ءتاڭىرتاۋ تورابى   ›   جاڭالىقتار   ›   شۋجي ەستەلىگى

چىن چۋانگو ءۇرىمجى قالاسى ۋاكىلدەر ۇيىرمەسىنىڭ تالقىسىنا قاتىناسقاندا، ساياسي كەڭەس ماجىلىسىنە قاتىناسىپ جاتقان ءدىن سالاسىنداعى مۇشەلەرگە امانداسقاندا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، «4 تانىمدى» كۇشەيتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ ءونىمدى تياناقتانۋىن ىلگەرىلەتۋدى باسا دارىپتەدى

  24-قاڭتاردا، اۆتونوميالى رايوندىق پارتكومنىڭ شۋجيى چىن چۋانگو اۆتونوميالى رايوندىق 13-كەزەكتى حالىق قۇرىلتايىنىڭ 1-ماجىلىسىندەگى ءۇرىمجى قالاسى ۋاكىلدەر ۇيىرمەسىنىڭ تالقىسىنا قاتىناستى.

  24 - قاڭتار ءتۇستىڭ الدىندا اۆتونوميالى رايوندىق پارتكومنىڭ شۋجيى چىن چۋانگو اۆتونوميالى رايوندىق 13 - كەزەكتى حالىق قۇرىلتايىنىڭ 1 - ماجىلىسىندەگى ءوزى تۇرعان ءۇرىمجى قالاسى ۋاكىلدەر ۇيىرمەسىنىڭ تالقىسىنا قاتىناستى، ساياسي كەڭەس اۆتونوميالى رايوندىق 12 - كەزەكتى كوميتەتىنىڭ 1 - ماجىلىسىنە قاتىناسىپ جاتقان ءدىن سالاسىنداعى مۇشەلەرگە امانداستى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن مۇقيات دايەكتىلەندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ جولىندا تالماي كۇرەس جۇرگىزۋ كەرەك.

  نايىم ياسىن، نۇرلان ءابىلماجىن ۇلى، شۇي حايرۇڭ، عانيبات سابىكەي ۇلى، جاڭ بو، ءىنام ناسىردين، چىڭ جىنشان قاراۋعا نەمەسە تالقىعا قاتىناستى.

  ءۇرىمجى قالاسىنىڭ ۋاكىلدەر ۇيىرمەسىندەگى ۋاكىلدەر بىرىنەن سوڭ ءبىرى ءسوز الىپ، قىزۋ تالقى جۇرگىزدى. ۋاكىلدەردىڭ ءسوزىن مۇقيات تىڭداعان سوڭ چىن چۋانگو ءسوز سويلەدى. ول ۇكىمەت قىزمەتىنەن باياندامانى، اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنەن باياندامانى جانە اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ قىزمەتىنەن باياندامانى تولىق قۇپتايتىندىعىن ءبىلدىردى ءارى وتكەن ءبىر جىلدا ءۇرىمجى قالاسىنىڭ ءتۇرلى ىستەرىنىڭ دامۋىندا قول جەتكەن ناتيجەلەردى تولىق تۇراقتاندىردى.

  چىن چۋانگو بىلاي دەپ اتاپ كورسەتتى: بيىل − پارتيا 19 - قۇرىلتايىنىڭ رۋحىن دايەكتىلەندىرۋدىڭ باستاما جىلى، رەفورما جاساۋ، ەسىك اشۋدىڭ 40 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدەگى، «13 - بەسجىلدىق» جوبانى اتقارۋدا الدىڭعىعا مۇراگەر، كەيىنگىگە بۇيداگەر بولاتىن شەشۋشى جىل. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جاڭا دامۋ ۇستانىمىن دايەكتىلەندىرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ جانە «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ قىزمەتتەرىن ءبىر تۇتاس ىلگەرىلەتىپ، قوعامدىق جالپى جاعدايدىڭ باياندى، جاراسىمدى، ورنىقتىلىعىن قورعاپ، ەكونوميكانىڭ، قوعامنىڭ باياندى، اقاۋسىز دامۋىن جەبەۋ كەرەك.

  چىن چۋانگو ءۇرىمجى قالاسىنداعى ءار ۇلت كادرلارى مەن جۇرتشىلىعىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن ۇيرەنۋدى، دايەكتىلەندىرۋدى عانيمەت وراي، قوزعاۋشى كۇش ەتىپ، «4 تانىمدى» كۇشەيتىپ، «4 سەنىمدى» بەكەمدەپ، شىنايى يگەرىپ، ناقتاپ ىستەپ، قايراتتانا ىلگەرىلەپ، ورنىقتىلىق، دامۋ قىزمەتتەرىنىڭ جاڭا جاعدايىن ۇزدىكسىز اشۋىن ءۇمىت ەتتى. ءبىرىنشى، شينجياڭ قىزمەتىنىڭ باس نىساناسىن دايەكتىلەندىرىپ، جاراسىمدى، ورنىقتى ورتالىق قالاعا اينالۋ كەرەك. نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، قوعامدىق جالپى جاعدايدىڭ باياندى، جاراسىمدى، ورنىقتى بولۋىنا شىنايى كەپىلدىك ەتىپ، ءار ۇلت بۇقاراسىنىڭ الاڭسىز تىرشىلىك ەتۋىنە تاماشا ورتا ازىرلەۋ كەرەك. ەكىنشى، جاڭا دامۋ ۇستانىمىن دايەكتىلەندىرىپ، جوعارى ساپالى دامىعان ورتالىق قالاعا اينالۋ كەرەك. ساپانى ءبىرىنشى ورىنعا قويۋعا، تيىمدىلىكتى الدىمەن ەسكەرۋگە تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتىپ، ەكونوميكالىق دامۋدىڭ ساپالىق وزگەرىسىن، تيىمدىلىك وزگەرىسىن، قوزعاۋشى كۇش وزگەرىسىن ىلگەرىلەتىپ، ەكونوميكانىڭ جوعارى ساپالى دامۋىن قۇلشىنا جۇزەگە اسىرۋ كەرەك. ءۇشىنشى، پارتيانىڭ ۇلت، ءدىن ساياساتىن دايەكتىلەندىرىپ، ۇلتتار ىنتىماقتى، ءدىن تاتۋ ورتالىق قالاعا اينالۋ كەرەك. «ۇلتتار ىنتىماعىنىڭ بەرەكەلى شاڭىراعى» قيمىلىن جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ۇلتتار ىنتىماعى «تۋىستاسۋ اپتالىعىن» ۇزدىكسىز تەرەڭدەتىپ، ءار ۇلت كادرلارى مەن جۇرتشىلىعىن «ءۇشتىڭ ءبىر - بىرىنەن ايرىلا الماۋى» يدەياسىن مىقتاپ ورناتىپ، اناردىڭ دانىندەي تىعىز ۇيىسۋعا جەتەكتەۋ كەرەك؛ زاڭدىلارىن قورعاۋعا، زاڭسىزدارىن تەجەۋگە، ۇشقارىلىقتى الاستاۋعا، كەۋلەپ كىرۋگە قارسى تۇرۋعا، قىلمىسقا سوققى بەرۋگە تاباندى بولىپ، ەلىمىزدەگى ءىسلام ءدىنىن جۇڭگوشالاندىرۋ باعىتىنان جازباي، دىنگە سەنەتىن بۇقارانىڭ قالىپتى ءدىني قاجەتىن زاڭ بويىنشا قامتاماسىز ەتىپ، ءدىندى سوتسياليستىك قوعامعا سايكەسۋگە بەلسەنە جەتەكتەۋ كەرەك. ءتورتىنشى، اۋىل - قىستاقتاردى كوركەيتۋ ستراتەگياسىن دايەكتىلەندىرىپ، قالا مەن اۋىل سايكەستى دامىعان ورتالىق قالاعا اينالۋ كەرەك. ونەركاسىپ ارقىلى اۋىل شارۋاشىلىعىن تولىقتىرۋعا، قالا ارقىلى اۋىل - قىستاقتى جەتەكتەۋگە تاباندى بولىپ، اۋىل شارۋاشىلىعىن، اۋىل - قىستاقتى، شارۋالاردى قولداۋ سەرپىنىن ارتتىرىپ، جاڭاشا ونەركاسىپتەندىرۋدىڭ، ينفورماتسيالاندىرۋدىڭ، قالا - قالاشىقتاندىرۋدىڭ، اۋىل شارۋاشىلىعىن وسىزامانداندىرۋدىڭ تەڭ قاداممەن دامۋىن ىلگەرىلەتىپ، ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا مەن اۋىل ءبىرىن - ءبىرى تولىقتايتىن، جاپپاي توعىسقان، بىرگە گۇلدەنگەن جاڭاشا ونەركاسىپ - اۋىل شارۋاشىلىعى، قالا، اۋىل قاتىناسىنىڭ قالىپتاسۋىن جەدەلدەتۋ كەرەك. بەسىنشى، 3 ءىرى قامال الۋ شايقاسىنىڭ ورنالاستىرۋىن ويداعىداي دايەكتىلەندىرىپ، ورتا ساپاسى جاقسى ورتالىق قالاعا اينالۋ كەرەك. تومەنگى شەكتى باتىل ساقتاپ، اۋىر حاۋىپ - قاتەرلەردەن شىن مانىندە ساقتانۋ، شەشۋ كەرەك؛ كەدەيلىكتەن قۇتىلدىرۋدان قامال الۋ شايقاسىن باتىل تۇردە جەڭىسپەن جۇرگىزىپ، ءبىر كەدەي بۇقارانى دا قاتاردان قالدىرماۋ كەرەك؛ ەكولوگيالىق ورتانى باتىل قورعاپ، لاستانۋدان ساقتانۋ، تىزگىندەۋ سەرپىنىن ارتتىرىپ، اتموسفەرا ورتاسىن كۇش سالا جاقسارتۋ كەرەك. التىنشى، پارتيانى جاپپاي قاتاڭ جونگە سالۋ تالابىن دايەكتىلەندىرىپ، ساياسي ەكولوگياسى تاماشا ورتالىق قالاعا اينالۋ كەرەك. ماڭگى تاباندى قايسارلىقپەن پارتيانى جاپپاي قاتاڭ جونگە سالۋدى تەرەڭدەتىپ، ادام ىستەتۋدىڭ تاماشا جەتەكشى باعىتىن ورناتىپ، «ەكىبەتكەيلەردى»، «ەكىبەتكەيلىكتى» باتىل جازالاپ، سالتى كىرشىكسىز، ستيلى دۇرىس تاماشا ساياسي ەكولوگيا قالىپتاستىرۋ كەرەك.

  ساياسي كەڭەس اۆتونوميالى رايوندىق 12 - كەزەكتى كوميتەتى 1 - ءماجىلىسىنىڭ ءدىن سالاسىنىڭ تالقى جيىنى زالىندا چىن چۋانگو كوپشىلىكپەن ءبىر - بىرلەپ قول الىسىپ، ەسەندىك سۇراستى. ابدۇرىقىپ ءتومۇرنياز، حان ميڭيۋان، لو چي سياقتى مۇشەلەر بىرىنەن كەيىن ءبىرى لەبىز ءبىلدىردى. چىن چۋانگو ولاردىڭ ءسوزىن مۇقيات تىڭدادى ءارى ولارمەن پىكىر اۋىستىرىپ، تالقى جۇرگىزدى. ول بىلاي دەپ اتاپ كورسەتتى: پارتيانىڭ ءدىن قىزمەتى نەگىزگى باعىتىنا تاباندى بولىپ، پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، ءدىن قىزمەتىنىڭ دەڭگەيىن شىن مانىندە ءوسىرىپ، ءدىن قىزمەتىنىڭ ىرىقتىلىق ۇقىعىن مىقتاپ مەڭگەرۋ كەرەك. بۇكىل رايونىمىزداعى ءدىن سالاسىنداعى قالىڭ وتانشىل قايراتكەرلەردىڭ داڭقتى ءداستۇردى ۇزدىكسىز ساۋلەلەندىرىپ، بەلسەندى رولدارىن تولىق ساۋلەلەندىرىپ، ءدىننىڭ سوتسياليستىك قوعامعا سايكەسۋىن ىلگەرىلەتۋگە، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋعا بەلسەندى ۇلەستەر قوسۋىن ءۇمىت ەتەمىن. ءبىرىنشى، وتاندى ءسۇيۋدىڭ، ءدىندى قادىرلەۋدىڭ ۇلگىسى بولۋ كەرەك. وتاندى ءسۇيۋ، ءدىندى قادىرلەۋ تاڭداۋلى ءداستۇرىن جالعاستىرىپ جانە ساۋلەلەندىرىپ، وتانشىلدىق تۋىن باستان - اياق بيىك ۇستاپ، جۇڭگو كوممۋنيستىك پارتياسىنىڭ باسشىلىعىن، سوتسياليستىك ءتۇزىمدى قولداپ، جۇڭگوشا سوتسياليزم جولىمەن جۇرۋدەن جازباي، وتاندى ءسۇيۋ مەن ءدىندى قادىرلەۋدىڭ ورگانيكالىق بىرلىگىن جۇزەگە اسىرۋ كەرەك. ەكىنشى، ەرەجەگە، زاڭعا بويسۇنۋدىڭ ۇلگىسى بولۋ كەرەك. نەگىزگى زاڭ مەن زاڭداردىڭ بەدەلىن قورعاپ، مەملەكەت تانىمىن، زاڭ تانىمىن، ازامات تانىمىن كۇشەيتىپ، مەملەكەت زاڭى مەن ءدىني قاعيدانىڭ قاتىناسىن دۇرىس تانىپ جانە ءبىر جايلى ەتىپ، مەملەكەت زاڭى مەن زاڭ - ەرەجەلەرىنە سانالىلىقپەن بويسۇنىپ، مەملەكەتتىڭ زاڭ بويىنشا باسقارۋىن سانالىلىقپەن قابىلداپ، قالىپتى ءدىني ءتارتىپتى سانالىلىقپەن قورعاۋ كەرەك. ءۇشىنشى، ۇلتتار ىنتىماعىنىڭ ۇلگىسى بولۋ كەرەك. «ءۇشتىڭ ءبىر - بىرىنەن ايرىلا الماۋى» يدەياسىن مىقتاپ ورناتىپ، «5 ورتاق تانىمدى» كۇشەيتىپ، «ۇلتتار ىنتىماعىنىڭ بەرەكەلى شاڭىراعى» سياقتى ءار ءتۇرلى بىرلەسكەن دوستىق قيمىلدارىمەن ىرىقتىلىقپەن توعىسىپ، ولارعا بەلسەنە ات سالىسىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ءار ۇلت جۇرتشىلىعىن توننىڭ ىشكى باۋىنداي ەتەنە بولۋعا، ءوزارا قارايلاسۋعا جەتەكتەۋ كەرەك. ءتورتىنشى، العا، ىزگىلىككە ۇمتىلۋدىڭ ۇلگىسى بولۋ كەرەك. ءدىندى جۇڭگوشالاندىرۋ باعىتىنان جازباي، سوتسياليستىك وزەكتى قۇن كوزقاراسىن جەتەكشى ەتىپ، ءدىن شاريعاتىن، ءدىني قاعيدانى قازىرگى تاڭداعى جۇڭگونىڭ دامۋ تالابىنا، جۇڭگونىڭ تاڭداۋلى ءداستۇرلى مادەنيەتىنە ۇيلەسەتىن جولمەن ءتۇسىندىرىپ، ءدىننىڭ مەملەكەتتىڭ دامۋى مەن كوركەيۋىنە، دىنگە سەنەتىن بۇقارانىڭ زاتتىق جانە رۋحاني تۇرمىسىنىڭ جاقسارۋىنا ءتىپتى پايدالى بولۋىنا مۇمكىندىك جاساۋ كەرەك. بەسىنشى، ۇشقارىلىققا قارسى تۇرۋدىڭ ۇلگىسى بولۋ كەرەك. وزىندىك ساپانى ءوسىرۋدى كۇشەيتىپ، ساپانى ۇزدىكسىز جوعارىلاتىپ، تاپسىرلەۋ، ۋاعىز ايتۋدى ارناعا ءتۇسىرىپ، ءدىني ۇشقارى يدەيالاردىڭ كەۋلەپ كىرۋىن باتىل تەجەپ، دىنگە سەنەتىن بۇقارانى دۇرىس سەنىمنەن، دۇرىس ارەكەتتەن جازباۋعا، ورتا جولدان تايماۋعا، ۇشقارىلىققا قارسى تۇرۋعا تاربيەلەۋ، جەتەكتەۋ كەرەك. التىنشى، جاراسىمدىلىقتى جەبەۋدىڭ ۇلگىسى بولۋ كەرەك. ءىسلام دىنىندە دارىپتەلەتىن وتاندى ءسۇيۋ، بەيبىتشىلىك، ىنتىماق، ورتا جول، كەشىرىمدىلىك، ىزگىلىك سياقتى ءدىن شاريعاتتارىن ۋاعىز ايتۋمەن، تاپسىرلەۋمەن ساباقتاستىرىپ، دىنگە سەنەتىن بۇقارانى جاراسىمدىلىقتى قاستەرلەپ، زورلىقتى كۇشكە قارسى تۇرىپ، مەملەكەتتىڭ حاۋىپسىزدىگىن، وتاننىڭ تۇتاستىعىن، قوعامنىڭ ورنىقتىلىعىن تاباندىلىقپەن قورعاپ، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇرەس جۇرگىزۋگە تاربيەلەۋ، جەتەكتەۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى