ءتاڭىرتاۋ تورابى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

«تۋىستاسۋ اپتالىعىندا» تۋىستار باس قوسىپ، سۇيىسپەنشىلىكتىڭ مەيىرىنە شومدى

  تىلشىلەرىمىز جاۋ جىيۇن، سۇي يۇنيان، چىن چياڭۋي

  باس شۋجي شي جينپيڭ پارتيا 19 - قۇرىلتايىندا جاساعان بايانداماسىندا پارتيانىڭ ۇلت ساياساتىن جاپپاي دايەكتىلەندىرىپ، ۇلتتار ىنتىماعى، العاباسارلىعى تاربيەسىن تەرەڭدەتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتاردىڭ ارالاسۋىن، ىشتەسۋىن، توعىسۋىن كۇشەيتىپ، ۇلتتاردىڭ اناردىڭ دانىندەي تىعىز ۇيىسىپ، ىنتىماقتاسا كۇرەس جۇرگىزىپ، بىرگە كوركەيىپ - گۇلدەنۋىن، دامۋىن جەبەۋدى اتاپ كورسەتتى.

  2017 - جىلى جەلتوقساندا پارتيا 19 - قۇرىلتايىنىڭ رۋحىن سان مىڭداعان وتباسىنا جەتكىزىپ، «ۇلتتار ىنتىماعىنىڭ بەرەكەلى شاڭىراعى» قيمىلىن ىشكەرىلەي ورىستەتۋ ءۇشىن، اۆتونوميالى رايوندىق پارتكوم تۇتاس شينجياڭدا ۇلتتار ىنتىماعى بويىنشا «تۋىستاسۋ اپتالىعى» قيمىلىن شوعىرلى ورىستەتتى. جاقىندا تۋىستارىمەن بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەنۋدە بولعان اۆتونوميالى رايوندىق حالىق قۇرىلتايىنىڭ ۋاكىلدەرى جانە ساياسي كەڭەس مۇشەلەرى قويۋ تۋىستىق سۇيىسپەنشىلىكتىڭ مەيىرىنە شومدى.

  «مەن ول كىسىنىڭ ۇلى سياقتى، قاشان شاقىرسا سول ۋاقىتتا جەتىپ بارامىن»

  □ مامەتمۋسا ساۋىت: حالىق قۇرىلتايىنىڭ ۋاكىلى، اتۇش قالاسى تۇگۇرمىتى اۋىلى مايدان باستاۋىش مەكتەبىنىڭ وقىتۋشىسى

  مەن اتۇش قالاسى تۇگۇرمىتى اۋىلى قۇرۇمدۇق قىستاعىنداعى ءبىر قارتپەن تۋىستاستىم. قاريانىڭ وتباسىندا قيىنشىلىعى بار، بيىل 76 جاستا، 2 قىزىن ۇزاتىپ جىبەرگەن، ولار اكەلەرىن ۇنەمى كەلىپ كورە المايدى ەكەن. بۇرىندارى قاريا قيىنشىلىققا جولىقسا بولدى، قىستاقتا تۇراتىن قىزمەت اترەتىنە نەمەسە وتباسىن كوتەرەگە العان كادرلارعا تەلەفون جالعايدى ەكەن، قازىر قاريا قيىنشىلىققا كەزدەسسە بولدى ماعان تەلەفون سوعادى، مەن دە ول كىسىنىڭ ۇلى سياقتى، قاي ۋاقىتتا شاقىرسا سول ۋاقىتتا دايىن بولامىن، شامام كەلگەنىنشە كومەكتەسەمىن. قاريا قاباعات قۋاندى، ول كىسىگە كومەك كورسەتە العانىما مەن دە ىشتەي قاتتى قۋاندىم.

  جۋىرداعى «تۋىستاسۋ اپتالعى» قيمىلىندا مەن قاريانىڭ ۇيىندە 8 كۇن تۇردىم. قاريانىڭ قاتتى باتىڭكەنى كيۋدى جاقسى كورمەيتىنىن بىلگەننەن كەيىن، مەن ول كىسىگە ارنايى بارىپ جۇمساق، جايلى ەتىكتەن بىرەۋىن اكەلىپ بەردىم؛ قارتتىڭ جاسى ۇلعايىپ قالدى، قۇلاعى دا اۋىرلاي باستادى، مەن 19 - قۇرىلتاي رۋحىن ول كىسىگە داۋىستاپ وقىپ بەردىم. قارت جادىراپ قۋاندى، كەزىككەندەردىڭ بارىنە مەنىڭ دە ءبىر ۇلىم بار دەيدى...

«تۋىستاردىڭ قيىنشىلىعىن شەشۋ ءبىزدىڭ جاۋاپكەرشىلىگىمىز»

  □ حاۋ جيانليڭ: ساياسي كەڭەس مۇشەسى، جۇڭگو شارۋا - جۇمىسشى دەموكراتيالىق پارتياسىنىڭ شينجياڭ رايوندىق كوميتەتىنىڭ ارناۋلى ورىنباسار ءتوراعاسى، باس حاتشىسى

  ۇلتتار ىنتىماعى «تۋىستاسۋ اپتالىعى» قيمىلىنا قاتىناسقان سول ءبىرقانشا كۇندە مەن 3 قىزمەتتەسىممەن بىرگە كەلپىن اۋدانى اشالى قالاشىعى باقىت قىستاعىنداعى تۋىسىمىزدىڭ ۇيىندە جاتتىق، باقىت قىستاعى − بىلتىر قونىس جاڭالاپ سۇيەمەلدەۋ بويىنشا سالىنعان جاڭا قىستاق، ونداعى وتباسىلاردىڭ ءبارى جاڭا ۇيگە كوشىپ كىرگەن، ءاربىر وتباسىندا ەگىستىك جەر، كوكونىس اتىزى، قوي قورا بار، قىستاق تاعى ءاربىر وتباسىن سۇيەمەلدەۋ ءۇشىن 10 تۇياقتان قوي بەرىپ، كوكونىس ەگەتىن جىلىجاي سالىپ بەرگەن. تۋىستارمەن ءبىرقانشا كۇن بىرگە بولعاننان كەيىن ولاردىڭ كەدەيلىكتەن قۇتىلىپ، اۋقاتتانۋ ىنتاسى كۇشتى ەكەنىن، باقىتتى تۇرمىسقا قول جەتكىزۋگە تالپىناتىندىعىن كورىپ قاتتى سۇيسىندىك.

  مەنىڭ تۋىسىم مامەت دانىش ەڭبەكقور ادام، قىستاقتىڭ بەرگەن 10 تۇياق قويى قازىر كوبەيىپ 20 تۇياقتان استى. ول باعىمشىلىق كولەمىن كەڭەيتكىسى كەلگەنىمەن قالتاسىنىڭ تايازدىعىن، مال باعۋ تاجىريبەسىنىڭ ازدىعىن ايتتى. تۋىسىمنىڭ قيىنشىلىعىن شەشۋ مەنىڭ بورىشىم. مەن اينالامداعى تانىس - بىلىستەردى اتتانىسقا كەلتىرىپ، ونىڭ ارمانىن ىسكە اسىرۋىنا كومەكتەستىم. ءبىر نيەت، ءبىر ماقساتپەن جۇمىلا كۇش شىعارساق، شەشىلمەيتىن قيىندىق جوق.

«تۋىسقاندىق قاتىناسىمىزءتىپتى دە قويۋلادى»

  ليشا: حالىق قۇرىلتايىنىڭ ۋاكىلى، شاۋەشەك قالاسى راديو - تەلەۆيزيا ستانسياسىنىڭ اقپارات رەداكتورى

  مەنىڭ تۋىسىم شاۋەشەك قالاسى ەمىل اۋىلى اقتام قىستاعىندا تۇراتىن قازاق اعاي. وتباسىندا 3 جان بار، اعاي قالاعا كەلىپ كۇزەتشىلىك جۇمىس ىستەگەننەن باستاپ، ءبىر ءۇيلى جان شاۋەشەك قالاسىنا كوشىپ كەلىپ ءۇي جالداپ تۇرىپ جاتىر، ءبىر ءۇيلى جان تەك اعامىزدىڭ ەڭبەكاقىسىنا عانا سۇيەنەدى. ءبارىمىز ءبىر قالادا بولعان سوڭ، سەنبى، جەكسەنبى كۇندەرى ۇنەمى ولاردىڭ ۇيىنە بارىپ، كومەكتەسىپ تۇرامىن، جەڭگەيمەن بىرگە تاماق ىستەپ، اڭگىمە سوعامىز. اعاي مەن جەڭگەي مەن بارعان سايىن قۋانىپ، بايەك بولىپ كۇتەدى. بىرتە - بىرتە ارامىز جاقىنداپ، ءبىر ءۇيلى جاندارداي بولىپ كەتتىك.

  ءبىر جولى مەن بارعاندا جەڭگەي ماعان قازاق ۇلتىنىڭ ءداستۇرلى تاعامىن جاساپ بەردى. مەن: پا شىركىن، ءدامى بالا كەزىمدە جەگەننەن اۋمايدى، - دەگەن ەدىم، جەڭگەي قۋانىپ: كەلەسى مەرەكەدە مەن سەنىڭ ۇيىڭە بارىپ جاساپ بەرەيىن، - دەدى، ونىڭ بۇل ءبىر اۋىز ءسوزى بالا كەزىمدى ەسكە ءتۇسىردى. ول كەزدە ءبىزدىڭ ءۇي كوپ ۇلت قونىستانعان ۇلكەن اۋلادا تۇراتىن، ءار جىلى مەرەكە - مەيرامدا بارىنەن ەڭ قۋاناتىنى بالالار ەدى، ءار ءۇي وزدەرى ءدامدى تاعام ىستەپ، مەرەكە وتكىزەتىن ۇيگە الىپ بارىپ، مارە - سارە بولىپ مەرەكەنى بىرگە تويلايتىن ەدىك.

  «ۇلتتار ىنتىماعىنىڭ بەرەكەلى شاڭىراعى» قيمىلى ماعان بالا كەزىمدەگى سول قۋانىشتى تاعى سيلادى، ودان دا ماڭىزدىسى، مەن وسى قيمىل ارقىلى ءار ۇلت حالقىنىڭ تىلەكتەس، باۋىرلاس، ءوزارا كومەكتەسەتىن تەرەڭ سۇيىسپەنشىلىگىن تەرەڭ سەزىندىم. قيمىلدىڭ ونان ارى ىشكەرىلەي ورىستەتىلۋىنە ىلەسە، ۇلتتار ىنتىماعىنىڭ تيانشاننىڭ تۇستىگى مەن تەرىستىگىندە ماڭگى قۇلپىرا گۇل اشاتىندىعىنا كامىل سەنەمىن!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «ءتاڭىرتاۋ تورابىنان» الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى