلعىلى اۋىل شارۋاشىلىعىن ۇلعايتىپ، اۋىل شارۋاشىلىق عىلىم - تەحنيكاسىنان جاڭالىق اشۋ جانە تەحنيكانى جالپىلاستىرۋدى جەدەلدەتىپ، اۋىل شارۋاشىلىعىنىڭ جوعارى ساپالى دامۋىن جەبەپ، اۋىل شارۋاشىلىق ونىمدەرىمەن قامداۋدىڭ ساپاسى مەن تيىمدىلىگىن جاپپاي جوعارىلاتۋ كەرەك. عىلىم - تەحنيكاعا ۇسىنىلىمدى مولايتۋ، باستاماشى كاسىپورىنداردى جەتىلدىرۋ، وركەندەتۋ ارقىلى تۇقىم جەتىلدىرۋ كاسىپ سالاسىن كولەمدەندىرۋ جانە كۇشەيتۋ، ساپالى ءوندىرىس كولەمىن ۇلعايتىپ، شارۋالاردى كەدەيلىكتەن قۇتىلىپ، اۋقاتتانۋعا باستاۋ كەرەك.

  اۋىل - قىستاق جەر ءتۇزىمى مەن كوللەكتيۆ مەنشىك ءتۇزىمى رەفورمالارىن تەرەڭدەتۋ كەرەك. ەگىستىك جەردى دالمە - ءدال انىقتاۋ قىزمەتىن جاپپاي جۇرگىزىپ، جەردى 2 - كەزەكتى كوتەرمەگە العان ۋاقىت تولعاننان كەيىن تاعى دا 30 جىلعا ۇزارتۋ ساياساتىن ويداعىداي ءتۇيىستىرىپ جانە تياناقتاندىرىپ، اۋىل - قىستاق جەرىن كوتەرمەگە بەرۋ - الۋ بويىنشا «3 ۇقىقتى» ايىرۋ رەفورماسىن بايىپتى قاداممەن ىلگەرىلەتىپ، جەرگە كوللەكتيۆتىك مەنشىك ۇقىعى مەن شارۋالاردىڭ كوتەرمەگە الۋ ۇقىعىن زاڭ بويىنشا قورعاۋدى العى شارت ەتە وتىرىپ، جەردەن پايدالانىپ شارۋاشىلىق جۇرگىزۋ ۇقىعىن تەڭ قورعاپ، شارۋالاردىڭ مال - مۇلىك ۇقىعىنا دەم بەرۋ كەرەك. اۋىل - قىستاق كوللەكتيۆتىك مەنشىك ۇقىعى ءتۇزىمى رەفورماسىن تۇيىندەردە سىناق ەتۋدى كەڭەيتىپ، قىستاقتاردىڭ كوللەكتيۆ مال - مۇلكىن تۇگەندەۋ - حاتتاۋ مەن كوللەكتيۆ مۇشەلەرىنىڭ مارتەبەسىن تۇراقتاندىرۋدى جەدەل ورىستەتىپ، كوللەكتيۆ شارۋاشىلىق سيپاتتى مال - مۇلىك بويىنشا جارنالىق ىنتىماقتاستىق ءتۇزىمى رەفورماسىن ىلگەرىلەتۋ كەرەك. وڭتۇستىك شينجياڭنىڭ 3 ايماق، ءبىر وبلىسىندا جەر اداقتاۋ جۇمىستارىن تىڭعىلىقتى جۇرگىزىپ، ءتۇرلى فورماداعى، لايىقتى كولەمدەگى شارۋاشىلىقتى بەلسەندى تۇردە قولدانىسقا ەنگىزۋ كەرەك. شارۋالاردىڭ بوسالقى تۇرعىن ۇيلىك جەرى مەن بوسالقى ءۇي - جايلارى جونىندەگى ساياساتتاردى كەمەلدەندىرىپ، قىستاق كوللەكتيۆتەرىنىڭ قۇرىلىسقا كەرەكتى جەر مەن تۇرعىن ۇيلىك جەردى پايدالانۋ ۇقىعىن راستاۋدى، تىركەۋگە الۋدى تىڭعىلىقتى ىلگەرىلەتىپ، قىستاقتاردىڭ قۇرىلىسقا كەرەكتى جەرىنىڭ پايدالانىلۋ كولەمىن كەڭەيتۋ كەرەك. سۋ باعاسى، سۋ ۇقىعى رەفورمالارىن تەرەڭدەتىپ، سۋ بازارىن بەلسەندى تۇردە جەتىلدىرۋ كەرەك.

  قالا، اۋىل توعىسپالى دامۋ ءتۇزىلىسى مەن مەحانيزمىن كەمەلدەندىرۋ كەرەك. جاڭاشا قالا - قالاشىقتاندىرۋ مەن اۋىل - قىستاقتاردى وركەندەتۋدى قوس تۇتقا ەتۋدەن جازباي، جاڭاشا ونەركاسىپتەنۋدىڭ، ينفورماتسيالانۋدىڭ، قالا - قالاشىقتانۋدىڭ اۋىل - قىستاقتاردى وركەندەتۋگە جاسايتىن يگى ىقپالى مەن جەتەكتەۋ رولىن تولىق ساۋلەلەندىرىپ، نەگىزدىك قۇرىلعىلاردىڭ اۋىل - قىستاقتارعا قانات جازۋىن، الەۋمەتتىك قىزمەت كورسەتۋدىڭ اۋىل - قىستاقتارعا ەتەك جايۋىن، شارۋاشىلىق سالالارىنىڭ اۋىل - قىستاقتاردان ۇيلەسىمدى ورىن الۋىن بەلسەنە ىلگەرىلەتىپ، فاكتورلاردىڭ اۋىل - قىستاقتارعا ويىسۋىنا تۇساۋ بولىپ وتىرعان كەدەرگىلەردى جويىپ، كاپيتال، تەحنيكا، دارىندى سياقتى فاكتورلاردىڭ اۋىل - قىستاقتارعا ءتىپتى كوبىرەك بەت الۋىنا جەتەكشىلىك ەتىپ، اۋىل - قىستاقتاعى الەۋمەتتىك قىزمەت كورسەتۋ مەن قامداۋ ورەسىن ءوسىرىپ، قالا، اۋىلداردىڭ توعىسپالى دامۋىن جەدەل ىلگەرىلەتۋ كەرەك. اۋىل - قىستاقتاردى وركەندەتۋ ستراتەگياسىن اتقارۋ ارقىلى اۋىل شارۋاشىلىعىن ءۇمىتتى سالاعا، ەگىنشىلىكتى تارتىمدى ماماندىققا، اۋىل - قىستاقتاردى الاڭسىز تىرشىلىك ەتەتىن كورىكتى مەكەنگە اينالدىرامىز!

  (6) بازار مەحانيزمىنىڭ رولىن تولىق ساۋلەلەندىرىپ، نەگىزدىك قۇرىلعى قۇرىلىستارىن ورنىقتى ىلگەرىلەتۋ

  جول - قاتىناس قۇرىلىسىن ورنىقتى كۇشەيتۋ كەرەك. اۋداندارعا جوعارى جىلدامدىقتى تاس جول، اۋىلدارعا اسفالت جول، قىستاقتارعا شىڭالعان جول ءتۇسۋىن بەلسەندىلىكپەن ىلگەرىلەتۋ كەرەك. ءۇرىمجى - لوپنۇر جوعارى جىلدامدىقتى تاس جولى، بۇلۇڭتوعىراق - باي - موري جوعارى جىلدامدىقتى تاس جولى، قاشقار - قاعىلىق - قاراقاش جوعارى جىلدامدىقتى تاس جولى سياقتى ءىرى داڭعىل نىساندارىنىڭ قۇرىلىسىن ءتۇيىندى تۇردە يگەرىپ، حوتان - چارقىلىق، كورلا - عولمۋد تەمىر جولدارى، ءۇرىمجى قالاسىنىڭ رەليستى قاتىناس جولى سياقتى نىسانداردىڭ قۇرىلىسىن ىلگەرىلەتىپ، ءۇرىمجى - سانجى جەڭىل رەليستى قاتىناس جولى مەن ءۇرىمجى - قۇلجا - قورعاس جوعارى جىلدامدىقتى تەمىر جولىنىڭ العاشقى كەزەڭدىك جۇمىستارىن جەدەلدەتۋ كەرەك. ءۇرىمجى، قاشقار اۋەجايلارىن جاڭالاۋ، كەڭەيتۋ جانە تاشقورعان، موڭعۇلكۇرە، كەريا اۋەجايلارى قۇرىلىسىن بەلسەندىلىكپەن ىلگەرىلەتۋ كەرەك. اۋىر كەدەي اۋىل - قالاشىقتاردىڭ، اۋىر كەدەي قىستاقتاردىڭ شىڭالعان جول قۇرىلىستارىن جەدەل ىلگەرىلەتىپ، «تورتتە جاقسى اۋىل - قىستاق جولى» قۇرىلىسىن كۇشەيتۋ كەرەك.

  سۋ يگىلىگى قۇرىلىسىن ورنىقتى كۇشەيتۋ كەرەك. ينجەنەريالىق سۋ تاپشىلىعىن، اۋىز سۋ حاۋىپسىزدىگىن جانە تاسقىننان ساقتانۋ مەن قاتەردى بولدىرماۋدى ءتۇيىن ەتىپ، اراتاش سۋ يگىلىگى تورابى سياقتى 5 ۇلكەن سۋ قويماسى مەن نۇر سۋ قويماسى سياقتى 17 ورتا سۋ قويماسىنىڭ قۇرىلىسىن ءبىر تۇتاس ىلگەرىلەتىپ، يۇرىڭقاش سۋ يگىلىگى تورابىنىڭ قۇرىلىسىن باستاپ، وي اڭىز سۋ يگىلىگى تورابىنىڭ، قورعان سۋ يگىلىگى تورابىنىڭ، موموق سۋ يگىلىگى تورابىنىڭ العاشقى كەزەڭدىك جۇمىستارىن جەدەل ىلگەرىلەتىپ، سۋ بايلىعىن ۇلەستىرۋ جانە رەتتەۋ قابىلەتىن ۇزدىكسىز جوعارىلاتۋ كەرەك. ءىرى جانە ورتا سۋارمالى وڭىرلەردى سۋ ۇنەمدەۋ بويىنشا وزگەرتۋ ينجەنەرياسىن تىڭعىلىقتى ىلگەرىلەتىپ، اۋدانى 2 ميلليون مۋ تۇراتىن جوعارى ءونىمدى سۋ ۇنەمدەۋ نىسانى قۇرىلىسىن اياقتاتۋ كەرەك. ماڭىزدى وزەن الاپتارىن تاسقىننان ساقتانۋ بويىنشا جونگە سالۋدى جەدەل ىلگەرىلەتۋ كەرەك. حالىق تۇرمىسىنا قاتىستى سۋ يگىلىگى ينجەنەريالىق قۇرىلىستارىن كۇشەيتىپ، 545 مىڭ كەدەي حالىقتى حاۋىپسىز اۋىز سۋمەن قامتاماسىز ەتۋ ماسەلەسىن شەشۋ كەرەك.

  ەنەرگيا قۇرىلىسىن ورنىقتى كۇشەيتۋ كەرەك. 750 كيلوۆولتتىق نەگىزگى جەلىسىنىڭ اۆتونوميالى رايوننىڭ ايماق، وبلىستارىن تولىق قامتۋىن جەدەل ىسكە اسىرۋ كەرەك. جۇندۇڭ - حۋادۇڭ (وڭتۇستىك انحۇي) 1100± كيلوۆولتتىق اسقىن كەرنەۋلى تۇراقتى توك جەتكىزۋ ينجەنەرياسىن اياقتاتىپ، «شينجياڭنىڭ ەلەكترىن سىرتقا شىعاراتىن» 3 - ارنانىڭ العاشقى كەزەڭدىك جۇمىستارىن ىلگەرىلەتىپ، مۇناي، كومىر، ەلەكتر ءبىر تۇلعالانعان ماڭىزدى نىساندار قۇرىلىسىن ىلگەرىلەتۋ كەرەك. اۋىل - قىستاق ەلەكتر جەلىسىن جاڭارتۋ، جاڭالاۋ ينجەنەرياسىن شىنايى مىقتاپ يگەرىپ، وڭتۇستىك شينجياڭدا كومىر ورنىنا ەلەكتر پايدالانۋ ينجەنەرياسىن جەدەل اتقارىپ، «ەلەكترلەنگەن شينجياڭ» قۇرىلىسىن جاپپاي ىلگەرىلەتۋ كەرەك.

  ينفورماتسيا جانە حابار - بايلانىس قۇرىلىسىن ورنىقتى كۇشەيتۋ كەرەك. «ينتەرنەت +» ارەكەت جوسپارىن جانە كەڭ بەلدەۋلى شينجياڭ ستراتەگياسىن اتقارىپ، ينفورماتسيالانۋدىڭ جاڭاشا ونەركاسىپتەنۋمەن، جاڭاشا قالا - قالاشىقتانۋمەن، نەگىزدىك قۇرىلعى جانە قوعامدىق باسقارۋ بويىنشا قىزمەت كورسەتۋدىڭ وسىزاماندانۋىمەن توعىسا دامۋىن دەمەپ، بۇلتتىق ەسەپتەۋ، ءىرى ساندى مالىمەت، زاتتىق ينتەرنەت، جاساندى زەردە سياقتى ينفورماتسيالىق تەحنيكالاردىڭ ءتۇرلى سالادا قولدانىلۋىن جەبەپ، جاڭا ۇلگىدەگى پاراساتتى قالا قۇرىلىسىن جانە وپتيكالىق تالشىقتى قىستاقتارعا جەتكىزۋ ينجەنەرياسىن ىلگەرىلەتۋ قاجەت.

  قامتاماسىزداندىرۋ سيپاتتى تۇرعىن ءۇي قۇرىلىسىن ورنىقتى كۇشەيتۋ كەرەك. «ءۇي الىپ - ساتۋعا ەمەس، تۇرۋعا ارنالعان» دەگەن ۇستانىمعا تاباندى بولىپ، ورتالىقتىڭ تۇرعىن ءۇي رەفورماسى جونىندەگى ورنالاستىرۋىن جاپپاي تياناقتاندىرىپ، كوپ نەگىزبەن قامدالاتىن، كوپ ارنامەن كەپىلدەندىرىلەتىن، جالعا الۋ مەن ساتىپ الۋعا تەڭ ءمان بەرىلەتىن تۇرعىن ءۇي ءتۇزىمىن ورناتىپ، كاسىپكەرلەردى نەگىز ەتكەن، قىستاق كوللەكتيۆى، تۇرعىن ءۇي كووپەراتيۆى سياقتى ءتۇرلى سۋبيەكتىلەر تۇرعىن ۇيمەن قامدايتىن جاعداي قالىپتاستىرۋ كەرەك. قالا - قالاشىقتاردىڭ قامتاماسىزداندىرۋ سيپاتتى تۇرعىن ءۇي قۇرىلىسى مەن لاشىقتى اۋماقتاردى جاڭالاۋ تەبىنىن ارتتىرىپ، ءتۇرلى لاشىقتى اۋماقتاردى جاڭالاۋ بويىنشا 471 مىڭ تۇرعىن ءۇيدىڭ قۇرىلىسىن باستاپ، جالعا بەرىلەتىن 30 مىڭ تۇرعىن ءۇي سالىپ، قالا - قالاشىقتارداعى تومەن كىرىستى وتباسىلاردىڭ تۇرعىن ءۇي قيىنشىلىعىن شىن مانىندە شەشۋ كەرەك. اۋىل - قىستاقتا بەيقۇت ۇيلەر سالۋ جانە كوشپەندى مالشىلاردى وتىرىقتاندىرۋ ينجەنەريالارىن ۇزدىكسىز ويداعىداي جۇرگىزىپ، اۋىل - قىستاقتارداعى ارحيۆكە الىنعان، كارتچكالانعان كەدەي وتباسىلاردىڭ، ەڭ تومەنگى تۇرمىس دەڭگەيى قامتاماسىزداندىرىلعان وتباسىلاردىڭ، بىتىراتىپ باعىلاتىن ەرەكشە قيىنشىلىعى بار ادامداردىڭ جانە ەرەكشە قيىنشىلىعى بار مۇمكىندىگى شەكتەۋلى جاندار وتباسىلارىنىڭ باسپانا ماسەلەسىن كۇش سالا شەشۋ كەرەك. قالالاردىڭ تۇرعىن ءۇي جالعا بەرۋ بازارىنىڭ دامۋىن بار كۇشپەن ىلگەرىلەتىپ، مامانداندىرىلعان، ۇيىمداستىرىلعان تۇرعىن ءۇي جالعا بەرۋ كاسىپورىندارىنىڭ جەدەل دامۋىن بار كۇشپەن ىلگەرىلەتۋ كەرەك.

  (7) حالىق تۇرمىسىن بار كۇشپەن قامتاماسىز ەتىپ جانە جاقسارتىپ، ءار ۇلت حالقىنىڭ تاماشا تۇرمىسقا دەگەن كۇن ساناپ ارتقان قاجەتىن ۇزبەي قاناعاتتاندىرۋ

  حالىقتى وزەك ەتكەن دامۋ يدەياسىنا تاباندى بولىپ، كۇشتى سارقا جۇمساۋعا ءارى شاماعا قاراي شارىقتاۋعا تاباندى بولىپ، دارەجەلەس قازىنالىق شىعىستىڭ %70تەن استامىن حالىق تۇرمىسىن قامتاماسىز ەتۋگە جانە جاقسارتۋعا جۇمساپ، حالىققا ءتيىمدى ينجەنەريالاردى ۇزدىكسىز اتقارىپ، ءار ۇلت جۇرتشىلىعىنىڭ تابىس سەزىمىن، باقىت سەزىمىن جانە حاۋىپسىزدىك سەزىمىن ۇزبەي نىعايتۋ كەرەك.

  جۇمىسقا ورنالاسۋ مەن شارۋاشىلىق قۇرۋدى ءتۇرلى ارنالارمەن جەبەۋ كەرەك. جۇمىسقا ورنالاستىرۋ ارناسىن كەڭەيتۋگە، جۇمىسقا ورنالاسۋ، شارۋاشىلىق قۇرۋ تۇعىرىن ورناتۋعا، جۇمىسقا ورنالاسۋ قابىلەتىن ۇشتاۋعا ۇزدىكسىز كۇش سالىپ، ساياساتتىق قولداۋ مەن جۇمىسقا ورنالاسۋ بويىنشا تاربيەلەۋ تەبىنىن كۇشەيتىپ، جۇمىسقا ورنالاستىرۋداعى قۇرىلىمدىق قايشىلىقتاردى كۇش سالا شەشۋ كەرەك. توقىما جانە كيىم - كەشەك سياقتى ەڭبەكتى كوپ قاجەتسىنەتىن سالالاردى دامىتۋ، تەز ءونىم بەرەتىن نىسانداردى اتقارۋ، نەگىزگى ساتى مەن كاسىپورىنداردا جۇمىسقا تۇرۋعا ىنتالاندىرۋ، دەربەس شارۋاشىلىق قۇرۋعا قولداۋ كورسەتۋ سياقتىلاردى ۇشتاستىرىپ، اۋىل - قىستاقتارداعى ارتىق ەڭبەككۇشتەردى، جوعارى مەكتەپ تاۋىسقان وقۋشىلاردى جانە جۇمىسقا ورنالاسۋى قيىنعا سوققان قاۋىمدى ءتۇيىن ەتىپ، ءار ۇلت جۇرتشىلىعىنىڭ ءوز جەرىندە، تاياۋ ماڭدا جۇمىسقا ورنالاسۋىن، ءتارتىپتى تۇردە قالادا جۇمىسقا تۇرۋىن، اۋىلعا قايتىپ دەربەس شارۋاشىلىق قۇرۋىن جەبەۋ كەرەك. 22 اۋىر كەدەي اۋدانداعى ارحيۆكە الىنعان، كارتچكالانعان كەدەي وتباسىلاردىڭ ەڭبەككۇشتەرىن نازارعا الىپ، اۋىل - قىستاقتاعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋدان بۇرىن تاربيەلەۋ قىزمەتىن ونان سايىن تياناقتاندىرىپ، شينجياڭنىڭ ءوز ىشىندە وڭىرلەر ارا باسقا سالاعا ويىستىرىپ جۇمىسقا ورنالاستىرۋ، ءوز جەرىندە، تاياۋ ماڭدا باسقا سالاعا ويىستىرىپ جۇمىسقا ورنالاستىرۋ، ىشكى ولكە، قالالارداعى كاسىپورىنداردا جۇمىسقا ورنالاستىرۋ ءىسىن ءبىر تۇتاس ىلگەرىلەتىپ، قاشقار، حوتان ايماقتارىندا 3 جىلدا 100 مىڭ ادامدى جۇمىسقا ورنالاستىرۋ جوسپارىن بار كۇشپەن ويداعىداي اتقارۋ كەرەك. قالا - قالاشىقتارداعى بىردە - ءبىر ادامى جۇمىسقا ورنالاسپاعان وتباسىلارىن ۇدايى اداقتاپ وتىرۋ كەرەك.

  وقۋ - اعارتۋ ىستەرىن الدىمەن دامىتۋ كەرەك. وقۋ - اعارتۋ رەفورماسىن تەرەڭدەتىپ، 9 جىلدىق مىندەتتى وقۋ - اعارتۋدىڭ ناتيجەسىن كۇش سالا بەكەمدەپ، وتباسىندا قيىنشىلىعى بار وقۋشىلارعا قارجىلاي جاردەم بەرۋ تەبىنىن ارتتىرىپ، ءاربىر بالانىڭ مەكتەپكە ءتۇسىپ ويداعىداي وقۋعا، ءادىل دە ساپالى ءبىلىم الۋعا مۇمكىندىگى بولۋىنا كەپىلدىك ەتۋ كەرەك. «قوس ءتىل» تاربيەسىنىڭ تەبىنىن ارتتىرىپ، وڭتۇستىك شينجياڭنىڭ 3 ايماق، ءبىر وبلىسىنداعى جانە اۋىل - قىستاقتارداعى مەكتەپتەردى ءتۇيىن ەتىپ، «قوس ءتىل» تاربيەسى مەن «قوس ءتىلدى» وقىتۋشىلار قوسىنىندا ورىن تەپكەن ولقىلىقتاردى كۇش سالا تولىقتاپ، ءار دارەجەلى، ءار ءتۇرلى وقۋ - اعارتۋدىڭ، اسىرەسە، «قوس ءتىل» تاربيەسىنىڭ ساپاسىن كوتەرىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىنىڭ مەكتەپكە دەيىنگى تاربيە مەن مىندەتتى وقۋ - اعارتۋ كەزەڭىن تۇتاس قامتۋىن ىلگەرىلەتۋ كەرەك. جۇمىسقا ورنالاستىرۋدى باعدار ەتۋدەن جازباي، كاسىپتىك وقۋ - اعارتۋدى بار كۇشپەن دامىتىپ، ءوندىرىس پەن وقىتۋدىڭ توعىسۋىن، مەكتەپ پەن كاسىپورىننىڭ سەلبەسۋىن تەرەڭدەتىپ، ورتالاۋ، ورتا مەكتەپتەردەن وقۋ تاۋىسقان، ءبىراق جۇمىسقا ورنالاسپاعان جاستاردىڭ كاسىپتىك - تەحنيكالىق تاربيەمەن تولىق قامتىلۋىن ىلگەرىلەتۋ كەرەك. جوعارى وقۋ - اعارتۋدىڭ ىشتەي دامۋىنا تاباندى بولىپ، بىرەگەي ۋنيۆەرسيتەت، بىرەگەي پاندەر قۇرىلىسىن جەدەل ىلگەرىلەتۋ قاجەت. وقىتۋشىلىق ءمورال، وقىتۋشىلىق ستيل قۇرىلىسىن كۇشەيتىپ، جوعارى ساپالى وقىتۋشىلار قوسىنىن دايىنداۋ كەرەك.

  مەديتسينالىق قىزمەت كورسەتۋدىڭ دەڭگەيىن جوعارىلاتۋ كەرەك. حالىقتىڭ دەنساۋلىعىن وزەك ەتىپ، سالاماتتى شينجياڭ قۇرىلىسىن ىشكەرىلەي ىلگەرىلەتىپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن توقتاۋسىز تەرەڭدەتىپ، دەنساۋلىق ساقتاۋ بويىنشا كەدەيلەردى سۇيەمەلدەۋ ينجەنەرياسىن بەلسەنە اتقارىپ، قالا، اۋىل تۇرعىندارىنىڭ دەنساۋلىعىن اقىسىز تەكسەرۋدى تىڭعىلىقتى تۇردە ورىستەتىپ، سالماقتى اۋرۋلاردىڭ ءتيىمدى تۇردە الدىن الۋ جانە ونى تىزگىندەۋ كەرەك. ەمدەۋ دارىندىلارىنىڭ شينجياڭعا «توپ بولىپ» باعىتتامالى كومەكتەسۋى قىزمەتىن ساپالى ىلگەرىلەتىپ، ۇكىمەت شيپاحانالارى رەفورماسىن جەدەلدەتىپ، شيپاحانا بىرلەستىكتەرى قۇرىلىسىن ىلگەرىلەتىپ، اۋىل - قالاشىق ەمحانالارىن، قىستاق مەديتسينالىق پۋنكتتەرىن، الەۋمەتتىك اۋماق گيگيەنالىق قىزمەت كورسەتۋ ورتالىقتارىن ولشەمدەندىرۋ قۇرىلىسىن كۇشەيتىپ، نەگىزگى ساتىداعى ەمدەۋ - دەنساۋلىق ساقتاۋ قۇرىلىمدارىنىڭ قىزمەت كورسەتۋ قابىلەتى مەن ساپاسىن جوعارىلاتىپ، بۇقارانىڭ اۋىرىپ - سىرقاعاندا ەمدەلۋىنە، ەمدەلە الۋىنا، جاقسى ەمدەلۋىنە مۇمكىندىك تۋدىرۋ كەرەك. وتانشىلدىق تازالىق ارەكەتىن بار كۇشپەن قانات جايدىرۋ كەرەك. اۆتونوميالى رايوننىڭ حالىق سانى جانە جوسپارلى تۋىت ەرەجەسىن مۇقيات دايەكتىلەندىرىپ، جوسپارمەن بالالى بولعان وتباسىلارىن سيلاۋ، سۇيەمەلدەۋ ءتۇزىمىن كەمەلدەندىرىپ، جوسپاردان تىس بالالى بولۋدى قاتاڭ تىزگىندەۋ كەرەك. مەديتسينالىق بايلىق پەن زەينەتكەرلىك بايلىقتارىن ۇشتاستىرۋعا تاباندى بولىپ، سالاماتتىق - قارتتاردى كۇتىمدەۋ شارۋاشىلىعىن بار كۇشپەن دامىتۋ كەرەك.

  الەۋمەتتىك مادەنيەت قىزمەت كورسەتۋ دەڭگەيىن جوعارىلاتۋ كەرەك. باس نىسانانى تىعىز ارقاۋ ەتىپ، يدەولوگيا سالاسىنداعى بولشەكتەۋشىلىككە قارسى كۇرەستىڭ ىرىقتىلىعىن بەرىك يگەرىپ، بۇقارانى شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن، پارتيا 19 - قۇرىلتايىنىڭ رۋحىمەن جانە باس نىسانا تانىمىمەن قارۋلاندىرۋ، شابىتتاندىرۋ، جۇمىلدىرۋ كەرەك. اۆتونوميالى رايونىمىزدىڭ الەۋمەتتىك مادەنيەت قىزمەت كورسەتۋ جۇيەسىن جەدەل كەمەلدەندىرىپ، ازاماتتاردىڭ مادەنيەت جونىندەگى نەگىزگى ۇقىق - مۇددەسىن ونان سايىن كەپىلدەندىرۋ كەرەك. شىعىس جەلى ينجەنەرياسى، شارۋالار كىتاپ ءۇيى، اۋىل - قىستاقتاردا كينو كورسەتۋ ينجەنەرياسى، بارلىق وتباسىن راديو - تەلەۆيزيامەن قامتۋ سياقتى حالىققا ءتيىمدى مادەنيەت ينجەنەريالارىن ۇزدىكسىز اتقارىپ، باي مازمۇندى، الۋان ءتۇرلى بۇقارالىق مادەنيەت قيمىلدارىن قانات جايدىرۋ كەرەك. مادەنيەت - كوركەمونەر جاسامپازدىعىن گۇلدەندىرىپ، شينجياڭ حيكاياسىن تامىلجىتا بايانداپ، جۇرتتى ۇزدىك تۋىندىلارمەن شابىتتاندىرىپ جانە اسەرلەندىرىپ، قالا، اۋىل تۇرعىندارىنىڭ رۋحاني - مادەني ءومىرىن بايىتۋ كەرەك. وسى زامانعى مادەنيەتتىڭ شارۋاشىلىق جۇيەسى مەن بازار جۇيەسىن كەمەلدەندىرىپ، ماتەريالدىق مادەنيەت ەسكەرتكىشتەرىن قورعاۋ، پايدالانۋ مەن مادەنيەت مۇرالارىن قورعاۋ، جالعاستىرۋدى كۇشەيتىپ، مادەنيەت ىستەرى مەن مادەنيەت شارۋاشىلىعىنىڭ اقاۋسىز دامۋىن ىلگەرىلەتۋ كەرەك.

  قوعامدىق قامتاماسىزداندىرۋ جۇيەسىن كەمەلدەندىرۋ كەرەك. جالپى حالىقتى ەمدەۋ قامسىزداندىرۋعا قاتىستىرۋ جوسپارىن جاپپاي اتقارىپ، نەگىزگى زەينەتكەرلىك قامسىزداندىرۋ، ەمدەۋ قامسىزداندىرۋ، جەكە باستى جازاتايىم جازىمنان قامسىزداندىرۋى، سالماقتى اۋرۋلاردان قامسىزداندىرۋ، جۇمىسسىزدىق قامسىزداندىرۋى، جۇمىس ۇستىندە جارالانۋ قامسىزداندىرۋى، تۋىت قامسىزداندىرۋى تۇزىمدەرىن كەمەلدەندىرىپ، جۇمىس ۇستىندە جارالانۋ بويىنشا قامسىزداندىرۋ قورىن اۆتونوميالى رايون دارەجەلى ءبىر تۇتاس جوسپارعا الۋدى باستاپ، قوعامدىق قامسىزداندىرۋ جونىندەگى اۆتونوميالى رايون بويىنشا بىرلىككە كەلگەن الەۋمەتتىك قىزمەت كورسەتۋ تۇعىرى قۇرىلىسىن جەدەل ىلگەرىلەتىپ، ولكەلەر ارا باسقا جەردە ەمدەلۋ مەن نەگىزگى ەمدەۋ قامسىزداندىرۋىنىڭ، سالماقتى اۋرۋلار قامسىزداندىرۋىنىڭ «ءبىر ءتىزىم تۇرىندە» تىكەلەي ەسەپتەلۋىن ىسكە اسىرۋ كەرەك. قالا، اۋىل تۇرعىندارى اراسىنداعى ەڭ تومەنگى تۇرمىس دەڭگەيى قامتاماسىز ەتىلۋگە ءتيىستى ادامداردى مۇمكىندىكتىڭ بارىنشا قامتاماسىز ەتىپ، جاردەماقى ولشەمىن ۇزدىكسىز جوعارىلاتۋ كەرەك. قوعامدىق جاردەم جۇيەسىن كەمەلدەندىرىپ، «بەستە قامتاماسىز ەتىلەتىندەر» مەن جەتىم بالالاردى قالاۋىنا قاراي جيناقتاپ قاراۋعا الۋدى ىلگەرىلەتىپ، مۇگەدەكتەردىڭ جانە انالار مەن بالالاردىڭ ۇقىق - مۇددەسىن قورعاۋ كەرەك.

  حاۋىپسىزدىك ارقىلى حالىققا تيىمدىلىك جاساۋ تەبىنىن ارتتىرۋ كەرەك. اپاتتان قورعانۋ، اپات سالدارىن ازايتۋ، اپاتتان قۇتقارۋ جۇيەسى قۇرىلىسىن كۇشەيتىپ، تابيعي اپاتتارعا ءونىمدى تۇردە جانە دەر كەزىندە توتەپ بەرىپ، اپاتقا ۇشىراعان بۇقاراعا شىن مانىندە ويداعىداي جاردەم كورسەتۋ كەرەك. گەولوگيالىق اپاتتاردان ساقتانۋدى ونان سايىن كۇشەيتۋ كەرەك. ازىق - تۇلىك، ءدارى - دارمەك حاۋىپسىزدىگى ستراتەگياسىن اتقارىپ، حالىق جۇرتشىلىعىنىڭ اس - سۋ تۇتىنۋ، ءدارى پايدالانۋ حاۋىپسىزدىگىنە كەپىلدىك ەتۋ كەرەك. ساپانى باقىلاۋ - باسقارۋدى كۇشەيتىپ، ءونىمنىڭ ساپالىق حاۋىپسىزدىگىنە كەپىلدىك ەتۋ كەرەك. حاۋىپسىز دامۋ ۇستانىمىن ورناتىپ، ءوندىرىس حاۋىپسىزدىگى جاۋاپكەرشىلىگىن قاتاڭ تياناقتاندىرىپ، ءوندىرىس حاۋىپسىزدىگى سالاسىنداعى رەفورمانىڭ دامۋىن بار كۇشپەن ىلگەرىلەتىپ، ورەسكەل، توتەنشە اۋىر حاۋىپسىزدىك شىرعالاڭدارىنان باتىل ساقتانۋ كەرەك.

  (8) اۋىر حاۋىپ - قاتەرلەردەن ساقتانۋدان جانە ونى جويۋدان قامال الۋ شايقاسىن ويداعىداي جۇرگىزىپ، قازىنا - سالىقتىڭ، فينانستىڭ تىرەكتىك رولىن كۇشەيتۋ

  ۇكىمەتتىك قارىز مىندەتتەمەلەرىنىڭ قاتەرى مەن فينانس قاتەرىنەن ساقتانۋدى، ونى تىزگىندەۋدى كۇشەيتىپ، جۇيەلىك قاتەردى بولدىرماۋ تومەنگى شەگىن بۇلجىتپاي ساقتاۋ كەرەك.

  ۇكىمەتتىك قارىز مىندەتتەمەلەرىنىڭ قاتەرىنەن ساقتانۋ، ونى جويۋ كەرەك. ۇكىمەتتىڭ قارىزدانۋ جاعدايىنا جاپپاي تەكسەرۋ جۇرگىزىپ، ونىڭ ۇلعايۋىن قاتاڭ تىزگىندەۋ كەرەك، دامۋ قارقىنى ءسال باياۋلاسا دا، بەلگىلەمەگە قايشى قارىز الۋعا استە بولمايدى. ۇكىمەتتىك قارىز مىندەتتەمەلەرىن باسقارۋدىڭ قىزىل سىزىعى مەن تومەنگى شەگىنەن اتتاماي، مەملەكەت قاراپ - بەكىتكەن جەرگىلىكتى ۇكىمەتتەردىڭ مىندەتتەمەلى نورماسى ىشىندە جەرگىلىكتى ۇكىمەتتىك زايوم بەلەتىن شىعارۋدى اۆتونوميالى رايون بويىنشا قارىز الۋدىڭ بىردەن - ءبىر زاڭدى جولى ەتۋ كەرەك، مەملەكەتتىك كەڭەس قاراپ - بەكىتىپ، اۆتونوميالى رايوندىق حالىق ۇكىمەتى شىعارعان جەرگىلىكتى ۇكىمەتتىك زايوم بەلەتىنەن تىس، جەرگىلىكتى ۇكىمەتتەردىڭ قانداي دا ءبىر تاسىلمەن قارىز الۋىنا، مەكەمە - ورىندار مەن جەكە تۇلعالاردىڭ قارىز مىندەتتەمەلەرىنە كەپىل بولۋىنا، ءارقانداي مەكەمە - ورىن مەن جەكە تۇلعا قۇراعان قارجىنىڭ قارىزىن وتەۋ جاۋاپكەرشىلىگىن ارقالاۋىنا استە رۇقسات ەتىلمەيدى، ۇكىمەتتىڭ قارجىلىق قورى، ۇكىمەت پەن قوعامدىق قاراجاتتىڭ ىنتىماقتاستىعى، ۇكىمەتتىڭ كورسەتىلگەن قىزمەتتەردى ساتىپ الۋى سياقتى اتتارمەن تۇرلەندىرىپ قارىز الۋعا قاتاڭ تيىم سالىپ، بەلگىلەمەگە قايشى قارىزداردىڭ ۇلعايۋىنا مۇلدە جول بەرمەۋ كەرەك. ۇكىمەتتىڭ موينىنداعى قارىزدىڭ كولەمىن بەلسەندى، بايىپتى تۇردە ازايتىپ، جەرگىلىكتى جاسىرىن قارىز مىندەتتەمەلەرىنىڭ قاتەرىن بىرتىندەپ جويۋ كەرەك.

  فينانس قاتەرىنەن ساقتانۋ جانە ونى جويۋ كەرەك. قاتەرى كوپ ءتۇيىندى سالالار مەن شەشۋشى بۋىنداردى ءجىتى قاداعالاپ، سايكەستىرۋ مەن قىزمەت كورسەتۋدى كۇشەيتىپ، كاسىپورىنداردىڭ شارۋاشىلىق جۇرگىزۋ قاتەرىنىڭ فينانس قاتەرىنە اينالۋىنان بەلسەندى تۇردە ساقتانۋ كەرەك. فينانس بازارىنداعى ايىرباس ارەكەتتەرىن قاتاڭ ءبىر ىزگە كەلتىرىپ، زاڭسىز قارجى قۇراۋ، فينانسپەن بەتالدى اينالىسۋ، جاسىرىن اقشا دۇكەنىن اشۋ، زاڭسىز راستاما شىعارۋ سياقتى زاڭعا، بەلگىلەمەگە قايشى فينانس قيمىلدارىنا قاتاڭ سوققى بەرىپ، فينانس سالاسىنداعى باسسىزدىقتاردى قاتاڭ جونگە سالىپ، حاۋىپ - قاتەردى باسىنان باسقارۋدى بارىنشا كۇشەيتىپ، جەرگىلىكتى فينانس قۇرىلىمدارىنا ۇنەمىلىك باقىلاۋ - باسقارۋدى جاپپاي كۇشەيتىپ، فينانس حاۋىپسىزدىگىنىڭ قورعانىس شەبى مەن حاۋىپ - قاتەر تۋدىرعان توتەنشە جاعدايدى ءبىر جاقتى ەتۋ مەحانيزمىن كەمەلدەندىرىپ، فينانس حاۋىپسىزدىگىنىڭ تيىمدىلىگى مەن تۇراقتىلىعىنا كەپىلدىك ەتۋ كەرەك.

  قازىنا - سالىق پەن فينانستىڭ تىرەكتىك رولىن كۇشەيتۋ كەرەك. بەلسەندى قازىنا ساياساتى مەن ورنىقتى اقشا ساياساتىن ۇتىمدى قولدانىپ، قازىنا - سالىق، فينانس رەفورماسىن تەرەڭدەتىپ، قوعام ورنىقتىلىعى مەن باياندى تىنىشتىق باس نىساناسىنا اناعۇرلىم ويداعىداي قىزمەت ەتۋ كەرەك. قازىنا قاينارى مەن سالىق قاينارى قۇرىلىستارىن كۇشەيتىپ، قازىنا قاينارىن بەلسەندى تۇردە اشىپ، سالىقتى زاڭ بويىنشا سالۋ، سالۋعا تيىستىلەرگە تولىق سالۋ كەرەك. قازىنالىق قاراجاتتىڭ سەپتەلۋىن ساپالىلاندىرىپ، قازىنالىق شىعىستىڭ قۇرىلىمىن رەتتەپ جانە ساپالىلاندىرىپ، قازىنا كۇشىن نەگىزدى، اينالىمدى، حالىق تۇرمىسىن، ماڭىزدى تۇيىندەردى قامتاماسىز ەتۋگە شوعىرلاندىرۋ، قامداۋ جاعىنداعى قۇرىلىمدىق رەفورما، كەدەيلىكتەن قۇتىلدىرۋدان قامال الۋ، ەكولوگيالىق ورتانى قورعاۋ، وقۋ - اعارتۋ، لاڭكەستىككە قارسى تۇرىپ، ورنىقتىلىقتى قورعاۋ سياقتى سالالارعا قولداۋ تەبىنىن ارتتىرۋ كەرەك. ۇنەمشىلدىك يدەياسىن بەرىك ورناتىپ، ۇكىمەتتىك 3 قاراجاتتى تەك ازايتۋ، استە كوبەيتپەۋ، جاڭا عيمارات، ساراي، كلۋبتار سالۋدى قاتاڭ تيىپ، ءتۇرلى سالتاناتتى قۇتتىقتاۋ قيمىلدارىن قاتاڭ تىزگىندەپ، قازىنالىق قاراجاتتىڭ تولىقتاي ەڭ كەرەكتى جەرگە جۇمسالۋىنا كەپىلدىك ەتۋ كەرەك. ۇكىمەت پەن فينانس قۇرىلىمدارىنىڭ ستراتەگيالىق ىنتىماقتاستىعىن كۇشەيتىپ، ءتۇرلى فينانس قۇرىلىمدارىن جەرگىلىكتى ەكونوميكالىق، قوعامدىق دامۋعا ات سالىسۋعا تارتىپ، فينانستىڭ ناقتى ەكونوميكاعا قىزمەت كورسەتۋ قابىلەتىن كۇش سالا نىعايتىپ، كەلەلى قارجى سالۋ نىساندارىنا، ەرەكشە باسىمدىققا يە شارۋاشىلىق سالالارىنا، اۋىل شارۋاشىلىعىنا قاتىستى كاسىپورىندارعا، شاعىن، ۇساق كاسىپورىندارعا جانە كەدەي وڭىرلەرگە، قيىنشىلىعى بار قاۋىمنىڭ شارۋاشىلىق قۇرۋىنا فينانستىق قولداۋدى كۇشەيتۋ كەرەك. جاسىل فينانستى بەلسەندى تۇردە دامىتىپ، سانجى، قۇمىل، قارامايلىنى ءتۇيىن ەتە وتىرىپ، جاسىل فينانستان جاڭالىق اشۋ بويىنشا سىناق رايوندارىنىڭ قۇرىلىسىن جەدەل ىلگەرىلەتىپ، ەكونوميكانىڭ تۇرلەنۋى مەن جاڭارۋىن جەبەۋ كەرەك.

  (9) ۇلتتار ىنتىماعى، العاباسارلىعى ىستەرىن بار كۇشپەن ىلگەرىلەتىپ، ءدىندى سوتسياليستىك قوعامعا سايكەسۋگە بەلسەنە باستاۋ 

  پارتيانىڭ ۇلت ساياساتىن جاپپاي دايەكتىلەندىرىپ، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلدارىن ۇزدىكسىز ورىستەتىپ، ۇلتتار ىنتىماعى تاربيەسىن «سەگىزگە ەنگىزۋ» قيمىلىن ىشكەرىلەي ىلگەرىلەتىپ، ۇلتتار ىنتىماعى، العاباسارلىعىندا وزات ورىن قۇرۋ قيمىلىن كەڭ قانات جايدىرۋ كەرەك. ۇلتتار كىرىككەن قوعامدىق قۇرىلىم مەن الەۋمەتتىك اۋماق ورتاسىن قالىپتاستىرۋعا كۇش سالىپ، ءار ۇلت بۇقاراسىنىڭ، اسىرەسە، قالىڭ جاستار مەن وسپىرىمدەردىڭ بىرگە تۇرىپ، بىرگە وقىپ، بىرگە قىزمەت ىستەپ، بىرگە جەتىلىپ، اناردىڭ دانىنداي تىعىز ۇيىسۋىنا مۇمكىندىك جاساۋ كەرەك. شينجياڭعا قاتىستى ءبىرقانشا تاريحي ماسەلەنى زەرتتەۋ جونىندەگى اڭگىمە ءماجىلىستىڭ ماڭىزدى ەستەلىگىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، ءار ۇلت كادر - جۇرتشىلىعىنا ماركستىك «5 كوزقاراس» تاربيەسىن ونان سايىن كۇشەيتىپ، ءار ۇلت كادر - جۇرتشىلىعىن «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتۋعا باستاپ، «5 ورتاق تانىمدى» نىعايتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعىنىڭ تاماشا جاعدايىن ۇزدىكسىز ساقتاۋ جانە دامىتۋ كەرەك.

  پارتيانىڭ ءدىن قىزمەتىنىڭ نەگىزگى باعىتىن جاپپاي دايەكتىلەندىرىپ، ەلىمىزدەگى ءىسلام ءدىنىن جۇڭگوشالاندىرۋ باعىتىنان جازباي، دىنگە سەنەتىن بۇقارانىڭ قالىپتى قاجەتىن زاڭ بويىنشا قامتاماسىز ەتىپ، ءدىندى سوتسياليستىك قوعامعا سايكەسۋگە بەلسەندى تۇردە باستاۋ كەرەك. مەشىتتەردى قىستاقتا تۇرىپ باسقارۋ قىزمەتىن ىشكەرىلەي ورىستەتىپ، مەشىتتەر مەن ءدىني قايراتكەرلەرگە، ءدىني قيمىلدارعا باعىتتالعان تاربيەلەۋ، باسقارۋ، قىزمەت كورسەتۋ جۇمىستارىن كۇشەيتىپ جانە جاڭالاپ، زاڭ بويىنشا باسقارۋ، دەموكراتيالىق باسقارۋ، قوعامدىق باسقارۋ ۇشتاستىرىلعان تاربيەلەۋ، باسقارۋ، قىزمەت كورسەتۋ مەحانيزمىن اقاۋسىزداندىرىپ، مەملەكەتتىك كەڭەستىڭ وزگەرىس ەنگىزىلگەننەن كەيىنگى «ءدىن ىستەرى ەرەجەسىن» مۇقيات دايەكتىلەندىرىپ، ءدىن قىزمەتىنىڭ زاڭمەن جونگە سالىنۋ دەڭگەيىن ۇزدىكسىز جوعارىلاتۋ كەرەك. وتانشىل ءدىني قايراتكەرلەردى جەتىلدىرۋ جانە تاربيەلەۋ، باۋلۋ تەبىنىن ارتتىرىپ، ساياسيدا سەنىمدى، دىنگە جۇيرىك، مىنەز - قۇلقىمەن جۇرتتان قۇپتاۋ العان، شەشۋشى ساتتە رول اتقارا الاتىن جوعارى ساپالى ءدىني قايراتكەرلەر قوسىنىن قۇرۋ كەرەك. «ۇشقارىلىقتى الاستاۋدى» ۇزدىكسىز تۇردە ىشكەرىلەي ورىستەتىپ، زاڭسىز ءدىني قيمىلداردى زاڭ بويىنشا جونگە سالىپ، ءدىني ۇشقارى يدەيالاردىڭ ءوربۋىن، ەتەك جايۋىن شەكتەپ، اۆتونوميالى رايونىمىزدا ءدىن جاراسىمدىلىعىنىڭ جاڭا جاعدايىن قۇلشىنا اشۋ كەرەك.

  (10) لاستانۋدىڭ الدىن الۋدان، ونى وڭاۋدان قامال الۋ شايقاسىن ويداعىداي جۇرگىزىپ، كورىكتى شينجياڭ قۇرۋدى جەدەلدەتۋ

  ەكولوگيالىق ورتانى قورعاۋدى ماڭداي الدى ورىنعا قويۋدان جازباۋ، ەكونوميكالىق دامۋ ءسال باياۋلاسا دا، ەكولوگيالىق ورتانى قۇرباندىققا شالۋعا استە جول بەرمەۋ، اسپانى اشىق، جەرى جاسىل، سۋى تۇنىق كورىكتى شينجياڭدى قۇلشىنا قۇرۋ كەرەك.

  ەكولوگيالىق قىزىل سىزىق پەن تومەنگى شەكتەن استە اتتاماۋ كەرەك. «3 جوعارى» نىسانداردىڭ شينجياڭعا كىرۋىنە قاتاڭ تيىم سالۋدىڭ ناقتى باسقارۋ ادىستەرى مەن ونەركاسىپتىك نىساندارعا رۇقسات بەرۋدىڭ ۇنامسىز ءتىزىمىن شىعارىپ، ەنەرگيا كوزدەرى مەن كەن بايلىعىن اشۋدى اۆتونوميالى رايوندىق ۇكىمەت «ءبىر قالاممەن» قاراۋ - بەكىتۋ ءتۇزىمىن، قورشاعان ورتانى قورعاۋ جونىندەگى «ءبىر داۋىسپەن تەرىسكە شىعارۋ» ءتۇزىمىن قاتاڭ اتقارىپ، ەكولوگيالىق ورتانى قورعاۋدىڭ جانە كەڭىستىكتەن پايدالانۋ ماقساتىن باقىلاۋدىڭ ەڭ قاتاڭ ءتۇزىمىن، ەگىستىك جەردى قورعاۋدىڭ جانە سۋ بايلىعىن باسقارۋدىڭ ەڭ قاتاڭ ءتۇزىمىن تياناقتاندىرۋ كەرەك. وزەن (كول) باستىعى ءتۇزىمىن جاپپاي تياناقتاندىرىپ، ونىڭ اۆتونوميالى رايوندى تەگىس قامتۋىن ىسكە اسىرۋ كەرەك. شينجياڭنىڭ قورشاعان ورتانى قورعاۋ جونىندەگى 5 جىلدىق جوباسىن جاساپ جانە اتقارىپ، بيڭتۋان مەن جەرگىلىكتى ورىننىڭ قورشاعان ورتانى قورعاۋ بويىنشا «بەستى بىرلىككە كەلتىرۋ» قىزمەت مەحانيزمىنىڭ ورناتىلۋىن جەبەۋ كەرەك. «كوپ جوبانىڭ بىرىكتىرىلۋىن» بەلسەنە ىلگەرىلەتۋ كەرەك. ەكولوگيالىق ورتاعا زالال كەلتىرەتىن، ەكولوگيالىق ورتانى بۇلدىرەتىن دامۋ تاسىلدەرىنەن جانە ەكولوگيالىق ورتانى قۇرباندىققا شالۋ ارقىلى جەرگىلىكتى ەكونوميكانىڭ مەزەتتىك ءوسۋىن ىسكە اسىراتىن ادىستەردەن باتىل باس تارتىپ، ەكولوگيالىق فۋنكتسيانى قامتاماسىز ەتۋدىڭ نەگىزگى سىزىعىن، قورشاعان ورتانىڭ ساپاسى مەن حاۋىپسىزدىگىنىڭ تومەنگى شەگىن، تابيعي بايلىقتاردى كادەگە جاراتۋدىڭ جوعارعى شەگىن قاتاڭ ساقتاۋ كەرەك.

  ەكولوگيالىق ورتانى قورعاۋ قۇرىلىسىن كۇشەيتۋ كەرەك. نەگىزگى فۋنكتسيا ستراتەگياسىن جاپپاي تياناقتاندىرىپ، ءتۇيىندى ەكولوگيالىق ينجەنەريالاردىڭ قۇرىلىسىن كۇشەيتىپ، قۇلىستاي ەكولوگياسىن قالپىنا كەلتىرۋ سياقتى ماڭىزدى ەكولوگيالىق قالپىنا كەلتىرۋ ينجەنەريالارىنىڭ قۇرىلىسىن جەدەلدەتىپ، ەبنۇر كولى الابىنىڭ سۋ ورتاسىن كەشەندى جونگە سالۋ ارناۋلى قىزمەتىن تىڭعىلىقتى ىلگەرىلەتۋ كەرەك. ەكولوگيالىق ورتانى قورعاۋدىڭ قىزىل سىزىعىن جەدەل انىقتاپ، ماڭگىلىك قاسات قارلى القاپ، ماڭىزدى سۋ كوزدەرىن قورەكتەندىرۋشى وڭىرلەر، اۋىز سۋ قاينارىن قورعاۋ وڭىرلەرى، الەمدىك جاراتىلىستىق مۇرالار ءوڭىرى، لاندشافتتار مەن كورىنىسى كوركەم جەرلەر، جاراتىلىستىق قورىقتار مەن ماڭىزدى وزەن، كول، سازدى جەرلەر، ت. ب زاڭ بويىنشا ءماجبۇرلى قورعاۋدى جولعا قويۋ كەرەك. تاۋ، سۋ، ورمان، ەگىستىك، كول، جايلىمدى جۇيەلى تۇردە جونگە سالۋ تەبىنىن ارتتىرىپ، ەگىستىك جەردى، جايلىمدى، وزەن - كولدەردى تىنىقتىرۋ جوباسىن باستاپ اتقارىپ، قۇمدى بوران كوزىندەگى وڭىرلەر سياقتى ءتۇيىندى وڭىرلەردەگى ەكولوگيالىق ىقتاسىن قۇرىلىسىن كۇشەيتىپ، اقسۋداعى قۇمنان ساقتانۋ، قۇمدى تىزگىندەۋ ماقساتىنداعى ەكى بىردەي ميلليون مۋلىق ەكولوگيانى وڭاۋ، جاسىلداندىرۋ ينجەنەرياسىن زور كۇشپەن اتقارىپ، جەمىس شارۋاشىلىعى مەن ەكولوگيالىق وركەنيەت قۇرىلىسىن توعىستىرا دامىتىپ، ءتۇيىندى وڭىرلەردە سۋ - توپىراقتىڭ شايىلۋى مەن جەردىڭ قۇمايتتانۋىن جان - جاقتى وڭاۋدى ىلگەرىلەتىپ، قۇمايتتانۋدى جونگە سالۋ مەن ەكولوگيانى قورەكتەندىرۋدەن مەملەكەت بويىنشا ۇلگى كورسەتۋشى ءوڭىر بولۋعا بەل بۋىپ، ەكولوگيالىق حاۋىپسىزدىك ىقتاسىنىن قۇلشىنا قالىپتاستىرۋ كەرەك.

  اتموسفەرا، سۋ، توپىراقتىڭ لاستانۋىن وڭاۋدى ۇزدىكسىز ىلگەرىلەتۋ كەرەك. «سۋ تۋرالى 10 تارماقتى» ىشكەرىلەي اتقارىپ، سۋدىڭ لاستانۋىنان ساقتانۋ، ونى جونگە سالۋ ارەكەت جوسپارىن جاپپاي ىلگەرىلەتىپ، لاستانۋدى جۇمىلا وڭاۋ مەن سۋدى جۇيەلى باسقارۋدى ىلگەرىلەتىپ، سۋ الاپتارىنىڭ قورشاعان ورتاسىن جان - جاقتى وڭاپ، سۋ ورتاسىنىڭ ساپاسىن ۇزدىكسىز جاقسارتۋ كەرەك. «توپىراق تۋرالى 10 تارماقتى» جاپپاي اتقارىپ، توپىراقتىڭ لاستانۋىن تىزگىندەۋدى جانە لاستانعان توپىراقتى قالپىنا كەلتىرۋدى كۇشەيتىپ، اۋىل شارۋاشىلىعىنىڭ ديففۋزيالىق لاستانۋىنان ساقتانۋدى كۇشەيتىپ، قاتتى قالدىقتار مەن قوقسىقتاردى ءبىر جاقتى ەتۋ قۇرىلعىلارى بويىنشا قابىلەت قۇرىلىسىن كۇشەيتۋ كەرەك. اتموسفەرانىڭ لاستانۋىنان ساقتانۋ، ونى وڭاۋ ارەكەتىن ۇزدىكسىز اتقارىپ، ءۇرىمجى - سانجى - شىحىزى، كۇيتۇن - مايتاۋ - شيحۋ سياقتى ءتۇيىندى وڭىرلەردە اتموسفەرا لاستانۋىنان جۇمىلا ساقتانۋ، ونى بىرگە جونگە سالۋ تەبىنىن ارتتىرىپ، زەڭگىر اسپاندى قورعاۋ شايقاسىن باتىل جۇرگىزىپ، اتموسفەرا ورتاسى ساپاسىنىڭ ايتارلىقتاي جاقسارۋىن ىسكە اسىرامىز!

  شارۋاشىلىق قۇرىلىمىن، ەنەرگيا تۇتىنۋ قۇرىلىمىن جەدەل رەتتەۋ كەرەك. مەشەۋ وندىرىستىك قۋاتتى ادا - كۇدە قولدانىستان شىعارىپ، لاستانۋدى تۋ باسىنان ازايتۋ كەرەك. ەلەكتر ۇلەستىرۋ جەلىسىنىڭ قۇرىلىسىن جانە ونى جاڭالاۋدى كۇشەيتىپ، قالا، اۋىلداردىڭ ەلەكترمەن قامداۋ قابىلەتىن جوعارىلاتۋ ارەكەتىن بەلسەنە ورىستەتىپ، بۇقارانىڭ جاسىل، قورشاعان ورتانى قورعايتىن ءومىر سالتىنا دەم بەرىپ، ادام مەن تابيعاتتىڭ جاراسىمدى دامۋىن ەلەكترلەندىرۋ ارقىلى ىلگەرىلەتۋ كەرەك. اۋىل - قىستاق ورتاسىن جان - جاقتى وڭاۋدى كۇشەيتىپ، كورىكتى اۋىل - قىستاق قۇرىلىسىن ىلگەرىلەتىپ، ەكولوگيالىق ورتا جونىندە بۇقارادان كۇشتى پىكىر تۇسكەن كورنەۋ ماسەلەلەردى كۇش سالا شەشىپ، ءار ۇلت جۇرتشىلىعىنىڭ تازا سۋ، ساپ اۋانىڭ يگىلىگىن كورىپ، قورشاعان ورتانى جاقسارتۋدىڭ جەتىستىكتەرىن سەزىنۋىنە مۇمكىندىك جاسايمىز!

  ەكولوگيالىق ورتانى قورعاۋ جاۋاپكەرشىلىگىن قاتايتۋ كەرەك. ورتالىقتىڭ قورشاعان ورتانى قورعاۋدى باقىلاۋ - تەكسەرۋ جۇرگىزۋى بويىنشا تۇزەتۋ قىزمەتىن شىن مانىندە ويداعىداي يگەرىپ، لاستانۋ كوزدەرىن مەملەكەتتىك 2 - رەتكى جاپپاي تەكسەرۋگە بايلانىستى اۆتونوميالى رايوننىڭ قىزمەتتەرىن ءبىر تۇتاس جاقسى ىستەپ، قورشاعان ورتانى باقىلاۋ - تەكسەرۋ قابىلەتى قۇرىلىسىن ونان سايىن كۇشەيتۋ كەرەك. ەكولوگيالىق ورتانى قورعاۋدىڭ سۋبيەكتتىك جاۋاپكەرشىلىگىن بۇلجىتپاي تياناقتاندىرىپ، جاۋاپكەرشىلىكتى تەكسەرۋدىڭ ەڭ قاتاڭ ءتۇزىمىن اتقارۋ، باسشى كادرلار قىزمەتتەن بوساعاندا جاراتىلىستىق بايلىق، مال - مۇلىك جونىندە قازىنالىق باقىلاۋ جۇرگىزىپ، ەكولوگيالىق ورتانى قورعاۋ جاۋاپكەرشىلىگىن تياناقتاندىرماي، پارمەندى شارا قولدانباي، قاتاڭ باقىلاپ - باسقارماي، اۋىر زارداپ تۋدىرعانداردى زاڭ، ءتارتىپ، بەلگىلەمە بويىنشا قاتاڭ تەكسەرىپ، قاتال جاۋاپقا تارتىپ، جاۋاپكەرشىلىگىن ءومىر بويى قۋزاستىرىپ، ەكولوگيالىق ورتانى بۇلدىرۋشىلەرگە اۋىر بوداۋ تولەتەمىز!

  (11) جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، شار تاراپقا ەسىك اشۋ جاعدايىن قالىپتاستىرۋ

  مەملەكەتتىڭ «ءبىر بەلدەۋ، ءبىر جول» قۇرىلىسىنا تەرەڭدەي ات سالىسىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ءتۇيىن ەتىپ، ەنگىزۋ مەن شىعارۋعا تەڭ ءمان بەرۋگە تاباندى بولىپ، ىشكە، سىرتقا ەسىك اشۋ دەڭگەيىن جاپپاي جوعارىلاتىپ، شار تاراپقا ەسىك اشۋ جاعدايىن كۇش سالا قالىپتاستىرۋ كەرەك.

  وزەكتى رايون قۇرىلىسىن بەلسەنە ىلگەرىلەتۋ كەرەك. «ءبىر بەلدەۋ، ءبىر جول» حالىقارالىق ىنتىماقتاستىعى جونىندەگى جوعارى دارەجەلى باسشىلار تالقى مىنبەرىنىڭ جەتىستىكتەرىن جاپپاي تياناقتاندىرىپ، مەملەكەتتىڭ قولداۋ ساياساتتارىنان ۇتىمدى پايدالانىپ، كاسىپورىنداردى نەگىز، بازارلانۋدى باعىت ەتىپ، «5 ۇلكەن ورتالىق» قۇرىلىسىن جەدەلدەتىپ، ءوزارا تۇتاستىرۋ جانە «3 بازا»، «3 ارنا» قۇرىلىستارى سياقتى نىسانداردىڭ تياناقتانۋىن ىلگەرىلەتۋ كەرەك. قاشقار، قورعاس اشىق ەكونوميكالىق وڭىرلەرىن ونان سايىن ارناعا سالىپ جانە ويداعىداي قۇرىپ، سالالاردىڭ جيناقتالۋىن جەبەپ، سىرتقا اشىلعان تەرەزەلەر مەن تۇعىرلاردىڭ رولىن شىن مانىندە ويداعىداي ساۋلەلەندىرۋ كەرەك. شەكارا اتتاعان ساياحاتتى بەلسەنە ىلگەرىلەتىپ، توڭىرەكتەگى ەلدەرمەن عىلىم - تەحنيكا، مادەنيەت، وقۋ - اعارتۋ، ەمدەۋ سالالارىنداعى ىنتىماقتاستىقتى جانە گۋمانيتارلىق بايلانىستى جەبەۋ كەرەك. 6 - كەزەكتى جۇڭگو − ازيا - ەۆروپا كورمەسىن ويداعىداي وتكىزۋ كەرەك.

  «سىرتقا شىعۋ» قادامىن جەدەلدەتۋ كەرەك. جۇڭگو - ەۆروپا (ورتا ازيا) كەزەكشى پويەزدارىن توپتاستىرۋ ورتالىعى مەن ءۇرىمجى تەمىر جول وتكەلى، ارالاس - تىزبەكتەلگەن كەدەندىك باقىلاۋ - باسقارۋ ورتالىعى، جالپى باجىسى قورعالاتىن كەشەندى رايون قۇرىلىستارىن ءبىر تۇتاس جوبالاپ، ءۇرىمجى حالىقارالىق قۇرلىقتىق تەرمينالىن قالىپتاستىرىپ، جۇڭگو - ەۆروپا (ورتا ازيا) كەزەكشى پويەز تاسىمالىنىڭ كولەمدەنۋىن، تيىمدىلەنۋىن جانە ۇدايىلانۋىن قۇلشىنا ىسكە اسىرۋ كەرەك. شەتەلدەرگە قارجى سالۋعا ءتيىمدى جەتەكشىلىك ەتىپ، شينجياڭ ىشىندەگى كاسىپورىنداردىڭ ەنەرگيا، كەن، ەلەكتر، حيميا ونەركاسىبى، ءدارى - دارمەك، توقىما جانە كيىم - كەشەك، اۋىل شارۋاشىلىعى سياقتى باسىمدىققا يە سالالاردا «سىرتقا شىعۋىنا» قولداۋ كورسەتىپ، توڭىرەكتەگى ەلدەرمەن بولات - تەمىر، سەمەنت، جابدىقتاۋ - جاساۋ سياقتى سالالاردا وندىرىستىك قۋات ىنتىماقتاستىعىن تەرەڭدەتىپ، شەكارا سىرتىنداعى ەكونوميكا - ساۋدا ىنتىماقتاستىق رايونى، شەكارا بويىنداعى ەكونوميكالىق ىنتىماقتاستىق رايونى قۇرىلىستارىن كۇشەيتىپ، شەكاراداعى تۇرعىنداردىڭ ءوزارا ساۋداسىن دامىتىپ، تاۋار، تەحنيكا، جابدىق ەكسپورتىنا قوزعاۋ سالۋ كەرەك.

  سىرتقى ساۋدا ىنتىماقتاستىعىن تەرەڭدەتۋ كەرەك. جۇڭگو - پاكيستان، جۇڭگو - موڭعۇليا - رەسەي ەكونوميكالىق دالىزدەرىنىڭ قۇرىلىسىنا بەلسەنە ات سالىسىپ، ءۇرىمجى، قاشقار، الاتاۋ ساعاسى جالپى باجىسى قورعالاتىن كەشەندى رايون مەن جۇڭگو - قازاقستان قورعاس حالىقارالىق شەكارالىق ىنتىماقتاستىق ورتالىعىنىڭ جۇمىس كولەمىن كەڭەيتۋىن جەبەپ، ءۇرىمجى شەكارا اتتاعان ەلەكتروندىق ساۋدا جالپىلىق سىناق رايونىنىڭ قۇرىلىسىن بار كۇشپەن ىلگەرىلەتىپ، شاۋەشەكتىڭ اشۋ، ەسىك اشۋ سىناق رايونىنىڭ جالپى جوباسىن جەدەل كەمەلدەندىرۋىنە قولداۋ كورسەتىپ، جۇڭگو - قازاقستان قورعاس حالىقارالىق شەكارالىق ىنتىماقتاستىق ورتالىعىندا حالىق اقشاسىمەن ەسەپ - قيساپ جاسالاتىن جاڭاشىل كاسىپتەردى تۇيىندە سىناق ەتۋدى جاقسى ىستەپ، حالىق اقشاسىنىڭ توڭىرەكتەگى ەلدەردە قولدانىلۋىن كەڭەيتىپ، شەكارا اتتاعان ساۋداعا قارجى سالۋدىڭ وڭتايلانۋىن جەبەۋ كەرەك. قىزمەت كورسەتۋ ساۋداسىن بار كۇشپەن دامىتىپ، شينجياڭدا حالىقارالىق ساۋدا بويىنشا «ءبىر تەرەزەنىڭ» ولشەمدى نۇسقاسىن جولعا قويۋ قىزمەتىن جاقسى ىستەپ، سىرتقى ساۋداعا جان - جاقتى قىزمەت كورسەتۋشى كاسىپورىندار سىناق ءتۇيىنى قىزمەتىندە ناقتى ىلگەرىلەۋشىلىكتەرگە قول جەتۋىن ىلگەرىلەتۋ كەرەك.

  ىشكە ەسىك اشۋدى ۇزدىكسىز كەڭەيتۋ كەرەك. مەملەكەتتىڭ باتىسقا اشىلعان العى شەبى مەن قاقپاسى رەتىندەگى وزگەشە باسىمدىعىن تولىق ساۋلەلەندىرىپ، ورتا ازيا سياقتى ەلدەردىڭ بازارىن بەتكە الىپ، شىعىس بولەكتەگى وڭىرلەردەن جىلىستاعان شارۋاشىلىق سالالارى مەن ىشكى ولكەلەردەن ءتارتىپتى تۇردە ورىن اۋىستىرعان كاسىپورىنداردى بەلسەندى تۇردە قابىلداپ، ءتۇرلى كاسىپورىندى شينجياڭعا قارجى سالىپ، كاسىپكەرلىكتى دامىتۋعا تارتۋ جانە ىنتالاندىرۋ كەرەك. شينجياڭعا باعىتتامالى كومەكتەسۋدىڭ ارتىقشىلىعىنان ۇتىمدى پايدالانىپ، شينجياڭعا باعىتتامالى كومەكتەسۋشى ولكە، قالالارمەن، ورتالىق كاسىپورىندارمەن بارىس - كەلىس بايلانىستارىن كۇشەيتىپ، ءوزارا تيىمدىلىك جانە تەڭ يگىلىكتى ىنتىماقتاستىق نەگىزىندە شارۋاشىلىق سالالارى بويىنشا شينجياڭعا كومەكتەسۋ قىزمەتىن ىلگەرىلەتىپ، شارۋاشىلىق قۇرىلىمىنىڭ رەتتەلۋى مەن جاڭارۋىن جەبەۋ كەرەك.

  (12) بيڭتۋاننىڭ رەفورما، دامۋ ىستەرىنە بار كۇشپەن قولداۋ كورسەتىپ، بيڭتۋاننىڭ «ورنىقتىرعىش، دومنا پەش، ۇلگى كورسەتۋشى رايون» رەتىندەگى ەرەكشە رولىن تولىق ساۋلەلەندىرۋ

  «بيڭتۋان مەن جەرگىلىكتى ورىن − ءبىر تۇتاس تۇلعا» يدەياسىن بەرىك ورناتىپ، بيڭتۋاننىڭ دامۋى − شينجياڭنىڭ دامۋى، بيڭتۋاننىڭ كۇشەيۋى − شينجياڭنىڭ كۇشەيۋى، بيڭتۋاننىڭ رەفورماسى − شينجياڭنىڭ رەفورماسى ەكەنىنە تاباندى بولۋ كەرەك. بيڭتۋاننىڭ شينجياڭنىڭ قوعام ورنىقتىلىعىن قورعاۋ مەن باياندى تىنىشتىعىن ىسكە اسىرۋدا ءتىپتى زور جاۋاپكەرشىلىك ارقالاۋىنا قولداۋ كورسەتىپ، ونىڭ ورنىقتىرعىش، دومنا پەش، ۇلگى كورسەتۋشى رايون رەتىندەگى رولىن ءتىپتى جاقسى ساۋلەلەندىرۋ كەرەك. بيڭتۋاننىڭ رەفورمانى تەرەڭدەتۋىنە قولداۋ كورسەتىپ، بيڭتۋانعا زاڭ بويىنشا وكىلەتتىك بەرۋ تەبىنىن ارتتىرىپ، ادەتتەگى اكىمشىلىك فۋنكتسيالار مەن اكىمشىلىك زاڭ اتقارۋ ۇقىقتارىن تولىقتاي بيڭتۋانعا وتكىزىپ، بيڭ−تۋاننىڭ «اكىمشىلىك» فۋنكتسياسىن جەتىلدىرىپ جانە وزگەرتىپ، بيڭتۋاننىڭ دامۋ ومىرشەڭدىگىنە دەم بەرىپ، دامۋى مەن كۇشەيۋىن جەدەلدەتۋ كەرەك. بيڭتۋاننىڭ وڭتۇستىككە قاراي دامۋىنا قولداۋ كورسەتىپ، بيڭتۋاننىڭ وڭتۇستىككە قاراي دامۋى جونىندەگى جوبا باعدارلاماسىن تياناقتاندىرىپ، قالا - قالاشىقتانۋ مەن جاڭاشا ونەركاسىپتەنۋدى دانەكەر ەتىپ، بيڭتۋاننىڭ وڭتۇستىك شينجياڭعا ورنالاسۋىن تەزدەتىپ، پولك - الاڭداردى جاڭادان قۇرىپ، كەڭەيتىپ، ەرەكشە پولك قالاشىقتارىن قۇرىپ، شارۋاشىلىقتى دامىتىپ، جۇمىسقا ورنالاسۋعا جەتەكشىلىك ەتىپ، حالىق سانىن شوعىرلاندىرىپ، كۇش - قۋاتتى زورايتىپ، سول ارقىلى وڭتۇستىك شينجياڭنىڭ دامۋىنا جەتەكشىلىك ەتىپ، وڭتۇستىك شينجياڭنىڭ ورنىقتىلىعىن جەبەۋ كەرەك. بيڭتۋان مەن جەرگىلىكتى ورىننىڭ توعىسپالى دامۋىن ىلگەرىلەتىپ، بيڭتۋان مەن جەرگىلىكتى ورىننىڭ ستراتەگيالىق جوبالاردى سايكەستىرۋى مەن ماڭىزدى ماسەلەلەر بويىنشا كەڭەسۋىن كۇشەيتىپ، بيڭتۋان مەن جەرگىلىكتى ورىننىڭ تەرەڭدەي توعىسۋىن بەلسەندىلىكپەن ىلگەرىلەتىپ، بيڭتۋان مەن جەرگىلىكتى ورىن اراسىندا كادرلار اۋىس - كۇيىسىنىڭ تەبىنىن ارتتىرىپ، بيڭتۋان ديۆيزيا - پولكتەرىنىڭ قالا - قالاشىق بولىپ قۇرىلۋىنا قولداۋ كورسەتىپ، ديۆيزيا مەن قالانى بىرىكتىرۋ ءتۇزىلىسىن كەمەلدەندىرىپ، شارۋاشىلىق سالالارىنىڭ دامۋى، بازار جۇيەسى، قوعامدىق قامتاماسىزداندىرۋ، دارىندىلاردى دايىنداۋ جانە اۋىستىرۋ، نەگىزدىك قۇرىلعى قۇرىلىستارى، الەۋمەتتىك قىزمەت كورسەتۋ، بايلىق اشۋ، قورشاعان ورتانى قورعاۋ سياقتى جاقتاردا ءبىر تۇتاس جوبا جاساپ، ءبىرىڭعاي قۇرىلىس جۇرگىزىپ، وڭىرلەر بويىنشا باسقارىپ، تەڭ پايداعا كەنەلىپ، بيڭتۋان مەن جەرگىلىكتى ورىندار قاتار گۇلدەنىپ - دامىعان ومىرشەڭ جاعداي قالىپتاستىرۋ كەرەك.

  شينجياڭ 5700 كيلومەتر تۇراتىن وتان شەكاراسىن كۇزەتىپ وتىر، مەملەكەت قورعانىسى مەن ارميا قۇرىلىسىنا كوڭىل ءبولۋ، قولداۋ كورسەتۋ − باس تارتۋعا بولمايتىن بورىش. مەملەكەت قورعانىسى تاربيەسىن كۇشەيتىپ، قوس قولداۋ قىزمەتىن ىشكەرىلەي ورىستەتۋ كەرەك. شەكارا قورعانىسىنىڭ ءبىرىنشى شەبىنىڭ باقىلاۋ - تىزگىندەۋ تەحنولوگيالارى، جول سياقتى نەگىزدىك قۇرىلعى قۇرىلىستارىن كۇشەيتىپ، ارميا مەن حالىقتىڭ توعىسپالى دامۋىن ىلگەرىلەتۋ كەرەك. مەملەكەت قورعانىسىنا جۇمىلدىرۋ جانە حالىق جاساعى كۇشتەرى قۇرىلىسىن كۇشەيتىپ، ارميا، ساقشى، بيڭتۋان، حالىق بىرلەسىپ باسقارۋ، بىرلەسىپ قورعانۋ جۇيەسىن كەمەلدەندىرىپ، ارميانىڭ اقىلى قىزمەت كورسەتۋدى توقتاتۋ جۇمىستارىن سايكەسىپ جاق−سى ىستەپ، ارميا مەن ۇكىمەت، ارميا مەن حالىق ىنتىماعىنىڭ جاڭا جاعدايى ارقىلى وتانىمىزدىڭ باتىس سولتۇستىك شەكاراسىنىڭ تاۋ قوزعالسادا قوزعالماۋىنا كەپىلدىك ەتەمىز!

  پارتيانىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ارتىقشىلىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ ءتۇبىرلى كەپىلى. ءار دارەجەلى ۇكىمەتتەر پارتيا 19 - قۇرىلتايىنىڭ رۋحىن جاپپاي، ىشكەرىلەي ۇيرەنىپ، دايەكتىلەندىرىپ، سانالى تۇردە شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن ونان سايىن نىعايتىپ، دۇرىس ساياسي تۇرعىعا، ساياسي بەتالىسقا، ساياسي پرينسيپكە، ساياسي جولعا تاباندى بولىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، باس شۋجي شي جينپيڭنىڭ پارتيا ورتالىق كوميتەتى مەن بۇكىل پارتياداعى ۇيتقىلىق ورنىن باتىل قورعاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ جانە تياناقتاندىرىپ، اۆتونوميالى رايوندىق پارتكومنىڭ شەشىم - ورنالاستىرۋلارىن باتىل دايەكتىلەندىرىپ جانە تياناقتاندىرىپ، پارتيانىڭ بارلىق قىزمەتكە باسشىلىعىن بۇلجىتپاستان تىڭعىلىقتى تياناقتاندىرۋى كەرەك. زاڭمەن جونگە سالىناتىن ۇكىمەت قۇرىلىسىن كۇشەيتىپ، زاڭ بويىنشا اكىمشىلىك جۇرگىزۋدى بار كۇشپەن ىلگەرىلەتىپ، زاڭدى ءادىل، مادەنيەتتى اتقارۋ ءىسىن قاتاڭ ارناعا ءتۇسىرۋ كەرەك. ۇكىمەتتىڭ زاڭ شىعارۋ قىزمەتىن كۇشەيتىپ جانە جاقسارتىپ، شينجياڭ قىزمەتىنىڭ باس نىساناسىمەن سايكەسەتىن جەرگىلىكتى زاڭ - ەرەجەلەر مەن ەرەجەلەر جۇيەسىن ورناتۋ، جەتىلدىرۋ كەرەك. زاڭ اتقارۋدىڭ تۇتاس بارىسىن ەستەلىككە الۋ ءتۇزىمىن، كەلەلى زاڭ اتقارۋ شەشىمدەرىن زاڭدىق تەكس−ەرۋ ءتۇزىمىن، اكىمشىلىك زاڭ اتقارۋدى جاريا ۇستاۋ ءتۇزىمىن تۇيىندە سىناق ەتۋ قىزمەتىن ورىستەتىپ، جاۋاپكەرشىلىكتى قۋزاستىرۋدىڭ ۇدايىلانعان مەحانيزمىن ورناتۋ، اقاۋسىزداندىرۋ كەرەك. ورتالىقتىڭ «8 ءتۇرلى بەلگىلەمەسى» مەن ونى اتقارۋدىڭ ناقتى ەرەجەسىنىڭ رۋحىن مۇقيات دايەكتى اتقارىپ، اۆتونوميالى رايوندىق پارتكومنىڭ ستيل قۇرىلىسىن كۇشەيتۋ جونىندەگى تالاپتارىن دايەكتىلەندىرىپ جانە تياناقتاندىرىپ، «ونعا رۇقسات ەتپەۋ» مەن «وندى جاقسارتۋدى» ورىنداپ، شىن سويلەۋگە، شىندىقتى كوزدەۋگە، ناقتى شارا تابۋعا، شىنايى ناتيجە شىعارۋعا تاباندى بولىپ، ءتۇرلى قىزمەتتى شەگە قاعۋ رۋحىمەن تياناقتى، ۇقىپتى، جاقسى ىستەپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن ماڭىزدى شەشىم - ورنالاستىرۋلارىنىڭ تامىر تارتىپ، شەشەك اتىپ، جەمىس بەرۋىنە كەپىلدىك ەتۋ كەرەك. ىسكەرلىككە باسا ءمان بەرۋگە تاباندى بولىپ، ستيلدى شىن مانىندە جاقسارتىپ، تياناقتاندىرۋ قىزمەتىن مىقتاپ يگەرىپ، فورماشىلدىق پەن تورەشىلدىكتەن اۋلاق بولۋ كەرەك. قۋزاپ تياناقتاندىرۋدى كۇشەيتىپ، باقىلاۋ، باعالاۋ، سيلاۋ، جازالاۋ مەحانيزمدەرىن كەمەلدەندىرىپ، ساتى - ساتى بويىنشا قىسىم ءتۇسىرىپ جانە جاۋاپكەرشىلىكتى تياناقتاپ، ءتۇرلى قىزمەتتىڭ تاپ - تۇيناقتاي ورنالاستىرىلىپ، قۋزالىپ، تياناقتاندىرىلىپ وتىرۋىنا كەپىلدىك ەتۋ كەرەك. تەكسەرۋ - زەرتتەۋدى كۇشەيتىپ، ءومىر شىندىعىنا، نەگىزگى ساتىعا، ءبىرىنشى شەپكە تەرەڭ بويلاپ، جاڭا جاعداي، جاڭا ماسەلەلەردى دەر كەزىندە ۇعىسىپ، نەگىزگى ساتىداعى كادر - جۇرتشىلىقتىڭ ۇسىنىس - پىكىرىن كىشى پەيىلدىكپەن تىڭداپ، شىعارعان شەشىمدەردىڭ، بەلگىلەگەن ساياساتتاردىڭ، قولدانعان شارالاردىڭ ەكونوميكانىڭ زاڭدىلىعىنا، بۇقارانىڭ تىلەگىنە ۇيلەسۋىنە كەپىلدىك ەتۋ كەرەك. «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيەسىن ىشكەرىلەي ورىستەتىپ، وي - سانانى پارتيانىڭ جاسامپاز نازاريالارىمەن قارۋلاندىرىپ، ءار دارەجەلى كادرلاردى پارتياعا ادال بولۋعا، ءوز باسىن تازا ۇستاۋعا، باتىلدىقپەن جاۋاپكەرشىلىك ارقالاۋعا تاربيەلەپ جانە جەتەكتەپ، جوعارى ساپالى، مامانداندىرىلعان مەملەكەت قىزمەتكەرلەرى قوسىنىن قۇلشىنا قۇرۋ كەرەك. «4 بۇرىس ستيل» مەن «4 تەرىس پيعىلدى» ۇزدىكسىز قانداۋىرلاپ، ۇكىمەت جۇمىسىنا بويكۇيەزدىك، سالعىرتتىق ىستەۋ، جۇمىس تىندىرماۋ، ويىنا كەلگەنىن ىستەۋ بويىنشا جاۋاپكەرشىلىكتى قاتاڭ قۋزاستىرۋ، قاتاڭ جاۋاپقا تارتۋ كەرەك. ۇكىمەت جۇيەسىنىڭ پارتيا ستيلى، پاكتىك قۇرىلىسىن ويداعىداي يگەرۋگە تاباندى بولىپ، جەمقورلىققا باتىلى بارماۋ بويىنشا قاتاڭ سەس كورسەتىپ، جەمقورلىققا مۇمكىندىگى بولماۋ بويىنشا ءتۇزىم قاپاسىن نىعىزداپ، جەمقورلىقتى ويىنا الماۋ جونىندەگى سانالىلىقتى كۇشەيتىپ، پاك، جۇمىس ءونىمى جوعارى، حالىقتىڭ رازىلىعىن العان قىزمەت كورسەتۋشى ۇكىمەت قۇرۋعا قۇلشىنۋ كەرەك.

  ۋاكىلدەر!

    جاڭا ءداۋىردىڭ دابىلى قاعىلىپ، جاڭا ايبىندى جوبا جاسالىپ بولدى. جاڭا كەزەكتى اۆتونوميالى رايوندىق حالىق ۇكىمەتى «قوس 100 جىلدىق» كۇرەس نىساناسىنىڭ تاريحي توعىسىندا تۇر. موينىمىزداعى بورىش جاۋاپكەرشىلىككە ۇندەپ، بولاشاققا جول اشتى، ءبىز حالىقتىڭ ءۇمىتىن اقتاپ، جاڭا داۋىرگە قاسقايا تارتىپ، تىڭ ساپارعا ارشىندى قادام تاستايمىز. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ءتىپتى دە تىعىز ىنتىماقتاسىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، اۆتونوميالى رايوندىق پارتكومنىڭ دۇرىس باسشىلىعىندا، اۆتونوميالى رايونداعى ءار ۇلت حالقىنىڭ جۇدىرىقتاي جۇمىلىپ، جۇڭگو ارمانىن بىرگە ورىنداۋ جولىنداعى جويقىن كۇشىن ءبىر ارناعا قۇيىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ەرلىكپەن العا باسىپ، قيىندىقتاردى جەڭىپ، ءبىر نيەت، ءبىر تىلەكپەن ىنتىماقتاسىپ، قاجىرلىلىقپەن ەڭبەك ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، حالىقتىڭ تاماشا تۇرمىسقا دەگەن تالپىنىسىن ىسكە اسىرۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ سالتاناتتى شينجياڭ تاراۋىن جازۋ جولىندا قۇلشىنا كۇرەس جۇرگىزەيىك!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى